جۇڭگو ۇلگىسىندەگى وسىزامانداندىرۋعا پارمەندى حاۋىپسىزدىك قامتاماسىزدىعىن ازىرلەدى
− باس شۋجي شي جينپيڭنىڭ جالپى تۇلعالىق مەملەكەت حاۋىپسىزدىگى كوزقاراسى جونىندەگى ماڭىزدى بايىمداۋلارىنىڭ جاندى امالياتى
□ شينحۋا اگەنتتىگىنىڭ تىلشىلەرى
مەملەكەتتىڭ زور ىسىندە حاۋىپسىزدىك ماڭداي الدى ورىندا تۇرادى.
بيىل 4 - ايدىڭ 15 - كۇنى − 11 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى. بىرنەشە كۇننەن بەرى، جەر - جەر، تاراۋلار جالپى تۇلعالىق مەملەكەت حاۋىپسىزدىگى كوزقاراسىن جەتەكشى ەتىپ، باي مازمۇندى الۋان ءتۇرلى فورمالار جانە قيمىلدار ارقىلى جالپى حالىقتىڭ مەملەكەت حاۋىپسىزدىگى تانىمىن جوعارىلاتتى، مەملەكەت حاۋىپسىزدىگىنىڭ حالىقتىق قورعانىس شەبىن بەكەمدەدى.
يدەيا − ارەكەتتىڭ جەتەكشىسى، نازاريا − امالياتتىڭ باعدارناماسى. 2014 - جىلى 4 - ايدىڭ 15 - كۇنى ورتالىق كوميتەت مەملەكەت حاۋىپسىزدىگى كوميتەتىنىڭ 1 - ماجىلىسىندە باس شۋجي شي جينپيڭ جالپى تۇلعالىق مەملەكەت حاۋىپسىزدىگى كوزقاراسىن جاسامپازدىقپەن العا قويىپ، جاڭا داۋىردەگى مەملەكەت حاۋىپسىزدىگى قىزمەتىنە ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى.
تاۋ - وزەن ماساتىداي قۇلپىرىپ، ەل امان، جۇرت تىنىش بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جالپى تۇلعالىق مەملەكەت حاۋىپسىزدىگى كوزقاراسىنىڭ عىلمي جەتەكشىلىگىندە، ەلىمىزدىڭ مەملەكەت حاۋىپسىزدىگى جاپپاي كۇشەيدى، ءبىر قىدىرۋ ەلەۋلى حاۋىپ - قاتەرلەر مەن سىن - سايىستارعا ءونىمدى توتەپ بەرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قورعاپ، ساياسي تىنىشتىقتى، ۇلتتار ىنتىماعىن، قوعام ورنىقتىلىعىن، ەكونوميكانىڭ دامۋىن ۇزدىكسىز ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى حاۋىپسىزدىك قامتاماسىزدىعىن ازىرلەدى.
”مەملەكەت حاۋىپسىزدىگى جاعدايىن دالمە - ءدال يگەرىپ، جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتۋ جانە مۇقيات دايەكتىلەندىرۋ كەرەك“
مەملەكەت حاۋىپسىزدىگى جۇيەسى مەن قابىلەتى قۇرىلىسىن كۇشەيتىپ، مەملەكەتتىڭ ەكونوميكالىق حاۋىپسىزدىگىن قامتاماسىز ەتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرۋ قاجەت... ”15 - بەسجىلدىق“ جوبا باعدارلاماسىن اشساق، مەملەكەت حاۋىپسىزدىگى سالاسىنداعى ءبىر قىدىرۋ ماڭىزدى ورنالاستىرۋلار نازاردى اۋدارادى.
باس شۋجي شي جينپيڭ بىلاي دەپ تەرەڭ اتاپ كورسەتتى: جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداپ، حالىقتىڭ تىنىش ءومىر، شات - شادىمان تىرشىلىك كەشىرۋىنە كەپىلدىك ەتۋدە مەملەكەت حاۋىپسىزدىگى ماڭداي الدى ءىرى ءىس سانالادى“.
جاڭا جۇڭگو قۇرىلعاننان بەرى، 100 ميلليونداعان حالىق پارتيانىڭ باسشىلىعىندا ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، مەملەكەتتىڭ يەلىك ۇقىعى مەن حالىق دەموكراتياسى بيلىگىن قورعاپ، رەفورما جاساپ، ەسىك اشۋعا جانە وسىزامانداندىرۋ قۇرىلىسىنا تاماشا حاۋىپسىز ورتا ازىرلەدى.
قازىر دۇنيە ءجۇزى وزگەرىسى، ءداۋىر وزگەرىسى، تاريح وزگەرىسى بۇرىن بولماعان تاسىلمەن كەڭەيۋدە، ءتۇرلى ”قاراقۋ“، ”سۇرى ءمۇيىزتۇمسىق“ ۋاقيعالارى كەز كەلگەن ۋاقىتتا تۋىلۋى مۇمكىن، مەملەكەت حاۋىپسىزدىگىنىڭ مازمۇنى مەن ۇعىم اياسى تاريحتاعى ءارقانداي كەزدەگىدەن دە بايىدى.
پاراساتتىلار زامانعا قاراي ءادىس - امال قولدانادى، بىلىكتىلەر جاعدايعا قاراي ءىس ىستەيدى.
”مەملەكەت حاۋىپسىزدىگى جاعدايى وزگەرىسىنىڭ جاڭا ەرەكشەلىگىن، جاڭا بەتالىسىن دالمە - ءدال يگەرىپ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، جۇڭگوشا مەملەكەت حاۋىپسىزدىگى جولىمەن ءجۇرۋ كەرەك“.
