مەملەكەت باسشىسى ديپلوماتياسىنىڭ ءجيى كۇن تارتىبىنەن جۇڭگونىڭ سەنىمىنە، دارقاندىعىنا، جاۋاپكەرشىلىك ارقالاۋىنا نازار

 شينحۋا اگەنتتىگىنىڭ ءتىلشىسى ما جويان

4 - ايدىڭ 14 - كۇنىنەن 15 - كۇنىنە دەيىن ءتوراعا شي جينپيڭ بەيجيڭدە ىلگەرىندى - كەيىندى ساپارلاي كەلگەن اراب بىرىككەن امىرلىگىنىڭ ابۋدابي پاتشا مۇراگەرى حاليدپەن، يسپانيانىڭ باس ءۋازىرى سانچەسپەن، رەسەيدىڭ سىرتقى ىستەر مينيسترى لاۆروۆپەن، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن كەڭەس وتكىزدى.

ورتا شىعىستاعى شىعاناق ەلدەرىنەن ەۆروپا ەلدەرىنە دەيىن، ەڭ ۇلكەن كورشى ەلدەن سوتسياليستىك دوس كورشى ەلگە دەيىن كوپ ەل ساياسي قايراتكەرلەرىنىڭ جۇڭگوعا ءجيى ساپارلاي كەلۋى − دۇنيە جۇزىندەگى ءار ەلدىڭ ”شىعىسقا نازار اۋدارۋىنىڭ“ جاندى ىقشام كورىنىسى، ونان دا ماڭىزدىسى، جاڭا داۋىردەگى جۇڭگونىڭ ءىرى ەلدىك بەينەسىنىڭ كارتيناسى.

”شىعىسقا نازار اۋدارعاندا“، جۇڭگونىڭ ەكپىندەي العا ىلگەرىلەۋدەگى بەرىك سەنىمىن كوردى.

4 جىلدان بەرى، جۇڭگوعا 4 - رەت ساپارلاي كەلگەن يسپانيانىڭ باس ءۋازىرى سانچەسپەن كەزدەسكەندە، ءتوراعا شي جينپيڭ جۇڭگونىڭ قارىشتاپ دامۋ تابىس كىلتىن تەرەڭ اشىپ كورسەتتى: ”جۇڭگو ۇزاق بولاشاقتىق ستراتەگيالىق نىسانا مەن كەزەڭدىك نىسانانى بىرلىككە كەلتىرىپ، ءبىر - بىرىنە جالعاستىرا ىستەيتىن تاريحي سابىرلىلىقپەن 5 جىلدىق جوبالاردى ۇزدىكسىز جاسادى جانە اتقاردى“.

”14 - بەسجىلدىق“ مەزگىلىندە جۇڭگو ەكونوميكاسى جىلىنا ورتا ەسەپپەن ％4. 5 ارتىپ، دۇنيە ءجۇزىنىڭ ورتاشا ارتۋ قارقىنىنان كورنەكتى جوعارى بولدى. ”14 - بەسجىلدىق“ جوبا باعدارلاماسىندا بەلگىلەنگەن 20 ءتۇرلى نەگىزگى كورسەتكىش، 17 جاقتاعى كەلەلى ستراتەگيالىق مىندەت، 102 كەلەلى ينجەنەريا نىسانى جەڭىسپەن ورىندالدى. بيىل ءبىرىنشى ماۋسىمدا جۇڭگونىڭ ىشكى ءوندىرىس جالپى قۇنى سايكەس مەزگىلدەگىدەن ％0. 5 ارتتى.

شيۇڭ - ان جاڭا رايونىندا ەكسكۋرسيادا، ساپاردا بولىپ، جۇڭگونىڭ جوعارى قارقىندى پويەزىنە وتىرىپ، عىلىم - تەحنولوگيا كاسىپورىندارىن ەكسكۋرسيالاپ، جۇڭگونىڭ جاڭالىق اشۋىن القادى... ”15 - بەسجىلدىقتىڭ“ باستاما جىلىنداعى كوكتەمدە ءار ەل ساياسي قايراتكەرلەرىنىڭ جۇڭگوعا كەلىپ، ىشكەرىلەي سەلبەسۋ جولدارىن قاراستىرۋىنىڭ ءمانى جۇڭگونىڭ دامۋ تابىستارىن ايرىقشا شىنايى مويىنداعاندىعى، سونداي - اق جاڭا داۋىردەگى جۇڭگونىڭ باتىلدىقپەن ءداۋىردىڭ الدىڭعى لەگىندە ءجۇرىپ، اۋقىمعا جەتەكشىلىك ەتەتىن جىگەرىن دە كورە بىلگەندىگى.

