العاشقى ماۋسىمداعى ناتيجە تىزىمىنەن ”15 - بەسجىلدىقتىڭ“ باستاما جىلىنداعى جۇڭگو ەكونوميكاسىنىڭ بەتالىسىنا نازار

　　 شينحۋا اگەنتتىگىنىڭ تىلشىلەرى ۋاڭ يۇيشياۋ، ۋي يۇيكۇن، پان جيە

4 - ايدىڭ 16 - كۇنى جۇڭگو ەكونوميكاسىنىڭ ”العاشقى ماۋسىمدىق مالىمەتىندە“ مىنالار جاريالاندى: ىشكى ءوندىرىس جالپى قۇنى (GDP) 33 تريلليون 419 ميلليارد 300 ميلليون يۋان بولىپ، سايكەس مەزگىلدەگىدەن ％0. 5 ارتقان.

2026 - جىل −”15 - بەسجىلدىقتىڭ“ باستاما جىلى. سىرتقى ورنىقسىز، ايقىنسىز فاكتورلاردىڭ كورنەكتى ارتۋىنا، وڭىرلىك قاقتىعىستاردىڭ ىقپالىنىڭ بارعان سايىن كەڭەيۋىنە مەڭزەس، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو ەكونوميكاسى ناعىز تاتىمدى العاشقى ماۋسىمدىق ناتيجە ءتىزىمىن تاپسىرىپ، دامۋ سەرپىمدىلىگى مەن ومىرشەڭدىگى ونان ارى ايگىلەندى.

　　باستاما تاماشا بولىپ، نەگىزگى كورسەتكىشتەردىڭ ارتۋ قارقىنى قايتا جوعارىلادى

”نەگىزگى ماكرولىق كورسەتكىشتىڭ ارتۋ قارقىنى قايتا جوعارىلاپ، جاڭا قوزعالىس قۋاتى جەدەل جەتىلىپ، حالىق شارۋاشىلىعىندا تاماشا باستاما جۇزەگە اسىرىلدى“. مەملەكەتتىك ساناق مەكەمەسىنىڭ ورىنباسار باستىعى ماۋ شىڭيۇڭ جۇڭگو ەكونوميكاسىنىڭ باستاما جىلىنداعى بەينەسىنە وسىلاي باعا بەردى.

العاشقى ماۋسىمداعى ناتيجە ءتىزىمىن اشساق، جوعارىلاعان قيسىق سىزىقتار جۇڭگو ەكونوميكاسىنىڭ ورنىقتى، اقاۋسىز العا ىلگەرىلەۋىنىڭ مىعىم ءىزىن سۇلبالاعاندىعىن كورەمىز −

ءوندىرىس جاعىنان قاراعاندا، ءبىرىنشى ماۋسىمدا اۋىل شارۋاشىلىعىنىڭ (ەگىمشىلىك) ارتقان قۇنى سايكەس مەزگىلدەگىدەن ％7. 3 ارتىپ، ءوندىرىس جاعدايى ءبىرشاما جاقسى بولعان؛ كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％1. 6 ارتىپ، بىلتىرعى ءتورتىنشى ماۋسىمداعىدان 1. 1 پايىز تەزدەگەن؛ قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن ％2. 5 ارتىپ، وسى زامانعى قىزمەت وتەۋ كاسىبىنىڭ ارتۋ جاعدايى ويداعىداي بولعان.

سۇرانىس جاعىنان قاراعاندا، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 12 تريلليون يۋاننان اسىپ، سايكەس مەزگىلدەگىدەن ％4. 2 ارتىپ، بىلتىرعى ءتورتىنشى ماۋسىمداعىدان 7. 0 پايىز تەزدەگەن؛ تۇراقتى مۇلىككە قوسىلعان قارجىنىڭ ارتۋ قارقىنى تەرىس ماننەن وڭ مانگە وزگەرىپ، ءبىرىنشى ماۋسىمدا سايكەس مەزگىلدەگىدەن ％7. 1 ارتقان؛ زات يمپورت - ەكسپورت جالپى سوماسى سايكەس مەزگىلدەگىدەن ％0. 15 ارتىپ، ارتۋ قارقىنى سوڭعى 5 جىلداعى ەڭ جوعارى دەڭگەيگە جەتكەن.