جالپى تۇلعالىق مەملەكەت حاۋىپسىزدىگى كوزقاراسى ءداۋىردىڭ دامۋ اۋقىمى جونىندەگى تەرەڭ تولعانىس بارىسىندا ورناپ، جۇڭگوشا مەملەكەت حاۋىپسىزدىگى جولى جونىندە قاجىماي - تالماي ىزدەنىس جاساۋ بارىسىندا دامىدى، جالپى تۇلعالىق ستراتەگيالىق ويمەن جانە كەڭ دۇنيە جۇزىلىك كوز ايامەن مەملەكەت حاۋىپسىزدىگىن يگەرۋ − پارتيامىزدىڭ مەملەكەت حاۋىپسىزدىگىنىڭ نەگىزگى زاڭدىلىعى جونىندەگى تانىمىنىڭ تىڭ بيىككە كوتەرىلگەندىگىنىڭ بەلگىسى.
2018 - جىلى 4 - ايدا 19 - كەزەكتى ورتالىق كوميتەت مەملەكەت حاۋىپسىزدىگى كوميتەتىنىڭ 1 - ماجىلىسىندە باس شۋجي شي جينپيڭ جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي بايىمداپ، ”دامۋ مەن حاۋىپسىزدىك سىندى ەكى ءىرى ءىستى، ءسوز جوق، ءبىر تۇتاس جوسپارلاۋعا تاباندى بولۋدى“ ايقىن تالاپ ەتتى؛
2020 - جىلى 12 - ايدا باس شۋجي شي جينپيڭ 19 - كەزەكتى ورتالىق كوميتەت ساياسي بيۋروسىنىڭ 26 - رەتكى توپتىق ۇيرەنۋىن باسقارعاندا، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرۋ جونىندە ”ونعا تاباندى بولۋ“ ماڭىزدى تالابىن العا قويدى؛
2025 - جىلى 2 - ايدا 20 - كەزەكتى ورتالىق كوميتەت ساياسي بيۋروسى اناعۇرلىم جوعارى دەڭگەيدەگى تىنىش جۇڭگو قۇرۋ جونىندە 19 - رەتكى توپتىق ۇيرەنۋىن وتكىزدى، باس شۋجي شي جينپيڭ بىلاي دەپ باسا دارىپتەدى: ”جالپى تۇلعالىق مەملەكەت حاۋىپسىزدىگى كوزقاراسى − اناعۇرلىم جوعارى دەڭگەيدەگى تىنىش جۇڭگو قۇرۋداعى ماڭىزدى بويسۇنۋ ولشەمى، ءسوز جوق، بۇلجىماي دايەكتىلەندىرۋ كەرەك“؛
...
جالپى تۇلعالىق مەملەكەت حاۋىپسىزدىگى كوزقاراسىنىڭ مازمۇنى باي، يدەياسى تەرەڭ، ول ءبىر جۇيەسى كەمەلدى، لوگيكاسى قاتاڭ، ءوزارا توعىسقان عىلمي نازاريالىق جۇيە.
”جالپى تۇلعانى“ شەشۋشى ءتۇيىن ەتىپ، ۇلكەن حاۋىپسىزدىك ۇستانىمىن كورنەكتىلەندىردى −
”سىرتقى حاۋىپسىزدىك پەن ىشكى حاۋىپسىزدىكتى، مەملەكەت تەرريتورياسى حاۋىپسىزدىگى مەن حالىق حاۋىپسىزدىگىن، ءداستۇرلى حاۋىپسىزدىك پەن بەي ءداستۇرلى حاۋىپسىزدىكتى، ءوز حاۋىپسىزدىگىمىز بەن ورتاق حاۋىپسىزدىكتى ءبىر تۇتاس جوسپارلاپ، مەملەكەت حاۋىپسىزدىگىن قورعاۋدى جانە تۇلعالاۋدى ءبىر تۇتاس جوسپارلاۋ كەرەك“، جالپى تۇلعالىق مەملەكەت حاۋىپسىزدىگى كوزقاراسىن عىلمي ءبىر تۇتاس جوسپارلاۋدى كۇشەيتىپ، مەملەكەت حاۋىپسىزدىگىن پارتيا مەن مەملەكەت قىزمەتى جالپى جاعدايىنىڭ ءارقايسى جاعىنا، ءارقايسى بۋىنىنا ءسىڭىرىپ، پارتيا، ۇكىمەت، ارميا، حالىق، مەكتەپ سىندى جاقتاردىڭ قۋاتتى بىرىككەن كۇشىن توپتاۋدى باسا دارىپتەدى.
ساياسي، اسكەري ىستەر، مەملەكەت تەرريتورياسى، ەكونوميكا، فينانس، مادەنيەت، قوعام، عىلىم - تەحنولوگيا، ينتەرنەت... جالپى تۇلعالىق مەملەكەت حاۋىپسىزدىگى كوزقاراسى 20 ماڭىزدى سالانى قامتيدى ءارى قوعامنىڭ دامۋىنا ىلەسە ۇزدىكسىز يكەمدى رەتتەۋ جۇرگىزىلەدى.
”ونعا تاباندى بولۋ“ ارقىلى وزەكتى مازمۇن ايقىندالدى، بەتالىس، جول ايقىندالدى −
پارتيانىڭ مەملەكەت حاۋىپسىزدىگى قىزمەتىنە شارتسىز باسشىلىعىنا تاباندى بولۋ، جۇڭگوشا مەملەكەت حاۋىپسىزدىگى جولىنا تاباندى بولۋ، حالىقتىڭ حاۋىپسىزدىگىن باس ماقسات ەتۋگە تاباندى بولۋ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋ... ”ونعا تاباندى بولۋ“ جالپى تۇلعالىق مەملەكەت حاۋىپسىزدىگى كوزقاراسىنىڭ مازمۇنى مەن تالابىنا جۇيەلى جيناقتاۋ جۇرگىزگەن، مەملەكەت حاۋىپسىزدىگى قىزمەتىنىڭ زاڭدىلىق تانىمىنىڭ تەرەڭدەتىلۋى، كەڭەيتىلۋى، جوعارىلاتىلۋى بولماق.
تاريحتىڭ قورى ستراتەگيالىق بيىكتىكتى بەلگىلەيدى.
