شينجياڭ ەلەكتر قۋاتى قۇرىلىمىن قايتا سومداۋدى جەدەلدەتتى

　　□ انار بۇلت \ شينجياڭ گازەتىنىڭ ءتىلشىسى چىن چياڭۋي

بيىل − ”15 - جىلدىقتىڭ“ باستاما جىلى، شينجياڭنىڭ ەلەكتر تورى قۇرىلىسى بۇرىن بولىپ كورمەگەن ”ءىرى قۇرىلىس، مول جۇمسالىم، زور قارىشتاۋ“ مەزگىلىن قارسى الدى.

بيىل شينجياڭ 37 اسقىن جوعارى كەرنەۋلى ەلەكتر تورى ينجەنەرياسىن جاڭادان سالۋدى، جالعاستىرىپ سالۋدى جوسپارلادى، مۇنىڭ ىشىندە 10 ينجەنەريادا جاڭادان جۇمىس باستالىپ، 27 ينجەنەريا جالعاستىرىپ سالىنادى، جالپى 4831 كيلومەتر 750 كيلوۆولتتىق جەلى سالىنىپ، كەرنەۋ وزگەرتۋ سيىمدىلىعى 81 ميلليون كيلوۆولت - امپەر بولادى.

”مەجەمەن 2030 - جىلعا بارعاندا، شينجياڭنىڭ ەلەكتر تورى ’4 اسقىن جوعارى كەرنەۋلى اينىمالى توك جەتكىزۋ ارناسى، 6 اسقىن جوعارى كەرنەۋلى تۇراقتى توك جەتكىزۋ ارناسى‘ سىندى سىرتقا جەتكىزۋ نەگىزگى تور قۇرىلىمى جۇلگەسىن قالىپتاستىرىپ، شينجياڭنىڭ سىرتقا ەلەكتر جەتكىزۋ قۋاتى 60 ميلليون كيلوۆاتتان اسادى“، - دەدى مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى دامۋدى جوسپارلاۋ ءبولىمى نەگىزگى توردى جوبالاۋ باسقارماسىنىڭ جاۋاپتىسى ياڭ گۇيشيڭ.

بيىلعى ۇكىمەت قىزمەتىنەن باياندامادا ەنەرگيادا قۋاتتى ەل قۇرۋ جوباسى باعدارلاماسىن جاساۋ العا قويىلدى. مۇندا جاڭاشا ەلەكتر قۋاتى جۇيەسى كۇش سالا قۇرىلىپ، زەردەلى ەلەكتر جەلىسى قۇرىلىسى جەدەلدەتىلىپ، ەنەرگيانى جاڭا ۇلگىدە ساقتاۋ تەحنولوگياسى دامىتىلىپ، جاسىل ەلەكتردەن پايدالانۋ كەڭەيتىلەدى.

مەملەكەتتىك ەنەرگيا بايلىعى ستراتەگيالىق قامتاماسىزدىق بازاسى رەتىندە، شينجياڭ ەلەكتر تورى نىسانى قۇرىلىسىن جەدەلدەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتتى.

　　قارجى قوسۋ تەبىنى جىل سايىن ارتتى

”سوڭعى جىلدارى مەملەكەتتىك ەلەكتر تورى شەكتى سەرىكتەستىگىنىڭ شينجياڭ ەلەكتر تورىنا قارجى قوسۋ تەبىنى جىل سايىن ارتىپ، قارجى قوسۋ كولەمى جىل سايىن مولايدى. مۇنىڭ ىشىندە 35 كيلوۆولتتىق − 750 كيلوۆولتتىق نىسانعا قوسىلعان قارجى 2021 - جىلعى 9 ميلليارد يۋاننان استامنان 2025 - جىلى 20 ميلليارد يۋاننان استامعا كوبەيىپ، 2 ەسەنىڭ ۇستىندە ارتتى“. ياڭ گۇيشيڭ: بيىل وسى ينجەنەريا نىساندارى ءالى دە كەڭ كولەمدى قارجى قوسۋ تەبىنىن ساقتايدى، - دەدى.

