سامۇرىق تيانشاندا قاناتىن كەڭ جايىپ سامعادى

　　− ءۇرىمجى تيانشان حالىقارالىق اۋەجايى سولتۇستىك تەرمينال اۋماعىنىڭ ىسكە قوسىلعاندىعىنىڭ ءبىر جىلدىعىنا نازار

　□ انار بۇلت \ شينجياڭ گازەتىنىڭ ءتىلشىسى ما ينيڭ

4 - ايدىڭ 17 - كۇنى ءۇرىمجى تيانشان حالىقارالىق اۋەجايى سولتۇستىك تەرمينال اۋماعىنىڭ ىسكە قوسىلعانىنا ءبىر جىل تولدى.

ءبىر جىلدان بەرى، ءۇرىمجى تيانشان حالىقارالىق اۋەجايى 29 ميلليون 467 مىڭ 300 ادام (رەت) قابىلداپ - جونەلتىپ، 334 مىڭ 900 توننا جۇك قابىلداپ - جونەلتىپ، 196 مىڭ 500 كەزەكشى ۇشاق (رەت) ۇشىپ - قونىپ، سايكەس مەزگىلدەگىدەن جەكە - جەكە ％33. 5، ％83. 26، ％37. 3 ارتتى.

ديۋوپۋ حالىقارالىق اۋەجايىنىڭ قاربالاستىعىنان، تارشىلىعىنان تيانشان حالىقارالىق اۋەجايىنىڭ كەڭ، جايلى بولۋىنا دەيىن؛ اۋە جولدارى تورىنىڭ جيىلەپ ۇزارتىلۋىنان جولاۋشىلار اعىنىنىڭ، زات اعىنىنىڭ بىرتىندەپ جوعارىلاۋىنا دەيىن؛ زەردەلى، قولايلى ساپاردى باستان وتكەرۋدەن باتىسقا ەسىكتى ايقارا اشۋ قابىلەت دەڭگەيىنىڭ كەنەت جوعارىلاۋىنا دەيىن... وسى 4F دارەجەلى اۋەجاي اۋە جولى، جولاۋشى اعىنى، قىزمەت وتەۋ، ەسىك اشۋ سىندى 4 جاقتاعى كەنەت جوعارىلاۋ شينجياڭنىڭ ازيا − ەۆروپا التىن ارناسىن جانە باتىسقا ەسىك اشۋ الدىڭعى شەبىن اناعۇرلىم سەنىمدى بەينەمەن قۇلشىنا تۇلعالاۋىنا مۇمكىندىك جاسادى.

　　ادامدار ەمىن - ەركىن ساپارعا شىقتى

　　ۇرىمجىدەن دۇنيە جۇزىنە بەت الدى

500 مىڭ شارشى مەترلىك تەرمينال عيماراتى، جىلىنا 367 مىڭ ۇشاق (رەت) ۇشىپ - قونۋدى جالپىلىق قامتاماسىز ەتۋ قۋاتى، وڭىرلىك قاقپا قۇراما حالىقارالىق اۆياتسيا تورابى − ءۇرىمجى تيانشان حالىقارالىق اۋەجايىنا مول جولاۋشى اعىنىن، ۇلكەن زات اينالىمىن، قاۋىرت ەسىك اشۋدى ارقالاي الاتىن مىعىم سەنىم سيلاپ، ازيا مەن ەۆروپانى تۇتاستىراتىن، شىعىسپەن بىرلەسىپ باتىسقا شىعاتىن ”كەڭىستىك جىبەك جولىن“ اشتى.

ءبىر جىلدان بەرى، ءۇرىمجى تيانشان حالىقارالىق اۋەجايى دۇنيە جۇزىندەگى 100 ەگەي اۋەجايدىڭ قاتارىنان ءساتتى ورىن الىپ، ىسكە قوسىلعان اۋە جولى 311گە جەتىپ، ازياداعى، ەۆروپاداعى، افريكاداعى 48 حالىقارالىق قالانى تۇتاستىردى، اناعۇرلىم كوپ ساياحاتشى ۇرىمجىدەن شىعىپ دۇنيە ءجۇزىنىڭ جەر - جەرىنە بارۋدى تاڭدادى.

