ىلەدە: مادەنيەت - ساياحات نىسان قۇرىلىستارى جەدەلدەتىلىپ، تۇتاس وڭىرلىك ساياحاتتىڭ ونىمدىلىگىن ارتتىردى

تىلشىلەرىمىز لۋ جۇڭ، حۋاڭ جيڭ، ەرىكتى تىلشىلەر حاۋ ي - ران، پىڭ شياڭميڭ

سوڭعى ەكى جىلدا، ىلە بايىرعى قالا مادەنيەت ـ ساياحات رايونىنىڭ قورعاۋ سيپاتتى دارەجەسىن جوعارىلاتۋدان قورعاس اۋدانى حۋاڭحۋاڭ قىستاعىنىڭ نەگىزگى تاقىرىپتىق جۇپار ٴشوپ جاياۋلار كوشەسى قۇرىلىسىنا دەيىن، ٴبىر ـ بىرلەگەن ٴتۇيىندى نىساندار ىلە سىندى وسى ىرىستى توپىراققا تىڭ ومىرشەڭدىك كۇش ۇستەدى.

قازىر ىلە بايىرعى قالا مادەنيەت - ساياحات رايونى بەيزاتتىق مادەني مۇرالار كوشەسى قۇرىلىسىنىڭ جۇمىس باسىندا قۇرىلىس شوعىرىنىڭ العاشقى سۇلباسى قالىپتاستى. ”بەيزاتتىق مادەنيەت مۇرالار كوشەسى قۇرىلىسى نىسانى 11 عيماراتتان قۇرالعان، جالپى كولەمى شامامەن 5200 شارشى مەتر، قازىر جالپى ينجەنەريانىڭ %60 ى ورىندالىپ بولدى. كەزەكتە تام قابىرعاسىن قالاۋ جۇمىسى ىستەلىپ جاتىر، قۇرىلىس جۇمىسىن وسى ايدىڭ سوڭىندا ورىنداپ بولۋدى جوسپارلاپ وتىرمىز“، ـ دەدى نىسان قۇرىلىسىنىڭ جاۋاپتىسى شيۇڭ بو تانىستىرىپ.

بەيزاتتىق مادەني مۇرالار كوشەسى قۇرىلىس نىسانى قۇلجا قالاسى قازانشى 4A دارەجەلى كورىنىس رايونىنىڭ دارەجەسىن جوعارىلاتۋ، جاڭالاۋ نىسانىنىڭ ماڭىزدى قۇرامداس بولىگى. بۇل كورىنىس رايونىنىڭ جاڭالاۋ نىسانىنا جالپى 186 ميلليون يۋان قارجى قوسىلعان، 2024 ـ جىلى 7 ـ ايدا قۇرىلىس باستاعان، مەجەمەن بيىل جىل سوڭىنان بۇرىن اياقتالادى. قۇرىلىس مازمۇنى نەگىزىنەن 10 تاريحي قۇرىلىستى جوندەۋ، بەيزاتتىق مادەني مۇرالار كوشەسىن جاڭادان سالۋ جانە كوپ ۇلتتى اۋلالاردى تۇلعالاۋ، سونداي - اق 14 كوشەنىڭ جالپىلىق قۇبىر جەلىسىن، ەلەكتر سىمدارىن جەر استىنا ٴتۇسىرىپ ورنالاستىرۋ، قۇرىلىس سىرتىنىڭ دارەجەسىن جوعارىلاتۋ، سۋ جۇيەسىن قالپىنا كەلتىرۋ سياقتىلاردى قامتيدى، بۇدان سىرت، قولايلى اۆتوكولىك توقتاتۋ الاڭى جانە ەكى ساياحات دارەتحاناسى سالىنادى.

قۇلجا ساياحات كورىنىس رايونىن باسقارۋ كوميتەتى جوبا ـ قۇرىلىس ٴبولىمىنىڭ باستىعى ان شياۋچۋان بىلاي دەدى: نىسان سالىنىپ بولعاننان كەيىن، ىلە بايىرعى قالا مادەنيەت ـ ساياحات رايونىنىڭ سولتۇستىك رايونىندا سارا ساياحات جەلىسى قالىپتاسادى. قۇرىلىس بارىسىندا، قۇرىلىس جۇرگىزۋشى جاق تاريحي كوشەلەردى قورعاۋ جوباسىنىڭ تالابى بويىنشا ىلگەرىلەتتى، كولەمدى شاعۋ، كولەمدى قۇرىلىس سالۋ جاعدايى بولعان جوق. ونان دا ماڭىزدىسى، نىسان تۇرعىنداردى اۋلا شارۋاشىلىعىن دامىتۋعا شابىتتاندىرادى، مۇنداعى ماقسات ىلە بايىرعى قالاسىن ساياحاتشىلار اڭسارى اۋاتىن، تۇرعىندار ماقتانىش ەتەتىن جەرگە اينالدىرۋ.

سونىمەن بىرگە، قورعاس اۋدانى لۋساۋگوۋ قالاشىعى سىگۇڭ قىستاعىنداعى جۇپار ٴشوپ رومانتيكاسى نەگىزگى تاقىرىپتىق ەرەكشە جاياۋلار كوشەسىنىڭ قۇرىلىسى دا جەدەل ىلگەرىلەتىلۋدە. نىساندا جۇمىس قالپىنا كەلتىرىلگەننەن بەرى قۇرىلىس جۇرگىزۋشى جاق سىرتقى كورىنىسىن جاڭالاۋ، جەرگە كەرپىش توسەۋ جانە ٴۇي ٴىشىن اشەكەيلەۋ سياقتى ٴتۇرلى قۇرىلىس مىندەتتەرىن كۇش سالا ىلگەرىلەتۋدە، جالپى تۇلعالىق اياق الىسى ٴساتتى بولدى. ۇعىسۋعا قاراعاندا، جاياۋلار كوشەسى ەكى مەرزىمگە ٴبولىپ سالىنادى ەكەن، ٴبىرىنشى مەرزىمدىك قۇرىلىسقا 24 ميلليون يۋان قارجى قوسىلىپ، يەلەگەن جەر كولەمى شامامەن 19284.37 شارشى مەتر بولعان. قورعاس اۋدانىنىڭ ساياحات سايكەستى قۇرىلعىلارىن كەمەلدەندىرۋ، كاسىپ سالاسى تىزبەگىن ۇزارتۋداعى ٴتۇيىندى نىسانى رەتىندە جاياۋلار كوشەسى جۇپار ٴشـوپ ەرەكـشـە مـادەنيەت - ساياحات فاكتورلارىن ىشكەرىلەي توعىستىرىپ، توڭىرەكتەگى مادەنيەت - ساياحات بايلىعىن بايلانىستىرىپ، تاماشالاۋ، ساياحاتتاۋ، سەيىل ـ سەرۋەن، دەمالىس، تاۋارلاردى بولشەك ساتۋ، ەرەكشە اس ـ سۋ، مادەنيەت جاسامپازدىعى ونىمدەرى كورمە - ساۋداسى، ىقپالداستىق سەزىنۋدى ٴبىر تۇلعالاندىرادى، مۇنداعى ماقسات ساياحاتشىلاردىڭ ساياحات كەشىرمەسىن بايىتىپ، سەيىل - سەرۋەن ساياحاتىنان ىشكەرىلەي سەزىنۋ ساياحاتىنا قاراي بۇرىلىس جاساۋدى ىلگەرىلەتۋ.

وسى جاياۋلار كوشەسى نىسانىندا 3 ـ ايدىڭ 23 ـ كۇنى جۇمىستى، ٴوندىرىستى قالپىنا كەلتىردى، قازىر قۇرىلىس مولشەرىنىڭ %85 ى ورىندالدى. ٴتىلشى جۇمىس باسىندا 150 جۇمىسشىنىڭ كەرپىش توسەۋ، سىرتقى كورىنىستەرىن سىرلاۋ جانە ٴۇي ٴىشىن اشەكەيلەۋ سياقتى جۇمىستارمەن شۇعىلدانىپ جاتقانىن كوردى، قۇرىلىس مەجەمەن 5 - ايدىڭ ورتاسىندا اياقتايدى. قۇرىلىس جۇرگىزۋشى جاق حاۋىپسىزدىككە كەپىلدىك ەتۋ العى شارتىندا ساياحاتتىڭ قاۋىرت مەزگىلى كەلۋدەن بۇرىن پايدالانۋعا بەرەتىندىگىن ٴبىلدىردى. لۋساۋگوۋ قالاشىعى قىستاق ـ قالاشىق قۇرىلىسىن دامىتۋ ورتالىعىنىڭ كادرى ۋاڭ يۋانيۋان تانىستىرىپ بىلاي دەدى: بۇل ارانى تاڭداۋلى قوناق ساراي، ەرەكشە حالىقتىق تۇسەلحانا، ساياحاتتاي ٴجۇرىپ سۋرەتكە ٴتۇسىرۋ بازاسى، مادەنيەت جاسامپازدىق ونىمدەرى شاعىن دۇكەنى، ەرەكشە اس ـ سۋ ٴبىر تۇلعالانعان جالپىلىق مادەنيەت ـ ساياحات كوشە رايونى ەتىپ تۇلعالاۋدى جوبالادىق، ساياحاتشىلار جالاڭ عانا گۇل كورىپ، گۇل تاماشالاۋدان قونىپ قالۋعا، اۋىلدىڭ جايلى تۇرمىسىن سەزىنۋگە، ىشـكەرىلەي ساياحاتتاۋعا قاراي ويىساتىن بولادى.

بيىل ىلە وبلىسى 100 ميلليارد دارەجەلى ساياحات كاسىپ سالاسى نىساناسىن كوزدەپ، 65 ٴتۇيىندى مادەنيەت - ساياحات نىسانىن اتقارۋدى جوسپارلادى. نىسان جوعارى دەڭگەيلى قونـاق ساراي شـوعىـرى، كورىنىس رايونىنىڭ ساپاسىن جوعارىلاتىپ، سيىمدىلىعىن كەڭەيتۋ، مادەنيەتتى سەزىنۋ ورىندارىن تۇلعالاۋ، قار ـ مۇز ساياحاتىن كەڭەيتۋ جانە زەردەلى ساياحاتتىڭ دارەجەسىن جوعارىلاتۋ سىندى 5 ۇلكەن سالانى ارقاۋ ەتىپ، جۇلدىز دارەجەلى قوناق ساراي قۇرىلىسىن ٴتۇيىندى تۇردە ىلگەرىلەتىپ، جوعارى دەڭگەيلى كۇتىپ الۋداعى ولقىلىقتاردى تولىقتايدى، سونىمەن بىرگە، A دارەجەلى كورىنىس رايونىن قۇرۋدى جانە ٴتۇيىندى كورىنىس رايونىنىڭ نەگىزدىك قۇرىلعىلارىنىڭ دارەجەسىن جوعارىلاتۋ ينجەنەريا قۇرىلىسىن جەدەلدەتەدى.

ىلە وبلىستىق مادەنيەت، راديو - تەلەۆيزيا جانە ساياحات مەكەمەسى بايلىقتى اشۋ جانە كاسىپ سالاسىن دامىتۋ باسقارماسىنىڭ جاۋاپتىسى ۋاڭ تاۋ بىلاي دەدى: وسى نىساندار قۇرىلىسى ارقىلى ىلە وبلىسى تۇتاس وڭىرلىك، تۇتاس ماۋسىمدىق، تۇتاس ۋاقىتتىق، تۇتاس جاس، تۇتاس كاسىپتىك ساياحاتتىڭ جاڭا ۇلگىسىن قالىپتاستىرۋدى جەدەلدەتەدى.