”اماندىقتا قاتەردىڭ، ومىردە ءولىمنىڭ، باسقارۋدا بىلىقپالىقتىڭ بولاتىندىعىن ەستەن شىعارماۋدى“ ايقىنداپ، تاۋقىمەت تانىمىن كۇشەيتتى؛ ”حالىقتى نەگىز ەتۋگە، ادامدى نەگىز ەتۋگە تاباندى بولۋدى“ العا قويىپ، حالىقتى نەگىز ەتۋ يدەياسىنا باسا ءمان بەردى؛ سەنىمدىلىكتى دارىپتەپ، بەرەكەلى ءوتۋدى قۋاتتاپ، ”كورشى ەلدەرمەن جاقىن ءوتۋ، تاتۋ بولۋ − مەملەكەتتىڭ اسىلى“ دەگەندى باسا دارىپتەدى...
جالپى تۇلعالىق مەملەكەت حاۋىپسىزدىگى كوزقاراسى جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىن جان - جاقتى قابىلداپ، جۇڭگو كوممۋنيستىك پارتياسىنىڭ مەملەكەت حاۋىپسىزدىگىن قورعاۋداعى نازاريالىق جەتىستىكتەرى مەن امالياتتىق تاجىريبەلەرىن جۇيەلى قورىتىندىلادى، بۇل − زامانىمىزداعى جۇڭگونىڭ دۇنيە جۇزىنە قوسقان ماڭىزدى يدەيالىق، نازاريالىق ۇلەسى.
ءداۋىردىڭ الدىڭعى لەگىندە ءجۇرىپ، ءداۋىردىڭ وزىق ءۇنىن تاراتتى. باس شۋجي شي جينپيڭ ورتالىق كوميتەت مەملەكەت حاۋىپسىزدىگى كوميتەتىنىڭ ءتوراعالىعى مىندەتىن ءوزى وتەپ، ءوزى جوبالاپ، ءوزى ورنالاستىرىپ، ءوزى قولباسشىلىق ەتىپ، جاڭا داۋىردەگى مەملەكەت حاۋىپسىزدىگى قىزمەتىنىڭ نىق قاداممەن ۇدەرە العا تارتۋىنا، قارىشتاپ العا ىلگەرىلەۋىنە جەتەكشىلىك ەتتى.
الدىمەن ۇلگى بولىپ، ءوزى ىسكە كىرىستى.
پارتيا 19 - قۇرىلتايى جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋدى پارتيا ۋستاۆىنا جازدى، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى دامۋ مەن حاۋىپسىزدىكتى ءبىر تۇتاس جوسپارلاۋدى تۇڭعىش رەت ”14 - بەسجىلدىق“ مەزگىلىندەگى ەلىمىزدىڭ ەكونوميكالىق، قوعامدىق دامۋىنىڭ جەتەكشى يدەياسىنا ەنگىزدى، پارتيا 20 - قۇرىلتايىنىڭ بايانداماسىندا مەملەكەت حاۋىپسىزدىگى جونىندە ارناۋلى تاراۋ ورنالاستىرىلدى... مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىمەن، تۇتاس بارىسىمەن ساباقتاستىرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتتى.
مەملەكەت حاۋىپسىزدىگى زاڭى، مەملەكەت قورعانىسى زاڭى، تەڭىز ساقشىلارى زاڭى، شياڭگاڭدا مەملەكەت حاۋىپسىزدىگىن قورعاۋ زاڭى، استىق حاۋىپسىزدىگىن قامتاماسىزداندىرۋ زاڭى، ينتەرنەت حاۋىپسىزدىگى زاڭى، ساندى مالىمەت حاۋىپسىزدىگى زاڭى... مەملەكەت حاۋىپسىزدىگىن قورعايتىن ءبىر قىدىرۋ زاڭداردى جاساپ، وزگەرىس ەنگىزىپ، جۇڭگوشا مەملەكەت حاۋىپسىزدىگى زاڭ جۇيەسىن اناعۇرلىم تولىقتىرىپ، كەمەلدەندىرىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋدى ەڭ نەگىزگى، ەڭ ورنىقتى، ەڭ سەنىمدى قامتاماسىزدىقپەن قامدادى.
اسقاق جەلبىرەگەن تۋ ەكپىندەي ىلگەرىلەۋ كۇشىن ۇيىستىردى. جالپى تۇلعالىق مەملەكەت حاۋىپسىزدىگى كوزقاراسى امالياتتىڭ سىنىنان ءوتىپ، امالياتتىق ۇلى كۇشكە باي بولىپ، جۇڭگوشا مەملەكەت حاۋىپسىزدىگى جولىنىڭ بارعان سايىن كەڭەيۋىنە جەتەكشىلىك ەتەدى.
”جوعارى ونىمدىلىكپەن باسقارۋ ارقىلى جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جەبەپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋ كەرەك“
حۋاڭپۋجياڭ وزەنى بويىندا قالانىڭ دامۋ ومىرشەڭ كۇشى مەن بۇقارا اماندىعىنىڭ تياناعى، سەنىمى بىرگە شۇعىلا شاشتى، ۇلكەندى - كىشىلى كوشەلەر دۋماندى، گۇلدەنگەن، رەتتى، ءتارتىپتى.
2025 - جىلى 4 - ايدا باس شۋجي شي جينپيڭ شاڭحايدا ءىشىنارا ولكە، اۆتونوميالى رايون، قالالاردىڭ ”15 - بەسجىلدىق“ مەزگىلىندەگى ەكونوميكالىق، قوعامدىق دامۋى جونىندەگى اڭگىمە ءماجىلىسىن باسقارىپ اشتى، ”جوعارى ونىمدىلىكپەن باسقارۋ ارقىلى جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جەبەپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋ كەرەك“ دەگەن سياقتى ماڭىزدى بايىمداۋلار جۇرتتى تەرەڭ تولعاندىردى.
