”جاساۋ كاسىبىن، ءسوز جوق، بەكەمدەۋ كەرەك“

　　− ەلىمىز جاساۋ كاسىبىندە قۋاتتى ەل قۇرىلىسىن جەدەلدەتىپ، جوعارى ساپالى دامۋ نەگىزىن بەكەمدەدى

　　□ شينحۋا اگەنتتىگىنىڭ ءتىلشىسى جوۋ يۋان

جاساۋ كاسىبى − ەل بولىپ تۇرۋدىڭ تياناعى، مەملەكەتتى قۇدىرەتتەندىرۋدىڭ نەگىزى. باس شۋجي شي جينپيڭ: ”ءارقانداي ۋاقىتتا جۇڭگودا جاساۋ كاسىبى كەم بولسا بولمايدى“، ”جاساۋ كاسىبىن، ءسوز جوق، بەكەمدەۋ كەرەك“، - دەپ قايتا - قايتا باسا دارىپتەدى.

”15 - بەسجىلدىق“ جوبا باعدارلاماسىندا ”جاساۋ كاسىبىندە قۋاتتى ەل قۇرۋدى جەدەلدەتۋ“ ايقىندالدى ءارى جاساۋ كاسىبىنىڭ ۇيلەسىمدى سالىستىرماسىن ساقتاۋ، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن، ت.ب قۇرۋ ورتاعا قويىلدى.

”15 - بەسجىلدىق“ سىندى نەگىزدى بەكەمدەيتىن، جاپپاي كۇش سالاتىن شەشۋشى مەزگىلگە قادام تاستاعاندا، ءبىز جاڭا كەزەكتى عىلىم - تەحنولوگيا توڭكەرىسى مەن كاسىپ سالاسى وزگەرىسى سىندى تاريحي ورايدى مىقتى يگەرىپ، ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا قويۋعا تاباندى بولىپ، جاساۋ كاسىبىنىڭ جوعارى دەڭگەيلىلەنگەن، زەردەلىلەنگەن، جاسىلدانعان دامۋىن ىلگەرىلەتىپ، جوعارى ساپالى دامۋ نەگىزىن ۇزدىكسىز بەكەمدەۋىمىز كەرەك.

　　قۋاتتى ارتتىرىپ، ەكونوميكا نەگىزىن بەكەمدەدى

3 - ايدىڭ سوڭىندا دۇنيە جۇزىلىك ەرەن موتوتسيكل جۇلدەلى جارىسىنىڭ پورتۋگاليا ايالداماسى جارىسىندا، ەلىمىز زاۆود - كاسىپورىندارىندا وندىرىلگەن ”جاڭشۋە جيچى“ ورتاشا دارەجەدەگى گرۋپپالار جارىسىندا ارت - ارتىنان 2 رەت اعا جۇلدەگەر بولىپ، شەتەل ماركالارىنىڭ نەشە ون جىلدىق مونوپوليالاۋىن تالقاندادى.

شەتەل مەديالارى بىلاي دەپ اشىق ايتتى: ”جاڭشۋە جيچىنىڭ“ تابىسقا جەتۋى جۇڭگو جاساۋىنىڭ ناقتى قۋاتىن جانە ونىڭ استارىنداعى بەرىك كاسىپ سالاسى تىرەگى جۇيەسى مەن جەرگىلىكتى ورىننىڭ كەمەلدى قامداۋ تىزبەگىن ايگىلەدى.

ءبىر مەملەكەتتىڭ باسەكەلىك قۋاتى جاساۋ كاسىبىنىڭ ورەسىندە زور دارەجەدە بەينەلەنەدى. جاساۋ كاسىبىنىڭ جوعارى ساپالى دامۋى ەلىمىز ەكونوميكاسىنىڭ جوعارى ساپالى دامۋىنداعى ەڭ ماڭىزدى ءتۇيىن.