”شىعىسقا نازار اۋدارعاندا“، جۇڭگونىڭ الەمدى قۇشاعىنا سيدىرعان دارقان پەيىلىن كوردى.

”بىزدە جۇڭگو ۇلگىسىندەگى وسىزامانداندىرۋدى باتىلدىقپەن ىلگەرىلەتۋ بەكىمى دە، جوعارى دەڭگەيدە سىرتقا ەسىك اشۋ ارقىلى دۇنيە جۇزىمەن دامۋ ورايىنان بىرگە يگىلىكتەنۋ پەيىلى دە بار، ءوز دامۋىمىز ارقىلى دۇنيە ءجۇزى ەكونوميكاسىنىڭ ارتۋىنا سەنىم جانە قوزعاۋشى كۇش ۇستەيمىز“ .ءتوراعا شي جينپيڭنىڭ ءسوزى كۇش - قۋاتقا تولى ەدى.

بۇل دارقان پەيىل جۇڭگو ۇلگىسىندەگى وسىزامانداندىرۋدىڭ بۋىرقانعان وزىندىك ەنەرگياسىنان باستاۋ العان، اسا زور كولەمدى بازاردىڭ كورنەكتى ابزالدىلىعىنان باستاۋ العان، الەمنىڭ ۇلى بىرلىگىنەن، گۇلدەنۋدەن بىرگە يگىلىكتەنۋ سىندى قۇن تالپىنىسىنان باستاۋ العان.

توماعا - تۇيىق كۇيدە باسقالاردى قاقپايلايتىن، ءبىرى جەڭىلىپ، ءبىرى جەڭەتىن تار ءورىستى ويعا ۇقسامايتىنى − جۇڭگو ”دۇنيە ءجۇزى جاقسى بولعاندا عانا جۇڭگو جاقسى بولادى؛ جۇڭگو جاقسى بولسا، دۇنيە ءجۇزى ءتىپتى دە جاقسى بولادى“ دەگەندى تەرەڭ ءتۇسىنىپ، ءوزىنىڭ دامۋىن باستان - اياق ادامزات دامۋىنىڭ كوورديناتا جۇيەسىنە قويىپ، اشىق، سيىسىمدى بولۋ ارقىلى كىربەڭدىك قامالىن بۇزىپ، ءوزارا پايدا جەتكىزىپ تەڭ يگىلىككە كەنەلۋ ارقىلى نولدىك قوسىندى بەلدەسۋىنەن اسىپ، ءوزىنىڭ جوعارى ساپالى دامۋى ارقىلى دۇنيە جۇزىنە وراي جاراتتى.

حاليد جۇڭگو جاقپەن ءار سالاداعى سەلبەستىكتى تەرەڭدەتىپ، ەكى ەل حالقىن باقىتقا كەنەلتۋدى قالايتىندىعىن ءبىلدىردى؛ سانچەس جۇڭگو كاسىپورىندارىنىڭ يسپانياداعى قارجى قوسۋ سەلبەستىگى يسپانيا ەكونوميكاسىنىڭ دامۋىن پارمەندى جەبەگەندىگىن القاپ، ساۋدا، قارجى قوسۋ، جاڭا ەنەرگيا سياقتى سالالارداعى سەلبەستىكتى كۇشەيتۋدى ءۇمىت ەتتى؛ سۋ لين بىلاي دەدى: جۇڭگو جاقتىڭ ”15 - بەسجىلدىق“ جوبانى ءساتتى اتقاراتىندىعىنا سەنەمىن، جۇڭگو جاقپەن ەكونوميكا - ساۋدا، قارجى قوسۋ، تەمىر جول سياقتى نەگىزدىك قۇرىلعىلار جانە ساياحات سەلبەستىگى دەڭگەيىن جوعارىلاتۋدى قالايمىز...

”شىعىسقا نازار اۋدارعاندا“، جۇڭگونىڭ بارلىق ەلمەن تاتۋ - ءتاتتى وتەتىن ءىرى ەلگە ءتان جاۋاپكەرشىلىك ارقالاۋىن كوردى.

