انار بۇلت \ شينجياڭ گازەتىنىڭ ءتىلشىسى سۇي يۇنيان 4 - ايدىڭ 14 - كۇنى كورلادان حابارلايدى. 4 - ايدىڭ 15 - كۇنى − 11 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى، نەگىزگى تاقىرىبى ”دامۋ مەن حاۋىپسىزدىكتى ءبىر تۇتاس جوسپارلاۋ، ’15 - بەسجىلدىق‘ جاڭا جورىعىن قورعاۋ“. 4 - ايدىڭ 14 - كۇنى اۆتونوميالى رايوننىڭ جالپى حالىقتىق مەملەكەت حاۋىپسىزدىگى تاربيەسى قيمىلى كورلا قالاسىندا باستالدى. اۆتونوميالى رايوندىق پارتكومنىڭ ورىنباسار شۋجيى چىن ميڭگو قيمىلعا قاتىناستى ءارى ءسوز سويلەدى.

مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى. شينجياڭ − مەملەكەتتىڭ وڭىرلىك حاۋىپسىزدىگىن قورعاۋدىڭ ستراتەگيالىق قالتقىسى رەتىندە، قوعام ورنىقتىلىعى مەن باياندى تىنىشتىقتى جۇزەگە اسىرۋى مەملەكەتتىڭ حاۋىپسىزدىگىن قورعاۋدا كەلەلى ستراتەگيالىق ءمان الادى، قالىڭ حالىق بۇقاراسىنىڭ تىنىش ءومىر، شات - شادىمان تىرشىلىك كەشىرۋىندە، اناعۇرلىم كوركەم شينجياڭ قۇرۋدا كەلەلى رەال ءمان الادى.

چىن ميڭگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، شينجياڭ جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، قوعامدىق كەلەلى جاعدايدىڭ بىلىقپالىقتان ورنىقتىلىققا، جونگە سالۋعا قاراي زور بۇرىلىس جاساۋىن جۇزەگە اسىردى، تيانشان الابىندا تىنىش، بەرەكەلى، جاڭا بەينە جارىققا شىقتى. ءبىز باس شۋجيدىڭ ىقىلاستى قامقورلىعىنا العىس ايتىپ، باس شۋجيدىڭ ىقىلاستى تاپسىرماسىن ەستە بەرىك ساقتاپ، شينجياڭ قىزمەتىنىڭ باس نىساناسىن تاباندىلىقپەن جۇزەگە اسىرۋىمىز كەرەك.

چىن ميڭگو مىنالاردى تالاپ ەتتى: مەملەكەت حاۋىپسىزدىگىنەن بارلىق ادام يگىلىكتەنەدى، مەملەكەت حاۋىپسىزدىگىن بارلىق ادام جاراتادى. ءار دارەجەلى پارتكومدار مەن ۇكىمەتتەر مەملەكەت حاۋىپسىزدىگىنىڭ جاقسى ”جول باستاۋشىسى“ بولىپ، تۇلعالىق جاۋاپكەرشىلىكتى كۇشەيتىپ، مەملەكەت حاۋىپسىزدىگى جاۋاپكەرشىلىگى ءتۇزىمىن قاتاڭ تياناقتاندىرىپ، مەملەكەت حاۋىپسىزدىگى قىزمەتىن شىن مانىندە ماڭىزدى كەڭەستىك كۇن تارتىپكە قويىپ، رەفورما، دامۋ، ورنىقتىلىق ىستەرىمەن بىرگە جوبالاۋى، بىرگە ورنالاستىرۋى، بىرگە تياناقتاندىرۋى؛ ءارقايسى كاسىپتىك كۇشتەر مەملەكەت حاۋىپسىزدىگىنىڭ ويداعىداي ”نەگىزگى كۇشى“ بولىپ، مەملەكەت حاۋىپسىزدىگىن، قوعام تىنىشتىعىن، حالىق تىنىشتىعىن قورعاۋ كەلەلى جاۋاپكەرشىلىگىن ويداعىداي تياناقتاندىرىپ، مەملەكەت حاۋىپسىزدىگى ۇگىت تاربيەسىن تەرەڭدەتىپ، مەملەكەت حاۋىپسىزدىگى جۇيەسى مەن قابىلەتى قۇرىلىسىن كۇشەيتىپ، مەملەكەت حاۋىپسىزدىگى جاعدايىن تۇلعالاۋ قابىلەتى مەن دەڭگەيىن ۇزدىكسىز جوعارىلاتۋى؛ قوعامنىڭ ءار سالاسى مەملەكەت حاۋىپسىزدىگىنىڭ ويداعىداي ”قورعاۋشىسى“ بولىپ، زاڭدا بەلگىلەنگەن بورىشىن، قوعامدىق جاۋاپكەرشىلىگىن بەلسەنە اتقارىپ، مەملەكەت حاۋىپسىزدىگى بىلىمدەرىن ىرىقتىلىقپەن ۇيرەنىپ، مەملەكەت حاۋىپسىزدىگى تانىمىن ۇزدىكسىز جەتىلدىرىپ، مەملەكەت حاۋىپسىزدىگىن قورعاۋ ارەكەت سانالىلىعىن شىن مانىندە كۇشەيتىپ، مەملەكەت حاۋىپسىزدىگىنە قاتەر توندىرەتىن ءتۇرلى ءسوز - ارەكەتتەردى بەلسەنە تيىپ، قاتىستى تاراۋلارعا ءتۇرلى كۇماندى جاعدايلاردى ىرىقتىلىقپەن مالىمدەپ، مەملەكەت حاۋىپسىزدىگىن جالپى حالىق قورعايتىن، بارلىق ادام جاۋاپكەرشىلىگىن ادا ەتەتىن قويۋ بەينە قالىپتاستىرۋعا كۇش سالۋى؛ قالىڭ جاستار مەن ورەندەر مەملەكەت حاۋىپسىزدىگىنىڭ ويداعىداي ”كۇش جالعاۋشىسى“ بولىپ، كىشكەنتايىنان مەملەكەت حاۋىپسىزدىگى تانىمىن ورناتىپ، مەملەكەت سۇيىسپەنشىلىگىن جەتىلدىرىپ، مەملەكەت حاۋىپسىزدىگىن قورعاۋ سەنىمىن ۇرپاقتان - ۇرپاققا جالعاستىرۋى كەرەك.

قيمىلعا قاتىناسقاندار بايىنعولين موڭعۇل اۆتونوميالى وبلىستىق مۇراجايدىڭ ”مەملەكەت حاۋىپسىزدىگى ۇلى قورعان ساپارى“ اتىنداعى ناقتى زاتتار كورمەسىن، شىعىسقا ورالۋ تاريحي مادەنيەت تاقىرىپتىق كورمەسىن ەكسكۋرسيالادى ءارى بايىنعولين وبلىستىق توعىسپالى مەديا ورتالىعىندا تاقىرىپتىق باعدارلاما كورمەلىك قويىلىمىن كوردى.

بىرنەشە كۇننەن بەرى، شينجياڭداعى جەر - جەر، تاراۋلار ءتۇرلى فورماداعى زاڭمەن باسقارۋ ۇگىت تاربيە قيمىلىن ورىستەتىپ، جالپى تۇلعالىق مەملەكەت حاۋىپسىزدىگى كوزقاراسىنىڭ جۇرت جۇرەگىنە تەرەڭ ۇيالاۋىن، تەرەڭ تامىر تارتۋىن ىلگەرىلەتتى.