”13 - بەسجىلدىق“ جوبا باعدارلاماسىندا ”جاساۋ كاسىبىندە قۋاتتى ەل ستراتەگياسىن اتقارۋ“ ايقىندالعاننان ”14 - بەسجىلدىق“ جوبا باعدارلاماسىندا ”جاساۋ كاسىبىندە قۋاتتى ەل ستراتەگياسىن ىشكەرىلەي اتقارۋ“ ورتاعا قويىلعانعا، ونان ”15 - بەسجىلدىق“ جوبا باعدارلاماسىندا ”جاساۋ كاسىبىندە قۋاتتى ەل قۇرۋدى جەدەلدەتۋ“ ورنالاستىرىلعانعا دەيىن جاساۋ كاسىبىنىڭ جوعارى ساپالى دامۋىن ىلگەرىلەتۋ تالابى باستان - اياق دايەكتىلەنىپ، بىرتىندەپ تەرەڭدەدى.

ءتىلشى تەكسەرۋ - زەرتتەۋ بارىسىندا جەر - جەردىڭ، تاراۋلاردىڭ وسىزاماندانعان كاسىپ سالاسى جۇيەسىن كوزدەپ، نازاردى جاڭاشا وندىرگىش كۇشتەردى زورايتۋعا شوعىرلاندىرىپ، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ۇزدىكسىز ىلگەرىلەتكەندىگىن شىنايى سەزىندى.

دۇنيە جۇزىنە نازار سالساق، 100 جىلدىق وزگەرىس جەدەل قۇبىلىپ، جاڭا كەزەكتى عىلىم - تەحنولوگيا توڭكەرىسى مەن كاسىپ سالاسى وزگەرىسى جەدەل ىلگەرىلەتىلدى، جاساۋ كاسىبىنىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلدى، تەجەۋ، قىسىم جاساۋ كۇشەيدى، باسەكە كۇن سايىن شيەلەنىستى، قۋىپ جەتۋ اياق الىسى تەزدەدى. ىشكى جاققا قاراساق، ەلىمىزدىڭ جاساۋ كاسىبى جالپى تۇلعالىق جاقتان ۇلكەن بولعانىمەن كۇشتى ەمەس، دەربەس جاڭالىق اشۋ قۋاتى، بايلىقتان پايدالانۋ ونىمدىلىگى، كاسىپ سالاسى قۇرىلىمى دەڭگەيى سياقتىلاردى جوعارىلاتۋعا تۋرا كەلەدى، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن جەدەل قۇرۋعا ءزارۋ.

ونەركاسىپ جانە ينفورماتسيالاندىرۋ مينيسترلىگىنىڭ جاۋاپتىسى مىنالاردى ءبىلدىردى: ”15 - بەسجىلدىق“ مەزگىلىندە ولقىلىقتاردى تولىقتاپ، ارتىقشىلىقتى ساۋلەلەندىرىپ، ورايدى الدىمەن يگەرىپ، جاساۋ كاسىبىنىڭ ۇيلەسىمدى سالىستىرماسىن كۇش سالا ساقتاپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتىپ، دامۋ نەگىزىن اناعۇرلىم ورنىقتىرىپ، سەرپىمدىلىگىن اناعۇرلىم كۇشەيتىپ، جاساۋ كاسىبىنىڭ ءتۇيىندى سەرپىلىس جاساۋدان جاپپاي الدىڭعى قاتارعا ءوتۋىن جۇزەگە اسىراتىن ستراتەگيالىق سەكىرىستى ىلگەرىلەتەمىز.

