ىلە وبلىسى ۇيرەنۋدى، تەكسەرۋدى، تۇزەتۋدى ٴبىر تۇلعالاندىرىپ ساباقتاستىردى

ناتيجە كوورديناتاسىن دۇرىستاپ، حالىق ٴۇشىن ناقتى ىستەۋ جاۋاپناماسىن جازدى

ٴوز حابارىمىز. ناتيجە كوزقاراسى دۇرىس پا، جوق، مۇنى ولشەيتىن بۇقارانىڭ كوڭىل تارازىسى بار. ىلە وبلىسىنداعى اۋدان - قالالار، تاراۋلار دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن تىڭعىلىقتى ىلگەرىلەتۋ بارىسىندا ۇيرەنۋدى، تەكسەرۋدى، تۇزەتۋدى ٴبىر تۇلعالاندىرىپ جوسپارلاۋعا، ساباقتاستىرىپ ىلگەرىلەتۋگە تاباندى بولىپ، دۇرىس ناتيجە كوزقاراسىن كوكەيگە ۇيالاتۋدى، ارەكەتتە ايگىلەۋدى ىلگەرىلەتتى.

ىشكەرىلەي ۇيرەندى: ”كۇتىپ وتىرۋدان“ ”بەلسەندىلىكپەن تومەنگە تۇسۋگە“ دەيىن

قۇلجا اۋدانىندا پارتيالى كادرلار ”كۇتىپ وتىرۋ“ سىندى كونە ادەتتى وزگەرتتى. باقشا رايونىندا كاسىپورىنداردىڭ شوعىرلانۋ ەرەكشەلىگىنە مەڭزەس اۋدان باسشىلىق القا مۇشەلەرى كوتەرمەگە الىپ بايلانىس جاساۋ مەحانيزمىن ورناتتى، كادرلار داپتەرلەرىن الىپ، ماسەلەلەردى كوزدەي وتىرىپ، سەحتارعا جانە نىسانداردىڭ جۇمىس باسىنا باردى. ”قارجى قۇراۋ قيىن با، جوق پا؟ جۇمىسشى جەتكىلىكتى مە، جوق پا؟ سۋ ەلەكترىن سايكەستىرۋدە تاعى نەلەر كەمشىل؟ ناقتى ماسەلەلەر ٴبىر - بىرلەپ اشىق ورتاعا قويىلىپ، ماسەلە، جاۋاپكەرشىلىك، ۋاقىت شەگى سىندى ”ٴۇش تىزىمدىك“ قالىپتاستىرىلىپ، بىرەۋى كۇشىنەن قالدىرىلسا، بىرەۋى تياناقتاندىرىلدى. ٴبىر كاسىپورىننىڭ جاۋاپتىسى اسەرلەنە بىلاي دەدى: ”بۇرىن ماسەلەنى شەشۋ ٴۇشىن تاراۋلارعا كوپ شاپقىلايتىنبىز، قازىر كادرلار ىزدەپ كەلىپ قيىنشىلىعىمىزدى ۇعىسادى، بۇعان توتەنشە ريزامىز“.

ەگجەي - تەگجەيلى تەكسەردى: قارتتاردى كۇتىمدەۋگە قىزمەت وتەۋ، كۋالاندىرۋ تەرەزەسى، قالا قۇبىر تورابى... بىردە - بىرەۋى قاعىس قالدىرىلمادى

ىلە وبلىستىق حالىق ىستەرى مەكەمەسى نازاردى قارتتاردى كۇتىمدەۋگە قىزمەت وتەۋ سالاسىنا شوعىرلاندىردى. وبلىـسـقا توتە قاراسـتى ورىندارداعى قارتتاردى كۇتىمدەۋگە قىزمەت وتەيتىن 32 قۇرىلىم، ٴورت ٴسوندىرۋ، ورتتەن ساقتانۋ قۇرىلعىلارى، ازىق - تۇلىك تازالىعى، شۇعىل جاعدايدا بىتىراتۋ... ٴاربىر شەشۋشى بۋىن تۇگەلدەي ”سارالاۋدان“ ٴوتتى. شارلاپ تەكسەرۋ، ٴوزىن - ٴوزى تەكسەرۋ، تەكسەرۋ، ۇلگى الىپ تەكسەرۋ، جاتتىعۋ سياقتىلاردىڭ باياندى مەحانيزمى ورناتىلدى. قارتتار كۇتىمحاناسىندا تۇراتىن ٴبىر قارت: ”سىزدەر ۇنەمى كەلىپ تەكسەرىپ تۇرساڭىزدار، ٴبىز ٴتىپـتى دە الاڭسىـز بولامـىز“، ـ دەدى.

