4 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى ( ءتىلشى ۋىن شين). 4 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن كەزدەستى.

شي جينپيڭ بىلاي دەپ اتاپ كورسەتتى: حالىقارالىق جاعدايدا وزگەرىس پەن بىلىقپالىق قاباتتاسسا دا، جۇڭگو مەن يسپانيانىڭ قارىم - قاتىناسى باستان - اياق ورنىقتى دامىپ، ستراتەگيالىق تاباندىلىققا يە جۇڭگو − يسپانيا قارىم - قاتىناسىن تۇلعالادى، مۇنداعى ماڭىزدى ءبىر تاجىريبە − ورتاق مۇددە نەگىزىندە دۇرىس شەشىم جاساۋ. فاكتتەر سەلبەستىكتى تەرەڭدەتۋ ەكى ەل حالقىنىڭ مۇددەسىنە ۇيلەسەتىندىگىن، ءداۋىردىڭ دامۋ اۋقىمىنا ۇيلەسەتىندىگىن، ءبىر - ءبىرىنىڭ دەربەس، وزىنە - ءوزى قوجايىن بولۋ جولىمەن ءجۇرۋ ناقتى قۋاتى مەن جىگەرىن كۇشەيتەتىندىگىن دالەلدەدى. ەكى جاق جۇڭگو − يسپانيا قارىم - قاتىناسىن دامىتۋدى باستان - اياق ءوزارا سىرتقى ساياساتىنىڭ ماڭىزدى ورنىنا قويىپ، قارسى جاقتىڭ مەملەكەتتىڭ يەلىك ۇقىعىن جانە تەرريتوريا تۇتاستىعىن قورعاۋىن ءوزارا قولداۋى كەرەك. جۇڭگو ۇزاق بولاشاقتىق ستراتەگيالىق نىسانا مەن كەزەڭدىك نىسانانى بىرلىككە كەلتىرىپ، ءبىر - بىرىنە جالعاستىرا ىستەيتىن تاريحي سابىرلىلىقپەن 5 جىلدىق جوبانى ۇزدىكسىز جاسادى جانە اتقاردى. بىزدە جۇڭگو ۇلگىسىندەگى وسىزامانداندىرۋدى باتىل ىلگەرىلەتۋ بەكىمى دە، جوعارى دەڭگەيدە سىرتقا ەسىك اشۋ ارقىلى دۇنيە جۇزىمەن دامۋ ورايىنان بىرگە يگىلىكتەنۋ پەيىلى دە بار، ءوز دامۋىمىز ارقىلى دۇنيە ءجۇزى ەكونوميكاسىنىڭ ارتۋىنا سەنىم جانە قوزعاۋشى كۇش ۇستەيمىز. ەكى جاق ورايدى يگەرىپ، جاڭالىق اشا دامۋدى بىرگە جوسپارلاپ، ساۋدا، جاڭا ەنەرگيا، زەردەلى ەكونوميكا سياقتى سالالارداعى سەلبەستىكتى كۇشەيتىپ، مادەنيەت، وقۋ - اعارتۋ، عىلمي زەرتتەۋ، دەنە تاربيە اۋىس - كۇيىسىنە دەم بەرىپ، ەكى ەلدىڭ جاپپاي ستراتەگيالىق سەرىكتەستىك قارىم - قاتىناسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، ەكى ەل حالقىنا اناعۇرلىم مول قۇت - ىرىس اكەلۋى كەرەك.

شي جينپيڭ بىلاي دەپ باسا دارىپتەدى: بۇگىنگى دۇنيە بىلىقپالىق كوبەيىپ، ادىلدىك پەن وكتەمدىكتىڭ بەلدەسۋىنە ءدوپ كەلىپ وتىر. حالىقارالىق زاڭ مەن حالىقارالىق تارتىپكە قالاي مامىلە جاساۋ ءبىر ەلدىڭ دۇنيەگە كوزقاراسىن، ءتارتىپ كوزقاراسىن، قۇن كوزقاراسىن جانە جاۋاپكەرشىلىك كوزقاراسىن بەينەلەيدى. جۇڭگو مەن يسپانيا ەكەۋى دە پرينسيبى بار، ءمورالدى دارىپتەيتىن ەلدەر، بايلانىستى كۇشەيتىپ، ءوزارا سەنىمدىلىكتى بەكەمدەپ، تىعىز سەلبەسىپ، دۇنيە ءجۇزىنىڭ ورمان زاڭىنا شەگىنۋىنە قارسى تۇرىپ، ناعىز كوپ جاقتىلىقتى بىرگە قورعاپ، بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى قورعاپ، تەپە - تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋى كەرەك.

سانچەس بىلاي دەدى: مەنىڭ 4 جىلدان بەرى جۇڭگوعا 4 رەت ساپارلاي كەلۋىم ەكى جاقتىڭ يسپانيا − جۇڭگو قارىم - قاتىناسىنا ايرىقشا ءمان بەرگەندىگىن كورسەتەدى. جۇڭگو كاسىپورىندارىنىڭ يسپانياداعى قارجى قوسۋ سەلبەستىگى يسپانيا ەكونوميكاسىنىڭ دامۋىن پارمەندى جەبەدى. يسپانيا ءبىر جۇڭگو پرينسيبىنە باتىل بويسۇنادى، جۇڭگونىڭ ءىرى ەلدىك ورنىنا وسكەلەڭ ءمان بەرەدى، ستراتەگيالىق تاباندىلىققا يە يسپانيا − جۇڭگو سەرىكتەستىك قارىم - قاتىناسىن دامىتۋعا تاباندىلىقپەن كۇش سالادى، ساۋدا، قارجى قوسۋ، جاڭا ەنەرگيا سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - كۇيىستى جەبەۋدى ءۇمىت ەتەدى. كۇردەلى دە قاتاڭ حالىقارالىق جاعداي جانە ءجيى، قايتا - قايتا تۋىلعان قاقتىعىس، تالاس - تارتىس الدىندا، كوپ جاقتىلىققا تاباندى بولىپ، كوپ ۇيەكتى دۇنيە قۇرۋدى ىلگەرىلەتكەندە عانا ادامزاتقا باياندى بەيبىتشىلىك اكەلۋگە بولادى. يسپانيا ءتوراعا شي جينپيڭ العا قويعان 4 ءىرى الەمدىك باستامانى بەلسەنە قولدايدى، جۇڭگو جاقپەن ءجيى بايلانىس، سەلبەستىك جاساپ، حالىقارالىق وڭىرلىك ساياسي، ساۋدا قورعامپازدىعى، كليمات وزگەرىسى سياقتى جاقتارداعى سىن - سايىستارعا بىرگە توتەپ بەرىپ، حالىقارالىق زاڭ مەن كوپ جاقتىلىقتى قورعاۋدى قالايدى. يسپانيا ”جاڭا قىرعي قاباقتىق سوعىسقا“ قارسى تۇرادى، ”بايلانىستى الشاقتاتىپ، تىزبەكتى ۇزۋگە“ قارسى تۇرادى، ەۆروپا مەن جۇڭگونىڭ بايلانىستى، تۇسىنىستىكتى ارتتىرۋىن، سەلبەستىكتى كۇشەيتۋىن قولدايدى. ەۆروپا − جۇڭگو قارىم - قاتىناسىنىڭ اقاۋسىز دامۋى ەكى جاقتىڭ ورتاق مۇددەسىنە ۇيلەسەدى ءارى دۇنيە ءجۇزىنىڭ بەيبىتشىلىگىنە، ورنىقتىلىعىنا ءتيىمدى.

ۋاڭ ي كەزدەسۋگە قاتىناستى.