جۇڭگو حالىقتىق اۆياتسيا مەكەمەسىنىڭ ەل ىشىندەگى تۇڭعىش توپتاعى اۆياتسيا سەرىكتەستىكتەرىن اتتاعان جۇكتى تىكە جەتكىزۋ قىزمەت وتەۋىن تۇيىندە سىناق ەتۋدى اتقارعان اۋەجاي رەتىندە، ءۇرىمجى تيانشان حالىقارالىق اۋەجايى شينجياڭ ىشىندەگى 19 تارماق اۋەجايىمەن، چيڭداۋ، شي - ان، كۇنميڭ، چۇڭچيڭ سياقتى 27 اۋەجايمەن اۆياتسيا سەرىكتەستىكتەرىن اتتاعان ”ءبىر بەلەتپەن سوڭىنا دەيىن جەتكىزۋ، قورجىن - قولاڭدى تىكە جەتكىزۋ“ جالپى بارىستىق كەزەكشى ۇشاق كاسىبىن اشىپ، اۋە ساپارىن ءتىپتى دە الاڭسىز، قولايلى ەتتى.

اۆياتسيا مەن مادەنيەت - ساياحاتتىڭ ىشكەرىلەي توعىسۋى جولشىباي ۇشاق اۋىستىراتىن جولاۋشىلاردى ”اسىعىس - ۇسىگىس جولاۋشىدان“ ”ۋاقىتشا ساياحاتشىعا“ اينالدىردى. ءۇرىمجى تيانشان حالىقارالىق اۋەجايى ”تەگىن ميكرو ساياحاتتاۋدى“ جارقىن ءتۇيىن ەتكەن اۆياتسيا مەن ساياحاتتى ىشكەرىلەي توعىستىرۋ جاڭا ۇلگىسىن العا قويىپ، جولشىباي 6 − 48 ساعات ايالدايتىن جولاۋشىلار ءۇشىن ەرەكشە سەزىنۋ جەلىسىن ۇسىنىپ، اۋەجايعا ”شينجياڭنىڭ مادەنيەت - ساياحاتىن سەزىنۋ الدىڭعى قاراۋىلى“ جانە ”بايلىقتى بىرىكتىرۋ تۇعىرى“ دەپ قايتا انىقتاما بەردى.

قاتتى بولشەك ساپاسىن جوعارىلاتۋ مەن قىزمەت وتەۋ دارەجەسىن جوعارىلاتۋ قاتار ىلگەرىلەتىلدى، ءۇرىمجى تيانشان حالىقارالىق اۋەجايىنىڭ ءبىر قىدىرۋ جاڭالىق اشۋ شارالارى ىركەس - تىركەس تياناقتانىپ، اۆياتسيا تورابىنىڭ جوعارى ساپالى دامۋىنا باياندى قوزعالىس قۋاتىن ۇستەدى. بىلتىر 10 - ايدا ”شەتەلدىكتەرگە جالپىلىق قىزمەت وتەۋ ورتالىعىن“ جاسامپازدىقپەن قۇرىپ، تولەۋ، حابارلاسۋ، قاتىناس، مادەنيەت - ساياحات جانە قارجى قوسۋ ساۋدا قىزمەت وتەۋى سىندى 5 ۇلكەن يقۋاتتىق مودۋلدى شوعىرلاندىرىپ، ”ءبىر ورىندا بىتىرەتىن، كوپ كورىنىس تۇتاسقان“ جالپىلىق قىزمەت وتەۋ جۇيەسىن ورناتتى.

بيىل 2 - ايدا بۇكىل ەل بويىنشا تۇڭعىش پورتتان شىعۋ جۇيەسى جالپى جەلى بويىنشا ەلىمىزدە ءوندىرۋ جۇزەگە اسىرىلعان ەلىمىزدەگى تۇڭعىش 10 ميلليون دارەجەلى اۋەجايعا اينالىپ، ”جۇڭگو چيپى“ ارقىلى حالىقتىق اۆياتسيانىڭ دەربەس حاۋىپسىزدىك جولىن قورعادى؛ 2 - ايدىڭ 6 - كۇنى حالىقارالىق اۋەجاي قوعامىنا رەسمي مۇشە بولىپ، الەمدىك ولشەممەن ۇشتاسىپ، حالىقارالانعان دامۋ جاڭا كەزەڭىنە ءوتتى؛ 3 - ايدىڭ 6 - كۇنى تۇڭعىش ”ءبىر تالونمەن سوڭىنا دەيىن جەتكىزۋ“ حالىقارالىق وتكەرمەلەۋ كاسىبىن قارسى الدى... ءۇرىمجى تيانشان حالىقارالىق اۋەجايى دۇنيە ءجۇزى اۆياتسيا كارتاسىندا بارعان سايىن ايشىقتالىپ، ورنى اناعۇرلىم كورنەكتىلەندى.