كۇنەس اۋداندىق ٴادىليا مەكەمەسى كۋالاندىرۋعا قىزمەت وتەۋ جاعىندا قىزمەتكە بەلسەنە كىرىستى. بۇرىن بۇقارا كـۋالاندىرۋ جۇمىسىن ٴبىتىرۋ ٴۇشىن بىرنەشە رەت سابىلاتىن. قازىر قاراپايىم جۇمىستاردى ”ٴبىر جولدا بىتىرۋگە“، كۇردەلى جۇمىستاردى ”جەدەلدەتىپ بىتىرۋگە“ بولاتىن بولدى، قارتتار، مۇگەدەكتەر وتباسىلارىنا بارىپ قىزمەت وتەۋدەن، ۋاقىتتى ۇزارتىپ قىزمەت وتەۋدەن جانە ”ىزدەپ بارماي - اق“ جەلىدە ٴبىتىرۋ قىزمەت وتەۋىنەن يگىلىكتەنەتىن بولدى. كۇنەس اۋداندىق ٴادىليا مەكەمەسى پارتيا باسشىلىق گرۋپپاسىنىڭ مۇشەسى ۋاڭ پيڭ ـ ان بىلاي دەدى: ”ۇيرەنۋ، تەكسەرۋ، تۇزەتۋ اۋىز جۇزىندە عانا ەمەس، قايتا بۇقاراعا ٴىس بىتىرۋگە شىنىندا قولايلى ەكەندىگىن سەزىندىرۋ“. 

شاپشال سىبە اۆتونوميالى اۋدانى نازاردى جەر استى قۇبىر تورابىنا شوعىرلاندىردى. سۋمەن قامداۋ، سۋ ىعىستىرۋ، جىلۋمەن قامداۋ، گاز قۇبىرلارىنىڭ اۋىر دارەجەدە كونەرىپ، بۇقارا قىستا جىلىنۋدان، جاۋىن - شاشىن مەزگىلىندە سۋ جينالۋدان الاڭدايتىن. اۋداندا قۇبىر تورابىن باسقارۋ جۇيەسى ورناتىلىپ، 3 جىلدىق ۇزدىكسىز جاڭالاۋ جوسپارى جاسالىپ، ”جان تامىر“ قايتا ىركىلىسسىزدەندىرىلدى. سونىمەن بىرگە، تۇيىق جولدار اشىلىپ، تار جولدار كەڭەيتىلىپ، اۆتوكولىك توقتاتۋ الاڭى مەن زاريادتاۋ باعانالارى دا سالىندى. تۇرعىن لي اپاي كۇلىمسىرەپ: ”بۇرىن ۇيدەن شىعا قالساق كەپتەلىسكە جولىعىپ، ۇيگە قايتۋىمىز قيىن بولاتىن، قازىر جول ىركىلىسسىزدەنىپ، الاڭسىز بولدىق“، - دەدى.

ناقتى تۇزەتتى: زاڭ يكـەمدى اتقارىلىپ، اۋەجايدا كەپتەلىس وڭالىپ، ەلەكتروتسيكل رەتكە سالىندى... ٴبارى دە ويداعىداي ىستەلدى

