ٴوز تىلشىلەرىمىز لي يافىڭ، اراي، ەرىكتى ٴتىلشى دەمەۋ جانىبەك

قازىر ىلەنىڭ جەر - جەرىندە نىسان قۇرىلىسى ورلەۋى كوتەرىلدى، 4 - ايدىڭ 16 - كۇنىنە دەيىن ىلە وبلىسىنا توتە قاراستى ورىنداردا 558 نىسان جۇمىس باستاپ جانە جۇمىستى قالپىنا كەلتىرىپ،  جۇمىس باستاۋ، جۇمىستى قالپىنا كەلتىرۋ مولشەرى %44.3 كە جەتتى، ٴاربىر ٴتۇيىندى نىسان جەدەل تياناقتانىپ، ٴاربىر حالىق تۇرمىسى ينجەنەرياسى ورنىقتى ىلگەرىلەتىلىپ، ناقتى ىستەۋ شاراسى وبلىسقا توتە قاراستى ورىنداردىڭ ەكونوميكاسىنىڭ جوعارى ساپالى دامۋىنا پارمەندى قوزعاۋشى كۇش ۇستەدى.

قۇلجا قالاسى ٴپانجىم بەكەتى تەمىر جول ارناۋلى جەلىسىنىڭ قۇرىلىس ورنىندا ماشينالار گۇرىلدەپ، ادامدار دابىرلاپ، بولات شىبىقتاردى بايلاۋ، بەتون قۇيۋ، جول تاعانىن تولتىرۋ سياقتى جۇمىس تارتىپتەرى قاتار ىلگەرىلەتىلىپ، قۇرىلىسشىلار كوكتەمگى قۇرىلىس جۇرگىزۋدىڭ ۇتىمدى مەزگىلىن مىقتى يگەرىپ، ۋاقىتتان ۇتىپ، قارقىندى يگەرىپ، ساپاعا كەپىلدىك ەتىپ، ونەركاسىپ باقشا رايونى مەن تەمىر جول نەگىزگى جەلىسىن تۇتاستىراتىن زات اينالىمى جاڭا ارناسى جەدەل قالىپتاسۋدا.

قۇلجا قالاسى اقتوبە ونەركاسىپ باقشا رايونى مەن شۇعىل جاعدايعا توتەپ بەرۋ زاتتىق ماتەريالدار زاپاسى (كەشەندى ەنەرگيا) بازاسىنىڭ وزەكتى سايكەستى ينجەنەرياسى بولعان ٴپانجىم بەكەتى تەمىر جول ارناۋلى جەلىسىنىڭ جالپى ۇزىندىعى 7.1 كيلومەتر، جالپى 500 ميلليون يۋان قارجى قوسىلعان، باستالۋ ٴتۇيىنى جىڭ ـ قۇلجا ـ قورعاس تەمىر جولىنىڭ ٴپانجىم بەكەتىنىڭ باتىس شەتىنەن جەلى تارتىپ، اياقتالۋ ٴتۇيىنى جاڭادان سالىنعان قۇلجا نيڭيۋان بەكەتى بولادى، جول بويى كەپەكجۇزى اۋىلى، داردامتى جانە ٴپانجىم قالاشىعىن باسىپ وتەدى. جۇمىس باستاعاننان بەرى، نىساندا كوپىر، كوپىرشە، جول تاعانى سياقتى شەشۋشى ينجەنەريالار ورنىقتى ىلگەرىلەتىلىپ، قازىر جاپپاي قۇرىلىس جۇرگىزۋ كەزەڭىنە ٴوتتى.