حاۋىپسىزدىك پەن دامۋ − ءبىر دەنەدەگى قوس قانات، قوزعالتاتىن قوس دوڭعالاق.
دامۋ − حاۋىپسىزدىكتىڭ نەگىزى، حاۋىپسىزدىك − دامۋدىڭ العى شارتى. جاڭا داۋىردەگى جۇڭگوشا سوتسياليزم ىستەرى دامۋ مەن حاۋىپسىزدىكتى ءبىر تۇتاس جوسپارلاۋ بارىسىندا تولقىن جارا العا ىلگەرىلەپ، ورنىقتى قاداممەن الىسقا جەتىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ تاراۋىن ۇزدىكسىز جازىپ، جالپى تۇلعالىق مەملەكەت حاۋىپسىزدىگى كوزقاراسىنىڭ قۇدىرەتتى اقيقات كۇشىن تولىق ايگىلەدى.
العاشقى قادامدى جاقسى باسىپ، ىرىقتىلىق شايقاسىن جۇرگىزىپ، جوعارى ساپالى دامۋ بارىسىنداعى ءتۇرلى حاۋىپ - قاتەرلەر مەن سىن - سايىستاردى جويدى.
توسىن ىسكە ساقاداي ساي بولۋ − ەل باسقارۋدىڭ داعدىلى جولى.
پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋدى“ ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوز جوق، بويسۇنۋعا ءتيىستى پرينسيپتەردىڭ ءبىرى دەپ ايقىنداپ، ”دامۋ بارىسىندا حاۋىپسىزدىكتى بەكەمدەپ، حاۋىپسىزدىك بارىسىندا دامۋدى كوزدەپ، تومەنگى شەك ويىن كۇشەيتىپ، ءتۇرلى حاۋىپ - قاتەردەن ءونىمدى ساقتانىپ جانە ونى جويىپ، ەكونوميكالىق جانە قوعامدىق سەرپىمدىلىكتى كۇشەيتىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋدى“ ايقىن العا قويدى.
دامۋ مەن حاۋىپسىزدىكتى ءبىر تۇتاس جوسپارلاۋدا ءتۇيىندى سالالارداعى حاۋىپ - قاتەردەن باتىل ساقتانىپ جانە ونى جويىپ، سىرتقى ورتانىڭ سوققىسىنا ءونىمدى توتەپ بەرىپ، مەجەنى ورنىقتىرىپ، ومىرشەڭ كۇشتى قاۋلاتىپ، حاۋىپسىزدىكتى جوعارى ساپالى دامۋدىڭ تۇتاس بارىسىنا، ءار جاعىنا ءسىڭىرۋ كەرەك.
استىق حاۋىپسىزدىگى ىرىقتىلىق ۇقىعىن يگەردى، ەلىمىزدىڭ استىق ءونىمى ءۇرتىس 2 جىل ءبىر تريلليون 400 ميلليارد جىڭ سىندى جاڭا ساتىعا كوتەرىلدى؛ قورا - جاي شارۋاشىلىعىن دامىتۋدىڭ جاڭا ۇلگىسىن جەدەل ورناتىپ، قورا - جاي سالاسىنداعى حاۋىپ - قاتەردى بەلسەندى، ورنىقتى تۇردە جويدى؛ ۇكىمەت قارىزىن باسقارۋ ءتۇزىمىن كەمەلدەندىرىپ، جۋىق جىلداردان بەرگى تەبىنى ەڭ زور قارىز قايتارۋعا قولداۋ كورسەتۋ ساياساتىن اتقاردى...
اماليات دامۋ بارىسىندا حاۋىپ - قاتەردى ورنىقتى جويۋعا تاباندى بولىپ، حاۋىپ - قاتەردى جويۋ بارىسىندا جوعارى ساپالى دامۋدى جەدەلدەتىپ، دامۋ مەن حاۋىپسىزدىكتىڭ يكەمدى تەپە - تەڭدىگىن، ءبىر - بىرىنە ساي بولۋىن ىلگەرىلەتكەندە عانا مەملەكەتتىڭ دامۋىن اناعۇرلىم حاۋىپسىز، اناعۇرلىم سەنىمدى نەگىز ۇستىندە ورناتۋعا بولاتىندىعىن تولىق دالەلدەدى.
ەڭ الدىڭعى شەپتى كوزدەي ورنالاستىرۋ جاساپ، جاڭا سىن - سايىستاردى كوزدە ۇستادى، جاڭادان گۇلدەنگەن سالالاردىڭ حاۋىپسىز، سەنىمدى بولۋىنا شىنايى كەپىلدىك ەتتى.
ءىرى ەلدەردىڭ بەلدەسۋىندەگى عىلىم - تەحنولوگيا جاعىنداعى كۇش سىناسۋدى ايگىلەدى، قۇپيالىقتىڭ ۇرلانۋ، قۇپيالىقتىڭ اشىلۋ كومەسكى حاۋىپ - قاتەرىن اشىپ كورسەتتى... تاياۋدا مەملەكەتتىك تۇڭعىش رەتكى عىلىم - تەحنولوگيا حاۋىپسىزدىگى نەگىزگى تاقىرىپ بولعان مەملەكەتتىك مەملەكەت حاۋىپسىزدىگى تاربيەسى بازاسى جياڭسۋدىڭ نانجيڭىندە اشىلدى. كوپتەگەن ەكسكۋرسيالاۋشى ”جۇرت جۇرەگىن تىكسىندىردى، ەسكەرتۋ تەرەڭ بولدى“ دەپ بۇكپەسىز ايتتى.
جاساندى زەردە، گەن تەحنولوگياسى، 6G تورى... جاڭادان گۇلدەنگەن سالالاردىڭ دامۋى عىلىم - تەحنولوگيادا جاڭالىق اشۋدان باستاۋ العان، سونداي - اق حاۋىپسىزدىك، قوعامدىق باسقارۋ، ءمورال - ەتيكا سياقتى جاقتاردا كوپتەگەن تىڭ تاقىرىپتار الا كەلدى.