”چاڭ - ى“ ايعا قوندى، ”تيانحى“ كەڭىستىككە جايعاستى، ”بەيدوۋ“ تور قالىپتاستىردى، 504 ءتۇرلى نەگىزگى ونەركاسىپ ءونىمىنىڭ باسىم كوپ ساندىسىنىڭ ءونىم مولشەرى دۇنيە ءجۇزى بويىنشا ءبىرىنشى ورىندى يەلەدى، ءتۇيىندى كاسىپ سالاسى تىزبەگىنىڭ دەربەس مەڭگەرىلۋ دەڭگەيى ورنىقتى جوعارىلادى... مىعىم ”قورىنا“ سۇيەنىپ، ەلىمىز جاساۋ كاسىبىنىڭ ارتقان قۇنى ءۇرتىس 16 جىل دۇنيە ءجۇزى بويىنشا الدىڭعى ورىندى ورنىقتى يەلەپ، عاسىرلىق ىندەتكە توتەپ بەرۋگە، ءبىر قىدىرۋ ەلەۋلى حاۋىپ - قاتەرلەردى جويۋعا بەرىك تىرەك ازىرلەدى.

2035 - جىلى جاڭاشا ونەركاسىپتەندىرۋدى نەگىزىنەن جۇزەگە اسىرۋ نىساناسىن كوزدەگەن ”15 - بەسجىلدىق“ جاڭاشا ونەركاسىپتەندىرۋدى ىلگەرىلەتۋدەگى ماڭىزدى قامال الۋ مەزگىلى جانە جاساۋ كاسىبىنىڭ ۇلكەننەن كۇشەيۋگە قاراي سەكىرۋىندەگى شەشۋشى تەرەزەلىك مەزگىل، ءسوز جوق، جاساۋ كاسىبىندە قۋاتتى ەل قۇرىلىسىندا ماندىك ىلگەرىلەۋشىلىككە قول جەتكىزۋدى ىلگەرىلەتۋ كەرەك.

حۋناننىڭ ”15 - بەسجىلدىق“ جوبا باعدارلاماسىندا وزىق جاساۋ كاسىبى بيىگىنىڭ بەلگى سيپاتى ينجەنەرياسىن ۇزدىكسىز اتقارۋ ورتاعا قويىلدى؛ شاڭحايدىڭ ”15 - بەسجىلدىق“ جوبا باعدارلاماسىندا ”شاڭحاي جاساۋى“ ماركاسىن جاراتۋ ايقىندالدى؛ چۇڭچيڭنىڭ ”15 - بەسجىلدىق“ جوبا باعدارلاماسىندا جاساۋ كاسىبىندەگى قۋاتتى قالانى جوعارى ساپامەن قۇرۋ تالاپ ەتىلدى...

”ەلىمىزدىڭ جاساۋ كاسىبى كولەمدىك ابزالدىلىق پەن جاڭالىق اشۋ نەگىزىن ازىرلەدى، ’15 - بەسجىلدىق‘ مەزگىلىندە ستراتەگيالىق تاباندىلىقتى ساقتاپ، نازاردى شەشۋشى سالالارعا شوعىرلاندىرادى، ’ىلەسىپ جۇگىرۋدەن‘ ’قاتار جۇگىرۋگە‘، ’باستاپ جۇگىرۋگە‘ قاراي وتۋگە قابىلەتىمىز ابدەن جەتەدى، جاڭاشا ونەركاسىپتەندىرۋدى نەگىزىنەن جۇزەگە اسىرۋعا بەرىك نەگىز قالادىق“، - دەدى جۇڭگو ينفورماتسيا - حابارلاسۋ زەرتتەۋ اكادەمياسى ساياسات جانە ەكونوميكا زەرتتەۋ ورنىنىڭ باستىعى شين يۇڭفي.

　　ساپانى جوعارىلاتىپ، ونىمدىلىكتى ارتتىرىپ، دامۋ جاڭا قوزعالىس قۋاتىن سومدادى

قازىر بەيجيڭنىڭ يجۋاڭىندا ادام ءپىشىندى قۇلتەمىر جارتى ارالىقتى مارافون جارىسىنا شۇعىل دايىندالۋدا. بيىل كوپتەگەن ”ساڭلاق“ سەكۋندىنا 6 مەتر جۇگىرە الاتىن بولدى، ءار كيلومەتردەگى جىلدامدىعى كاسىپتىك سپورتشىلاردىڭ دەڭگەيىنەن قالىسپادى.

