شينحۋا اگەنتتىگىنىڭ 4 - ايدىڭ 13 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «كاسىپ قوعامدارىنىڭ، ساۋدا قوعامدارىنىڭ رەفورمانى تەرەڭدەتۋىن ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتتى.

«پىكىردە» مىنالار العا قويىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، پارتيا قۇرىلىسى ارقىلى جەتەكشىلىك ەتۋدى كۇشەيتىپ، ءارى بەلسەنە جەتىلدىرۋگە، دامىتۋعا باسا ءمان بەرىپ، ءارى قاتاڭ باقىلاۋ - باسقارۋعا باسا ءمان بەرىپ، جوعارى دەڭگەيلى سوتسياليستىك بازار شارۋاشىلىعى تۇزىلىسىنە ۇيلەسەتىن كاسىپ قوعامدارىن، ساۋدا قوعامدارىن باسقارۋ ءتۇزىمىن جانە جۇمىس جۇرگىزۋ مەحانيزمىن اقاۋسىزداندىرىپ، ۇكىمەتتىڭ باقىلاپ - باسقارۋى، قوعامنىڭ باقىلاۋى، تەجەمدى بولۋ، ءوزىن - ءوزى باسقارۋ ءوزارا ۇشتاسقان جان - جاقتى باسقارۋ جۇيەسىن كەمەلدەندىرىپ، كاسىپ قوعامدارىنىڭ، ساۋدا قوعامدارىنىڭ قۇرىلىم ورنالاسىمىن جانە دامۋ ورتاسىن ساپالىلاندىرىپ، كاسىپ قوعامدارىنىڭ، ساۋدا قوعامدارىنىڭ بازارلاندىرۋ، ارنايىلاندىرۋ، جۇيەلىلەندىرۋ تالابى بويىنشا تيپ جاڭالاپ دامۋىن ىلگەرىلەتىپ، كاسىپ قوعامدارىنىڭ، ساۋدا قوعامدارىنىڭ ەكونوميكالىق، قوعامدىق دامۋعا قىزمەت وتەۋدەگى بەلسەندى رولىن تولىق ساۋلەلەندىرۋ كەرەك.

«پىكىر» جيىنى 7 بولىمنەن، 18 تارماقتى شارادان قۇرالعان. ءبىرىنشى ءبولىمى جالپى تالاپ، وندا كاسىپ قوعامدارى مەن ساۋدا قوعامدارىنىڭ رەفورمانى تەرەڭدەتۋىن ىلگەرىلەتۋدىڭ جەتەكشى يدەياسى مەن جالپى نىساناسى ايقىندالدى. ەكىنشى بولىمىنەن التىنشى بولىمىنە دەيىنگىسى نەگىزگى مازمۇن، وندا جەكە - جەكە پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، كاسىپ قوعامدارىن، ساۋدا قوعامدارىن باسقارۋ ءتۇزىمى مەن جۇمىس جۇرگىزۋ مەحانيزمىن كەمەلدەندىرۋ، كاسىپ قوعامدارىنىڭ، ساۋدا قوعامدارىنىڭ قۇرىلىمدىق ورنالاسىمىن رەتتەۋ، ساپالىلاندىرۋ، كاسىپ قوعامدارىنىڭ، ساۋدا قوعامدارىنىڭ يقۋاتتىق رولىن بەلسەنە ساۋلەلەندىرۋ، كاسىپ قوعامدارىنىڭ، ساۋدا قوعامدارىنىڭ دامۋ ورتاسىن ساپالىلاندىرۋ سياقتى 5 جاقتى ارقاۋ ەتە وتىرىپ كاسىپ قوعامدارىنىڭ، ساۋدا قوعامدارىنىڭ رەفورمانى تەرەڭدەتۋىن ىلگەرىلەتۋدىڭ ءتۇيىندى مىندەتتەرى مەن ناقتى شارالارى ايقىندالدى. 7 - بولىمىندە ۇيىمداستىرىپ اتقارۋدى كۇشەيتۋ جاعىنان تالاپتار قويىلدى.