2026 - جىلى 1 - ايدا ”15 - بەسجىلدىقتىڭ“ باستاما جىلىندا ورتالىق كوميتەت ساياسي بيۋروسىنىڭ تۇڭعىش رەتكى توپتىق ۇيرەنۋى نازاردى بولاشاق كاسىپ سالالارىنىڭ دامۋىنا شوعىرلاندىردى. باس شۋجي شي جينپيڭ تەرەڭ ويلانىپ بىلاي دەدى: ”دامۋ مەن حاۋىپسىزدىكتى ءبىر تۇتاس جوسپارلاپ، عىلمي، ءونىمدى باقىلاۋ - باسقارۋ ءتاسىلى جونىندە ىزدەنىس جاساپ، قاتىستى حاۋىپ - قاتەرلەردەن ساقتانىپ، ءارى ’ەركىنە جىبەرىپ جانداندىرۋعا‘، ءارى ’ويداعىداي باسقارۋعا‘ شىنايى كەپىلدىك ەتۋ كەرەك“.
جاڭا تەحنولوگيانىڭ، جاڭا كاسىپ كۇيىنىڭ، جاڭا ۇلگىنىڭ دامۋىن ىلگەرىلەتۋدە ”حاۋىپسىزدىككە“ نەمقۇرايدى قاراۋعا بولمايدى.
مەملەكەتتىك كەڭەس «<جاساندى زەردە> + ارەكەتىن ىشكەرىلەي اتقارۋ جونىندەگى پىكىردى» باسىپ تاراتىپ، جاساندى زەردەنىڭ پايدالى، حاۋىپسىز، ءادىل بولۋ بەتالىسىنا قاراي اقاۋسىز، ءتارتىپتى دامۋىن ىلگەرىلەتتى؛ جاڭادان وزگەرىس ەنگىزىلگەن ينتەرنەت حاۋىپسىزدىگى زاڭىنىڭ اتقارىلۋى مەملەكەتتىڭ ينتەرنەت حاۋىپسىزدىگى قالتقىسىن اناعۇرلىم بەكەمدەدى؛ كوپتەگەن تاراۋلار حاۋىپسىزدىك جەتەكشىلىگىن بىرلەسىپ جاريالاپ، اۆتوكولىك ساندى مالىمەتتەرىنىڭ شەكارادان شىعۋ حاۋىپسىزدىگىن قورعاۋ تالابىن ايقىندادى...
ءبىر قىدىرۋ ساياسات - شارالار ينتەرنەت، ساندى مالىمەت، جاساندى زەردە سياقتى سالالارعا حاۋىپسىزدىك قالتقىسىن بەرىك ورناتىپ، جاڭالىق اشۋدى جەبەۋ مەن حاۋىپ - قاتەردەن ساقتانۋدىڭ بىرلىگىنە تاباندى بولىپ، اناعۇرلىم كوپ ادامنىڭ عىلىم - تەحنولوگيادا جاڭالىق اشۋ جەتىستىكتەرىنەن بىرگە يگىلىكتەنۋىنە مۇمكىندىك جاسادى.
ءبىر باعىتتا العا باسىپ، ەسىك اشۋ مەن حاۋىپسىزدىكتىڭ ءبىرىن - ءبىرى جەبەۋىن، سايكەستى جوعارىلاۋىن ىلگەرىلەتتى.
نانحاي تەڭىزى جاعالاۋى، حاينان ەركىن ساۋدا پورتىنىڭ كەدەن جابىق كۇيدە جۇمىس جۇرگىزگەنىنە 4 ايعا جۋىق ۋاقىت بولدى، ەسىك اشۋ مەن حاۋىپسىزدىكتى ءبىر تۇتاس جوسپارلاۋ بارىسىندا جالىندى ومىرشەڭ كۇش قاۋلادى.
2025 - جىلى 11 - ايدا باس شۋجي شي جينپيڭ سان - ياعا كەلىپ، حاينان ەركىن ساۋدا پورتى قۇرىلىسى قىزمەتىنەن مالىمەت تىڭداپ، بىلاي دەپ ايقىن اتاپ كورسەتتى: ”ەسىك اشۋدى نەعۇرلىم كەڭەيتكەن سايىن، دامۋ مەن حاۋىپسىزدىكتى سولعۇرلىم ءبىر تۇتاس جوسپارلاپ، حاۋىپسىزدىك تومەنگى شەگىن مىقتاپ ساقتاۋ كەرەك“.
ەسىك اشۋ − جۇڭگو ۇلگىسىندەگى وسىزامانداندىرۋدىڭ ايقىن بەلگىسى، ەسىك نەعۇرلىم اشىق بولعان سايىن حاۋىپسىزدىككە سولعۇرلىم ءمان بەرۋ كەرەك.
زاڭدى، حاۋىپسىز، ءتارتىپتى شەكارادان كىرىپ - شىعۋدى باسقارۋ ءتارتىبىن ورناتىپ، كاپيتال، دارىندى، تەحنولوگيا سياقتىلاردىڭ زاڭ بويىنشا، ءتارتىپتى تۇردە شەكارا اتتاپ جىلجۋىن ىلگەرىلەتۋدەن شەتەلگە ساياتىن زاڭدىق قىزمەت وتەۋ دەڭگەيىن جوعارىلاتۋعا، شەتەلدەگى قىزمەتكەرلەر، قۇرىلىمدار جانە مال - مۇلىك قاتارلىلاردىڭ حاۋىپسىزدىگىن زاڭ بويىنشا قامتاماسىزداندىرۋعا؛ ونان جازالاۋعا قارسى تۇرۋ، كيلىگۋگە قارسى تۇرۋ، ”الىستان قۇرىق سالىپ باسقارۋعا“ قارسى تۇرۋ مەحانيزمىن ۇزدىكسىز اقاۋسىزداندىرىپ، مەملەكەتتىڭ دامۋ ۇقىعىن باتىل قورعاۋعا دەيىن... جاڭا جورىقتا ەلىمىز ەسىك اشۋ شارت - جاعدايىندا سىرتقى حاۋىپ - قاتەردەن ساقتانۋدىڭ ءتۇزىم جۇيەسىن ۇزدىكسىز اقاۋسىزداندىرىپ، ەسىك اشۋ مەن حاۋىپسىزدىكتىڭ سەلبەسىپ بىرگە ىلگەرىلەۋىن جەبەدى.