 قۇلجا قالاسى ٴپانجىم بەكەتى تەمىر جول ارناۋلى جەلىسىنىڭ جۇمىس الاڭىندا جۇمىسشىلار جۇمىس جۇرگىزۋدە.  لي يافىڭ فوتوسى 

وسى نىساننىڭ باس ينجەنەرى لي ميڭچي بىلاي دەپ تانىستىردى: قازىر جۇمىس ورنىنا كەلىپ قۇرىلىس جۇرگىزۋشىلەر 120 دان استام ادامعا جەتىپ، جول تاعانىن تولتىرۋ، كوپىرشە جانە پۋنكت ـ الاڭداردىڭ قۇرىلىسى بار كۇشپەن ىلگەرىلەتىلۋدە، مەجەمەن 2027 ـ جىلى بارلىق قۇرىلىس مىندەتى ورىندالادى.

قۇلجا قالاسى ليانچۋاڭ قالا قۇرىلىسى (توبى) شەكتى جاۋاپكەرشىلىك سەرىكتەستىگى انحۋان تەكسەرۋ ٴبولىـمى نىـسانىـنـىڭ ارناۋلى قىزمەتـكەرى ساردار سادىردەن تىلشىگە بىلاي دەدى: بۇل ارناۋلى جەلى اقتوبە ونەركاسىپ باقشا رايونى دامۋىنىڭ ”جان تامىرى“. نىـسان سـالىنىپ بىتـكەننەن كەيىن اقتوبە ونەركاسىپ باقشاسىنداعى كوپ مولشەردەگى زاتتاردى ”تاس جولدا تاسىمالداۋدان تەمىر جول ارقىلى تاسىمالداۋعا اۋىستىرۋ“ قيىن بولۋ ماسەلەسىن تۇبەگەيلى شەشىپ، وڭىرلىك زات اينالىمى تاسىمالىنداعى بوگەتتى جويىپ، تاس جول، تەمىر جولدا جوعارى ونىمدىلىكپەن بىرلەستىرىپ تاسىمالداۋدى جۇزەگە اسىرادى. نىسان قۇلجا قالاسىنىڭ شۇعىل جاعدايعا توتەپ بەرۋ زاتتىق ماتەريالدار زاپاسى (كەشەندى ەنەرگيا) بازاسىندا، سالىنىپ جاتقان جاسىل سۋتەگى ەنەرگياسىن جاسـامپازدىقپەن قـولدانۋ ينـجەنەرياسـىندا بىرلەسىپ قۇرىپ، بىرلەسىپ تاسىمالداپ، بۇكىل وبلىـسـتا قامبادا سـاقـتاۋ، زات اينالىـمى، ساۋدا، سـۋتەگـىن ٴوندىرۋ، گازداندىرۋ كاسىپ تىزبەگىنىڭ ”شاعىن اينالىمىن“ قالىـپتاستىرىپ، ىلەنىڭ باتىسـقا ەسـىك اشۋ ارناسىنىڭ قابىلەتىن جوعارىلاتىپ، جەرگىلىكتى ورىن ەكونوميكاسىنىڭ جوعارى ساپالى دامۋىنا مىعىم قاتىناس تىرەگىن ازىرلەۋمەن بىرگە، جاسىل دامۋ ۇستانىمىن امالياتتا ايگىلەپ، كومىر قىشقىل گازىنىڭ شىـعارىلـۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋىنا دەم بەرەدى.

