شينحۋا اگەنتتىگىنىڭ 4 - ايدىڭ 16 - كۇنى بەيجيڭنەن بەرگەن حابارى (تىلشىلەر ۋاڭ يۇيشياۋ، حۋاڭ ياۋ). مەملەكەتتىك ساناق مەكەمەسىنىڭ 4 - ايدىڭ 16 - كۇنى جاريالاعان ساندى مالىمەتىندە كورسەتىلۋىنشە، ءبىرىنشى ماۋسىمدا جۇڭگونىڭ ىشكى ءوندىرىس جالپى قۇنى (GDP) 33 تريلليون 419 ميلليارد 300 ميلليون يۋان بولىپ، تۇراقتى باعا بويىنشا ەسەپتەگەندە، سايكەس مەزگىلدەگىدەن ％0. 5 ارتىپ، وتكەن جىلدىڭ ءتورتىنشى ماۋسىمىمەن سالىستىرعاندا 5. 0 پايىز تەزدەگەن.

اۋىل شارۋاشىلىعى ءوندىرىسىنىڭ جاعدايى ءبىرشاما جاقسى بولدى، ونەركاسىپ ءوندىرىسىنىڭ ارتۋى تەزدەدى، قىزمەت وتەۋ كاسىبى ءبىرشاما تەز ارتتى. ءبىرىنشى ماۋسىمدا اۋىل شارۋاشىلىعىنىڭ (ەگىنشىلىك كاسىبى) ارتقان قۇنى سايكەس مەزگىلدەگىدەن ％7. 3 ارتتى؛ بۇكىل ەل بويىنشا كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％1. 6 ارتىپ، وتكەن جىلدىڭ ءتورتىنشى ماۋسىمىمەن سالىستىرعاندا 1. 1 پايىز تەزدەدى؛ قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن ％2. 5 ارتتى.

بازاردا ساتۋ تەزدەپ، تۇراقتى مۇلىككە قوسىلعان قارجى ورنىقتى ارتتى، زات يمپورت - ەكسپورتى تەز ارتتى. ءبىرىنشى ماۋسىمدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 12 تريلليون 769 ميلليارد 500 ميلليون يۋان بولىپ، سايكەس مەزگىلدەگىدەن ％4. 2 ارتىپ، وتكەن جىلدىڭ ءتورتىنشى ماۋسىمىمەن سالىستىرعاندا 7. 0 پايىز تەزدەدى؛ مەملەكەت بويىنشا تۇراقتى مۇلىككە قوسىلعان قارجى (شارۋا وتباسىلارىن قامتىمايدى) 10 تريلليون 270 ميلليارد 800 ميلليون يۋان بولىپ، سايكەس مەزگىلدەگىدەن ％7. 1 ارتىپ، وتكەن تۇتاس جىلداعىدان ％8. 3 تومەندەدى؛ زات يمپورت - ەكسپورت جالپى سوماسى 11 تريلليون 838 ميلليارد يۋان بولىپ، سايكەس مەزگىلدەگىدەن ％0. 15 ارتتى.

تۇرعىنداردىڭ تۇتىنۋ باعاسىنىڭ جوعارىلاۋ مولشەرى كەڭەيىپ، جۇمىستانۋ جاعدايى جالپى جاقتان ورنىقتى بولدى، تۇرعىنداردىڭ كىرىسى ءۇرتىس ارتتى. ءبىرىنشى ماۋسىمدا بۇكىل ەلدەگى تۇرعىنداردىڭ تۇتىنۋ باعا كورسەتكىشى (CPI) سايكەس مەزگىلدەگىدەن ％9. 0 جوعارىلاپ، جوعارىلاۋ شاماسى وتكەن جىلدىڭ ءتورتىنشى ماۋسىمىمەن سالىستىرعاندا 4. 0 پايىز كەڭەيدى؛ بۇكىل ەلدەگى قالا - قالاشىقتاردا تەكسەرىلگەن جۇمىسسىزدىق مولشەرىنىڭ ورتاشا قۇنى ％3. 5 بولىپ، وتكەن جىلدىڭ ۇقساس مەزگىلىندەگىمەن بارابار بولدى؛ بۇكىل ەلدەگى تۇرعىنداردىڭ جان باسىندىق جۇمساۋعا بولاتىن كىرىسى 12 مىڭ 782 يۋان بولىپ، باعا فاكتورىن شىعارىپ تاستاعاندا، ءىس جۇزىندە ％0. 4 ارتتى.

”جالپى جاقتان قاراعاندا، ءبىرىنشى ماۋسىمدا نەگىزگى ماكرولىق كورسەتكىشتەردىڭ ارتۋ قارقىنى قايتا ورلەپ، جاڭا قوزعالىس قۋاتى تەز جەتىلىپ، حالىق شارۋاشىلىعىندا تاماشا باستاما جۇزەگە استى. الايدا مىنانى دا كورە ءبىلۋىمىز كەرەك: سىرتقى جاعداي ءتىپتى دە كۇردەلى، قۇبىلمالى، ەل ىشىندەگى قامداۋ قۋاتى مىعىم، سۇرانىس قۋاتى ءالسىز بولۋ قايشىلىعى ءالى دە كورنەكتى، ەكونوميكانىڭ جاقسارۋ نەگىزىن ءالى دە بەكەمدەۋ قاجەت“، - دەدى مەملەكەتتىك ساناق مەكەمەسىنىڭ ورىنباسار باستىعى ماۋ شىڭيۇڭ 4 - ايدىڭ 16 - كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە.

ماۋ شىڭيۇڭ بىلاي دەدى: كەلەسى قادامدا ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، اناعۇرلىم بەلسەندى، ۇتىمدى ماكرولىق ساياساتتى اتقارىپ، ىشكى سۇرانىستى ۇزدىكسىز كەڭەيتىپ، قامداۋدى ساپالىلاندىرىپ، ارتۋ مولشەرىن ساپالىلاندىرىپ، قوردى جانداندىرىپ، جۇمىستاندىرۋدى، كاسىپورىندى، بازاردى، مەجەنى ورنىقتىرۋعا كۇش سالىپ، ەكونوميكانىڭ ورنىقتىلىق بارىسىندا جاقسارۋ جاعدايىن ۇزدىكسىز بەكەمدەۋ، كەڭەيتۋ كەرەك.