جۇمىستانۋ مەن زات باعاسىنىڭ ورنىقتىلىعى − ەكونوميكالىق اينالىمنىڭ ورنىقتى بولۋىنىڭ ماڭىزدى بەلگىسى. ءبىرىنشى ماۋسىمدا بۇكىل ەلدەگى قالا - قالاشىقتاردا تەكسەرىلگەن جۇمىسسىزدىق مولشەرىنىڭ ورتاشا ءمانى ％3. 5 بولىپ، بىلتىرعى سول تۇستاعىمەن قارايلاس بولدى؛ بۇكىل ەلدەگى تۇرعىنداردىڭ تۇتىنۋ باعا كورسەتكىشى (CPI) سايكەس مەزگىلدەگىدەن ％9. 0 ارتىپ، ارتۋ شاماسى بىلتىرعى ءتورتىنشى ماۋسىمداعىدان 4. 0 پايىز مولايدى.

ءتىپتى دە كوپ ساندى مالىمەت كورسەتكىشى دامۋ ”ساپاسىن“ كورنەكتىلەندىردى: ءبىرىنشى ماۋسىمدا جابدىق جاساۋ كاسىبىنىڭ، جوعارى تەحنولوگيالىق جاساۋ كاسىبىنىڭ كولەمنەن جوعارى ونەركاسىپتىڭ ارتقان قۇنىنداعى ارا سالماعى سايكەس مەزگىلدەگىدەن جەكە - جەكە 4. 1 پايىز جانە 2. 1 پايىز جوعارىلادى؛ قالا، اۋىل تۇرعىندارىنىڭ جان باسىندىق قولداعى تابىسىنىڭ سالىستىرماسى 23. 2 بولىپ، سايكەس مەزگىلدەگىدەن 04. 0 ازايدى؛ ورتا، باتىس بولىك وڭىرلەرىندەگى تۇرعىنداردىڭ كىرىسىنىڭ ارتۋى شىعىس بولىكتەگىلەرمەن سالىستىرعاندا ۇزدىكسىز تەزدەدى...

”بىلتىر ءبىرىنشى ماۋسىمدا نەگىزدىك سان جوعارى بولعان، بيىلعى سىرتقى ورتا ءتىپتى دە كۇردەلى، قاتاڭ بولعان جاعدايدا، ەكونوميكالىق اينالىمنىڭ باستاماسى تاماشا بولدى، بۇل وڭاي - وسپاق شارۋا ەمەس، بۇل ەلىمىز ەكونوميكاسىنىڭ سەرپىمدىلىگىن تولىق ايگىلەدى“، - دەدى ماۋ شىڭيۇڭ.

ەكونوميكانىڭ سەرپىمدىلىگى اناعۇرلىم بەلسەندى، ۇتىمدى ماكرولىق ساياساتتىڭ كەپىلدىك ەتۋىنەن ايرىلا المايدى.

ساپانى جوعارىلاتىپ ونىمدىلىكتى ارتتىرۋدا تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى اتقارۋدىڭ جەبەۋىندە، ءبىرىنشى ماۋسىمدا تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ بويىنشا ساتۋ سوماسى 430 ميلليارد يۋاننان اسىپ، 60 ميلليوننان استام ادام (رەت) يگىلىكتەندى. قىزمەت وتەۋ تۇتىنۋىنىڭ جاڭا ارتۋ تۇيىندەرىن جەدەل جەتىلدىرۋ قىزمەت جوباسى تياناقتانىپ اتقارىلدى، ءبىرىنشى ماۋسىمدا قىزمەت وتەۋگە قاتىستى بولشەك ساتىلۋ سوماسى سايكەس مەزگىلدەگىدەن ％5. 5 ارتتى، مادەنيەت - ساياحات، جارىس ىستەرى سياقتى سالالاردا تۇتىنۋ كومەسكى كۇشى ۇزدىكسىز جارىققا شىقتى.

