وزگەلەرمەن سەلبەسىپ ەكسپورت ەتۋدەن، دەربەس ەكسپورت ەتۋگە دەيىن

”قۇلجادا جاسالعان“ 5 ميلليون يۋاندىق بولات قۇرىلىم ونىمدەرى وزبەكستانعا تىكە ساتىلدى

تىلشىلەرىمىز لۋ جۇڭ، ۋاڭ ليلي، ەرىكتى ٴتىلشى ما لي حابارلايدى. 4 - ايدىڭ 15 - كۇنى قورعاس ەكونوميكالىق اشۋ رايونى قۇلجا باقشا رايونىنداعى شينجياڭ ديڭجۇڭ بولات قۇرىلىم ونىمدەرى شەكتى سەرىكتەستىگىنىڭ زاۆود رايونى قاربالاس كۇيگە ٴتۇستى. لۇڭمىن كرانى باياۋ جىلجىپ، كراننىڭ كوتەرگىش بىلىگى بولات قۇرىلىم ونىمدەرىن جۇك اۆتوموبيلىنە دالمە - ٴدال شىعارىپ، جۇمىسشىلار جۇكتى مىقتاپ بايلاپ، بەكەمدەدى. ەڭ سوڭعى بۋما بولات ماتەريالداردى تيەپ بولعاننان كەيىن جۇك اۆتوموبيلدەرى جولعا شىعۋعا دايىندالىپ، وزبەكستانعا اتتانعالى تۇردى. بۇل شينجياڭ ديڭجۇڭ بولات قۇرىلىم ونىمدەرى شەكتى سەرىكتەستىگىنىڭ تۇڭعىش دەربـەس ەكـسپـورت ەتكـەن قۇنى 5 ميلليون يۋاننان اساتىن ۇلكەن تاپسىرىس بولاتىن. 

”بۇرىن ٴۇشىنشى جاق ارقىلى ەكسپورت ەتىلەتىن، قازىر مەملەكەت قاقپاسى ارقىلى ٴوزىمىز جۇكتەردى تاسىمالداپ شىعارا الاتىن بولدىق!“ - دەدى شينجياڭ ديڭجۇڭ بولات قۇرىلىم ونىمدەرى شەكتى سەرىكتەستىگىنىڭ زاۆود باستىعى لي شياۋلۇڭ اسەرلەنە.

 سۋرەتتە: شينجياڭ ديڭجۇڭ بولات قۇرىلىم ونىمدەرى شەكتى سەرىكتەستىگىنىڭ زاۆود رايونىندا قاربالاس جۇمىس جۇرگىزىلۋدە.   سۋرەتتى لۋ جۇڭ تۇسىرگەن

جىلدىق ٴوندىرىس قۋاتى 25 مىڭ تونناعا جەتەتىن بۇل كاسىپورىن جوبالاۋ، اۆتوماتتى ٴوندىرۋ، ساتۋ جانە قۇراستىرۋ ٴبىر تۇلـعالانعان قۋاتقا يە. كاسىپورىن 2024 - جىلى ٴۇشىنشى جاق ارقىلى قازاقستانعا قۇنى 2 ميلليون يۋاننان اساتىن 200 توننادان استام بولات قۇرىلىم ونىمدەرىن ەكسپورت ەتتى. شاعىن كولەمدە سىناق رەتىندە ەكسپورت ەتۋ تابىستى بولعانىمەن، الايدا كاسىپورىن مۇنىڭ ۇزاق ۋاقىتتىق شارا ەمەس ەكەندىگىن ىشتەي ٴتۇسىندى.

وزگەرىس قۇلجا باقشا رايونىنىڭ ”دالمە - ٴدال كىرىسۋىنەن باستالدى“.

بيىل جىل باسىنان بەرى قۇلجا باقشا رايونى ىرىقتىلىقپەن قىزمەت وتەپ، قىزمەتكەرلەر ديڭجۇڭ بولات قۇرىلىم ونىمدەرى سەحىنا تالاي رەت بارىپ، ونىمدەردىڭ باسىمدىعىن ۇعىسىپ، شەتەلدىڭ تىلەكتەرىمەن توعىستىردى ٴارى كەدەن، ساۋدا ىستەرى سياقتى تاراۋلاردى سايكەستىرىپ، كەدەنگە ەستەلىككە الدىرۋ، ەكسپورت رۇقسات كۋالىگىن الۋدى ٴوتىنىش ەتۋ سياقتى رەسمياتتاردى جوعارى ونىمدىلىكپەن ٴبىتىردى. مۇنداي ”بىرگە ٴبىر“ جالپى بارىستىق جەتەكشىلىك ەتۋ كاسىپورىننىڭ ورتا ازيا بازارىن اشۋىنا بەرىك نەگىز قالادى. ”كاسىپورنىمىز ەكسپورت كاسىبىن كەڭەيتۋ بارىسىندا قۇلجا باقشا رايونىنىڭ باعىتتامالى ساياساتتىق ٴتۇسىندىرۋى مەن باجى ىستەرىندە جەتەكشىلىك ەتۋىنىڭ ارقاسىندا ٴوزىنىڭ شەتەلدەگى كاسىبىن كەڭەيتۋدەگى وزىندىك قۇنىن بارىنشا تومەندەتتى“، ـ دەدى لي شياۋلۇڭ.