جوعارى دەڭگەيدە سىرتقا ەسىك اشۋدى كەڭەيتىپ، الەمدىك حاۋىپسىزدىك باستاماسىن العا قويىپ، ورتاق، جان - جاقتى، سەلبەسكەن، باياندى حاۋىپسىزدىك كوزقاراسىن دارىپتەدى... وزگەرىس پەن بىلىقپالىق قاباتتاسقان دۇنيە جۇزىنە ايقىندىلىق جانە ورنىقتىلىق ۇستەپ، بەيبىت دامۋدىڭ دۇنيە جۇزىندەگى ءار ەلدىڭ ورتاق تالعامىنا اينالۋىنا مۇمكىندىك جاسادى.
دامۋ سىندى ”ماڭداي الدى ماڭىزدى مىندەتتى“ مىقتى يگەرۋمەن بىرگە، حاۋىپسىزدىك سىندى ”ماڭداي الدى ءىرى ءىستى“ ويداعىداي ىستەگەن جۇڭگو اتتى الىپ كەمە ”ىلگەرىلەۋ“ ساپارىندا باستان - اياق ”ورنىقتى بولۋ“ تاباندىلىعىن ساقتاپ، تولقىن جارا العا ىلگەرىلەپ، العان بەتىنەن قايتپادى.
”حالىقتى نەگىز ەتۋگە، ادامدى نەگىز ەتۋگە تاباندى بولىپ، مەملەكەت حاۋىپسىزدىگىندە بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولۋ كەرەك“
”جىلقى جىلعى كوكتەم مەرەكەسىندە ’جاندانۋ ماۋسىمىنداعى ۇنسىزدىك‘ اتتى كينو زامانىمىزداعى مەملەكەت حاۋىپسىزدىگى تاقىرىبىن تۇڭعىش رەت ەكرانعا شىعارىپ، ادامدارعا اۋمالى - توكپەلى وقيعالار بارىسىندا جاسىرىن شەپتەگى ءۇنسىز بەلدەسۋدى جانە ادالدىقپەن قورعاۋدى سەزىندىردى.
”ولار ءۇن - ءتۇنسىز بوداۋ بەرگەندىكتەن ءبىز تىنىش تۇرمىس كەشىرىپ جاتىرمىز“. ءبىر سايتتاس لەبىز تاقتاسىنا ءسوز قالدىرىپ، اتسىز قاھارماندارعا وسكەلەڭ قۇرمەت سەزىمىن ءبىلدىردى.
حالىقتىڭ حاۋىپسىزدىگى باس ماقسات بولعان مەملەكەت حاۋىپسىزدىگى قىزمەتى، سايىپ كەلگەندە، حالىقتىڭ مۇددەسىن قامتاماسىزداندىرۋ بولىپ تابىلادى.
”مەملەكەت تەرريتورياسى حاۋىپسىزدىگىنە دە ءمان بەرىپ، حالىقتىڭ حاۋىپسىزدىگىنە دە ءمان بەرىپ، حالىقتى نەگىز ەتۋگە، ادامدى نەگىز ەتۋگە تاباندى بولىپ، مەملەكەت حاۋىپسىزدىگىندە بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، مەملەكەت حاۋىپسىزدىگىنىڭ بۇقارالىق نەگىزىن شىن مانىندە بەكەمدەۋ كەرەك“، باس شۋجي شي جينپيڭنىڭ ءسوزى ايبىندى بولىپ، جاڭا داۋىردەگى مەملەكەت حاۋىپسىزدىگىنىڭ ايشىقتى نەگىزگى ءتۇسىن انىق كورسەتتى.
بارلىعىندا حالىق ءۇشىن ىستەپ، بۇقارانىڭ تىنىش ءومىر، شات - شادىمان تىرشىلىك كەشىرۋىنە بەرىك قامتاماسىزدىق ازىرلەدى −
2024 - جىلى جازدا ”كۇبىلى اۆتوموبيلمەن ازىقتىق ماي تاسىدى“ دەگەن حابار جۇرت نازارىن جاپپاي اۋدارىپ، قوعامداعى قاۋىمدى الاڭداتتى.
”اس - سۋ حاۋىپسىزدىگى“ − شارپيتىن كولەمى كەڭ توتەنشە ماڭىزدى ءىس. 2025 - جىلى 9 - ايدا ازىق - تۇلىك حاۋىپسىزدىگى زاڭىنا ”شاعىن كىرىسۋ ءتۇيىنى“ سىندى تاسىلمەن وزگەرىس ەنگىزىلىپ، سۇيىق ازىق - تۇلىكتەردى بىتىراندى قوراپتاپ جولدا تاسىمالداۋ جانە نارەستەرلەر مەن سابيلەر ىشەتىن رەتسەپتى سۇيىق ءسۇتتى باقىلاپ - باسقارۋ سياقتى ناقتى ماسەلەلەرگە مەڭزەس كەمەلدەندىرۋ جۇرگىزىلىپ، ازىق - تۇلىك حاۋىپسىزدىگى قورعانىس شەبى بەكەمدەلدى.