”15 - بەسجىلدىقتىڭ“ باستاما جىلىندا ادام ءپىشىندى قۇلتەمىردى ۋاكىل ەتكەن بەينەلىك زەردە قۇلتەمىرى بارعان سايىن ”تەز“ جۇگىرىپ، بارعان سايىن ”دەڭگەيى ءوسىپ“، جۇڭگو جاساۋىنىڭ ”بيىككە“ تالپىنعان، ”جاڭاعا“ ۇمتىلعان ەكپىندەي ىلگەرىلەۋ بەينەسىن ايگىلەدى.

”جاساۋ كاسىبىنىڭ كورنەكتى ساپا ينجەنەرياسىن ىشكەرىلەي اتقارۋ“، ”كاسىپ سالاسى تىزبەگىنىڭ دەربەس مەڭگەرىلمەلى دەڭگەيىن جوعارىلاتۋ“، ”جاساۋ كاسىبى بويىنشا زەردەلىلەندىرىپ جاڭالاۋ، سيفرلاندىرۋعا قاراي بۇرىلىس جاساۋ، تورلاستىرىپ تۇتاستىرۋدى‘جەبەۋ“، ”شەشۋشى، وزەكتى تەحنولوگيالاردان قامال الۋ شايقاسىن ويداعىداي جۇرگىزۋ“... ”15 - بەسجىلدىق“ جوبا باعدارلاماسىندا ءبىر قىدىرۋ قاتاڭ ورنالاستىرۋلار جاسالىپ، جاساۋ كاسىبىندە قۋاتتى ەل قۇرىلىسىنىڭ ”قۇرىلىس چەرتوجى“ جاسالدى.

جاساۋ كاسىبىنىڭ وزەگى − جاڭالىق اشۋ، شەشۋشى، وزەكتى تەحنولوگيالاردى يگەرۋ.

تاياۋدا ەلىمىز دەربەس زەرتتەپ اشقان T1200 دارەجەلى ەرەكشە جوعارى توزىمدىلىكتەگى كومىر تالشىعى رەسمي جاريالاندى، بۇل قازىر دۇنيە ءجۇزى بويىنشا توزىمدىلىگى ەڭ جوعارى ونەركاسىپتەنگەن مولشەرمەن وندىرىلەتىن كومىر تالشىعى. ”وسى تەحنولوگيادان سەرپىلىس جاساۋدىڭ ارقاسىندا، ەلىمىزدە وندىرىلگەن ءىرى ۇشاق ءتىپتى دە جەڭىل بولدى، تەرەڭ كەڭىستىكتى بارلاۋ اۋماعى ءتىپتى دە كەڭەيدى، جاڭا ەنەرگيالى اۆتوكولىكتىڭ توقتاۋسىز ءجۇرۋى ءتىپتى دە ۇزاردى، ول بولاشاقتاعى كاسىپ سالاسىن ءتىپتى دە سەنىمدى ’تىرەكپەن‘ قامدادى“، - دەدى زەرتتەۋ - اشۋ جاۋاپتىسى چىن چيۋفي.

بەيجيڭ تۇڭعىش توپتاعى 50 جاساۋ كاسىبىنىڭ ارالىق سىناق تۇعىرىن اشتى؛ جياڭسۋ ولكە دارەجەلى جاڭالىق اشۋ بىرلەسكەن تۇلعاسىن قۇرۋعا تاعى قولداۋ كورسەتۋدى جوسپارلادى، بۇل جوعارى دەڭگەيلى جاساۋ، وزىق ماتەريال سياقتى جاقتاردى قامتيدى؛ شاندۇڭ ”عىلىم - تەحنولوگيا مەن ونەركاسىپتى ءبىر تۇلعالاندىرۋ“ ارەكەت جوباسىن شىعارىپ، جوعارى ساپالى عىلىم - تەحنولوگيامەن قامداۋدى، جاڭاشىل دارىندىلارمەن تىرەك بولۋدى، ت. ب كۇشەيتتى... تاراپتار عىلىم - تەحنولوگيادا جاڭالىق اشۋ ارقىلى جاساۋ كاسىبىنىڭ دامۋىنا جەتەكشىلىك ەتىپ، ءتۇيىندى كاسىپ سالاسى تىزبەگىنىڭ، قامداۋ تىزبەگىنىڭ ورنالاسۋىن ارقاۋ ەتىپ، ”القىمداعان“ بۋىنداردى ءداپ باسىپ تاۋىپ، جۇڭگو جاساۋىنىڭ باسەكەلىك قۋاتىن ۇزدىكسىز جوعارىلاتتى.