　　زات جەتكىزۋ ىركىلىسسىز بولدى

　　جىبەك جولى اۋە پورتىنىڭ ”زات جەتكىزۋ كۇشى“ جارىققا شىعارىلدى

4 - ايدىڭ 14 - كۇنى ساعات 6دان 30 مينۋت وتكەندە، 97 توننا شەكارا اتتاعان ەلەكتروندى ساۋدا تاۋارى تولتىرا تيەلگەن جۇك ۇشاعى ءۇرىمجى تيانشان حالىقارالىق اۋەجايىنان اتتانىپ، انگليانىڭ شىعىس ميدلاندس اۋەجايىنا توتە ۇشتى، بۇل وسى اۋە جەلىسىنىڭ رەسمي قالپىنا كەلگەندىگىن كورسەتەدى.

قازىر ءۇرىمجى تيانشان حالىقارالىق اۋەجايى 32 حالىقارالىق جۇك تاسىمال جەلىسىن ورنالاستىرىپ، ەۆروپانى شارپيتىن، ورتا ازيامەن بىرلەسىپ قيمىلدايتىن، ەل ىشىندەگى وزەكتى اۋە پورتتارىن تۇتاستىراتىن تور قالىپتاستىردى، مۇنىڭ ىشىندە انگلياعا توتە ۇشاتىن جالپى جۇك تاسىمال جەلىسى 5كە جەتىپ، ءۇرىمجى ەلىمىزدىڭ باتىس بولىگىن انگليانىڭ اۆياتسيا جۇك تاسىمال تورىمەن تۇتاستىراتىن ماڭىزدى توراپقا اينالدى.

”اۋە جەلىسى قالپىنا كەلگەننەن كەيىن انگليانىڭ ورتا بولىگىنە توتە جەتىپ، وتكەرمەلەپ تاسىمالداۋ ۋاقىتىن ۇنەمدەپ، زات اينالىمىنىڭ وزىندىك قۇنىن تومەندەتىپ، ۇرىمجىدەن ەۆروپاعا دەيىنگى تاسىمال قۋاتى جەتىسپەۋ ماسەلەسىن باسەڭدەتىپ، سىرتقى ساۋدا كاسىپورىندارىنا اناعۇرلىم كوپ نەگىزدى، ورنىقتى زات جەتكىزۋ ارناسىن ازىرلەدى“، - دەدى شينجياڭ مۋرس حالىقارالىق جۇك تاسىمال وكىلەتتى شەكتى سەرىكتەستىگىنىڭ باس ديرەكتورى تان دى - ي.

توراپتىق جولشىباي ۇشاق اۋىستىرۋ ورنى دارەجەسىنىڭ جوعارىلاۋ ورايىنا سۇيەنىپ، اۆياتسيا زات اينالىمى كاسىپورىندارى كۇشتى جابال شوعىرلاندىرىپ، قاجىرلىلىقپەن ىستەپ، ساپانى جوعارىلاتىپ ونىمدىلىكتى ارتتىرىپ، جوعارى ءونىمدى، ىركىلىسسىز وسى زامانعى زات اينالىمى تورىن بىرگە قالىپتاستىرىپ، جىبەك جولى اۆياتسيا پورتىنىڭ ”زات جەتكىزۋ كۇشىن“ ۇزدىكسىز جارىققا شىعاردى.

