ٴتىلشىمىز رىن جيالي حابارلايدى. 4 - ايدىڭ 15 - كۇنى − 11 ـ رەتكى جالپى حالىقتىق مەملەكەت حاۋىپسىزدىگى تاربيەسى كۇنى. بىرنەشە كۇننەن بەرى ىلە وبلىسىنىڭ جەر - جەرى ۇگىت - تاربيەنىڭ جاڭا جولى جونىندە بەلسەنە ىزدەنىس جاساپ، مەملەكەت حاۋىپسىزدىگى بىلىمدەرىن مال شارۋاشىلىق وڭىرلەرىندەگى كيىز ۇيلەرگە، كورىنىس رايوندارىنا، كورىنىس تۇيىندەرىنە، سونداي - اق قالانىڭ كوشە - كوشەلەرىنە دەيىن دالمە - ٴدال جەتكىزىپ، ”مەملەكەت حاۋىپسىزدىگىنە بارلىق ادام جاۋاپتى بولۋ“ تانىمىن ىلە وبلىسىنداعى ٴار ۇلت بۇقاراسىنىڭ كوكەيىنە تەرەڭ ۇيالاتتى.

4 - ايدىڭ 14 ـ كۇنى قۇلجا قالاسى التىشۋار كوشەسى كورىنىس وڭىرىندە مەملەكەت حاۋىپسىزدىگى بىلىمدەرى ٴوزارا ىقپالداستىق سۇراۋ ـ جاۋاپ قيمىلى كوپتەگەن ساياحاتشىلار مەن قالا تۇرعىندارىن ايالداپ ات سالىسۋعا باۋرادى. قيمىل مايدانىندا كەزدەيسوق سۇراۋ قويۋ، ناق مايداندا جاۋاپ بەرۋ، ەستەلىك بۇيىمدارىن تاراتۋ فورماسى ارقىلى مەملەكەت حاۋىپسىزدىگى ۇگىتى ەكى ولشەمدى كودى مەن اشكەرەلەۋ تەلەفونى باسىلعان شاعىن ساۋعا بۇيىمدارى بۇقاراعا تاراتىلىپ بەرىلدى. مۇنداي ىقپالداستىق فورماسىندا ارلى - بەرلى وتكەن بۇقارا ىرىقسىز ”سىرتتاي تاماشالاۋشىدان“ ىرىقتى ”قاتىناسۋشىعا“ اينالدى.

شەت - شالعاي شەكارا، مال شارۋاشىلىق رايوندارىندا دا مەملەكەت حاۋىپسىزدىگى تاربيەسى ەڭ ماڭىزدى ورىندا تۇرادى. تاياۋدا ىلە وبلىستىق پارتكوم ۇيىمداستىرعان ۇگىت ـ لەكسيا ۇيىرمەسىندەگىلەر شەكارا قورعانىس ٴبىرىنشى شەبىنە ىشكەرىلەي بارىپ، ”ساياساتتىق نازاريا + زاڭ، زاڭ ـ ەرەجە + تاريحي ناقتى دەلو مىسالدارى + تيپتىك ۇلگىلەردىڭ حيكاياسى“ سىندى ۇگىت لەكسيا فورماسىن قولدانىپ، شەكارا قورعانىس كوماندير ـ جاۋىنگەرلەرىنە، حالىق ساقشىلارىنا، شەكارا قورعاۋشىلارعا جانە قالىڭ مالشى بۇقاراسىنا شەكارا حاۋىپسىزدىگىنىڭ ماڭىزدىلىعى مەن مۇددەلىك بايلانىستى ەگجەي ـ تەگجەيلى ٴتۇسىندىردى.