حالىقارالىق جاعداي اۋمالى - توكپەلى بولىپ، ورتا شىعىس جاعدايى دۇنيە جۇزىنە ىقپال جاساپ وتىر. ءتوراعا شي جينپيڭ حاليدپەن كەزدەسكەندە ورتا شىعىستىڭ بەيبىتشىلىگىن، ورنىقتىلىعىن قورعاۋ جانە جەبەۋ جونىندە بەيبىت قاتار تۇرۋ پرينسيبىنە تاباندى بولۋ، مەملەكەتتىڭ يەلىك ۇقىعى پرينسيبىنە تاباندى بولۋ، حالىقارالىق زاڭمەن باسقارۋ پرينسيبىنە تاباندى بولۋ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋ سىندى 4 قۋاتتامانى ايقىن العا قويدى.

لاۆروۆپەن كەزدەسكەندە، ءتوراعا شي جينپيڭ بىلاي دەپ باسا دارىپتەدى: 100 جىلدا بولماعان زور وزگەرىس الدىندا، جۇڭگو مەن رەسەي ”ءىرى ەلدىڭ جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلىنىڭ جاۋاپكەرشىلىك ارقالاۋىن ايگىلەۋى كەرەك“، ”حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ قاجەت “.

بۇگىنگى دۇنيە بىلىقپالىق كوبەيىپ، ادىلدىك پەن وكتەمدىكتىڭ بەلدەسۋىنە ءدوپ كەلىپ وتىر. ءىرى ەلدىڭ ىرىلىگى ونىڭ ەكونوميكالىق كولەمىنىڭ ۇلكەندىگىندە، دەنە تۇرقىنىڭ ۇلكەندىگىندە، جۇدىرىعىنىڭ ۇلكەندىگىندە ەمەس، قايتا پەيىلىنىڭ كەڭدىگىندە، ءورىسىنىڭ كەڭدىگىندە، ۇلكەن جاۋاپكەرشىلىك ارقالاۋىندا. حالىقارالىق زاڭ مەن حالىقارالىق تارتىپكە قالاي مامىلە جاساۋ ءبىر ەلدىڭ دۇنيەگە كوزقاراسىن، ءتارتىپ كوزقاراسىن، قۇن كوزقاراسىن جانە جاۋاپكەرشىلىك كوزقاراسىن بەينەلەيدى.

تاريحتىڭ دۇرىس جاعىندا، ادامزاتتىڭ ورتاق مۇددەسى جاعىندا تۇرعان جۇڭگو باستاماشىلدىقپەن پرينسيپتى دارىپتەپ، ءمورالدى دارىپتەپ، بەيبىتشىلىكتى كوزدەپ، دامۋدى جەبەپ، دۇنيە ءجۇزىنىڭ ورمان زاڭىنا شەگىنۋىنە تۋى ايقىن تۇردە قارسى تۇرىپ، اۋمالى - توكپەلى دۇنيە جۇزىنە باعالى ورنىقتىلىق پەن ايقىندىلىق ۇستەدى، سونداي - اق، ءسوز جوق، قول ۇستاسا بىرگە ىلگەرىلەيتىن اناعۇرلىم كوپ كۇش ۇيىستىرادى.

ءتوراعا شي جينپيڭنىڭ ۇسىنىسىمەن موزامبيكتىڭ زۇڭتۇڭى چاپو 4 - ايدىڭ 16 - كۇنى حۋنانعا جەتىپ، جۇڭگوعا ساپارىن باستادى. وسى كوكتەمدە ىركەس - تىركەس كەلگەن ءار ەلدەگى دوستار شىنايى، ستەرەولدى، جان - جاقتى جۇڭگونى سول جەردىڭ وزىندە ءتۇسىنىپ، جۇڭگو ۇلگىسىندەگى وسىزامانداندىرۋدىڭ سان الۋان جاعدايىن تەرەڭ سەزىنىپ، ادامزات تاعدىرلاس ورتاق تۇلعا قۇرىلىسىنىڭ تولقىن جارا العا ىلگەرىلەۋىن قول ۇستاسا ىلگەرىلەتتى.

(شينحۋا اگەنتتىگىنىڭ 4 - ايدىڭ 16 - كۇنى بەيجيڭنەن بەرگەن حابارى)