ەركىن تۇنياز وقۋ - اعارتۋ قىزمەتى جونىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

　　عىلىم - تەحنولوگيانىڭ، وقۋ - اعارتۋدىڭ، دارىندىلاردىڭ ءبىر تۇلعالى دامۋىن تىڭعىلىقتى ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 14 - كۇنى ۇرىمجىدەن حابارلايدى. 4 - ايدىڭ 14 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز وقۋ - اعارتۋ قىزمەتى جونىندە تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، عىلىم - تەحنولوگيا، وقۋ - اعارتۋدىڭ، دارىندىلاردىڭ ءبىر تۇلعالى دامۋىن تىڭعىلىقتى ىلگەرىلەتىپ، ”بەس ۇلكەن ستراتەگيالىق ورىندى“ كوزدەپ، عىلمي زەرتتەۋ ارتىقشىلىعىن شىن مانىندە ويداعىداي ساۋلەلەندىرىپ، دارىندىلار قوسىنىن ويداعىداي باۋلىپ، جاڭالىق اشۋ جەتىستىكتەرىن ويداعىداي كادەگە جاراتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە كۇش قوسۋ كەرەك.

ەركىن تۇنياز وقۋ - اعارتۋ مينيسترلىگى شينجياڭ جوعارى دارەجەلى زەرتتەۋ مەكەمەسىنە كەلىپ، زەرتتەۋ مەكەمەسى قۇرىلىسىنىڭ اياق الىسى جونىندەگى مالىمەتتى تىڭداپ، ەنەرگيا، كەن كاسىبى، قۋاڭ ءوڭىر وسى زامانعى اۋىل شارۋاشىلىعى، جۇڭي شيپاگەرلىگى، دارىگەرلىگى جانە حالىقارالىق ەمدەۋ سىندى 3 ءتۇيىندى سالاداعى سەلبەستىكتىڭ ورىستەتىلۋ جاعدايىن ۇعىسىپ، بىلاي دەپ باسا دارىپتەدى: ”زەرتتەۋ مەكەمەسىنىڭ يقۋاتتىق ورنىن ارقاۋ ەتىپ، رايونىمىزدىڭ جانە توڭىرەكتەگى ەلدەردىڭ دامۋ قاجەتىمەن ۇشتاستىرىپ، ”كاسىپورىندار سۇراۋ قويۋ، ۇكىمەت تاقىرىپ بەلگىلەۋ، جوعارى مەكتەپتەر ماسەلەنى شەشۋ، بازار ماسەلەگە تۇجىرىم جاساۋ“ سىندى سەلبەستىك تۇيىق اينالىمىن ورناتىپ، شەشۋشى، وزەكتى تەحنولوگيالاردان قامال الىپ، كاسىپ سالاسىندا تاپشى، ۇزدىك جاڭالىق اشۋشى دارىندىلاردى باۋلۋ كەرەك“. جۇڭگو − ورتا ازيا وقۋ - اعارتۋ اۋىس - كۇيىس، سەلبەستىك ورتالىعىندا ەركىن تۇنياز رايونىمىزدىڭ ورتا ازياداعى 5 ەلمەن ءىلمي اۋىس - كۇيىس جاساۋ، بىرلەسىپ قامال الۋ، عىلمي زەرتتەۋ سەلبەستىگى سياقتى جاقتاردا قول جەتكىزگەن جەتىستىكتەرى جونىندە تەكسەرۋ - زەرتتەۋ جۇرگىزدى ءارى شەتەلدىك وقۋشىلارمەن پىكىر اۋىستىردى. ول بىلاي دەدى: ساياسي دەڭگەيدى شىن مانىندە جوعارىلاتىپ، وسى ورتالىقتى جوعارى ولشەممەن ويداعىداي جوبالاپ، ويداعىداي قۇرىپ، ودان ويداعىداي پايدالانىپ، ءار جاقتاعى بايلىقتاردى جۇمىلدىرىپ، بىرىكتىرىپ، ورتا ازيا ەلدەرىنىڭ قاجەتىمەن ىرىقتىلىقپەن ۇشتاسىپ، ورتالىقتى شينجياڭنىڭ، ءتىپتى، ەلىمىز وقۋ - اعارتۋىنىڭ باتىسقا ەسىك اشۋداعى ”الدىڭعى شەبى“ ەتىپ تۇلعالاۋ كەرەك.

ەركىن تۇنياز شينجياڭ مەديتسينا داشۋەسىنىڭ ءوندىرىس، وقىتۋ، زەرتتەۋ، قولدانۋ كورمە ورتالىعىنا كەلىپ، وسى مەكتەپتىڭ سالماقتى اۋرۋلاردان ساقتانۋ جانە ونى ەمدەۋ، جەرگىلىكتى اۋرۋلاردان ساقتانۋ جانە ونى تىزگىندەۋ، جۇڭي شيپاگەرلىگى، دارىگەرلىگى ىستەرىن جالعاستىرۋ، جاڭالىق اشۋ، حالىقارالىق سەلبەستىك جاقتارىنداعى ناتيجەلەرىن ۇعىستى ءارى جۇڭگو ينجەنەريا اكادەمياسىنىڭ اكادەميگى اجي اكبار ايسامەن پىكىر اۋىستىرىپ، اكادەميكتەر قىزمەت پۋنكتىنىڭ قۇرىلۋ جاعدايىن ۇعىستى. ول بىلاي دەدى: اۆتونوميالى رايوندىق پارتكوم، ۇكىمەت عىلىم - تەحنولوگيادا جاڭالىق اشۋ قىزمەتىنە وسكەلەڭ ءمان بەرىپ، اكادەميكتەر قىزمەت پۋنكتى قۇرىلىسىن جەدەلدەتىپ، نازاردى ەرەكشەلىككە، ارتىقشىلىققا يە سالالارعا شوعىرلاندىرىپ، كۇشتى شوعىرلاندىرا وتىرىپ مەديتسينا سالاسىنداعى نەگىزدىك زەرتتەۋدى ورىستەتىپ، وزەكتى تەحنولوگيادان قامال الۋدى كۇشەيتىپ، عىلىم - تەحنولوگيا جەتىستىكتەرىن كادەگە جاراتۋدى جەبەپ، حالىقارالىق سەلبەستىكتى، اۋىس - كۇيىستى تەرەڭدەتىپ، ”باتىس بولىكتە بىرەگەي، ورتا ازيانى شارپيتىن جوعارى دەڭگەيدەگى زەرتتەۋ تيبىندەگى مەديتسينا داشۋەسى“ قۇرىلىسىنىڭ اياق الىسىن جەدەلدەتەدى.

شينجياڭ اۋىل شارۋاشىلىق داشۋەسىندە ەركىن تۇنياز ازىق - تۇلىك عىلىمى جانە فارماكولوگيا شۋەيۋانىنا بارىپ، شۋەيۋاننىڭ ءجۇزىم شارابىن ءوندىرۋ، وقىتۋ، زەرتتەۋدى ءبىر تۇلعالاندىرۋ جاعىندا ىستەگەن ءتۇيىندى قىزمەتتەرىن ۇعىسىپ، بىلاي دەپ باسا دارىپتەدى: رايونىمىزدىڭ ءجۇزىم شارابىن دامىتۋ ابزالدىلىعىن، كومەسكى كۇشىن جانە نەگىزىن تياناق ەتىپ، نازاردى كاسىپ سالاسىن دامىتۋداعى كورنەكتى ماسەلەلەرگە شوعىرلاندىرىپ، تۇقىم جەتىلدىرۋ، ەگۋ، جىنتىكتەي وڭدەۋ، ماركا قۇرىلىسى سياقتى تۇتاس تىزبەككە كۇش سالىپ، شينجياڭنىڭ ءجۇزىم شارابى كاسىپ سالاسىنىڭ زورايۋىنا، كۇشەيۋىنە دەم بەرۋ كەرەك. حايۋاناتتار عىلىمى شۋەيۋانىندا ەركىن تۇنياز شينجياڭنىڭ جىلقى شارۋاشىلىعىنىڭ دامۋ جاعدايىن ۇعىسىپ، بىلاي دەپ باسا دارىپتەدى: تۇقىمدىق زاتتا جاڭالىق اشۋعا ءمان بەرىپ، دارىندىلاردى باۋلۋ تەبىنىن ارتتىرىپ، عىلىم - تەحنولوگيادا جاڭالىق اشۋدى ەگىنشى - مالشىلاردىڭ كىرىسىن ارتتىرۋمەن، كاسىپ سالاسىنىڭ ونىمدىلىگىن ارتتىرۋمەن ۇشتاستىرىپ، شياڭگاڭ بايگە قوعامى سياقتىلارمەن ناقتى ىستەر سەلبەستىگىن كۇشەيتىپ، جارىس ىستەرى، مادەنيەت - ساياحات ماركاسىن جەدەل تۇلعالاۋ كەرەك.

قايسار ابدۇكەرىم تەكسەرۋ - زەرتتەۋگە قاتىناستى.