ەلەكتر تورى قۇرىلىسىنىڭ جۇمىس ورنىنا بارساڭىز، دۋماندى ەڭبەك سالتاناتى بىردەن كوز الدىڭىزعا كەلەدى. 27 اسقىن جوعارى كەرنەۋلى ەلەكتر تورى ينجەنەرياسى ءبىر ۋاقىتتا ىلگەرىلەپ، كولەمى بۇكىل شينجياڭدى شارپىدى. تيانشان تاۋىنان قۇمدى ءشول قويناۋىنا دەيىن، ءشول دالادان كولدەرگە دەيىن بارلىق جەردەن ەلەكتر قۇرىلىسشىلارىنىڭ قاربالاس جۇمىس جۇرگىزگەن بەينەسى بايقالادى.

3 - ايدىڭ سوڭىندا ىلە اڭعارىنداعى ىلە − كۇشارⅡ قايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ العاشقى نەگىزدىك بەتون قۇيۋدى تۇيىندە سىناق ەتۋ قىزمەتى اياقتادى، بۇل وڭتۇستىك، سولتۇستىك شينجياڭنىڭ ەلەكتر قۋاتىن تۇتاستىراتىن وسى ”كۇرە تامىردىڭ“ نەگىزدىك قۇرىلىس كەزەڭىنە جاپپاي وتكەندىگىن اڭعارتادى.

ىلە − كۇشارⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى − مەملەكەتتىڭ ءتۇيىندى نىسانى، سونداي - اق شينجياڭنىڭ تيانشاندى اينالعان باتىس بولىك 750 كيلوۆولتتىق اينالما تورىنىڭ وزەكتى قۇرامداس بولىگى. ينجەنەريا ىلە قازاق اۆتونوميالى وبلىسىنىڭ نىلقى اۋدانىنداعى 750 كيلوۆولتتىق ىلە كەرنەۋ وزگەرتۋ پۋنكتىنەن باستالىپ، اقسۋ ايماعىنىڭ كۇشار قالاسىنداعى 750 كيلوۆولتتىق كۇشار كەرنەۋ وزگەرتۋ پۋنكتىندە اياقتايدى، جەلىنىڭ جالپى ۇزىندىعى 408. 371 كيلومەتر، جاڭادان 741 تەمىر مۇنارا سالىنادى، تەڭىز دەڭگەيىنەن بيىكتىگى 700 مەتردەن 3750 مەترگە دەيىن بولادى.

”ينجەنەريا تيانشان تاۋىن ەندەي ءوتىپ، جان باسپايتىن ءوڭىر، تەڭىز دەڭگەيىنەن بيىك تاۋلى ءوڭىر، بايىرعى مۇزدىقتار بار گەولوگيالىق اپات ءوڭىرى سياقتى كۇردەلى جەر بەدەرىن باسىپ وتەدى، ％70 جول بولىگى تيانشان تاۋىنىڭ قويناۋىنا ورنالاسقان، تەڭىز دەڭگەيىنەن ەڭ بيىك جەرى 3750 مەتر كەلەدى، قۇرىلىس جۇرگىزۋ ەرەكشە قيىن“، - دەدى وسى ينجەنەريا قۇرىلىس نىسانىنىڭ ديرەكتورى لي جۇن.

وسى ينجەنەريا جەلىسىنىڭ جارىمىنان استامى تاۋلى وڭىرگە ورنالاسقان، مۇنارا ورىندارىنىڭ ％37 جەرىنە اۆتوكولىك بارا المايدى، جىلدىق ءونىمدى جۇمىس ۋاقىتى 5 اي عانا، قۇرىلىس ۇجىمى كەزەكشىلىكتى عىلمي ورنالاستىرۋ، وتتەگىمەن قامداۋ، ارناۋلى جابدىقتاردىڭ تۇرپاتىن تاڭداۋ سياقتى تاسىلدەرمەن ينجەنەريانىڭ حاۋىپسىز، ءتارتىپتى ىلگەرىلەۋىنە شىن مانىندە كەپىلدىك ەتتى.

