تىلشىلەرىمىز ما چىڭلۋ، سۇن ي - نان، چين لەي حابارلايدى. 4 - ايدىڭ 10 - كۇنى ىلە وبلىستىق پارتكومنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ٴماجىلىسىن وتكىزىپ، باس شۋجي شي جينپيڭنىڭ جالپى تۇلعالىق مەملەكەت حاۋىپسىزدىگى كوزقاراسى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مەملەكەت حاۋىپسىزدىگىن قورعاۋدىڭ جاۋاپكەرشىلىك سەزىمى مەن كوكەي تەستىلىك سەزىمىن ونان ارى كۇشەيتىپ، دامۋ مەن حاۋىپسىزدىكتى ٴبىر تۇتاس جوسپارلاۋ قابىلەتىن جوعارىلاتىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قورعادى. وبلىستىق پارتكومنىڭ شۋجيى ياڭ شيۋلي ٴماجىلىستى باسقاردى.

ماجىلىستە مەملەكەت قورعانىسى عىلىم - تەحنولوگيا داشۋەسىنىڭ پروفەسسورى ارناۋلى تاقىرىپتا پىسىقتاۋ جاساۋعا ەرەكشە ۇسىنىس ەتىلدى، ياڭ شيۋلي، حاۋ لەي، قايرات اشىك، رىن جياندۇڭ پىكىر اۋىستىرىپ ٴسوز سويلەدى، وبلىستىق پارتكومنىڭ باسقا تۇراقتى مۇشەلەرى جازباشا پىكىر اۋىستىردى.

ياڭ شيۋلي مىنالاردى اتاپ كورسەتتى: ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنۋ، ”ەكىنى قورعاۋدى“ باتىل ورىنداۋ ساياسي تۇرعىسىنان باس شۋجي شي جينپيڭنىڭ جالپى تۇلعالىق مەملەكەت حاۋىپسىزدىگى كوزقاراسى جونىندەگى ماڭىزدى بايىمداۋلارىن ىشكەرىلەي ۇيرەنىپ، ەگجەي - تەگجەيلى ٴتۇسىنىپ، مەملەكەت حاۋىپسىزدىگىنىڭ جاڭا جاعدايىن، جاڭا مىندەتىن، جاڭا تالابىن دالمە - ٴدال يگەرىپ، مەملەكەت حاۋىپسىزدىگىن قورعاۋ تانىمى مەن قابىلەتىن كۇشەيتۋ كەرەك. ىلەنىڭ قىزمەتىن بۇكىل ەلدىڭ، بۇكىل شينجياڭنىڭ جالپى جاعدايىنا قويىپ جانە جوسپارلاپ، باستان - اياق سەرگەك تانىمدى ساقتاپ، ٴداستۇرلى سالالار مەن ٴداستۇرلى سالالارعا جاتپايتىن سالالاردىڭ حاۋىپسىزدىگىن ويداعىداي ٴبىر تۇتاس جوسپارلاپ، ىلەنىڭ دايەكتىلەندىرۋ، تياناقتاندىرۋ ساياساتىن، دانەكەرىن، مىندەتىن جانە شارالارىن ىشكەرىلەي زەرتتەپ، قازىرگى مەن ۇزاق بولاشاقتىڭ قاتىناسىن ويداعىداي شەشىپ، تۇتاس قوعامنىڭ، ٴارقايسى جاقتىڭ سايكەسۋ رولىن ويداعىداي جۇمىلدىرۋ كەرەك.

ياڭ شيۋلي مىنالاردى باسا دارىپتەدى: مەملەكەت حاۋىپسىزدىگى مەن قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، نازاردى ەلەۋلى حاۋىپ ـ قاتەرلەردەن ساقتانۋعا جانە ونى جويۋعا شوعىرلاندىرىپ، بارلىق ادام ات سالىسۋعا تاباندى بولىپ، قىزمەت مەحانيزمىن اقاۋسىزداندىرىپ، ٴتۇرلى حاۋىپ ـ قاتەردى سارالاپ، ناقتى ونىمدىلىككە تالپىنۋ، دالمە ـ ٴدال، ەگجەي ـ تەگجەيلى بولۋ جاعىنا كۇش سالىپ، مەملەكەت حاۋىپسىزدىگى جاۋاپكەرشىلىك ٴتۇزىمىنىڭ ناقتاپ تياناقتانۋىنا شىنايى كەپىلدىك ەتۋ كەرەك. سايكەستىرۋ مەحانيزمىنىڭ ٴبىر تۇتاس جوسپارلاۋ، سايكەستىرۋ رولىن ويداعىداي ساۋلەلەندىرىپ، ٴتۇيىندى سالالارداعى حاۋىپسىزدىك كومەسكى كىناراتتارىن دەر كەزىندە بايقاپ، جويىپ، ورگانيكالى ۇشتاسقان، ٴبىر باعىتتا كۇش سالاتىن قىزمەت جاعدايىن قالىپتاستىرۋ كەرەك. زاڭمەن باسقارۋ وي جەلىسى مەن زاڭمەن باسقارۋ ٴتاسىلىن مەملەكەت حاۋىپسىزدىگى قىزمەتىنىڭ تۇتاس بارىسىنا، ٴارقايسى بۋىندارىنا ٴسىڭىرىپ، زاڭمەن باسقارۋ تاسىلىنەن ويداعىداي پايدالانىپ، زاڭعا قايشى قىلمىستىق ارەكەتتەردى زاڭ بويىنشا قاتاڭ جازالاپ، زاڭمەن باسقارۋ پاراساتى ارقىلى مەملەكەت حاۋىپسىزدىگىن قورعاۋ كەرەك. مەملەكەت حاۋىپسىزدىگىن زاڭمەن باسقارۋ ۇگىت تاربيەسىن زاڭ جالپىلاستىرۋ مازمۇنىنا ٴسىڭىرىپ، قالىڭ كادرلار مەن بۇقارانى مەملەكەت حاۋىپسىزدىگىنە زيان جەتكىزەتىن ٴتۇرلى زاڭعا قايشى ارەكەتتەردى ىرىقتىلىقپەن تەجەۋگە، اشكەرەلەۋگە تاربيەلەپ جانە جەتەكتەپ، جالپى حالىق مەملـەكەت حـاۋىپسىزدىگىنـە ات سالىساتىن قوعامدىق اۋان قالىپتاستىرۋ كەرەك.

ىلە وبلىستىق پارتكومنىڭ نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋى اياقتاعاننان كەيىن، وبلىستىق پارتكوم تۇراقتى كوميتەتىنىڭ باسشىلىق القاسى ىلە - شالا دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى بويىنشا كىتاپ وقۋ كۋرسىن وتكىزدى.