مەرزىمنەن بۇرىن بەكىتىلگەن، 1 - توپتاعى ”ەكى ماڭىزدى“ قۇرىلىس نىساندارىنىڭ ءتىزىمى جانە ورتالىقتىڭ مەجە ەسەبىندەگى قارجى قوسۋ جوسپارى ءتۇسىرىلدى، تەبىندى ارتتىرىپ ونىمدىلىكتى جوعارىلاتۋ ارقىلى اسا ۇزاق مەرزىمدى ەرەكشە زايوم، جەرگىلىكتى ۇكىمەتتىڭ ارناۋلى زايومى سياقتى قارجىلاردان ويداعىداي پايدالانىلدى، حالىقتىق كاسىپورىنداردىڭ كەلەلى نىساندار قۇرىلىسىنا ات سالىسۋ باياندى مەحانيزمى كەمەلدەندىرىلدى، ءبىرىنشى ماۋسىمدا نەگىزدىك قۇرىلعىلارعا قوسىلعان قارجى سايكەس مەزگىلدەگىدەن ％9. 8، جاساۋ كاسىبىنە قوسىلعان قارجى ％1. 4 ارتىپ، 2025 - جىلعى تۇتاس جىلداعىدان 5. 3 پايىز تەزدەدى.

”جۇڭگو ەكونوميكاسى ءبىرىنشى ماۋسىمدا سايكەس مەزگىلدەگىدەن ％0. 5 ارتىپ، بازار مەجەسىنەن اسىپ ءتۇستى“، ”جۇڭگو − دۇنيە ءجۇزى ەكونوميكاسىنىڭ ’ورنىقتىلىق ياكورى‘“، ”دۇنيە جۇزىندەگى كاسىپورىندارعا اناعۇرلىم بولجامدى، اناعۇرلىم كوپ نەگىزدى دامۋ ورايىن جاراتتى“... حالىقارالىق قايراتكەرلەر جۇڭگو ەكونوميكاسىنىڭ بەينەسىنە بەلسەندى باعا بەردى.

كەيبىر شەتەل مەدياسى تاياۋدا ءىشىنارا حالىقارالىق قۇرىلىمداردىڭ 2026 - جىلعى دۇنيە ءجۇزى ەكونوميكاسىنىڭ ارتۋ قارقىنى مەجەسىن تومەندەتكەندىگىن اتاپ كورسەتىپ، ورتا شىعىس جاعدايىنىڭ ايقىنسىزدىعى دۇنيە ءجۇزى ەكونوميكاسىنىڭ سەرپىمدىلىگى جونىنەن سىناق بولدى دەپ قارادى. وسىنداي جاعدايدا جۇڭگو ەكونوميكاسىنىڭ بەينەسى ورنىقتى بولىپ، دۇنيە ءجۇزىنىڭ ورنىقتىلىعى مەن دامۋىنا قىمباتتى ايقىندىلىق ۇستەدى.

　　جاڭا بولۋعا، ساپالى بولۋعا بەت الىپ، جوعارى ساپالى دامۋ قوزعالىس قۋاتى اناعۇرلىم كۇشەيدى

دەر كەزىندە 80 نەشە ءتۇرلى ءتىلدى اۋداراتىن AI كوزىلدىرىگى، تۇتىنۋشىلاردىڭ بۇيرىعى بويىنشا كەڭىستىك جوبالايتىن زەردەلى قۇلتەمىر... حايناندا وتكىزىلىپ جاتقان 6 - كەزەكتى تۇتىنۋ بۇيىمدارى كورمەسىندە الدىڭعى لەكتەگى عىلىم - تەحنولوگيا مەن تۇتىنۋ كورىنىستەرى وزگەشە ءۇمىت ۇشقىنىن سيلادى.

جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. ”جاڭالىققا“ قاراي قادام تاستاعان باستاما جىلداعى جاڭا قوزعالىس قۋاتتارى بارعان سايىن ەكونوميكالىق دامۋدىڭ اۋىر جۇگىن ارقالايدى.

ءبىرىنشى ماۋسىمدا جابدىق جاساۋ كاسىبىنىڭ ارتقان قۇنى سايكەس مەزگىلدەگىدەن ％9. 8 ارتىپ، جوعارى تەحنولوگيالىق جاساۋ كاسىبىنىڭ ارتقان قۇنى ％5. 12 ارتىپ، جەكە - جەكە بارلىق كولەمنەن جوعارى ونەركاسىپتىڭ ارتقان قۇنىنان 8. 2 پايىز جانە 4. 6 پايىز تەز بولدى؛ ينفورماتسيا جەتكىزۋ جۇمساق بولشەگى جانە ينفورماتسيا تەحنولوگياسى بويىنشا قىزمەت وتەۋ كاسىبىنىڭ، جالعا بەرۋ جانە ساۋدا ىستەرىنە قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن جەكە - جەكە ％6. 10 جانە ％2. 12 ارتىپ، ەكونوميكانىڭ ارتۋىنا قوسقان جيىنتىق ۇلەسى ％25كە تايادى.