شينجياڭنىڭ بايتاق دالاسىندا وسىنداي دۋماندى قۇرىلىس كورىنىستەرىن تيانشان الابىنىڭ بارلىق جەرىنەن كەزدەستىرۋگە بولادى، ەلەكتر تورى قۇرىلىسى بۇرىن بولماعان سەرپىنمەن جەدەل ىلگەرىلەتىلۋدە.

ۇزدىكسىز ارتقان قارجى قوسۋ ساندى مالىمەتىنىڭ استارىندا مەملەكەتتىڭ شينجياڭنىڭ بۇكىل ەلدىڭ ەنەرگيانى دامىتۋ كەلەلى جاعدايىنداعى ەرەكشە ماڭىزدى ستراتەگيالىق ورنىنا ايرىقشا ءمان بەرگەندىگى جاتىر. وسى ۇسىنىلىمدار ءداستۇرلى ەلەكتر تورىن بەكەمدەۋگە پايدالانىلۋمەن بىرگە، جاڭا ەنەرگيانى جەلىگە تۇتاستىرۋ جانە اسقىن جوعارى كەرنەۋمەن جەتكىزۋ ينجەنەرياسىنا ءتىپتى دە زور مولشەردە بەيىمدەلدى، بۇل شينجياڭ ەكونوميكاسىنىڭ قارىشتاپ دامۋىنا مىعىم ”ەلەكتر قوزعالتقىشى“ بولادى.

　　ەلەكتردى سىرتقا جەتكىزۋ ارناسى كەڭەيەدى

ەگەر ەلەكتر تورىن ەكونوميكالىق دامۋدىڭ قان تامىرى دەسەك، وندا اسقىن جوعارى كەرنەۋلى ينجەنەريا ەلەكتر جەتكىزۋدىڭ ”كۇرە تامىرى“ سانالادى.

شينجياڭنىڭ 2026 - جىلعى جاڭادان سالىناتىن، ۇزدىكسىز سالىناتىن اسقىن جوعارى كەرنەۋلى ەلەكتر تورى ينجەنەرياسىنا كوز جىبەرسەك، ولاردا مىناداي كورنەكتى ورتاقتىق بار: باسىم كوپ ساندى نىساندار ”شينجياڭنىڭ ەلەكترىن سىرتقا جەتكىزۋ“ مەن ”جاڭا ەنەرگيانى جەتكىزۋگە“ قىزمەت وتەۋدى قامتاماسىز ەتۋدى كوزدەگەن.

لوپنۇر 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسى، تاشي 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسى، سونداي - اق شينجياڭ ەلەكترىن (وڭتۇستىك شينجياڭ) سىچۋانعا، چۇڭچيڭگە جەتكىزۋ تەرمينالىنىڭ اعىن اۋىستىرۋ پۋنكتى 750 كيلوۆولتتىق جەلىگە تۇتاستىرۋ ينجەنەرياسى سياقتىلار تۇگەلدەي شينجياڭنىڭ 4 - اسقىن جوعارى كەرنەۋلى تۇراقتى توكتى سىرتقا جەتكىزۋ ينجەنەرياسىنا سايكەسۋ ءۇشىن سالىنعان قوسالقى نىساندار سانالادى.

شينجياڭ ەلەكترىن (وڭتۇستىك شينجياڭ) سىچۋانعا، چۇڭچيڭگە جەتكىزۋ تەرمينالىنىڭ اعىن اۋىستىرۋ پۋنكتى 750 كيلوۆولتتىق جەلىگە تۇتاستىرۋ ينجەنەرياسى، سونداي - اق شينجياڭ ەلەكترىن (وڭتۇستىك شينجياڭ) سىچۋانعا، چۇڭچيڭگە جەتكىزۋ اسقىن جوعارى كەرنەۋلى 750 كيلوۆولتتىق سايكەستىرىلگەن وت ەلەكترىن جەتكىزۋ ينجەنەرياسى چارقىلىق 800± كيلوۆولتتىق اعىن اۋىستىرۋ پۋنكتىمەن تۇتاستىرىلادى، بۇلار تۇگەلدەي ”شينجياڭنىڭ ەلەكترىن سىرتقا جەتكىزۋ“ 4 - ارناسىنىڭ سايكەستى 750 كيلوۆولتتىق جەلىگە تۇتاستىرۋ ينجەنەرياسى سانالادى، جوسپار بويىنشا 2026 - جىلدىڭ سوڭىندا قۇرىلىس باستالىپ، 2028 - جىلى وندىرىسكە قوسىلادى.