جوعارى دەڭگەيلىلەنۋگە، زەردەلىلەنۋگە، جاسىلدانۋعا جانە توعىسۋعا تاباندى بولۋ − جاساۋ كاسىبىنىڭ جوعارى ساپالى دامۋىنىڭ ىشكى ءمانى ءارى جۇڭگو جاساۋىنىڭ قۇن تىزبەگى جوعارى دەڭگەيىنە كوتەرىلۋىن ىلگەرىلەتۋدىڭ تابيعي تالعامى.

شىنجىندا كوپتەگەن جاساۋ كاسىپورىندارى شەكارا اتتاپ توعىسىپ، ”ونىممەن قامداۋشى ساۋداگەردەن“ ”امبەباپ قىزمەت وتەۋشى ساۋداگەرگە“ قاراي بۇرىلىس جاسادى: داجياڭ ۇشقىشسىز ۇشاق قاتتى بولشەكتەرىن ساتۋدان ”اۋىل شارۋاشىلىعى بويىنشا وسىمدىك قورعاۋ ماسەلەسىن شەشۋ جوباسىمەن“ قامداۋعا دەيىن قاتىستى قىزمەت وتەۋ كىرىسىنىڭ يەلەگەن سالىستىرماسى ％30تەن استى؛ قوزعاۋشى كۇش باتارەيا كاسىپورنى شينۋاڭدا التى ولشەمدى ماگنيتتى قالقىما ءوندىرىس جەلىسىن، سيفرلى ەگىز جۇيەنى قۇرىپ، ءوزىنىڭ جاساۋ ونىمدىلىگىن جوعارىلاتۋمەن بىرگە، سىرتقا زەردەلى جاساۋ بويىنشا شەشۋ جوباسىن شىعاردى.

بيىل الدىڭعى 2 ايدا بۇكىل ەلدەگى كولەمنەن جوعارى جوعارى تەحنولوگيالى جاساۋ كاسىبىنىڭ ارتقان قۇنى سايكەس مەزگىلدەگىدەن ％1. 13، جابدىق جاساۋ كاسىبىنىڭ ارتقان قۇنى سايكەس مەزگىلدەگىدەن ％3. 9 ارتتى؛ ”جاساندى زەردە + جاساۋ“ ارناۋلى ارەكەتى ىشكەرىلەي اتقارىلىپ، كولەمنەن جوعارى جاساۋ كاسىبى كاسىپورىندارىنىڭ جاساندى زەردە تەحنولوگياسىن قولدانۋدى جالپىلاستىرۋ مولشەرى ％30تەن استى؛ بۇكىل ەل بويىنشا جيىنى 8336 جاسىل زاۆود جەتىلدىرىلدى...

جوعارى دەڭگەيدى جەتەكشى، زەردەنى قوزعالتقىش، جاسىل ءتۇستى نەگىز، توعىسۋدى جول ەتكەن ءبىر رەتكى جاڭا وزگەرىس جۇڭگو جاساۋىنىڭ جاڭا باسىمدىعىن ىشكەرىلەي قايتا سومداۋدا.

　　جاعدايدى قايتا سومداپ، كاسىپ سالاسىنىڭ جاڭا ءورىسىن كەڭەيتتى

وڭىرلەردىڭ سايكەستى دامۋى − جاساۋ كاسىبىنىڭ جوعارى ساپالى دامۋىن ىلگەرىلەتۋدىڭ ماڭىزدى تىرەگى.