”جوعارى تەحنولوگيالىق جاساۋ كاسىبىنىڭ كولەمنەن جوعارى ونەركاسىپتىڭ ارتقان قۇنىندا ۇستايتىن ارا سالماعى ％20كە جەتپەگەنىمەن، بارلىق كولەمنەن جوعارى ونەركاسىپتىڭ ارتۋ قارقىنىنا قوسقان ۇلەسى ％6. 32 بولدى“. ماۋ شىڭيۇڭ بىلاي دەدى: ەلىمىزدىڭ جوعارى تەحنولوگيالىق جاساۋ كاسىبىنىڭ تەحنولوگيالىق قۇرامى اناعۇرلىم جوعارىلادى، كەيبىر نازىك سالالار بۇرىنعى ”ىلەسىپ جۇگىرۋدەن“، ”قاتار جۇگىرۋدەن“ بىرتىندەپ ”قاتار جۇگىرۋگە“، ”باستاپ جۇگىرۋگە“ ويىسىپ، دامۋ ونىمدىلىگى كورنەكتى بولدى.

ءتىپتى دە كوپ ناقتى ساندى مالىمەتتەر جاڭا قوزعالىس قۋاتىنىڭ قارىشتاپ دامىعاندىعىن ايگىلەدى: ءبىرىنشى ماۋسىمدا كولەمنەن جوعارى سيفرلى ءونىم جاساۋ كاسىبىنىڭ ارتقان قۇنى سايكەس مەزگىلدەگىدەن ％2. 11 ارتتى؛ جوعارى تەحنولوگيالىق جاساۋ كاسىبىنە قارجى قوسۋ، جوعارى تەحنولوگيالىق قىزمەت وتەۋ كاسىبىنە قارجى قوسۋ تۇگەلدەي تۇراقتى مۇلىككە قوسىلعان قارجىنىڭ ارتۋ قارقىنىنان كورنەكتى تەز بولدى؛ ينتەرنەتتەگى تاۋار مەن قىزمەت وتەۋگە قاتىستى بولشەك ساتۋ سوماسى سايكەس مەزگىلدەگىدەن ％8 ارتتى؛ ادامسىز دۇكەن، قويمادا ساقتاۋ مۇشەلىك دۇكەنى قاتارلى جاڭاشا بولشەك ساتۋ ۇلگىسىندەگى بولشەك ساتۋ سوماسى ەكى ورىندى ساندى ارتۋدى ساقتادى...

”جۇڭگونىڭ ەكونوميكالىق وزگەرىسىن ءتۇسىنۋدە قۇرىلىمدا تيپ جاڭالاۋ مەن تەحنولوگيالىق دارەجەسىن ءوسىرۋ تۇرعىسىنان باقىلاۋعا تۋرا كەلەدى“. برازيليا ۆارگاس قور قوعامىنىڭ فينانس مامانى شيا حۋاشىڭ مىنالاردى ءبىلدىردى: تەحنولوگيا دەربەستىك قابىلەتىنىڭ ۇزدىكسىز جوعارىلاۋىنا بايلانىستى، جۇڭگو ەكونوميكاسىنىڭ جاڭا كاسىپ سالاسى جۇيەسىندە اناعۇرلىم ورنىقتى جانە باياندى ارتۋ ۇلگىسىن قالىپتاستىرۋىنان ءۇمىت بار.

قازىرگى جاعدايدى كوزدەۋگە، ۇزاق بولاشاقتىق جوسپار جاساۋعا تاباندى بولىپ، جۇڭگو ەكونوميكاسى دامۋىنىڭ ”جاسىلدىق مولشەرى“ مەن ەكولوگيالىق ورتانىڭ ”ناقتى قۇنى“ ءبىرىن - ءبىرى تابىسقا جەتكىزىپ، ءبىرىن - ءبىرى تولىقتادى.

