اۆتونوميالى رايوندىق حالىق ۇكىمەتى اكىمشىلىك قايتا قاراۋ كوميتەتىنىڭ ەكىنشى ماجىلىسىندە بىلاي دەپ باسا دارىپتەلدى

　　قاتاڭ شارا، ناقتى شارا قولدانىپ، قىزمەتتىڭ ساپاسىن، ونىمدىلىگىن جوعارىلاتۋ كەرەك

انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 13 - كۇنى ۇرىمجىدەن حابارلايدى. تاياۋدا اۆتونوميالى رايوندىق حالىق ۇكىمەتى اكىمشىلىك قايتا قاراۋ كوميتەتىنىڭ ەكىنشى ءماجىلىسى اشىلدى. ءماجىلىس پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ قىزمەتى ءماجىلىسىنىڭ رۋحىن مۇقيات تياناقتاندىرىپ، اۆتونوميالى رايوننىڭ 2025 - جىلعى اكىمشىلىك قايتا قاراۋ قىزمەت مالىمەتىن تىڭداپ، قاتىستى حۇجاتتاردى قاراپ، كەزەكتەگى جانە بۇدان بىلايعى ءبىر مەزگىلدەگى ءتۇيىندى قىزمەتتەردى ورنالاستىرىپ، بۇكىل رايونىمىزدىڭ اكىمشىلىك قايتا قاراۋ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتتى.

اۆتونوميالى رايوننىڭ ءتوراعاسى، اۆتونوميالى رايوندىق حالىق ۇكىمەتى اكىمشىلىك قايتا قاراۋ كوميتەتىنىڭ مەڭگەرۋشىسى ەركىن تۇنياز ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: اۆتونوميالى رايوندىق پارتكوم، ۇكىمەت اكىمشىلىك قايتا قاراۋ قىزمەتىنە ايرىقشا ءمان بەرەدى. 2025 - جىلى بۇكىل رايونىمىزدا اكىمشىلىك قايتا قاراۋ قۇرىلىمدارىن قۇرۋ جاپپاي تياناقتانىپ، نەگىزگى ارنالىق رولى اناعۇرلىم كورنەكتىلەنىپ، كاسىپورىنداردى قورعاۋ، كاسىپورىندارعا كومەكتەسۋ اناعۇرلىم پارمەندى بولىپ، تۋ باستان باسقارۋ ۇزدىكسىز كۇشەيدى. جەر - جەر، تاراۋلار ساياسي دەڭگەيدى شىن مانىندە جوعارىلاتىپ، اكىمشىلىك قايتا قاراۋ قىزمەتىن اناعۇرلىم كورنەكتى ورىنعا قويىپ، قاتاڭ شارا، ناقتى شارا شىعارىپ، ولقىلىقتاردى، ءالسىز تۇستاردى تولىقتاپ، قىزمەتتىڭ ساپاسىن، ونىمدىلىگىن جوعارىلاتىپ، ءار ۇلت بۇقاراسىنىڭ جانە ءتۇرلى شارۋاشىلىق تۇلعالارىنىڭ زاڭدى ۇقىق مۇددەسىن اناعۇرلىم ويداعىداي قورعاۋى كەرەك.

ءماجىلىس مىنالاردى باسا دارىپتەدى: ءار دارەجەلى اكىمشىلىك قايتا قاراۋ قۇرىلىمدارى قوعام ورنىقتىلىعىن قورعاۋ ساياسي جاۋاپكەرشىلىگىن باتىل ارقالاپ، اكىمشىلىك تالاس - تارتىستى تۋ باستان شەشۋدى جان - جاقتى باسقارۋ قىزمەت جۇيەسىنە ەنگىزىپ، ”رەتتەۋگە بولاتىندارىن مۇمكىندىگىنشە رەتتەۋگە، رەتتەۋگە تيىستىلەرىن مۇمكىندىگىنشە رەتتەۋگە“ تاباندى بولىپ، حاۋىپ - قاتەردى ءبىر - بىردەن تەكسەرۋ، ساقتاندىرۋ مەحانيزمىن اقاۋسىزداندىرۋى كەرەك. كوپ نەگىزدى شەشۋ مەحانيزمىن تەرەڭدەتىپ، ارىز - ارمان، سوت مەكەمەسى، پروكۋراتۋرا، سونداي - اق حالىقتىق جاراستىرۋ ۇيىمدارى سياقتىلارمەن سەلبەستىكتى كۇشەيتىپ، ”قايتا قاراۋ + جاراستىرۋ“، ”قايتا قاراۋ + ارىز - ارمان“، ”قايتا قاراۋ + زاڭدىق كومەك بەرۋ“ سياقتى قىزمەت ۇلگىسىن ورناتىپ، قايتا قاراۋ مەن ارىز - ارماندى ءتۇيىلىستىرۋ مەحانيزمىن اقاۋسىزداندىرىپ، شارتقا ۇيلەسەتىن ارىز - ارمان ىستەرىنىڭ زاڭ بويىنشا قايتا قاراۋ ارناسىنا ءتۇسۋىن ىلگەرىلەتۋ كەرەك. نازاردى قورا - جاي، جەرىن وتكىزىپ الىپ كوشىرۋ، ەڭبەك، قوعامدىق قامتاماسىزداندىرۋ، بازار باقىلاۋ - باسقارۋ سياقتى اكىمشىلىك قايتا قاراۋ كوپ تۋىلاتىن سالالارعا شوعىرلاندىرىپ، ىشكەرىلەي تەگىن تەكتەپ، وڭاۋدى ورىستەتۋ كەرەك.

