تىلشىلەرىمىز مىڭ شيا، ليۋ دۇڭيۋە حابارلايدى. جالپى حالىقتىڭ مەملەكەت حاۋىپسىزدىگى تانىمىن ونان ارى كۇشەيتىپ، مەملەكەت حاۋىپسىزدىگى تاربيەسىنىڭ تەرەڭدەۋىن، ناقتىلانۋىن ىلگەرىلەتۋ ٴۇشىن، 4 - ايدىڭ 13 - كۇنى 11 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى قارساڭىندا، ىلە وبلىسى 2026 - جىلعى جالپى حالىقتىق مەملەكەت حاۋىپسىزدىگى ۇگىت تاربيەسى ايى جانە شەكارانى ارالاپ ۇگىت لەكسيا جاساۋ جەلىلەس قيمىلىن باستاۋ سالتىن وتكىزدى.

بۇل رەتكى قيمىلدى ىلە وبلىستىق پارتكوم كەڭسەسى، وبلىستىق پارتكوم ۇگىت ٴبولىمى ۇيىمداستىردى، ىلە وبلىستىق قوعام حاۋىپسىزدىگى مەكەمەسى، ىلە شەكارا باسقارۋ تارماق اترەتى، ىلە مەملەكەت حاۋىپسىزدىگى مەكەمەسى، ىلە شىفان داشۋەسى، باتىس وڭتۇستىك ساياسي - زاڭ داشۋەسى سەلبەسىپ وتكىزدى. باستالۋ سالتى ناق مايدانىندا ”دامۋ مەن حاۋىپسىزدىكتى ٴبىر تۇتاس جوسپارلاپ، ’15 - بەسجىلدىق‘ جاڭا جورىعىندا قورعاۋشى بولۋ“ نەگىزگى تاقىرىبى ەرەكشە كوز تارتادى. ىلە وبلىسىنا توتە قاراستى ورگاندار مەن كاسىپورىنداردان، ٴىسورىنداردان كەلگەن كادرلار، جۇمىسشى - قىزمەتكەرلەر، قوعام حاۋىپسىزدىگى حالىق ساقشىلارى، ورتا، باستاۋىش مەكتەپ وقۋشىلارى ۋاكىلدەرىنەن جالپى 800 دەن استام ادام قيمىلعا قاتىناستى. ىلە وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ياڭ شينپيڭ باستالۋ سالتىنا قاتىناستى ٴارى ٴسوز سويلەدى.

سۋرەتتە: سارالانىپ شىققان ”ىلە وبلىسىنىڭ مەملەكەت حاۋىپسىزدىگىندەگى 15 ۇزدىك ۇگىت لەكسياشىسىنا“ كۋالىك تاراتۋدا.

سۋرەتتى مىڭ شيا تۇسىرگەن

قيمىلدا ىلە وبلىسىنىڭ مەملەكەت حاۋىپسىزدىگىندەگى ۇزدىك ۇگىت لەكسياشىلارى، ىلە شىفان داشۋەسى مەن باتىس وڭتۇستىك ساياسي - زاڭ داشۋەسىنىڭ جالپى تۇلعالىق مەملەكەت حاۋىپسىزدىگى كوزقاراسى ۇگىت لەكسيا ۇيىرمەسى بىرلەسىپ وزگەشە ۇلگى كورسەتەتىن ۇگىت لەكسيا كورمەسىن وتكىزدى. كورمە ماڭايداعى حيكايالاردى بايانداۋ، سارا تۋىندىلاردى ٴتۇسىندىرۋ، ولەڭ وقۋ، ۇلاسپالى ٴان، كورىنىستىك دەدۋكسيا سياقتى كوپ نەگىزدى فورمالار ارقىلى جالپى تۇلعالىق مەملەكەت حاۋىپسىزدىگى كوزقاراسىنىڭ مازمۇنى مەن ماڭىزدى ٴمانىن جۇيەلى بايانداپ، مەملەكەت حاۋىپسىزدىگىن قورعاۋ ٴاربىر ازاماتتىڭ جاۋاپكەرشىلىگى جانە بورىشى ەكەندىگىن ىشكەرىلەي ٴتۇسىندىرىپ، قالىڭ كادرلار مەن بۇقارانىڭ مەملەكەت حاۋىپسىزدىگى تانىمىن ٴونىمدى جوعارىلاتتى.

قيمىل الاڭىندا سارالانىپ شىققان ”ىلە وبلىسىنىڭ مەملەكەت حاۋىپسىزدىگىنـدەگى 15 ۇزدىـك ۇگىت لەكسياشىسىنا“ كۋالىك تاراتىلدى.

شوعىرلى ۇلگى كورسەتىپ ۇگىت لەكسيا جاساۋدى ورىستەتۋمەن بىرگە، ىلە وبلىسى تاعى مەملەكەت حاۋىپسىزدىگىندەگى ۇزدىك ۇگىت لەكسياشىلار مەن ەكى جوعارى مەكتەپتىڭ ۇگىت لەكسيا ۇيىرمەسىن ۇيىمداستىرىپ، شەكاراداعى ٴبىرىنشى شەپكە بارىپ، 5 كۇندىك ۋاقىتپەن ارالاپ ۇگىت لەكسيا جاسادى. ۇگىت لەكسيا ۇيىرمەسى ”ساياسات، نازاريا + زاڭ، زاڭ - ەرەجە + تاريحي ناقتى دەلو مىسالدارى + تيپتىك ۇلگىلى حيكايا“ ۇلگىسىمەن شەكارا قورعانىسى كوماندير - جاۋىنگەرلەرىنە، شەكارا قورعانىسى حالىق ساقشىلارىنا، شەكارا قورعاۋشىلارىنا، شەكاراداعى اۋىل - قىستاق ەگىنشى - مالشى بۇقاراسىنا مەملەكەت حاۋىپسىزدىگى تاربيەسى ساباعىن جاندى ٴوتىپ، مەملەكەت حاۋىپسىزدىگى ۇستانىمىن شەكارانىڭ ٴبىرىنشى شەبىندە تەرەڭ تامىر تارتقىزىپ، شەكارانى قورعادىڭ ”قۇرىش قورعانىن“ اناعۇرلىم نىعايتتى.

بۇدان سىرت، جۋىقتا ىلە وبلىسىنداعى تاراۋلار، ورىندار، اۋدان، قالالار جالپى حالىقتىق مەملەكەت حاۋىپسىزدىگى ۇگىت تاربيەسى ايى جەلىلەس قيمىلدارىن ارت - ارتىنان باستادى. 4 - ايدىڭ 10 - كۇنى وبلىستىق پارتكوم باستاماشىلدىقپەن نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋ ٴماجىلىسىن اشىپ، جۇڭگو حالىق ازاتتىق ارمياسى مەملەكەت قورعانىسى عىلىم - تەحنولوگيا داشۋەسىنىڭ ماماندارىن جۇمىس باسىندا ساباق وتۋگە ۇسىنىس ەتىپ، بۇكىل وبلىستاعى پارتيالى كادرلاردى جالپى تۇلعالىق مەملەكەت حاۋىپسىزدىگى كوزقاراسىن مۇقيات امالياتتا ايگىلەپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قورعاۋعا جۇمىلدىردى. تاراۋلار، ورىندار نازاريا ۇيرەنۋ وزەكتى گرۋپپاسىنىڭ ۇيرەنۋى، نەگىزگى تاقىرىپتىق پارتيا كۇنى قيمىلى سياقتى تاسىلدەرمەن جالپى تۇلعالىق مەملەكەت حاۋىپسىزدىگى كوزقاراسى امالياتتىق تاربيە بازاسىن ەكسكۋرسيالاپ، ارناۋلى تاقىرىپتىق تاربيە ورىستەتتى. اۋدان، قالالار ۇگىت تاربيەسى قيمىلىن ساياحات، مەرەكە - مەيرام سياقتى قيمىلدارمەن توعىستىرىپ، قۇلجا قالاسى التىشۋار كوشەسى كورىنىس رايونى، قورعاس شەكارا وتكەلى 6 ـ ۇرپاق مەملەكەت قاقپاسى سياقتى جەرلەردە مەملەكەت حاۋىپسىزدىگى نەگىزگى تاقىرىبىنداعى ”توسىننان شىعۋ“ تارتىمدى قيمىلدارىن وتكىزدى. ٴارقايسى كينوحانا، ٴىرى ساۋدا سارايى، قالا عيماراتتارى، الەۋمەتتىك اۆتوبۋز جانە تاكسي سياقتى ورىنداردا مەملەكەت حاۋىپسىزدىگى ۇگىتى جونىندە قىسقا كەسكىندەر، جازبا ۇراندار قويىلىپ، ستەرەولدى ۇگىت شەبىن قالىپتاستىردى. ىلە شىفان داشۋەسى، ورتا، باستاۋىش مەكتەپتەر نەگىزگى تاقىرىپتىق ۇگىت لەكسياسى، نەگىزگى تاقىرىپتىق كلاس جيىنى، حاتكەرلىك، سۋرەت سالۋ جارىسى سياقتى ٴتۇرلى فورماداعى تاربيە جانە امالياتتىق قيمىلداردى ارت - ارتىنان ورىستەتىپ، قالىڭ جاستار مەن ورەندەردى دۇرىس مەملەكەت كوزقاراسىن، تاريح كوزقاراسىن، حاۋىپسىزدىك كوزقاراسىن ورناتىپ، مەملەكەت حاۋىپسىزدىگىنىڭ جالىندى كۇشى بولۋعا جەتەكتەدى.

بيىل ىلە وبلىسى 11 ـ رەتكى جالپى حالىقتىق مەملەكەت حاۋىپسىزدىگى تاربيەسى كۇنىن دانەكەر ەتىپ، ٴبىر اي ۋاقىتپەن قيمىلدى جاپپاي ورىستەتەدى، اۋداندار، قالالار، سالالار، تاراۋلار، ورىندار جىل بويى جەلىلەس ۇگىت تاربيەسى قيمىلىن ۇزدىكسىز ورىستەتىپ، ”ٴبىر كۇن شوعىرلى جەتەكشىلىك ەتۋدى، ٴبىر اي ىشكەرىلەي كەڭەيتۋدى، ٴبىـر جىل ۇدايى، باياندى بولۋدى“ جۇزەگە اسىرادى.