ءبىرىنشى ماۋسىمدا بەيتۇنبا ەنەرگيانى تۇتىنۋدىڭ ەنەرگيا تۇتىنۋىنداعى ۇستاعان ارا سالماعى سايكەس مەزگىلدەگىدەن شامامەن 0.4 پايىز جوعارىلادى، ليتي يوندى باتارەيا، جەل ەلەكتر گەنەراتور اگراگاتى سياقتى ونىمدەردىڭ ءونىم مولشەرى سايكەس مەزگىلدەگىدەن جەكە - جەكە ％8. 40، ％1. 30 ارتتى؛ ”جاڭا ءۇش ءتۇرلى“ ءونىم ەكسپورتى ۇزدىكسىز جوعارى قارقىنمەن ارتتى...

”جۇڭگونىڭ جاڭا ەنەرگيا كاسىپ سالاسىنىڭ دامۋى ءوز ەكونوميكاسىنىڭ دامۋىنا قىزمەت وتەۋمەن بىرگە، دۇنيە ءجۇزىنىڭ جاسىل، تومەن كومىر قىشقىل گازدى تيپ جاڭالاۋىنا ءتىپتى دە كوپ جۇڭگو كۇشىن ارنادى“، - دەدى ماۋ شىڭيۇڭ.

حاۋىپسىزدىك − دامۋدىڭ العى شارتى، دامۋ − حاۋىپسىزدىكتىڭ قامتاماسىزدىعى. حاۋىپسىزدىك قورعانىس شەبىن بەكەمدەپ، حاۋىپ - قاتەردەن ءونىمدى ساقتانۋ جانە ونى جويۋ − جوعارى ساپالى دامۋدى ىلگەرىلەتۋدىڭ ىشكى تالابى.

جۋىقتان بەرى، وڭىرلىك قاقتىعىستىڭ ىقپالىنان حالىقارادا ەنەرگيا باعاسى زور دارەجەدە جوعارىلادى، كەيبىر ەلدەردە مۇناي باعاسى قاۋىرت ورلەپ، قامداۋ تاپشى بولىپ، ءوندىرىس پەن تۇرمىس اۋىر ىقپالعا ۇشىرادى. سىرتقى وزگەرىسكە توتەپ بەرۋدە ەلىمىز باعانى دەر كەزىندە ۋاقىتشا مەڭگەرىپ، وندىرىستە، تۇرمىستا پايدالاناتىن ەنەرگيامەن قامداۋدىڭ جەتكىلىكتى بولۋىن قامتاماسىز ەتتى.

”كوپ جىلدان بەرى، ەلىمىز جاڭا ەنەرگيا كاسىپ سالاسىن دامىتۋدى كورەگەندىكپەن ورنالاستىرىپ، كوپ نەگىزدى ەنەرگيامەن قامداۋ جۇيەسىن ورناتىپ، ەكونوميكانىڭ دەربەستىگى مەن ورنىقتىلىعىن بارىنشا كۇشەيتتى. قازىر ەنەرگيا تۇتىنۋىنىڭ جالپى مولشەرىندە مۇنايدىڭ ۇستايتىن سالىستىرماسى ％20كە جەتپەيدى، بەيتۇنبا ەنەرگيانىڭ تۇتىنۋ سالىستىرماسى جوعارىلادى، حالىقارالىق وڭدەلمەگەن مۇناي بازارىنداعى تولقۋدىڭ ەلىمىز بازارىنا جالپى تۇلعالىق جاقتان جاسايتىن ىقپالى ءبىرشاما از“، - دەدى ماۋ شىڭيۇڭ.

　　ناقتى ىستەۋدى ماڭداي الدى ورىنعا قويىپ، ”15 - بەسجىلدىقتىڭ“ تاماشا باستاماسىن قۇلشىنا جۇزەگە اسىردى

جۋجياڭ وزەنىنىڭ جاعاسىندا شىزىياڭ ارنا نىسانى قۇرىلىسىنىڭ جۇمىس ورنىنان قاربالاستىققا شومعان كورىنىستەر مەن مۇندالايدى. گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ ەرەكشە ينجەنەرياسى رەتىندە، شىزىياڭ ارناسى سالىنىپ بولعاننان كەيىن، جۋجياڭ ساعاسىنىڭ شىعىس، باتىس ەكى جاعالاۋىنىڭ توعىسپالى دامۋىنىڭ جاڭا ارناسىنا اينالىپ، ۇلكەن شىعاناق رايونىنىڭ قاتىناس نەگىزدىك قۇرىلعىلارىنىڭ ”قاتتى تۇتاسۋىن“ جەدەلدەتەدى.

