«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى

　　جالپى حالىقتىق كىتاپ وقۋدى ىلگەرىلەتىپ، كىتاپقۇمار قوعام قۇرايىق

شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جالپى حالىقتىق كىتاپ وقۋدى ىلگەرىلەتىپ، كىتاپقۇمار قوعام قۇرايىق» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2013 - جىلى 3 - ايدان 2025 - جىلى 3 - ايعا دەيىنگى مەزگىلدەگى قاتىستى ماڭىزدى بايىمداۋلارىنان الىنعان ۇزىندىلەر.

ماقالادا مىنالار اتاپ كورسەتىلدى: كىتاپ وقۋ − ادامزاتتىڭ ءبىلىم الۋىنىڭ، اقىل كوزىن اشىپ، پاراسات - پايىمىن ارتتىرۋىنىڭ، ءمورال جەتىلدىرۋىنىڭ ماڭىزدى جولى، ادامنىڭ وي - ساناسىن اشۋعا، اسقاق مۇرات ورناتۋعا، دارقاندىق ارىندى نارلەندىرۋگە مۇمكىندىك جاسايدى. تاريحتى ۇيرەنۋ ارقىلى جەڭىس پەن جەڭىلىستى كورىپ، ۇتۋ مەن ۇتىلۋدان ساباق قابىلداپ، كوركەيۋ مەن قۇلدىراۋدىڭ زاڭدىلىعىن ۇعىنۋعا بولادى؛ ولەڭ - جىردى ۇيرەنۋ ارقىلى سەزىمدى تاسقىنداتىپ، ەرىك - جىگەردى اسقاقتاتىپ، جان دۇنيەنى كىرشىكسىزدەندىرۋگە بولادى؛ ەتيكانى ۇيرەنۋ ارقىلى ار - ۇياتتى ءبىلىپ، داڭق پەن نامىستى ۇعىنىپ، دۇرىس پەن بۇرىستى پارىقتاۋعا بولادى. كوپ كىتاپ وقۋدى دارىپتەپ، كىتاپقۇمار قوعام قۇرىپ، حالىقتىڭ يدەيالىق ورەسىن ۇزدىكسىز ءوسىرىپ، حالىقتىڭ رۋحاني كۇشىن ارتتىرعاندا عانا جۇڭحۋا ۇلتىنىڭ رۋحاني دۇنيەسى اناعۇرلىم بايىپ تەرەڭدەي تۇسەدى.

ماقالادا مىنالار اتاپ كورسەتىلدى: كوممۋنيستەر ماركسيزم كلاسسيك شىعارمالارىن وقۋدى، ماركسيزم قاعيدالارىن ءتۇسىنۋدى ءبىر ءتۇرلى تۇرمىس ادەتى ەتىپ، ءبىر ءتۇرلى رۋحاني تالپىنىس ەتىپ، كلاسسيكالىق شىعارمالار ارقىلى دۇرىس سالتتى جەتىلدىرۋى، يدەيانى شىڭداۋى، دەڭگەيدى جوعارىلاتۋى، امالياتقا جەتەكشىلىك ەتۋى كەرەك. كادرلار قىزمەتتىڭ قاجەتىمەن ۇشتاستىرىپ ۇيرەنۋى، نەنى ىستەسە سونى ۇيرەنۋى، نە كەم بولسا سونى تولىقتاۋى كەرەك. ماركسيزم نازارياسىن، اسىرەسە، جاڭا داۋىردەگى پارتيانىڭ جاسامپازدىق نازارياسىن ۇيرەنىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنىپ، ەكونوميكا، ساياسي، زاڭ، مادەنيەت، قوعام، باسقارۋ، ەكولوگيا، حالىقارا سياقتى ءار جاقتاعى نەگىزدىك بىلىمدەردى ۇيرەنىپ، ءوز قىزمەتىن جاقسى ىستەۋگە قاتىستى جاڭا بىلىمدەردى، جاڭا شەبەرلىكتەردى ۇيرەنىپ، مىندەت اتقارىپ جاۋاپكەرشىلىكتى ادا ەتۋدە، ءسوز جوق، دايىنداۋعا ءتيىستى ءبىلىم جۇيەسىن ۇزدىكسىز كەمەلدەندىرۋى كەرەك. قالىڭ جاستار ۇيرەنۋدى مىقتى ۇستاۋى، ۋاقىتتى التىنداي ارداقتاپ، تالىقپاي تالپىنىپ، كوڭىلىن باسقاعا اۋدارماي، بار ىنتاسىن ءوز جۇمىسىنا اۋدارۋمەن بىرگە، نەگىزگى ارنانى كورنەكتىلەندىرىپ، جاۋھارىن سارالاپ الىپ، سان سالادان حابارلى، ءبىر سالانىڭ مامانى بولۋعا، ءبىلىم ءورىسىن كەڭەيتىپ، ماماندىق بىلىكتىلىگىن وسىرە تۇسۋگە قۇلشىنۋى كەرەك.