”مال شارۋاشىلىق رايوندارىنداعى بۇقارا ۇزاق جىلدار بويى شەكارا سىزىعىن كۇزەتىپ كەلەدى، ولار شەكارا حاۋىپسىزدىگىن قورعاۋداعى ٴبىرىنشى قورعانىس شەبى“. ىلە وبلىسىنىڭ مەملەكەت حاۋىپسىزدىگىندەگى ۇزدىك ۇگىت لەكسياشىسى، شينجياڭ شەكارادان كىرۋ ـ شىعۋ شەكارا قورعانىس تەكسەرۋ باس پۋنكتى ىلە شەكارا باسقارۋ تارماق اترەتىنىڭ حالىق ساقشىسى جوۋ شين ۇگىت لەكسيا مايدانىندا بىلاي دەدى: ۇگىت لەكسيا قىزمەتىنىڭ وزەگى − ساياساتتى ەگجەي ـ تەگجەيلى ٴتۇسىندىرۋ، ٴتارتىپتى ايقىن ٴتۇسىندىرۋ، مالشى بۇقارانىڭ قالىپسىز جاعدايدى بايقاعاندا ەڭ الدىمەن كىمگە دەر كەزىندە مالىمدەۋدى، قالاي ٴبىر جاقتى ەتۋدى بىلۋىنە شىنايى كەپىلدىك ەتۋ. وسىنداي جەرگىلىكتى جاعدايعا ۇيلەسەتىن ۇگىت ـ لەكسيا مەملەكەت حاۋىپسىزدىگى ۇسـتانىمىن شـەكارانىڭ شـەتىنە دەيـىن ٴونىمدى كەڭەيتىپ، شەكارانى قورعاپ، قورعانىستى بەكەمدەۋدىڭ بۇقارالىق نەگىزىن ونان ارى بەكەمدەدى.

شوعىرلى ۇگىت قيمىلدارىنان سىرت، ىلە وبلىسى مەملەكەت حاۋىپسىزدىگى ۇگىت تاربيەسىن كۇندەلىكتى تۇرمىسپەن اناعۇرلىم توعىستىردى. ىلەنىڭ ۇلكەندى - كىشىلى كوشەلەرىن سەيىلدەگەندە، مەيلى دالاداعى ٴىرى ەلەكتروندى ەكراندا بولسىن، الدە ارى - بەرى جۇرگەن الەۋمەتتىك اۆتوبۋزدىڭ ارتقى تەرەزەسىندە، تاكسيلەردىڭ توبە شامى بولسىن، اينالمالى وزگەرىپ تۇراتىن مەمـلەكەت حاۋىپـسـىزدىـگى ۇگىـت ۇرانـدارى مەن ”12339“ اشكەرەلەۋ تەلەفونى وزگەشە كورىنىس جەلىسىن قالىپتاستىرعان. جەرگىلىكتى ورىن تاعى 200 مىڭنان استام ۇگىت كارتوچكاسىن باسىپ شىعارىپ، تۇرعىنـدارعا تاراتىپ، ۇگىت شەبىن جاپپاي قامتۋعا كۇش سالدى.

”1 - شىـلدە وردەنىنـىڭ“ يەگەرى، قۇلـجا اۋدانى ونيار قالاشـىعى بـولەكەي قىسـتاعى پارتيا ياچەيكاسىنىڭ بۇرىنعى شۋجيى مامەتجان ومەر تىلشىلىكتى قابىلداعاندا بىلاي دەدى: ”ساقا پارتيا مۇشەسى رەتىندە جاپالى جىلداردى باستان كەشىرىپ، مەملەكەت ورنىقتىلىعىنىڭ قانشاما ماڭىزدى ەكەنىن ٴتىپتى دە ٴتۇسىندىم. مەملەكەت حاۋىپسىزدىگىن قورعاۋدىڭ ٴوزى ٴبىزدىڭ بۇگىنگى جاقسى تۇرمىسىمىزدى قورعاعاندىق. بارلىق ادام كوڭىل ٴبولىپ، بارلىق ادام قورعاپ، مەملەكەت حاۋىپسىزدىگىنىڭ قۇرىش قورعانىس شەبىن بىرگە قۇرۋىن ٴۇمىت ەتەمىن“.

ىلە وبلىستىق پارتكوم كـەڭسەسـىنىڭ كادرى لي شى - ياڭ بىلاي دەدى: قـازىرگى ماڭىزدى ٴتۇيىن وسى قىزمەتتىڭ ۇدايىلانۋىن ىلگەرىلەتۋ. بۇقارانىڭ كوشەدەگى ەكراننان، قولدارىنا تاراتىلعان كارتوچكادان مەملەكەت حاۋىپسىزدىگى جونىندەگى بىلىمدەردى كورىپ بىلۋىنە مۇمكىندىك جاساپ، سول ارقىلى ٴار ۇلت بۇقاراسىنىڭ كوكەيىنە ۇيالاتىپ، ٴىس ـ ارەكەتـتە ايگىـلەيـتىـن سـانالى ارەكەتـىنە اينالدىرامىز.