جۇڭگو وڭتۇستىك اۆياتسيا سەرىكتەستىگى ءبىر جىلدان بەرى، ۇرىمجىدە جالپى 87 مىڭ توننا جۇك قابىلداپ - جونەلتتى، بۇل سايكەس مەزگىلدەگىدەن ％5. 9 ارتتى. كاسىپورىن ءۇشىن ارنايى جاسالعان تۇتاس تىزبەكتى سۋىق تىزبەكتى زات اينالىمى جوباسى ”وندىرىلگەن جەر − اۋەجاي − بازار“ تاسىمال قامالىن اشىپ، شينجياڭنىڭ ەرەكشە ونىمدەرىنىڭ جوعارى ونىمدىلىكپەن بۇكىل ەلگە جەتكىزىلۋىنە، دۇنيە جۇزىنە بەت الۋىنا مۇمكىندىك جاسادى.

شينجياڭ شۇنفىڭ جەدەل تاسىمال شەكتى سەرىكتەستىگى ءۇرىمجى تيانشان اۆياتسيا وتكەرمەلەپ تاسىمالداۋ ورتالىعىنىڭ جاۋاپتىسى سۇي يوۋميڭ: سيفرلاندىرۋ، زەردەلىلەندىرۋ بويىنشا تيبىن جاڭالاۋ جەدەل ىلگەرىلەتىلۋدە، جەدەل جولدامالاردى ءبىر جاقتى ەتۋ قابىلەتىمىز زور مولشەردە جوعارىلايتىن بولادى، - دەدى.

زات تاسىمال اۋە جەلىلەرى شىعىس پەن باتىس اراسىنداعى ساۋدا كوپىرىن ورناتىپ، شينجياڭنىڭ جاقسى زاتتارىنىڭ دۇنيە جۇزىنە بەت الۋىنا مۇمكىندىك جاسادى ءارى دۇنيە جۇزىندەگى ساپالى تاۋارلاردىڭ شينجياڭعا كىرۋىنە قولايلىلىق جاساپ، ۇلاستىرۋ - تۇتاستىرۋ بارىسىندا ەسىك اشىپ، تەڭ يگىلىككە كەنەلۋدىڭ شىت جاڭا تاراۋىن جازدى.

　　زات اينالىمى ىركىلىسسىزدەنىپ، كاسىپ گۇلدەندى

　　اۋەجاي ماڭى ەكونوميكاسى كۇش توپتاپ گۇلدەندى

ءبىر حالىقارالانعان اۋەجايدىڭ ءوزى تۇرعان ءوڭىردىڭ دامۋىنا وراسان زور جەبەۋ بولاتىنى داۋسىز. شينجياڭ دۇنيە جۇزىندەگى قارجى قوسۋشىلارعا ۇزدىكسىز قارجى قوسۋ ورايىن سيلاپ وتىر.

ءۇرىمجى تيانشان حالىقارالىق اۋەجايىنداعى جولاۋشىلار اعىنىنىڭ شوعىرلانۋ اسەرىنە سۇيەنىپ، توڭىرەكتەگى مادەنيەت − ساياحات كاسىپ كۇيى جەدەل شوعىرلاندى. اۋەجايعا ىرگەلەس سىلۋ توچىڭ مادەنيەت، ساۋدا، ساياحات كەشەنى، لۋشاڭ يوۋلۇن مادەنيەت، ساۋدا، ساياحات نىسانى جەدەل سالىنىپ، ۇلكەن بازار جياڭلايچىڭ · قالانىڭ ۇشاق كۇتۋ زالى ىسكە قوسىلىپ، قالا رايونىن ساياحاتتاۋ مەن اۋەجاي كەزەكشى ۇشاعىنىڭ ساڭلاۋسىز ۇشتاسۋىن جۇزەگە اسىردى؛ اۋەجايدان جىبەك جولى تاۋلى ءوڭىر دەمالىس اۋماعى سياقتى قار - مۇز كورىنىس وڭىرىنە توتە باراتىن ارناۋلى جەلى كەزەكشى كولىگى قالىپتى اينالىمعا ءتۇسىپ، جۇڭگو ءتۇستى ماقتا عىلىم - تەحنولوگيا باقشاسى، ءۇرىمجى حالىقارالىق توقىما بۇيىمدار، كيىم - كەشەك ساۋدا ورتالىعى سياقتى مادەنيەت - ساياحات تۇيىندەرىمەن بىرگە ارەكەتتەنىپ، ”اۆياتسيا + مادەنيەت - ساياحات“، ”اۋەجاي + كورىنىس ءوڭىرى“ سىندى بىرلەسىپ ارەكەتتەنەتىن دامۋ ارناسىن قالىپتاستىرىپ، اۆياتسيا اعىن مولشەرىن جەدەل مادەنيەت - ساياحات تۇتىنۋىنىڭ ارتۋ مولشەرىنە اينالدىردى.