”ۇزاق ۋاقىتتان بەرى، ەلىمىزدە وڭىرلەر دامۋىنىڭ بىركەلكى، سايكەستى بولماۋ قايشىلىعى كورنەكتى بولىپ، كاسىپ سالاسى دامۋىنىڭ ستراتەگيالىق تەرەڭگە بويلاۋ باسىمدىعى تولىق ساۋلەلەنبەدى“. بەيجيڭ قالالىق قوعامدىق عىلىمدار اكادەمياسى باسقارۋ، زەرتتەۋ ورنىنىڭ تەتە اعا زەرتتەۋشىسى ۋاڭ پىڭ بىلاي دەدى: بايلىق فاكتورلارىنىڭ ءتارتىپتى جىلجۋىن جەبەپ، جاساۋ كاسىبىنىڭ ءتارتىپتى ويىسۋىنا، وڭىرلەردىڭ ۇيلەسىمدى جۇمىس بولىسىنە جەتەكشىلىك ەتۋ بىرلەسە قيمىلداپ داميتىن جاساۋ كاسىبىنىڭ دامۋ جاعدايىن قالىپتاستىرۋعا ءتيىمدى.

كەزەكتە ەلىمىز وڭىرلەردىڭ سايكەستى دامۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق رايون ستراتەگياسى سياقتىلاردىڭ ىشكەرىلەي توعىسۋىن ورنىقتى ىلگەرىلەتىپ، جۇڭگو جاساۋى كارتاسىن ۇزدىكسىز ساپالىلاندىرىپ، ۇزدىكسىز جاڭا ءورىس اشتى، جاڭا ومىرشەڭ كۇشتى تاسقىنداتتى.

سايكەستى كۇش سالىپ، وڭىرلىك ورنالاستىرۋدى ساپالىلاندىردى. بەيجيڭ باس شتابى وزەكتى تەحنولوگيالاردى زەرتتەپ اشتى، تيانجين شەشۋشى يقۋاتتى بولشەكتەردى جاسادى، حىبەي لاڭفاڭ تۇتاس ماشينانى قۇراستىردى جانە سىناق ەتىپ دالەلدەدى، بەيجيڭ جيڭدياۋ توبى جەر - جەردىڭ ابزال بايلىعىنان تولىق پايدالانىپ، بەيجيڭ − تيانجين − حىبەيدە كاسىپ سالاسى تىزبەگىنىڭ ورنالاسۋىن ساپالىلاندىرىپ، ”ءبىر ستانوك، 3 جەر زەردەلى جاساۋدى“ جۇزەگە اسىردى.

جەرگىلىكتى جاعدايعا قاراي ىستەپ، ەرەكشەلىككە يە شوعىردى قالىپتاستىردى. يۇيلين - وردۋس - نيڭدۇڭ وسى زامانعى كومىر حيميا ونەركاسىبى شوعىرى بايلىق قاسيەتىن تياناق ەتىپ، كومىر حيميا ونەركاسىبى كاسىپ سالاسىنىڭ دامۋىن جەبەدى؛ حۋنان چاڭشا قۇرىلىس ماشينالارى شوعىرىنا دۇنيە جۇزىندەگى قۇرىلىس ماشينالارىنداعى 50 مىقتى كاسىپورىن جينالىپ، جوعارى دەڭگەيلى جابدىق سالاسىندا تەحنولوگيالىق سەرپىلىستەرگە ۇزدىكسىز قول جەتكىزدى...

كاسىپ سالاسىنىڭ ورنالاسۋى ۇزدىكسىز ساپالىلانىپ، ەسىك اشۋ اياق الىسى اناعۇرلىم بەكەمدەلدى.

تاياۋدا گۋاڭدۇڭنىڭ جانجياڭ قالاسىندا باسف (گۋاڭدۇڭ) ءبىر تۇلعالانعان بازا نىسانى جاپپاي وندىرىسكە قوسىلدى، بۇل گەرمانيا كاسىپورىندارىنىڭ جۇڭگودا قوسقان قارجى كولەمى ەڭ ۇلكەن دەربەس قارجىلى جەكە نىسان.