وسى ينجەنەريالار چارقىلىق 800± كيلوۆولتتىق اعىن اۋىستىرۋ پۋنكتى ارقىلى شينجياڭنىڭ نەگىزگى تورىمەن تىعىز بايلانىسىپ، بولاشاقتا ”شينجياڭنىڭ ەلەكترىن سىرتقا جەتكىزۋگە“ بەرىك نەگىز قالايدى.

”بيىل جاڭادان سالىناتىن اسقىن جوعارى كەرنەۋلى ەلەكتر تورى نىسانىنىڭ تورتەۋى ’شينجياڭ ەلەكترىن سىرتقا جەتكىزۋ‘ 4 - ارناسىمەن قاتىستى. وسى نىسانداردىڭ تەكسەرىپ بەكىتۋ راسمياتتارى بىرگە وتەلۋدە“، - دەدى ياڭ گۇيشيڭ.

”شينجياڭ ەلەكترىن سىرتقا جەتكىزۋ“ ارناسىن قۇرۋ ارقىلى شينجياڭ مەملەكەت جۇكتەگەن ”ءۇش بازا، ءبىر ارنا“ رولىن تولىق ساۋلەلەندىرىپ، مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىنىڭ دامۋ قاجەتىمەن دالمە - ءدال سايكەسىپ، تازا ەلەكتر قۋاتىن ورتا، شىعىس بولىكتەگى كوتەرىمدىلىك ورتالىقتارىنا جوعارى ونىمدىلىكپەن تىكە جەتكىزىپ، شينجياڭنىڭ ەنەرگيا بايلىعى ارتىقشىلىعىن مەملەكەتتىڭ ەنەرگيا حاۋىپسىزدىگىن قامتاماسىز ەتۋ قابىلەتى مەن جاسىل دامۋدىڭ قوزعالىس قۋاتىنا اينالدىرا الادى.

مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى ەكونوميكا - تەحنولوگيا زەرتتەۋ ورنىنىڭ اقپارات مالىمدەمەشىسى ۋاڭ شياۋبين بىلاي دەدى: ”15 - بەسجىلدىق“ مەزگىلىندە شينجياڭ ەلەكترىن سىرتقا جەتكىزۋ كولەمى ۇزدىكسىز كەڭەيەدى. سالىنىپ بولعان سىرتقا جەتكىزۋ ارناسىنىڭ كومەسكى كۇشى تولىق اشىلىپ، جاسىل ەلەكتر جەتكىزۋ سالىستىرماسى جوعارىلايدى. قۇمتاع، تاكلاماكان ءشولى سياقتى ”قۇمدى ءشول، قۇبا ءتۇز، قۋاڭ دالاداعى“ ەنەرگيا ءىرى بازالارىنىڭ سىرتقا جەتكىزۋ قابىلەتىن زەرتتەۋ، دالەلدەۋ ىشكەرىلەي ورىستەتىلەدى، ”15 - بەسجىلدىق“ مەزگىلىندە شينجياڭ ەلەكترىن سىرتقا جەتكىزۋ 4 - ارناسىنىڭ ىسكە قوسىلۋى كۇش سالا ىلگەرىلەتىلىپ، سىرتقا جەتكىزۋدىڭ 5 -، 6 - ارنالارىندا جۇمىس باستالادى، جوسپار بويىنشا ”15 - بەسجىلدىقتىڭ“ سوڭىنا بارعاندا، ”4 اسقىن جوعارى كەرنەۋلى اينىمالى توك جەتكىزۋ ارناسى، 6 اسقىن جوعارى كەرنەۋلى تۇراقتى توك جەتكىزۋ ارناسى“ سىندى سىرتقا جەتكىزۋ جۇلگەسى قالىپتاسىپ، شينجياڭ سىرتقا ەلەكتر جەتكىزۋ قۋاتى 60 ميلليون كيلوۆاتتان اسادى.