 ”بۇرىن اۋەجايعا بارساق، اۆتوكولىك قوياتىن ورىن تابا الماي قينالاتىنبىز. قازىر اۆتوكولىك توقتاتاتىن ورىننان الاڭدامايتىن بولدىق، قاتىناس قاۋىرت مەزگىلدە ساقشىلار كومەكتەسىپ جەتەكشىلىك ەتەدى، وتە قولايلى بولدى!“. 4 - ايدىڭ باسىندا ىلە قۇلجا حالىقارالىق اۋەجايىندا قالا تۇرعىنى ۋاڭ جيانگو جۇگىن الىپ الاڭسىز كەلە جاتتى. ونىڭ اۋەجايدىڭ وزگەرىسى تۋرالى ايتقانى، ىلە وبلىسىنىڭ ماسەلەنى باعدار ەتىپ، ۇيرەنۋدى، تەكسەرۋدى، تۇزەتۋدى ناقتاپ تياناقتاندىرۋىنىڭ جاندى ىقشام كورىنىسى. ىلە قۇلجا حالىقارالىق اۋەجايىندا بۇرىن ”اۆتوكولىك توقتاتۋ قيىن بولۋ، كولىكتى الباتى توقتاتۋ“ ماسەلەسى ورىن تەپكەن بولاتىن. وبلىستىق قوعام حاۋىپسىزدىگى مەكەمەسى نازاردى وسى شۇعىل، قيىن، ۋايىمداعان، ٴزارۋ ماسەلەلەردى شەشۋگە شوعىرلاندىرىپ، باسقارۋدى ساپالىلاندىرىپ، دەر كەزىندە باقىلاپ - باسقارىپ، قاتىناس قاۋىرت كەزدە ٴتۇيىندى جەتەكشىلىك ەتىپ، يكەمدى شارلاۋ جۇرگىزىپ، تۇندە ۋاقىت بويىنشا ارالاپ تەكسەرۋ جۇرگىزدى. كولىكتى الباتى توقتاتاتىن، الباتى قوياتىن ٴجايت جوق بولىپ، اۆتوكولىك توقتاتۋدا ۋاقىت بارىنشا ۇنەمدەلدى. ۋاڭ جيانگونىڭ ”وتە قولايلى بولدى“ دەگەن ٴسوزى بۇقارانىڭ رەتتەۋ - تۇزەتۋ جونىندە بەرگەن ەڭ تىكە جاۋابى بولدى.

قورعاس اۋدانى ەلەكتروتسيكلدى رەتتەۋ - وڭاۋ بارىسىندا ”تەك ايىپ سالۋعا عانا سۇيەنىپ وڭاۋدى“ كۇشىنەن قالدىردى. بۇرىن ايىپ سالىنسا، بۇقارا رەنىش بىلدىرەتىن. قازىر ”ەرەجەگە تۇڭعىش رەت قايشىلىق جاساسا ەسكەرتۋ بەرۋ، ەكىنشى رەت قايشىلىق جاساسا تاربيە بەرۋ، ٴۇشىنشى رەت قايشىلىق جاساسا ايىپ سالۋ“ اتقارىلدى، تاعى قاتىناس حاۋىپسىزدىگى بىلىمدەرىن ۇيرەنۋ تۇيىندەرى قۇرىلىپ، ەرەجەگە قايشىلىق جاساعاندارعا تاربيە بەرۋ ارقىلى ولار قاتەلىگىن تانىدى. ”قاتىناس ساقشىسى + ساقشى بولىمشەسى + الەۋمەتتىك اۋماق + ەرىكتىلەر“ بىرلەسكەن كەزەكشىلىك ۇلگىسى زاڭ اتقارۋدىڭ ٴارى تەبىندى، ٴارى جاناسىمدى بولۋىنا مۇمكىندىك جاراتتى.

ونىمدىلىك كورىلدى: بۇقارانىڭ قۋانىشتى بەينەسى مۇنىڭ ەڭ تاماشا جاۋاپناماسى

ىشكەرىلەي ۇيرەندى، ەگجەي - تەگجەيلى تەكسەردى، ناقتى تۇزەتىپ تياناقتاندىردى.

ىلە وبلىسىنىڭ وزگەرىسى قۇجاتتاعى سان - سيفرلار ەمەس، قايتا قارتتار كۇتىمحاناسىنداعى اناعۇرلىم حاۋىپسىز ورتا، كۋالاندىرۋ تەرەزەسىنىڭ اناعۇرلىم قولايلى قىزمەت وتەۋى، اۋەجايداعى اناعۇرلىم ىركىلىسسىز ٴجۇرىس - تۇرىس، قالاداعى قونىستانۋعا اناعۇرلىم قولايلى كوشەلەر، جولدارداعى اناعۇرلىم وركەنيەتتى ٴتارتىپ قالىپتاسقاندىعىنان بەينەلەندى. بۇكىل وبلىس تاعى ماسەلەنى ۇزدىكسىز باعدار، حالىق تۇرمىسىن ولشەم ەتىپ، رەتتەۋ ـ تۇزەتۋ جەتىستىكتەرىن باياندى مەحانيزمگە اينالدىرىپ، حالىق تۇرمىسىنىڭ سەزىنۋگە، بىلۋگە بولاتىن ناقتى ونىمدىلىكتەرىنەن پايدالانىپ، دۇرىس ناتيجە كوزقاراسىنىڭ شىنايى تياناقتانعان ـ تياناقتانباعاندىعىن تەكسەرىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم بايىتىپ، اناعۇرلىم مەيىرگە بولەيدى.