2025 - جىلى 10 - ايدىڭ 15 - كۇنى بۇكىل شينجياڭدا تۇڭعىش ۇشاق سوگۋ كاسىبى ۇرىمجىگە ىرگە تەپتى، بۇل حالىقتىق اۆياتسيانىڭ شينجياڭ وڭىرىندە ۇشۋ اسپاپتارى تۇتاس كاسىپ سالاسى تىزبەگىنىڭ جابىق اينالىمدى باسقارۋدا ”ءنولدى جارۋىن“ جۇزەگە اسىرىپ، اۆياتسيا اينالمالى ەكونوميكاسى سىندى جوعارى قۇن سالاسىنا رەسمي قادام تاستاعاندىعىن كورسەتەدى. وڭتۇستىك اۆياتسيا سەرىكتەستىگى وسى رەتكى شينجياڭنىڭ ”العاشقى سوگۋىن“ باستاما ەتىپ، ەۆروپا − ازيا قۇرلىعىن شارپيتىن حالىقارالىق اۆياتسيالىق رەمونتتاۋ تورابىن قالىپتاستىردى.

3 - ايدىڭ 29 - كۇنى ءۇرىمجى حالىقارالىق قۇرلىقتىق پورت اۋماعى مەن اۋەجاي ماڭى ەكونوميكالىق رايونى (تومەندە قىسقارتىلىپ ”قوس پورت اۋماعى“ دەلىنەدى) ساۋداگەر شاقىرۋ، تانىستىرۋ جينالىسىن وتكىزىپ، سىرتقى دۇنيەنىڭ نازارىن وسى اراعا تاعى دا شوعىرلاندىردى. وتكەن ءبىر جىلدا قوس پورت اۋماعى ءبىر قىدىرۋ تىڭعىلىقتى ناتيجەلەردەن پايدالانىپ، ”قاتىناس تورابىنان“ ”ەكونوميكا قوزعالتقىشىنا“ دەيىنگى كۇش توپتاپ باستاپ جۇگىرۋدى ىسكە اسىردى.

”جاڭا باستامادا قوس پورت اۋماعىنىڭ نىساناسى ايقىندالدى − ازيا − ەۆروپا قۇرلىق، اۋە جولشىباي وتكەرمەلەۋ تورابىن قۇرۋ“. قوس پورت اۋماعى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ ورىنباسار مەڭگەرۋشىسى سۇن شياۋيۇي مىنالاردى ءبىلدىردى: قوس پورت اۋماعىنىڭ قۇرلىق، اۋە بىرلەسىپ ارەكەتتەنۋ جاعدايى العاشقى قادامدا قالىپتاسىپ، قۇرلىق پورتى مەن اۋە پورتىنىڭ بىرلەسىپ ارەكەتتەنەتىن دامۋ باسىمدىعىنان پايدالانىپ، ”جياڭسۋ − شينجياڭ تەز جەلىسىنىڭ“ جەدەل اشىلۋىن ىلگەرىلەتىپ، ەل ىشىنەن ورتا ازيا، باتىس ازيا، ەۆروپا وڭىرىنە باراتىن اۋە جەلىلەرىنىڭ ۇرىمجىدە توقتاۋ تۇيىندەرىن كوبەيتۋىنە قول جەتكىزۋدە.

سونىمەن بىرگە ءۇرىمجى جوعارى، جاڭا تەحنولوگيالىق كاسىپ سالالارىن اشۋ رايونى (جاڭا قالا رايونى) اۋەجاي ماڭى ەكونوميكاسىن دامىتۋدى ورنالاستىرىپ، اۆياتسيا سالاسىندا رەفورما جاساۋدى، جاڭالىق اشۋدى ۇزدىكسىز تەرەڭدەتىپ، يقۋاتى كەمەلدى، سايكەسىمدى، جوعارى ءونىمدى، باسەكەلىك قۋاتى كۇشتى وسىزاماندانعان اۆياتسيا كاسىپ سالاسى جۇيەسىن كۇش سالا ورناتىپ، ءۇرىمجى حالىقارالىق اۆياتسيا تورابى قابىلەت دەڭگەيىنىڭ جاپپاي جوعارىلاۋىن ىلگەرىلەتتى.

بيىل سوڭعى جارتى جىلدا وڭتۇستىك اۋماقتى جاڭالاۋ جۇمىسىنىڭ جاپپاي ورىندالۋىنا ىلەسە، ءۇرىمجى تيانشان حالىقارالىق اۋەجايىنا 3 سىرعىما جول قوسىلادى، ۇزاق بولاشاقتا جىلىنا 63 ميلليون جولاۋشى (رەت) قابىلداۋ - جونەلتۋ، 750 مىڭ توننا جۇك - پوچتا قابىلداۋ - جونەلتۋ قامتاماسىز ەتىلەدى − بۇل سان قازىرگى ءىس جۇزىندىك تاسىمال مولشەرىنىڭ 2 ەسەسىنەن استامىنا تۋرا كەلىپ، بولاشاق دامۋعا جەتكىلىكتى كەڭىستىك قالدىرادى.

”اۋە جەلىسى تورىنىڭ ورنالاسۋىن ۇزدىكسىز ساپالىلاندىرىپ، كەڭەيتىپ، اۆياتسيا سەرىكتەستىكتەرىن شينجياڭنىڭ اۆياتسيا بازارى قۇرىلىسىنا ىشكەرىلەي ات سالىسۋعا جەتەكتەيمىز“. جۇڭگو حالىقتىق اۆياتسيا شينجياڭ باسقارۋ مەكەمەسىنىڭ 2 - دارەجەلى شارلاۋشىسى، تاسىمال باسقارماسىنىڭ باستىعى لي جۇنيان بىلاي دەپ تانىستىردى: ۇرىمجىدەن ورتا ازيا، باتىس ازيا وڭىرىنە باراتىن اۋە جولى كەزەكشى ۇشاقتارىن ۇزدىكسىز كوبەيتىپ، ەۆروپا سياقتى وڭىرلەرگە اۋە جولى كەزەكشى ۇشاقتارىن جەدەل اشىپ، ۇرىمجىدە توقتاپ شەكارادان شىعاتىن باتىسقا باعىتتالعان حالىقارالىق اۋە جولىن مولايتىپ، ”باتىسقا شىعۋ“ التىن ارناسىن قالىپتاستىرامىز؛ ۇرىمجىدەن بەيجيڭ − تيانجين − حىبەي، چاڭجياڭ اتىراۋى، گۋاڭدۇڭ − شياڭگاڭ − اۋمىن ۇلكەن شىعاناق رايونى، سونداي - اق چىڭدۋ − چۇڭچيڭ سياقتى قالالار شوعىرىنىڭ وزەكتى توراپتارىنا باراتىن نەگىزگى ارنانى ىركىلىسسىزدەندىرىپ، بازار سۇرانىسىمەن ۇشتاستىرىپ، شينجياڭ ىشىندەگى ماڭىزدى ءتۇيىندى اۋەجايلاردان نەگىزگى جولاۋشى قاينارىندىق قالالارعا باراتىن كەزەكشى ۇشاقتاردى كوبەيتىپ، ”شىعىسپەن بىرلەسۋ“ ارناسىنىڭ كەڭەيۋىن، سيىمدىلىعىنىڭ ارتۋىن ىلگەرىلەتەمىز؛ ”وڭتۇستىك شينجياڭدى اينالۋ، سولتۇستىك شينجياڭدى اينالۋ، وڭتۇستىك - سولتۇستىك شينجياڭدى ىركىلىسسىزدەندىرۋ“ سىندى شينجياڭ ىشىندەگى اۋە جەلىسى تورىن ۇزدىكسىز جيىلەتەمىز.

بولاشاققا كوز جىبەرسەك، ءۇرىمجى تيانشان حالىقارالىق اۋەجايىنان ۇشاقتار، ءسوز جوق، اناعۇرلىم بيىك، اناعۇرلىم الىس، اناعۇرلىم ورنىقتى سامعايتىن بولادى.