ورتا ازيا بازارىن اناعۇرلىم ويداعىداي اشۋ ٴۇشىن، شينجياڭ ديڭجۇڭ بولات قۇرىلىم ونىمدەرى شەكتى سەرىكتەستىگى ٴونىم جانە قىزمەت وتەۋ جاعىندا ەگجەي ـ تەگجەيلى جۇمىس جۇرگىزدى. لي شياۋلۇڭ تانىستىرىپ بىلاي دەدى: وزبەكستانعا ەكسپورت ەتىلەتىن وسى جولعى تاپسىرىس تەك نەگىزگى تۇلعالىق بولات قۇرىلىم ونىمدەرى عانا ەمەس، قاريدارلاردىڭ زاۆود ۇيلەرىنە قاجەتتى ەسىك - تەرەزەلەر، ٴتۇستى بولات تاقتالار، ٴتىپتى، ورناتىلاتىن ۇساق بولشەكتەرگە دەيىن بولىپ، تولىق ٴبىر بەكەتتىك قىزمەت وتەۋدى شىنايى جۇزەگە اسىردى.

قازىر شينجياڭ ديڭجۇڭ بولات قۇرىلىم ونىمدەرى شەكتى سەرىكتەستىگى قازاقستاندىق قاريدارلارمەن تاعى ٴبىر تاپسىرىس جونىندە كەڭەسۋدە. لي شياۋلۇڭ بىلاي دەدى: ”كاسىپورنىمىز اناعۇرلىم ەگجەي ـ تەگجەيلى قىزمەت وتەۋ، اناعۇرلىم يكەمدى قامداۋ ۇلگىسى ارقىلى ەكسپورت كولەمىن ونان ارى كەڭەيتەدى“.

تاياۋ جىلداردان بەرى قۇلجا باقشا رايونى كاسىپورىندارعا قىزمەت وتەۋدى، شارۋاشىلىق ـ ساۋدا ورتاسىن ساپالىلاندىرۋدى باستان ـ اياق باقشا رايونىنىڭ جوعارى ساپالى دامۋىن ىلگەرىلەتۋدىڭ ماڭىزدى تۇتقاسى ەتتى. كاسىپورىنداردىڭ ”سىرتقى ساۋدا ىستەگىسى كەلگەنىمەن قالاي ىستەۋدى بىلمەۋى“ سىندى قيىن ماسەلەلەرىنە مەڭزەس باقشا رايونىنىڭ ەكونوميكا - ساۋدا مەكەمەسى ”بىرگە ٴبىر“ جالپى بارىستىق جەتەكشىلىك ەتۋ ۇلگىسىن بەلسەنە قولدانىپ، كاسىپورىنداردىڭ ٴونىم باسىمدىعىن جانە شەتەلمەن سەلبەستىك جاساۋ ويىن جان - جاقتى ۇعىسقاننان كەيىن كەدەن، ساۋدا ىستەرى سياقتى تاراۋلارمەن سايكەسىپ، كەدەنگە ەستەلىككە الدىرۋ، ەكسپورت رۇقسات كۋالىگىن الۋدى ٴوتىنىش ەتۋ سياقتى رەسمياتتاردى جوعارى ونىمدىلىكپەن ٴبىتىردى. سونىمەن بىرگە، كاسىپورىندارعا ەكسپورت سەنىمدىلىگىن قامسىزداندىرۋ، سۇيەمەلدەۋ ساياساتى سياقتى پايدالى ينفورماتسيالاردى جەتكىزىپ، كاسىپورىنداردىڭ ٴارى ”ەكونوميكالىق ەسەپتى“، ٴارى ”حاۋىپ ـ قاتەر ەسەبىن“ ويداعىداي ەسەپتەۋىنە كومەكتەسىپ، كاسىپورىنداردىڭ حالىقارالىق بازار اشۋ سەنىمى مەن كومەسكى كۇشىن ٴونىمدى قاۋلاتتى.