ماقالادا مىنالار اتاپ كورسەتىلدى: ”ۋاقىت شىعارۋ“ مەن ”ىزدەنۋ“ رۋحىن اسقاقتاتىپ، كىتاپتى كوپ وقىپ، جاقسى كىتاپ وقىپ، كىتاپتان اقىل - پاراسات پەن ءنار قابىلداۋ كەرەك، ءوزىن كەرەمەت ساناپ ۇيرەنۋدى ەسكەرمەۋگە بولمايدى، قىزمەت قاربالاستىعىن سىلتاۋ ەتىپ ۇيرەنۋدى بوساڭسىتۋعا بولمايدى، ءوزىن كورسەتۋ ءۇشىن، توتەپ بەرۋ ءۇشىن ۇيرەنۋگە بولمايدى. ىقىلاس قويۋ كەرەك، ماڭىزى تاباندىلىق كورسەتۋدە، ماڭىزى جەتە ۇيرەنىپ، جەتە يگەرۋدە، ۇشقالاقتىققا سالىنۋعا، باسىن باستاپ سوڭىن اياقسىز قالدىرۋعا، تەرەڭ تۇسىنۋگە تالپىنباۋعا بولمايدى. ءبىر كۇندە جارتى ساعات ۋاقىت شىعارسا دا، بىرنەشە بەت وقىسا دا، تاباندىلىق كورسەتسە بولعانى، ءسوز جوق، ازدان كوبەيىپ، تاما - تاما كول بولىپ، جارتى قادامداردى جالعاي - جالعاي مىڭ شاقىرىمعا جەتكىزۋگە بولادى. سيفرلى كىتاپ وقۋدى ءداستۇرلى كىتاپ وقۋمەن ۇشتاستىرىپ، ىشكى وزەگىمىز بەن ساپامىزدى ساقتاۋىمىز كەرەك.

ماقالادا مىنالار اتاپ كورسەتىلدى: جالپى حالىق ءومىر بويى ۇيرەنەتىن ۇيرەنۋگە قۇلىقتى قوعام، ۇيرەنۋگە قۇلىقتى ءىرى ەل قۇرىپ، بارلىق ادام تەگىس ۇيرەنۋدى، بارلىق جەردە ۇيرەنۋدى، ءار ۋاقىت ۇيرەنۋدى جەبەپ، ادامنىڭ جان - جاقتى دامۋىن جەبەۋ كەرەك. قالىڭ پارتيا مۇشەلەرىنىڭ، كادرلاردىڭ كىتاپ وقۋدا، ۇيرەنۋدە باستاماشى بولىپ، ءوزىن باۋلىپ، يگى مۇرات جەتىلدىرىپ، قابىلەت - دارىنىن ارتتىرۋىن ءۇمىت ەتەمىن؛ بالالاردىڭ كىتاپ وقۋدى ادەتكە اينالدىرىپ، كىتاپتى قۋانا وقىپ، ساۋ - سالامات ەسەيىپ - ەرجەتۋىن ءۇمىت ەتەمىن؛ بۇكىل قوعامنىڭ كىتاپ وقۋعا جاپپاي ات سالىسىپ، كىتاپ وقۋدى سۇيەتىن، جاقسى كىتاپ وقيتىن، كىتاپتى جاقسى وقيتىن تاماشا اۋقىم قالىپتاستىرۋىن ءۇمىت ەتەمىن.