ٴتىلشىنىڭ ۇعىسۋىنشا، ٴبىرىنشى توقساننان بەرى قۇلجا قالاسى نازاردى نىسان قۇرىلىسى سىندى ”نەگىزگى شايقاس مايدانىنا“ شوعىرلاندىرىپ، شەشۋشى بۋىنداردى ٴجىتى قاداعالاپ، قىزمەت وتەۋ شارالارىن ساپالىلاندىرىپ، 177 نىساندا جۇمىستى قالپىنا كەلتىرۋدى، جاڭادان سالىناتىن 99 نىساندى، 40 زاپاس نىساندى ٴتۇيىندى ىلگەرىلەتۋدى جوسپارلاپ، الدىڭعى مەرزىمدىك رەسمياتتاردى ٴبىتىرۋ، فاكتورلارمەن قامتاماسىز ەتۋدى تياناقتاندىرۋ، قۇرىلىس جۇرگىزۋ شارت ـ جاعدايىنا دايىندىق كورۋ سياقتى وزەكتى مىندەتتەردى ارقاۋ ەتىپ، ىرىقتىلىقپەن الدا ٴجۇرىپ، جۇمىس ٴتارتىبىن ىقشامداپ، قيىن ماسەلەلەردى شەشىپ، ٴتۇرلى نىسانداردىڭ ەرتە جۇمىس باستاۋىن، تەز سالىنۋىن، ەرتەرەك ونىمدىلىك كورسەتۋىن بار كۇشپەن ىلگەرىلەتىپ، نىسان قۇرىلىسىنا كەپىلدىك ەتكەن.

بىـرنەشە كۇنـنەن بەرى S329 جەلىـسىـنىـڭ توعىزتاراۋ اۋدانى اعارسىن قالاشىعىنان تەكەس اۋدانىنا دەيىنگى تاس جول قۇرىلىسى نىسانى دا قاۋىرت ىلگەرىلەتىلىپ كەلەدى، قاراتوعاي اقى الۋ پۋنكتىنىڭ، جول قورعاۋ جۇمىس ورنىنىڭ قۇرىلىس جۇمىس باسىندا 40 نەشە جۇمىسشى ٴوز مىندەتتەرىن اتقارىپ، ٴورت ٴسوندىرۋ، ورتتەن ساقتانۋ كولشىگىنىڭ نەگىزگى تۇلعالىق قۇرىلىمىن سالۋ جانە جول قورعاۋ جۇمىس ورنىنىڭ ىشكى بولىگىندەگى تام قالاۋ جۇمىسىن بار كۇشپەن ىلگەرىلەتىپ، جۇمىس باسىندا دۋماندى جۇمىس جۇرگىزىپ جاتتى.

ىلە وبلىسىنىڭ ٴتۇيىندى قاتىناس ينجەنەرياسى رەتىندە S329 جەلىسىنىڭ جالپى ۇزىندىعى 73.55 كيلومەتر، 2 - دارەجەلى تاس جول ولشەمى بويىنشا سالىنادى، بۇعان جالپى ٴبىر ميلليارد 197 ميلليون يۋان قارجى قوسىلعان، مۇنىڭ ىشىندە تەكەس اۋدانى بولىگىنە 439 ميلليون يۋان قارجى قوسىلعان. نىساننىڭ تۇتاس جەلى جوباسىندا 6 ۇلكەن كوپىر، 57 كوپىرشە سالىنىپ، 4 كورىنىس تاماشالاۋ تەكشەسى ورناتىلادى، جول قاتىناسى مەن ساياحاتتى سەزىنۋدى ىشكەرىلەي توعىستىرىپ، تەكەس اۋدانى سەگىز تاڭبالى قالاشىعىن، قاراجون 5A دارەجەلى كورىنىس رايونىن، سونداي - اق توعىزتاراۋ اۋدانىنىڭ شاشى، كولدەنەڭ سياقتى وزەكتى كورىنىس رايوندارىن تۇتاستىرادى، بۇل نىسان سالىنىپ بولعاننان كەيىن تەكەس اۋدانىنان توعىزتاراۋ، كۇنەس اۋداندارىنا باراتىن ەڭ قولايلى جولعا اينالىپ، وبلىسقا توتە قاراستى ورىنداردىڭ جالپىلىق قاتىناس - تاسىمال جۇيەسىن قۇرۋىنا، ساياحات ەكونوميكاسىنىڭ جوعارى ساپالى دامۋىن ىلگەرىلەتۋىنە بەرىك تىرەك ازىرلەپ، ”ٴبىر جول سالۋ ارقىلى جول بويىنداعى كورىنىس رايوندارىن تۇتاستىرىپ، ٴبىر وڭىردەگى كاسىپتەردى گۇلدەندىرۋ“ سىندى دامۋ تىلەگىن شىنايى جۇزەگە اسىرادى.

