ءبىرىنشى ماۋسىمدا شينجياڭ اۋەجاي توبىنىڭ جولاۋشى قابىلداۋ - جونەلتۋ مولشەرى 12 ميلليون ادامنان (رەت) استى

　　سايكەس مەزگىلدەگىدەن ％92. 10 ارتتى

انار بۇلت \ شينجياڭ گازەتىنىڭ ءتىلشىسى ما ينيڭ 4 - ايدىڭ 13 - كۇنى ۇرىمجىدەن حابارلايدى. ءبىرىنشى ماۋسىمدا شينجياڭ اۋەجاي (توبى) شەكتى جاۋاپكەرشىلىك سەرىكتەستىگىنىڭ جولاۋشى قابىلداۋ - جونەلتۋ مولشەرى جيىنى 12 ميلليون 525 مىڭ 200 ادامعا (رەت) جەتىپ، 112 مىڭ 700 كەزەكشى ۇشاقتىڭ (رەت) ۇشىپ - قونۋىن قامتاماسىز ەتتى، بىلتىرعى سول تۇستاعىدان جەكە - جەكە ％92. 10 جانە ％25. 9 ارتىپ، كورنەكتى بەينە بايقاتتى.

شينجياڭ اۆياتسيا تاسىمالىنىڭ وزەكتى تورابى رەتىندە، ءۇرىمجى تيانشان حالىقارالىق اۋەجايى قامتاماسىز ەتۋ قىزمەتىندە باستاماشىلدىق رولىن ساۋلەلەندىرىپ، ءتۇرلى تاسىمالدى قامتاماسىز ەتۋ مىندەتتەرىن جوعارى ونىمدىلىكپەن ورىندادى، ءبىرىنشى ماۋسىمدا وسى اۋەجاي جيىنى 6 ميلليون 549 مىڭ 100 جولاۋشى (رەت) تاسىمالداۋدى، 47 مىڭ 100 كەزەكشى ۇشاقتىڭ (رەت) ۇشىپ - قونۋىن قامتاماسىز ەتتى، بۇل سايكەس مەزگىلدەگىدەن جەكە - جەكە ％31. 5 جانە ％83. 4 ارتىپ، جوعارى ءونىمدى قامتاماسىز ەتۋ قابىلەتى مەن ساپالى قىزمەت وتەۋ دەڭگەيىنە سۇيەنىپ، ءار ۇلت بۇقاراسىنىڭ ساپارعا شىعۋىنداعى ەڭ الدىمەن تاڭدايتىن تورابىنا اينالدى.

ءبىرىنشى ماۋسىمدا قاشقار لاينيڭ حالىقارالىق اۋەجايىنىڭ جولاۋشى قابىلداۋ - جونەلتۋ مولشەرى ءبىر ميلليون 170 مىڭ ادامعا (رەت)، ىلە قۇلجا حالىقارالىق اۋەجايىنىڭ جولاۋشى قابىلداۋ - جونەلتۋ مولشەرى 834 مىڭ ادامعا (رەت)، اقسۋ حۇڭچيپو اۋەجايىنىڭ جولاۋشى قابىلداۋ - جونەلتۋ مولشەرى 678 مىڭ ادامعا (رەت) جەتىپ، سايكەس مەزگىلدەگىدەن جەكە - جەكە ％06. 14، ％59. 46، ％01. 6 ارتتى. كەزەكشى ۇشاقتاردىڭ ۇشىپ - قونۋ رەت سانىنان قاراعاندا، قاشقار لاينيڭ حالىقارالىق اۋەجايى 10 مىڭ 500 كەزەكشى ۇشاقتىڭ (رەت) ۇشىپ - قونۋىن قامتاماسىز ەتىپ، ىلە قۇلجا حالىقارالىق اۋەجايى 8000 كەزەكشى ۇشاقتىڭ (رەت) ۇشىپ - قونۋىن قامتاماسىز ەتىپ، اقسۋ حۇڭچيپو اۋەجايى 6500 كەزەكشى ۇشاقتىڭ (رەت) ۇشىپ - قونۋىن قامتاماسىز ەتىپ، سايكەس مەزگىلدەگىدەن جەكە - جەكە ％67. 12، ％91. 28، ％41. 8 ارتقان.

بيىل جىل باسىنان بەرى، شينجياڭ اۋەجاي توبىنىڭ تاسىمال مولشەرىنىڭ ورنىقتى ارتۋى بۇقارانىڭ ءجۇرىس - تۇرىس قاجەتىنىڭ ۇزدىكسىز جارىققا شىققاندىعىن ايگىلەۋمەن بىرگە، شينجياڭنىڭ اۆياتسيا تاسىمالىن قامتاماسىز ەتۋ قۋاتىنىڭ ۇزدىكسىز جوعارىلاعاندىعىن دا ايگىلەدى.