باستاما اشۋ، قادام تاستاۋ توتەنشە ماڭىزدى. بيىل جىل باسىنان بەرى، ءبىر توپ كەلەلى ينجەنەريا نىساندارى ”اياق الىس قارقىنىن“ ۇزدىكسىز جاڭالادى، جەر - جەر ورايدى مىقتى يگەرىپ، ىرىقتىلىقپەن ىسكەرلىك كورسەتىپ، ناقتى ىستەۋ بەينەسىمەن ”15 - بەسجىلدىقتىڭ“ تاماشا باستاماسىن قۇلشىنا جۇزەگە اسىردى.

”ءبىرىنشى ماۋسىمداعى ەكونوميكانىڭ بەينەسى ءار جاقتىڭ ەلىمىز ەكونوميكاسىنىڭ دامۋى جونىندەگى سەنىمىن ارتتىردى. مىنانى دا كورە ءبىلۋىمىز كەرەك: حالىقارالىق ورتا كۇردەلى دە قۇبىلمالى، ايقىنسىزدىق، مەجەلەۋ قيىن فاكتورلار كوبەيۋى مۇمكىن، ەل ءىشى ەكونوميكاسىنىڭ اينالىمى كەيبىر قيىنشىلىقتار مەن سىن - سايىستارعا ءدوپ كەلىپ وتىر. الايدا جالپى العاندا، وراي سىن - سايىستان كوپ، ءادىس - امال قيىنشىلىقتان كوپ“، - دەدى ماۋ شىڭيۇڭ.

باستاما نەگىزىنە قاراساق: ءبىرىنشى ماۋسىمداعى GDPدىڭ ارتۋ قارقىنى ％0. 5 بولىپ، دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە الدىڭعى ورىندى ۇزدىكسىز يەلەيتىندىگى مەجەلەنىپ وتىر. كوپ ءتۇرلى كورسەتكىشتەردىڭ بەينەسى ورنىقتى بولدى، باعا سالاسىندا بەلسەندى وزگەرىستەر جارىققا شىقتى، كاسىپورىنداردىڭ پايداسى بىرتىندەپ جاقساردى، تاماشا باستاما تۇتاس جىلعا بەرىك نەگىز قالادى.

دامۋ قوزعالىس قۋاتىنا قاراساق: كاسىپ سالاسى جاڭا بولۋعا، ساپالى بولۋعا تيپ جاڭالاۋدا تەحنولوگيا العاباسارلىعى، كاسىپ سالاسى دارەجەسىن ءوسىرۋ الا كەلگەن جاڭا قوزعالىس قۋاتىنا سۇيەنىپ جەدەل ءوسىپ - جەتىلدى ءارى باياندىلىق سيپات ازىرلەدى، كەلەسى ماۋسىمدا جانە تۇتاس جىلدا ءالى دە ءبىرشاما تەز ارتۋدى ساقتاۋ شارت - جاعدايى بار.

تىرەكتىك فاكتورعا قاراعاندا: ىشكى سۇرانىس جالپى جاقتان جاقساردى، ءبىرىنشى ماۋسىمداعى ىشكى سۇرانىستىڭ ەكونوميكانىڭ ارتۋىنا قوسقان ۇلەسى ％7. 84كە جەتىپ، سايكەس مەزگىلدەگىدەن 30 پايىزعا جۋىق جوعارىلادى. جوعارى دەڭگەيدە ەسىك اشۋ ۇزدىكسىز تەرەڭدەتىلىپ، يمپورت - ەكسپورتتىڭ ءبىرشاما جاقسى ارتۋدى ۇزدىكسىز ساقتاۋ شارت - جاعدايى ازىرلەنگەن.