ءماجىلىس مىنالاردى باسا دارىپتەدى: ءادىل باسەكەلى بازار ءتارتىبىن بار كۇشپەن قورعاپ، ۇكىمەت ىسىندە سەنىمنەن ايرىلۋ، اكىمشىلىك كەلىسىمدى اتقارماۋ، ساياساتتى ناقتىلاندىرماۋ سياقتى ارەكەتتەردى ءتۇيىندى باقىلاپ جانە تۇزەتىپ، كاسىپورىندارعا ساياتىن دەلولاردى ءبىتىرۋ ۋاقىت شەگىن ونان ارى قىسقارتىپ، اكىمشىلىك قايتا قاراۋ ۇيعارىم حاتىنىڭ اتقارىلۋىن باقىلاۋ تەبىنىن ارتتىرىپ، كاسىپورىندارعا ساياتىن اكىمشىلىك ارەكەتتەردى باقىلاۋ - تەكسەرۋدى كۇشەيتۋ كەرەك. زاڭ اتقارۋدى ارناعا ءتۇسىرۋدىڭ قاتاڭ تەجەمىن كۇشەيتىپ، دەلو ءبىتىرۋ ءتارتىبىن قاتاڭ ارناعا ءتۇسىرىپ، جەكە دەلولاردى باقىلاۋ مەن ءتۇرلى دەلولاردى ارناعا ءتۇسىرۋدى ۇشتاستىرۋ مەحانيزمىن اقاۋسىزداندىرىپ، سوڭىنا ءتۇسىپ قۋزاپ ءبىتىرۋ، رەتتەۋ - تۇزەتۋ بويىنشا اڭىس ەتۋ، قايىرىلا قاراۋ سياقتى جالپى بارىستىق مەحانيزمدى سايكەستى ورناتۋ كەرەك. ءتۇيىندى سالالاردى ارناۋلى وڭاۋ ورىستەتىپ، دەلو مولشەرى كوپ، قاتەلىكتى تۇزەتۋ مولشەرى جوعارى اكىمشىلىك ورگانداردى ءادىليا تاراۋلارى، سوت مەكەمەسى، حالىق پروكۋراتۋراسى، ماماندار، مۇشەلەر سياقتىلارمەن ارناۋلى تاقىرىپتىق كەڭەسۋ مەحانيزمىن ورناتۋعا قۋزاپ، جاقسارتۋ شارالارىن اقىلداسۋ كەرەك. قايتا قاراۋ ناتيجەسىنىڭ بۇلجىماس قولدانىلۋىن كۇشەيتىپ، ءتارتىپ تەكسەرۋ، باقىلاۋ - تەكسەرۋ ورگاندارىمەن ىستەستىكتى كۇشەيتىپ، زاڭعا قايشى دەلو ءبىتىرۋ، قىزمەتىن اتقارماۋ، قىزمەتتە جاۋاپكەرسىزدىك ىستەۋ ارەكەتتەرىنىڭ جاۋاپكەرشىلىگىن قاتاڭ قۋزاۋ، جاۋاپقا تارتۋ كەرەك.

ءماجىلىس مىنالاردى باسا دارىپتەدى: ءار دارەجەلى ۇكىمەتتەر، اكىمشىلىك قايتا قاراۋ قۇرىلىمدارى، اكىمشىلىك ورگاندار جاۋاپكەرشىلىكتى ناقتىلاندىرىپ، جۇمىس ءبولىسى بويىنشا ىستەستىكتى كۇشەيتىپ، كاسىپتىك قوسىندى كۇشەيتىپ قۇرىپ، ءتارتىپ ستيلىن قاتايتىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن تىڭعىلىقتى ورىستەتىپ، قىزمەتتىڭ ساپاسىن، ونىمدىلىگىن شىن مانىندە جوعارىلاتۋى كەرەك.

ماجىلىستە ماماندار مەن مۇشەلەر قىزمەتتەن ەسەپ بەرۋ بايانداماسىن جاسادى. اۆتونوميالى رايوندىق قوعام حاۋىپسىزدىگى مەڭگەرمەسىندەگى، جاراتىلىستىق بايلىق مەڭگەرمەسىندەگى، سونداي - اق ءۇرىمجى قالاسىنداعى، حوتان ايماعىنداعى قاتىستى جاۋاپتى جولداستار ءسوز سويلەدى.

جاڭ يىڭچۇن، ۋاڭ ميڭشان، پان شي ماجىلىسكە قاتىناستى.