　　جاسىل، تومەن كومىر قىشقىل گازدى تيپ جاڭالاۋعا قۋات ۇستەيدى

2026 - جىلدىڭ باستاماسىندا تۇرىپ، ”15 - بەسجىلدىققا“ كوز جىبەرگەندە، شينجياڭنىڭ جاڭا ەنەرگيا سالاسىنداعى اسقاق ارمانى ءتىپتى ايقىندالا ءتۇستى.

2026 - جىلدىڭ ءبىرىنشى ماۋسىمىندا شينجياڭ ەلەكتر تورىنىڭ جاڭا ەنەرگيامەن ەلەكتر تاراتۋ مولشەرى 38 ميلليارد 100 ميلليون كيلوۆات ساعاتقا جەتىپ، بىلتىرعى سول تۇستاعىدان 8 ميلليارد 400 ميلليون كيلوۆات ساعات ەلەكتردى كوپ تاراتىپ، بۇكىل قوعامدا ەلەكتردەن پايدالانۋداعى ارتقان مولشەردىڭ ％118ىن يەلەدى. بۇل شينجياڭنىڭ جاڭا ەنەرگيانى كولەمدەندىرىپ اشۋ، جوعارى ونىمدىلىكپەن پايدالانۋ دەڭگەيىنىڭ ۇزدىكسىز جوعارىلاعاندىعىن، مەملەكەت ەنەرگياسىنىڭ جاسىل، تومەن كومىر قىشقىل گازدى تيپ جاڭالاۋىنا پارمەندى تىرەك ازىرلەگەندىگىن كورسەتەدى.

2025 - جىلدىڭ سوڭىنا دەيىن شينجياڭ ەلەكتر تورىنىڭ جاڭا ەنەرگيا گەنەراتور اگراگاتتار سيىمدىلىعى جيىنى 169 ميلليون كيلوۆاتتان اسىپ، بۇكىل شينجياڭنىڭ جالپى گەنەراتور اگراگاتتار سيىمدىلىعىنىڭ ％64ىن يەلەپ، جەل ەلەكتر، فوتوۆولت گەنەراتور اگراگاتتارىنىڭ كولەمى تۇگەلدەي مەملەكەت بويىنشا الدىڭعى قاتاردان ورنىقتى ورىن الىپ، جاڭا ەنەرگيا كاسىپ سالاسىنىڭ ءۇرتىس اقاۋسىز دامۋىنا نەگىز قالادى.

بۇگىنگى تاڭدا شينجياڭنىڭ ەلەكتر تورى قۇرىلىسى نەگىزگى تور جۇلگەسىن كۇشەيتۋ، سىرتقا جەتكىزۋ ارناسىن كەڭەيتۋ، جاڭاشا ەلەكتر قۋاتى جۇيەسىن قۇرۋ سىندى 3 ۇلكەن ءتاسىل ارقىلى مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىنىڭ دامۋ قاجەتىمەن ىشكەرىلەي سايكەسىپ، بايلىق ابزالدىلىعىنىڭ قامداۋعا كەپىلدىك ەتۋ مەن ەكونوميكالىق ابزالدىلىققا اينالۋىن جۇزەگە اسىرۋدا.