10 مىڭ شاقىرىم شالعايداعى ۆەنگريانىڭ تاۋتاۋبانيو قالاسىندا جۇڭليان جۇڭكى جارنا شەكتى سەرىكتەستىگىنىڭ ۆەنگرياداعى زەردەلى كران زاۆودى (1 - مەرزىمدىك) جۇمىس باستاپ، ەۆروپاداعى قاريدارلاردى ورنىقتى، جوعارى ءونىمدى ونىمدەرمەن قامدايدى، سونداي - اق اناعۇرلىم كەمەلدى جەرگىلىكتەنگەن قىزمەت وتەۋ ازىرلەيدى.

جاساۋ كاسىبى سالاسىندا شەتەل قارجىسىنىڭ بازارعا كىرۋىنە رۇقسات ەتۋدى شەكتەۋ شارالارى ”اداقتالدى“؛ بيىل الدىڭعى 2 ايدا ەلىمىزدىڭ جوعارى تەحنولوگيالى، ۇستەمە قۇنى جوعارى ماشينا - ەلەكتر ونىمدەرى ەكسپورتى 2 تريلليون 890 ميلليارد يۋان بولىپ، سايكەس مەزگىلدەگىدەن ％3. 24 ارتتى... شەتەل قارجىسى جۇڭگو جاساۋىنىڭ قۇنارلى توپىراعىنا تامىر تارتىپ، جۇڭگونىڭ زەردەلى جاساۋى شەتەلدەگى قاريدارلارعا قىزمەت وتەپ، جۇڭگونىڭ جاساۋ كاسىبى دۇنيە ءجۇزى بازارىمەن ىرىقتى تۇردە توعىسىپ، دۇنيە جۇزىنە كەڭ سەلبەستىك كەڭىستىگىن ازىرلەدى.

جاساۋ كاسىبى گۇلدەنسە، ەكونوميكا گۇلدەنەدى، مەملەكەت كۇشەيەدى.

2023 - جىلعى مەملەكەتتىك ەكى ماجىلىستە باس شۋجي شي جينپيڭ ”ەكىگە، ءسوز جوق، كەپىلدىك ەتۋدى“ باسا دارىپتەدى: ءبىرى، اس كەسەسىن جۇڭگو، ءسوز جوق، مىقتى ۇستاۋى كەرەك، ەندى ءبىرى، جاساۋ كاسىبىن، ءسوز جوق، بەكەمدەۋ كەرەك.

بيىلعى مەملەكەتتىك ەكى ماجىلىستە باس شۋجي تاعى دا بىلاي دەپ باسا دارىپتەدى: ”جۇڭگو وسىنشاما ۇلكەن، ءبىز، ءسوز جوق، ناقتى ەكونوميكامەن شۇعىلدانۋىمىز كەرەك، ءبىر جاقتىڭ، ءبىر سالانىڭ قاعىس قالۋىنا بولمايدى. استىق سياقتى جۇڭگو كەسەسىنە دە، ءسوز جوق، جۇڭگو استىعى سالىنۋى، ءسوز جوق، ءوز كۇشىمىزگە سۇيەنىپ ءومىر ءسۇرۋىمىز كەرەك“.

بولاشاققا كوز جىبەرسەك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز جاڭاشا ونەركاسىپتەندىرۋ مەن جاساۋ كاسىبىندە قۋاتتى ەل قۇرىلىسىن ىشكەرىلەي ىلگەرىلەتىپ، كۇن سايىن شيەلەنىسكەن حالىقارالىق باسەكەدە ستراتەگيالىق ىرىقتىلىققا قول جەتكىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە بەرىك تىرەك ازىرلەيدى.

(شينحۋا اگەنتتىگىنىڭ 4 - ايدىڭ 13 - كۇنى بەيجيڭنەن بەرگەن حابارى)