تىلشىلەرىمىز پاتيما، رىن جيالي حابارلايدى. جۋىردا ىلە شىفان داشۋەسى كىتاپحاناسى سالىنىپ بولىپ، وتكىزىپ بەرۋ سالتى وتكىزىلدى، بۇل ىلە وبلىسىنىڭ جوعارى دارەجەلى وقۋ - اعارتۋ نەگىزدىك قۇرىلعىلار قۇرىلىسىنىڭ تىڭ ساتىعا كوتەرىلگەندىگىن كورسەتەدى.
ىلە شىفان داشۋەسى كىتاپحاناسى نىسانى − جياڭسۋ ولكەسىنىڭ شينجياڭعا باعىتتامالى كومەكتەسۋدەگى ٴتۇيىندى قۇرىلىس نىساندارىنىڭ ٴبىرى. 2024 ـ جىلى 7 ـ ايدان بەرى بۇل نىسانعا شينجياڭعا باعىتتامالى كومەكتەسۋ بويىنشا 150 ميلليون يۋان قارجى قوسىلىپ، 2 جىل دەن قويا قۇرىلىس جۇرگىزىلگەن - دى. كىتاپحانانىڭ قۇرىلىس كولەمى 28 مىڭ شارشى مەتر، كىتاپ ساقتاۋ، كىتاپ وقۋ، عىلمي اۋىس - كۇيىس جاساۋ، ينفورماتسيالانعان قىزمەت وتەۋ سياقتى كوپ ٴتۇرلى يقۋاتتار ٴبىر تۇلعالاندىرىلعان، قۇرىلعىلارى وزىق، فۋنكتسياسى كەمەلدى بولىپ، مەكتەپ اۋلاسى مادەنيەتتى ۇيىستىراتىن، عىلمي ومىرشەڭدىك كۇشتى تاسقىنداتاتىن، ٴداۋىر جاڭا دارىندىلارىن جەتىلدىرەتىن ماڭىزدى شەپكە اينالادى.
سۋرەتتە: ىلە شىفان داشۋەسى كىتاپحاناسىنىڭ سالىنىپ بولۋ، وتكىزىپ بەرۋ سالتى ناق مايدانى.
سۋرەتتى پاتيما تۇسىرگەن
”ٴبىز كىتاپحانانىڭ ادام تاربيەلەۋ يقۋاتىن تولىق ساۋلەلەندىرىپ، وقۋ ـ اعارتۋ، وقىتۋ ساپاسىن ۇزدىكسىز جوعارىلاتىپ، اناعۇرلىم كوپ دارىندىلار كۇشىن قۇلشىنا جەتىلدىرىپ، ۇزدىك وقىتۋ ناتيجەسىمەن شينجياڭعا كومەكتەسۋدىڭ قويۋ سۇيىسپەنشىلىگىن اقتاپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىنا كۇش قوسامىز“، ـ دەدى ىلە شىفان داشۋەسى پارتكومىنىڭ ورىنباسار شۋجيى، مەكتەپ باستىعى ماعبيات سىدىق.
ۇزاق جىلداردان بەرى جياڭسۋ ولكەسىنىڭ ىلەگە كومەكتەسۋ الدىڭعى شەپ قولباسشىلىق شتابى وقۋ - اعارتۋ ارقىلى شينجياڭعا كومەكتەسۋدى باستان - اياق باعىتتامالى كومەكتەسۋ قىزمەتىنىڭ ەڭ ماڭىزدى ٴتۇيىنى ەتىپ، نازاردى ىلەنىڭ وقۋ - اعارتۋ ىستەرىن دامىتۋدىڭ شەشۋشى بۋىنىنا شوعىرلاندىرىپ، جياڭسۋ - ىلە سۇيىسپەنشىلىگى . وقۋ - اعارتۋ، دەنساۋلىق ساقتاۋ سالاماتتىق ىستەرى ارقىلى وقۋشىلاردىڭ دەنە ساپاسىن جوعارىلاتۋ ينجەنەرياسىن اتقارۋعا ۇيىمداستىرىپ، ”نەگىزدىك وقۋ - اعارتۋدى سەلبەسىپ جەتىلدىرۋ“، ”كاسىپتىك وقۋ - اعارتۋ ەكونوميكالىق، قوعامدىق دامۋعا قىزمەت وتەۋ“، ”جوعارى دارەجەلى وقۋ - اعارتۋدىڭ وقىتۋ شارت - جاعدايىن جوعارىلاتۋ“ سياقتى قىزمەت جوسپارىن اتقارىپ، نەگىزدىك وقۋ - اعارتۋدان، كاسىپتىك وقۋ - اعارتۋدان جوعارى دارەجەلى وقۋ - اعارتۋعا قاراي كەڭەيتىپ، 150 ميلليون يۋان قارجى قوسىپ، ىلە شىفان داشۋەسى كىتاپحاناسىن قۇرىپ، شينجياڭعا كومەكتەسۋ قىزمەتى بالا باقشا وقۋ - اعارتۋىنان جوعارى مەكتەپ وقۋ - اعارتۋىنا دەيىن تولىق قامتىپ، ىلەنىڭ وقۋ - اعارتۋ ىستەرىنىڭ جوعارى ساپالى دامۋىنا پارمەندى قوزعاۋشى كۇش قوستى.