جىل باسىنان بەرى، جەر - جەر، تاراۋلار بەلسەندى، ىرىقتى تۇردە كۇش سالدى، ءبىر قىدىرۋ ساياسات - شارالار ەكونوميكانىڭ جوعارى ساپالى دامۋىنا قوزعالىس قۋات ۇستەدى −

ورتالىق قازىنا 100 ميلليارد يۋان ورنالاستىرىپ، قازىنا - فينانس سەلبەسىپ ىشكى سۇرانىستى جەبەۋگە قولداۋ كورسەتتى؛ 9 تاراۋ 2026 - جىلى شاعىن، ۇساق شارۋاشىلىق تۇلعالارىنىڭ دامۋىنا دەم بەرۋدىڭ ”كوكتەم جاڭبىرىمەن مايسا جەتىلدىرۋ“ ارناۋلى ارەكەتىن ورىستەتتى؛ مەملەكەتتىك قىزمەت وتەۋ كاسىبى جينالىسى اشىلىپ، قىزمەت وتەۋ كاسىبىنىڭ جوعارى ساپالى دامۋىن ىلگەرىلەتۋگە تىڭ قوزعالىس كۇش قوستى؛ جياڭسۋ، انحۇي، شاندۇڭ سياقتى كوپ جەر كوكتەمگى دەمالىس ورنالاستىرۋىن جاريالاپ، كوكتەم كۇندەرىندەگى تۇتىنۋ كومەسكى كۇشىن ونان ارى جارىققا شىعاردى...

”بيىل قىرۋار ساياسات شىعارىلدى، ءبىر قىدىرۋ كەلەلى ستراتەگيالىق مىندەتتەر، كەلەلى رەفورما شارالارى، كەلەلى ينجەنەريا نىساندارى ىركەس - تىركەس تياناقتانادى. سونىمەن بىرگە بىزدە جەتكىلىكتى ساياسات كەڭىستىگى جانە مول ساياسات زاپاسى بار، ساياساتتىڭ ونىمدىلىگى ۇزدىكسىز جوعارىلاتىلادى“، - دەدى ماۋ شىڭيۇڭ.

تاياۋدا كوپتەگەن ەل اتتاعان سەرىكتەستىكتەر جۇڭگودا قارجى قوسۋدى ونان ارى كەڭەيتەتىندىگىن جاريالادى: ليلاي سەرىكتەستىگى الداعى 10 جىلدا جيىنى 3 ميلليارد دوللار قارجى قوسىپ، جۇڭگودا قامداۋ تىزبەگىنىڭ ءوندىرىس قۋاتىن جاپپاي كەڭەيتۋدى جوسپارلادى، نوو نوديسىك سەرىكتەستىگى گۋاڭجوۋداعى ءوندىرىس بازاسىن كەڭەيتىپ قۇرۋدى جاريالادى، شنەيدەر ەلەكتر جابدىقتارى شەكتى سەرىكتەستىگى شيامىندا، ۋشيدە 2 زاۆودتى جاڭادان سالۋدى ءارى بەيجيڭدەگى زەرتتەۋ - اشۋ ورتالىعىنىڭ دارەجەسىن جوعارىلاتۋدى جاريالادى...

بيىل الدىڭعى 2 ايدا جۇڭگودا جاڭادان قۇرىلعان شەتەل ساۋداگەرلەرى قارجى قوسقان كاسىپورىن 8631 بولىپ، سايكەس مەزگىلدەگىدەن ％14 ارتتى. شەتەل قارجىلاندىرعان كاسىپورىندار جۇڭگوعا ۇزدىكسىز قارجى قوسىپ، تۇتاس كاسىپ سالاسى تىزبەگىنىڭ ورنالاسىمىن تەرەڭدەتىپ، جۇڭگو ەكونوميكاسىنىڭ سەرپىمدىلىگى مەن بازار ورايىنا سەنىم اكەلدى.

”كۇردەلى سىرتقى ورتادا ءبىزدىڭ ءارقانداي حاۋىپ - قاتەرگە، سىن - سايىسقا توتەپ بەرەتىن كۇش - قۋاتىمىز، ەرىك - جىگەرىمىز بار، ءبىز تالاي جىلدان بەرى وسى سەنىممەن كەلە جاتىرمىز، بولاشاققا دەگەن سەنىمىمىز كامىل“، - دەدى ماۋ شىڭيۇڭ.

(شينحۋا اگەنتتىگىنىڭ 4 - ايدىڭ 16 - كۇنى بەيجيڭنەن بەرگەن حابارى)