”تەكەس اۋدانى بولىگىندە سالىنىپ جاتقان وسى جـولدىڭ جالپى ۇزىندىعى 21 كيلـومەتر، قازىر 6 ۇلكەن كوپىر جانە 21 كيلومەتر جول تاعانى ينجەنەرياسى ورىندالىپ بولدى، جول تاعانى بويىنداعى بەتكەيلەردى، ماتەريال الاڭدارىن جانە جاراقسىز توپىراق الاڭدارىن جاسىلداندىرۋ جۇمىسىن بار كۇشپەن ىلگەرىلەتىپ، قاتىناس قۇرىلىسى مەن ەكولوگيانى قورعاۋدىڭ قاتار جۇرگىزىلۋىن جۇزەگە اسىردىق“. وسى نىساننىڭ تەكەس بولىگىندەگى نىسان ٴبولىمىنىڭ جاۋاپتىسى گو شياۋبيڭ بىلاي دەپ تانىستىردى: اقى الۋ پۋنكتى، جول قورعاۋ ورنى قۇرىلىستارىنىڭ نەگىزگى تۇلعالىق ينجەنەرياسى تۇگەلدەي سالىنىپ بولدى، 4 اقى الۋ پۋنكتى قالتقىسىنىڭ تاعانى قازىلىپ بولدى، 4 ـ ايدىڭ سوڭىندا تاعان قۇرىلىسى سالىنىپ بولادى، سوڭىنان قارقىندى تەزدەتىپ، ونىمدىلىكتى ارتتىرىپ، قالعان ينجەنەريالاردى جەدەل ىلگەرىلەتىپ، 6 ـ ايدىڭ 30 ـ كۇنىنەن بۇرىن جاپپاي كولىك قاتىناۋعا كەپىلدىك ەتەمىز.

”ٴبىز «اۆتونوميالى وبلىستىڭ كەلەلى نىساندار قۇرىلىسىن ىلگەرىلەتۋ قىزمەت مەحانيزمىن» جەتەكشى ەتىپ، وبلىسقا توتە قاراستى ورىندارداعى ماڭىزدى فاكتورلارمەن قامتاماسىز ەتۋ تاراۋلارىمەن، سونداي ـ اق ٴارقايسى اۋدان - قالالارمەن بىرلەسە قيمىلداپ، سايكەسە كۇش سالاتىن قىزمەت ارناسىن قالىپتاستىرىپ، نىسان قۇرىلىسىنا ’بىرگە ٴبىر‘ دالمە ـ ٴدال قىزمەت وتەپ، قۇرىلىس بارىسىنداعى توسىلۋ تۇيىندەرىن، بوگەتتەردى دەر كەزىندە شەشتىك“. ىلە وبلىستىق دامۋ جانە رەفورما كوميتەتى تۇراقتى مۇلىككە قارجى قوسۋ باسقارماسىنىڭ كادرى ياڭ شۋچياڭ بىلاي دەدى: نىسانداردىڭ جۇمىس باستاۋعا تيىستىلەرىندە مۇمكىندىكتىڭ بارىنشا جۇمىس باستاپ، جۇمىس باستاۋعا بولاتىندارىندا جەدەل جۇمىس باستاپ، ۇزدىكسىز ىلگەرىلەتىپ، اناعۇرلىم كوپ ناقتى ينجەنەريا مولشەرىن جەدەل قالىپتاستىرىپ، 2 ـ توقسانداعى قارجى قوسۋدىڭ ارتۋىنا بەرىك نەگىز قالاپ، ىلە وبلىسىنىڭ جوعارى ساپالى دامۋىن ىلگەرىلەتۋدە نىق قادام تاستايمىز.