4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن بىرگە ”قىزىل زەرتتەۋ - ۇيرەنۋ ساپارىنا“ قاتىناسقان جۇڭگو − ۆيەتنام جاستارى ۋاكىلدەرىمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى (تىلشىلەر دۇڭ شۋە، فىڭ شينران). 4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن بىرگە ”قىزىل زەرتتەۋ - ۇيرەنۋ ساپارىنا“ قاتىناسقان جۇڭگو − ۆيەتنام جاستارى ۋاكىلدەرىمەن كەزدەستى.

شي جينپيڭ ءسوز سويلەپ، بىلاي دەدى: بىلتىر باس شۋجي سۋ لين ەكەۋىمىز ”قىزىل زەرتتەۋ - ۇيرەنۋ ساپارى“ نىسانىن بىرگە باستادىق، ءبىر جىلدان بەرى، ەكى ەل جاستارى جۇڭگو − ۆيەتنام دوستىعىنىڭ قىزىل گەنى جونىندە بىرگە ىزدەنىس جاساپ، جۇڭگو ۇلگىسىندەگى وسىزامانداندىرۋدىڭ سان الۋان بەينەسىن سەزىنىپ، جۇڭگونىڭ جەر - جەرىندە ءوزارا ۇيرەنۋدىڭ، ءوزارا ۇلگى الۋدىڭ، ءوزارا ءتۇسىنىسۋدىڭ، ەتەنە بولۋدىڭ كوپتەگەن جاندى حيكاياسىن قالدىردى. تاياۋدا مەن ۆيەتنام حانوي مەملەكەتتىك داشۋەسىنە قاراستى شەتەل تىلدەرى ورتا مەكتەبى قاتارلى مەكتەپتەردەگى وقۋشىلاردىڭ جۇڭگو تىلىندە جازعان حاتىن تاپسىرىپ الدىم، ولار ”قىزىل زەرتتەۋ - ۇيرەنۋ ساپارىنا“ قاتىناسقانداعى تەرەڭ اسەرلەرىن ءبولىسىپ، جۇڭگو − ۆيەتنام دوستىعىنىڭ جالعاستىرۋشىسى جانە تاراتۋشىسى بولۋعا بەل بۋعاندىقتارىن ايتىپتى، مەن بۇعان ءدان ريزامىن.

شي جينپيڭ بىلاي دەپ باسا دارىپتەدى: جاستار − قوعامنىڭ دامۋىن، العا باسۋىن ىلگەرىلەتەتىن جاندى كۇش، سونداي - اق جۇڭگو − ۆيەتنام ەكى پارتيا، ەكى ەل ىستەرىنىڭ ۇرپاقتان - ۇرپاققا جالعاسۋىنداعى ۇتىلامالى تاياقشانى جالعاۋشى. مەن كوپشىلىكتەن مىناداي 3 ءتۇرلى ءۇمىت كۇتەمىن: ءبىرىنشى، سىزدەردىڭ ءوزارا قارايلاسىپ، جۇڭگو مەن ۆيەتنامنىڭ ”جولداستىق ءارى باۋىرلاستىق“ تەرەڭ دوستىق سۇيىسپەنشىلىگىنىڭ جاستىق اجارىن جايناتۋلارىڭىزدى ءۇمىت ەتەمىن؛ ەكىنشى، جۇرەكتىلىكپەن جاۋاپكەرشىلىك ارقالاپ، جاستىق كوكتەمنىڭ ومىرشەڭدىگى مەن جاسامپازدىق قۋاتى ارقىلى جاڭالىق اشۋدىڭ، ەسىك اشۋدىڭ، سەلبەستىك جاساۋدىڭ، تەڭ يگىلىككە كەنەلۋدىڭ بۋىرقانعان كوكتەم تولقىنىن تاسقىنداتۋلارىڭىزدى ءۇمىت ەتەمىن؛ ءۇشىنشى، سىزدەردىڭ الەمدى كوكەيدە ساقتاپ، ادامزاتتىڭ تاعدىرلاس ورتاق تۇلعاسىن قۇرۋدىڭ اتويشى قوسىنى بولۋعا قۇلشىنىپ، ادامزاتتىڭ العا باسۋ ىستەرىنە جاستىق كوكتەمنىڭ كۇشىن ارناۋلارىڭىزدى ءۇمىت ەتەمىن.

سۋ لين بىلاي دەدى: ”قىزىل زەرتتەۋ - ۇيرەنۋ ساپارى“ باستالعان ءبىر جىلدان بەرى، مىڭداعان ۆيەتنام جاستارى اعا بۋىن باسشىلاردىڭ ىزىمەن جۇڭگوداعى قىزىل جۇرتتاردى ەكسكۋرسيالاپ، ارالاپ، ەكى ەلدىڭ توڭكەرىستىك ءداستۇرى مەن تەرەڭ دوستىعىن سەزىندى. جاستار − ۆيەتنام − جۇڭگو ەكى پارتيا، ەكى ەل قارىم - قاتىناسىنىڭ ماڭىزدى كوپىرى، ەكى ەل جاستارىنىڭ مۇرات - سەنىمدى ونان ارى بەكەمدەپ، ساياسي قابىلەتىن جوعارىلاتىپ، عىلمي بىلىمدەردى يگەرىپ، ۆيەتنام − جۇڭگو قارىم - قاتىناسى جونىندەگى تانىمدى تەرەڭدەتىپ، ءوز ەلدەرىنىڭ دامۋى مەن ەكى ەلدىڭ دوستىعى ءۇشىن ماڭىزدى رول اتقارۋىن ءۇمىت ەتەمىن.

”قىزىل زەرتتەۋ - ۇيرەنۋ ساپارى“ قيمىلىنا قاتىناسقان ۆيەتنام جاقتىڭ 200دەن استام جاستار ۋاكىلى جانە جۇڭگولىق 100دەن استام جاستار ۋاكىلى وسى رەتكى قيمىلعا قاتىناستى. ەكى ەل جاستارى ەكى جاق باسشىلارىنىڭ ماڭىزدى سوزىنە شاتىرلاتا شاپالاق سوقتى.

”قىزىل زەرتتەۋ - ۇيرەنۋ ساپارى“ قيمىلىن باس شۋجي، مەملەكەت ءتوراعاسى شي جينپيڭ 2025 - جىلى 4 - ايدا ۆيەتنامدا ساپاردا بولعان كەزىندە سۋ لينمەن بىرگە جاريالاعان، مۇنداعى ماقسات − ەكى ەل جاستارىن ەكى ەلدىڭ اعا بۋىن باسشىلارىنىڭ توڭكەرىستىك ىزىمەن جۇڭگو − ۆيەتنام دوستىعىنىڭ قىزىل گەنى جونىندە ىزدەنىس جاساۋعا شابىتتاندىرۋ، ەكى ەلدىڭ سوتسياليزم ىستەرى مەن ستراتەگيالىق مانگە يە جۇڭگو − ۆيەتنام تاعدىرلاس ورتاق تۇلعاسىن قۇرۋعا جاستىق كوكتەمنىڭ كۇش - قۋاتىن ۇيىستىرۋ.

ساي چي، ۋاڭ ي، يىن لي، ۋاڭ شياۋحۇڭ قاتارلىلار قاتىناستى.