بيىل جاڭادان سالىناتىن، ۇزدىكسىز سالىناتىن اسقىن جوعارى كەرنەۋلى ينجەنەريادان الىپ قاراعاندا، جاڭا ەنەرگيانى جەلىگە تۇتاستىرۋ ينجەنەرياسى مۇلدە باسىم ورىندى يەلەگەن. قۇلىستاي 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسىنان قارامايلى 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسىنا دەيىن، مەيگۇيچۋان 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسىنان جياڭجۇنمياۋ 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسىنا دەيىن، وسى ينجەنەريالار سالىنىپ بولعان سوڭ، شينجياڭنىڭ 10 ميلليون كيلوۆات دارەجەلى جاڭا ەنەرگيا بازاسىنىڭ جەل ەنەرگياسىن، كۇن ەنەرگياسىن ۇلكەن ەلەكتر تورىنا تۇتاستىرىپ، شينجياڭ ەلەكتر تورىنىڭ جاڭا ەنەرگيانى قابىلداۋ قۋاتىن اناعۇرلىم كۇشەيتەدى.

ۋاڭ شياۋبين بىلاي دەدى: ”15 - بەسجىلدىق“ كەزىندە شينجياڭنىڭ ەلەكتر تورى قۇرىلىسى جوباسىنا قوسىلاتىن قارجى 100 ميلليارد يۋاننان اسادى. وسى كەلەلى قارجى قوسۋ جوسپارىنىڭ ماقساتى شينجياڭنىڭ ەكونوميكالىق، قوعامدىق دامۋىنا، اسىرەسە، اليۋمين نەگىزدى، زەردەلى ەسەپتەۋ ورتالىعى سياقتى جوعارى كوتەرىمدىلىكتەگى ەنەرگيا نىساندارىنىڭ ەلەكتردەن پايدالانۋ قاجەتىنە تىرەك بولۋ.

نىسان سالىنىپ بولعاننان كەيىن، شينجياڭنىڭ جاڭا ەنەرگيا كاسىپ سالاسىن جەبەۋ رولى جونىنەن توڭكەرىستىك سيپات الادى. مەجەمەن ”15 - بەسجىلدىقتىڭ“ سوڭىندا شينجياڭنىڭ بۇكىل شينجياڭ بويىنشا ەلەكتر تۇتىنۋ كوتەرىمدىلىگى، ەلەكتر مولشەرىنىڭ جىلدىق ورتاشا ارتۋ سالىستىرماسى جەكە - جەكە ％8. 7كە جانە ％9. 6كە جەتەدى.

وسى ارتۋدى قاناعاتتاندىرۋ ءۇشىن، ”15 - بەسجىلدىقتىڭ“ سوڭىنا بارعاندا، شينجياڭنىڭ جاڭادان ارتقان ەلەكتردەن پايدالانۋ قاجەتى، نەگىزىنەن، جاڭادان ارتقان جاڭا ەنەرگيامەن ەلەكتر تاراتۋ ارقىلى قاناعاتتاندىرىلىپ، جاڭا ەنەرگيا گەنەراتور اگراگاتتارىنىڭ يەلەيتىن سالىستىرماسى ％65تەن اسادى.

بۇل نىسانا عانا ەمەس، تىپتەن، تەرەڭ ەنەرگيا وزگەرىسى سانالادى. جاڭا ۇلگىدە ەنەرگيا ساقتاۋ، جارىق - جىلۋ ەنەرگياسى سياقتى جاقتارداعى رەتتەۋ قابىلەتى قۇرىلىسىن ىلگەرىلەتۋ ارقىلى شينجياڭ ەلەكتر تورىنىڭ جاڭا ەنەرگيانى قابىلداۋ، ورنالاستىرۋ جانە رەتتەۋ قابىلەتىن زور مولشەردە جوعارىلاتىپ، جەل، جارىق، سۋ، وت سىندى كوپ ەنەرگيانىڭ ءبىر - ءبىرىن تولىقتاۋىن جۇزەگە اسىرادى. سول كەزدە شينجياڭنىڭ وڭتۇستىك شينجياڭ مەن سولتۇستىك شينجياڭ ءوزارا كومەكتەسەتىن، شىعىس پەن باتىس ءوزارا قامدايتىن وزەكتى قيما بەتتىك ەلەكتر قۋاتىن اۋىستىرۋ قابىلەتى 10 ميلليون كيلوۆاتتان اساتىن بولادى.