جاڭا دامۋ جوباسىندا حالىق باستان - اياق وزەكتى ورىندا تۇردى. حاۋىپسىز دە بەرەكەلى مەرەكە، ادامدار قايشالىسقان دەمالىس، بارلىق وتباسىنىڭ بەرەكەلى، جاراسىمدى بەينەسى، ۇلكەندەر مەن بالالاردىڭ جۇزدەرىندەگى كۇلكى، ءاربىر باقىتتى ساتتەردىڭ، ءاربىر مەيىرىمگە تولى كورىنىستەردىڭ بارلىعى تىنىش جۇڭگونىڭ جاندى ىقشام كورىنىسى.
2025 - جىلى بۇكىل ەلدەگى قوعام حاۋىپسىزدىگى ورگاندارى تۇرعىزعان جالپى قىلمىستىق ىستەر دەلو سانى سايكەس مەزگىلدەگىدەن تومەندەدى، پروكۋراتۋرا ورگاندارى قولعا الۋدى بەكىتكەن ءتۇرلى قىلمىس كۇماندىلارىنىڭ سانى سايكەس مەزگىلدەگىدەن تومەندەدى، حالىق سوتى مەكەمەلەرى قاراپ اياقتاتقان اۋىر زورلىقتى كۇش قىلمىستىق دەلولارىنىڭ سانى سايكەس مەزگىلدەگىدەن تومەندەدى. ەلىمىزدىڭ قوعام اماندىعى جاعدايى ۇزدىكسىز جاقساردى، ەلىمىز دۇنيە ءجۇزى جاپپاي مويىنداعان ەڭ حاۋىپسىز ەلدەردىڭ ءبىرى بولدى.
بۇقارا قاباعات جيرەنەتىن شەكارا اتتاعان تەلەگراف الدامكوستىگى قىلمىستىق توبى زاڭ بويىنشا قاتاڭ جازالانعاننان 2025 - جىلى ءوندىرىس حاۋىپسىزدىگى شىرعالاڭىنىڭ جالپى سانى ％7. 8 تومەندەگەنگە دەيىن، ونان ”14 - بەسجىلدىق“ مەزگىلىندە بۇكىل ەل بويىنشا 5. PM2تىڭ قويۋلىعى جالپى ％20 تومەندەگەنگە دەيىن... حالىق بۇقاراسىنىڭ اڭىسى كۇشتى بولعان حاۋىپسىزدىك ماسەلەلەرى كۇش سالا شەشىلىپ، حاۋىپسىزدىك قالتقىسىن بەكەمدەۋ قادامى توقتامادى، بارشانىڭ ”باياندى باقىتى“ قامتاماسىز ەتىلدى.
شىن نيەتپەن بورىشىن ادا ەتۋگە اتتانىپ، ناقتى ارەكەتىمەن تاۋ - وزەندى قورعادى.
”شەكارانىڭ اماندىعى بولماسا، قالىڭ وتباسىنىڭ اماندىعى قايدان بولسىن“؟ يۇننان ولكەسى پۋىر قالاسى لانساڭ اۋدانى نوفۋ اۋىلى كەشەندى وڭاۋ ورتالىعىنىڭ قىزمەتكەرى پىڭ گۇيرۇڭ جالعان اياعىن سۇيرەي ءجۇرىپ، بۇقارانىڭ قايشىلىق، داۋ - شارىن شەشتى؛ ”ءبىز ساقشى كيىمىن كيىنگەن ەكەنبىز، قاراڭعىلىقتى بۇقاراعا كورىنبەيتىن جەردە توسىپ قالۋىمىز كەرەك“. سىچۋان ولكەسى چىڭدۋ قالالىق قوعام حاۋىپسىزدىگى مەكەمەسى ەسىرتكىگە تيىم سالۋ تارماق اترەتىنىڭ بۇرىنعى باستىعى ۋاڭ يۇيفي بۇكىل ءومىرىن ەسىرتكىگە تيىم سالۋ كۇرەسىنە ارنادى... ءۇنسىز تۇلعالار ءبىر ءوڭىردىڭ اماندىعىن قورعاپ، سان مىڭ وتباسىنا جارىق سيلادى.
بارلىعىندا حالىققا سۇيەنىپ، مەملەكەت حاۋىپسىزدىگىن قورعاۋدىڭ قۇدىرەتتى كۇشىن ۇيىستىردى −
2016 - جىلى تۇڭعىش رەتكى جالپى حالىقتىق مەملەكەت حاۋىپسىزدىگى تاربيەسى كۇنى كەلۋ بايلانىسىمەن باس شۋجي شي جينپيڭ ماڭىزدى نۇسقاۋ بەرىپ، ”بۇكىل پارتيانى، بۇكىل قوعامدى بىرگە قۇلشىنۋعا جۇمىلدىرىپ، مەملەكەت حاۋىپسىزدىگىن قورعاۋدىڭ قۇدىرەتتى كۇشىن ۇيىستىرىپ، مەملەكەت حاۋىپسىزدىگىنىڭ قوعامدىق نەگىزىن بەكەمدەۋدى“ باسا دارىپتەدى.
جالعىزدىڭ ءۇنى شىقپاس، كوپ جۇمىلسا بىتپەيتىن ءىس جوق. جەر - جەر، تاراۋلار مەملەكەت حاۋىپسىزدىگى ۇگىت تاربيەسىن كۇندەلىكتى تۇرمىسقا ءسىڭىرىپ، ادامدار قۇمارتا تىڭداپ، قۋانا كورەتىن فورمالار ارقىلى جالپى تۇلعالىق مەملەكەت حاۋىپسىزدىگى كوزقاراسىنىڭ جۇرت جۇرەگىنە تەرەڭ ۇيالاۋىن ىلگەرىلەتىپ، بۇكىل قوعام مەملەكەت حاۋىپسىزدىگىن بىرگە قورعايتىن قۇدىرەتتى بىرىككەن كۇش ۇيىستىردى.
”مەملەكەت قاقپاسىندا ورگانيزمدەر حاۋىپسىزدىگىن قورعاپ، كورىكتى ەكولوگيالىق مەكەندى بىرگە قۇرامىز“. بيىل 3 - ايدا چيڭداۋ داگاڭ كەدەنىنىڭ قىزمەتكەرلەرى چيڭداۋ 2 - تاجىريبە ورتالاۋ مەكتەبىنە بارىپ، بەرتىنگى جىلدارى تەكسەرىلىپ اشكەرەلەنگەن تيپتىك دەلو مىسالدارىمەن جانە زياندى بيولوگيالىق ۇلگىلەرمەن ۇشتاستىرىپ، وقۋشىلارعا مەملەكەت قاقپاسى ورگانيزمدەر حاۋىپسىزدىگىنىڭ ماڭىزدى ءمانىن ءتۇسىندىردى.
4 - ايدىڭ 10 - كۇنىنەن باستاپ كوپتەگەن بۇقارا جۇڭحۋا سوۆەتتىك رەسپۋبليكاسى مەملەكەتتىك ساياسي قورعاۋ مەكەمەسىنىڭ ەسكى جۇرتىنا جانە جالپى تۇلعالىق مەملەكەت حاۋىپسىزدىگى كوزقاراسى رۇيجين تاربيەلەۋ، باۋلۋ بازاسىنا بارىپ، قىزىل بيلىكتى قورعاۋ قىزمەتىنىڭ شۇعىلالى تاريحىن قايتا ەسكە الىپ، جاڭا داۋىردەگى مەملەكەت حاۋىپسىزدىگىنىڭ باي مازمۇنى مەن كەرەمەت تابىستارىن سەزىندى.
كاسىپورىندارعا، اۋىل - قىستاقتارعا، الەۋمەتتىك اۋماقتارعا، مەكتەپتەرگە ەنگىزىلدى... جالپى حالىقتىق مەملەكەت حاۋىپسىزدىگى تاربيەسىندە ”جەتىگە كىرۋ“ جاعدايى نەگىزىنەن جۇزەگە اسىرىلدى، ۇگىت تاربيەسى بويىنشا سالالاردى قامتۋ دارەجەسى، بۇقارانىڭ مويىنداۋ دارەجەسى، قوعامنىڭ ات سالىسۋ دارەجەسى ۇزدىكسىز جوعارىلادى.
وقۋ - اعارتۋ مينيسترلىگى ”سان مىڭداعان جوعارى مەكتەپ وقۋشىلارىنىڭ مەملەكەت حاۋىپسىزدىگى تاربيەسى ساباعىن بىرگە وقۋىن“ ۇيىمداستىرىپ ورىستەتتى؛ مەملەكەت حاۋىپسىزدىگى ورگاندارى مەملەكەت حاۋىپسىزدىگىن قورعاۋدا ماڭىزدى ۇلەس قوسقان بۇقارانى شوعىرلى سيلادى - ماداقتادى؛ جەر - جەردەگى نەگىزگى ساتى قىزمەتكەرلەرى اۋىل - قىستاق كوشەلەرىندە شاپقىلاپ، مەملەكەت حاۋىپسىزدىگى بىلىمدەرىن ۇگىتتەدى...
«نىجانىڭ ەسىرتكىنى جويۋ ەستەلىگى» اتتى قۋىرشاق تەاتر ارقىلى ”كوڭىلدەندىرگىش گازدىڭ“، ”باستى اينالدىراتىن ەلەكتروندى تەمەكىنىڭ“ زيانىن اشكەرەلەۋدەن جىجياڭداعى ”قىزىل ۇيەڭكى ادىلەت ساقشىسىنىڭ“ وتباسىلارىن ارالاپ الدامكوستىككە قارسى تۇرۋ ۇگىتىن ورىستەتۋىنە دەيىن، ونان چۇڭچيڭ قالالىق حالىق پروكۋراتۋراسى ازامات جاسىنا تولماعانداردى قورعاۋ قىزمەتى ۇجىمىنىڭ بالالاردىڭ زاڭمەن باسقارۋ ”لەكتورى“ بولۋىنا دەيىن... حاۋىپسىزدىك بىلىمدەرى ”قاراپايىم بۇقارانىڭ وتباسىنا جەتىپ“، جۇرتتىڭ جۇرەك تۇكپىرىنەن ورىن الدى.
جەدەل جولداما جەتكىزۋشى جىگىت تالونداعى كۇماندى سوزدەردى بايقاپ، زاڭسىز ۇگىت بۇيىمدارىن قولعا تۇسىرۋگە كومەكتەستى؛ بالىقشىلار تەڭىزدەگى قۇپيالىقتى ۇرلاۋ جابدىقتارىن ءسۇزىپ الىپ، دەر كەزىندە مەملەكەت حاۋىپسىزدىگى ورگانىنا تاپسىردى... كوپتەگەن ادام ”سىرتتاي تاماشالاۋشىدان“ ”ات سالىسۋشىعا“ اينالدى، مەملەكەتتىڭ حاۋىپسىزدىگىن، قوعامنىڭ تىنىشتىعىن قورعاۋ بۇكىل قوعامنىڭ سانالى ارەكەتىنە جانە ورتاق تالپىنىسىنا اينالدى.
يدەيا تۋى جول باستاپ، ايبىندى ىستەردە جاڭا داستان جازىلدى.
”مەملەكەت حاۋىپسىزدىگى − ەلدىڭ تىنىش، مەملەكەتتىڭ مىعىم بولۋىنىڭ ماڭىزدى ىرگە تاسى، مەملەكەت حاۋىپسىزدىگىن قورعاۋ − بۇكىل ەلدەگى ءار ۇلت حالقىنىڭ ءتۇبىرلى مۇددەسىنە سايادى“.
باس شۋجي شي جينپيڭ نۇسقاعان بەتالىستى بويلاپ، مەملەكەت حاۋىپسىزدىگىنىڭ مىزعىماس قۇرىش قورعانىن سوعىپ، جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم پارمەندى قامتاماسىزدىق ازىرلەيىك!
(تىلشىلەر لو شا، فىڭ جياشۇن، چي چي، سۇن پىڭچىڭ)
(شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى)