ٴتىلشىمىز دۋ لەي حابارلايدى. 5 - ايدىڭ 10 - كۇنى ”جىبەك جولىنداعى ىلە . شينفاديدا اڭقىعان حوش ٴيىس − ىلەنىڭ ەرەكشە اۋىل شارۋاشىلىق ونىمدەرى ماركاسىنىڭ بەيجيڭ شينفاديداعى تانىستىرۋ ٴماجىلىسى“ بەيجيڭ قالاسى فىڭتاي رايونى شينفادي حالىقارالىق اۋىل شارۋاشىلىق ونىمدەرى ٴماجىلىس - كورمە ورتالىعىندا وتكىزىلدى. مۇنداعى ماقسات بەيجيڭ شينفادي مەملەكەتتىك اۋىل شارۋاشىلىق ونىمدەرى تورابى تۇعىرىنا سۇيەنىپ، ىلەنىڭ ەرەكشە اۋىل شارۋاشىلىق ونىمدەرىن تانىستىرىپ،  ماركانىڭ ىقپال قۋاتىن جوعارىلاتۋ؛ وندىرىلگەن جەر مەن بازاردى دالمە - ٴدال ۇشتاستىرۋ كوپىرىن سالىپ، ىلەنىڭ اۋىل شارۋاشىلىق ونىمدەرىنىڭ بەيجيڭ - تيانجين - حىبەيدىڭ تولايىم ساتۋ بازارلارىنا، ساۋدا ەرەن بازارلارىنا، ەلەكتروندى ساۋدا ارناسىنا ەنگىزىلۋىن ىلگەرىلەتۋ؛ ناق مايداندا ساتۋ - ساتىپ الۋ جانە ستراتەگيالىق سەلبەستىك كەلىسىمىنە قول قويىسىپ، كورمە ارقىلى ساتۋدى جەبەپ، تانىستىرۋ ارقىلى ٴوندىرىستى جەبەپ، اۋىل - قىستاقتى گۇلدەندىرۋگە دەم بەرۋ.

وبلىستىق پارتكومنىڭ ورىنباسار شۋجيى حاۋ لەي تانىستىرۋ ماجىلىسىنە قاتىناستى ٴارى ٴسوز سويلەدى. اۋىل شارۋاشىلىعى، اۋىل - قىستاق مينيسترلىگى اۋىل شارۋاشىلىق ونىمدەرىنىڭ ساپا حاۋىپسىزدىگى ورتالىعىنىڭ جاۋاپتىلارى، بەيجيڭ شينفادي اۋىل شارۋاشىلىق ونىمدەرىن تولايىم ساتۋ بازارىنىڭ جاۋاپتىلارى، ىلە وبلىسىنىڭ قاتىستى تاراۋلارىنىڭ باسشىلارى، اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردىڭ جاۋاپتىلارى، بەيجيڭ جانە بۇكىل ەلدىڭ جەر - جەرىندەگى ساتىپ الۋشى ساۋداگەرلەردىڭ ۋاكىلدەرى قاتارلىلار تانىستىرۋ ماجىلىسىنە قاتىناستى.

كورمەگە قاتىناسقان كاسىپورىندار قاريدارلارعا ونىمدەرىن تانىستىرۋدا.   دۋ لەي فوتوسى 

بۇل رەتكى قيمىلدى ىلە وبلىستىق اۋىل شارۋاشىلىق، اۋىل - قىستاق مەكەمەسى ۇيىمداستىرىپ، ىلە وبلىستىق اۋىل شارۋاشىلىعىن كاسىپ سالالاندىرۋداعى باستاماشى كاسىپورىندار قوعامى مىندەتىنە الىپ، ىلە وبلىستىق قامداۋ - ساتۋ كووپەراتيۆى، بەيجيڭ شينفادي اۋىل شارۋاشىلىق ونىمدەرىن تولايىم ساتۋ بازارى سەلبەسىپ وتكىزدى.

بەيجيڭ شينفادي اۋىل شارۋاشىلىق ونىمدەرىن تولايىم ساتۋ بازارى بۇكىل ەل بويىنشا كولەمى ەڭ ۇلكەن، ىقپالى ەڭ كۇشتى اۋىل شارۋاشىلىق ونىمدەرى اينالىمىنىڭ وزەكتى تۇعىرى، وندىرىلگەن جەر مەن بازاردى، ساپالى اۋىل شارۋاشىلىق ونىمدەرى مەن بارشا تۇتىنۋشىلاردى تۇتاستىراتىن التىن كوپىر، ول استانانىڭ قامداۋىن قامتاماسىزداندىرۋدا، بۇكىل ەل بازارىنا قىزمەت وتەۋدە ورنىن وگەيسىتۋگە بولمايتىن ماڭىزدى رول اتقارادى. ال ىلە وبلىسىنىڭ تاماشا ەكولوگيالىق ورتاسى، مول بولعان سۋ، توپىراق، كۇن نۇرى، جىلۋ بايلىعى ىلە اۋىل شارۋاشىلىق ونىمدەرىنىڭ ”جاسىل، ورگانيكالى، قورەكتىگى مول، ٴدامى ٴتىل ۇيىرەتىن، حاۋىپسىز، سەنىمدى“ بولعان ەرەكشە قاسيەتىن قالىپتاستىرعان. وسى رەت ىلە وبلىسىنىڭ ەرەكشە اۋىل شارۋاشىلىق ونىمدەرى بەيجيڭ شينفادي اۋىل شارۋاشىلىق ونىمدەرىن تولايىم ساتۋ بازارىندا بوي كورسەتۋى − ىلە اۋىل شارۋاشىلىق ونىمدەرىنىڭ بەيجيڭ - تيانجين - حىبەي بازارىن اشۋداعى ماڭىزدى قادامى، سونداي - اق ىلەنىڭ اۋىل شارۋاشىلىعىن سىرتقا اشىق ۇستاۋىنداعى، ايگىلى ماركانىڭ دارەجەسىن جوعارىلاتۋىنداعى شەشۋشى شاراسى.

حاۋ لەي ارناۋ سوزىندە بىلاي دەدى: ٴبىز ىلەنىڭ ەڭ ساپالى، ەڭ ەرەكشە اۋىل شارۋاشىلىق ونىمدەرىن شينفاديعا الا كەلدىك، بۇل استانا حالقىنا ىلەنىڭ اۋىل شارۋاشىلىعىن دامىتۋدىڭ مول جەتىستىكتەرىن كورسەتۋ، ونان دا ماڭىزدىسى، شينفاديدىڭ مىعىم  ارنا باسىمدىعىنان، بازار باسىمدىعىنان جانە ايگىلى ماركا باسىمدىعىنان پايدالانىپ، ىلەنىڭ ەرەكشە اۋىل شارۋاشىلىق ونىمدەرىن بەيجيڭگە ەنگىزۋدىڭ ەڭ سوڭعى ٴبىر شاقىرىمىن اشۋ. ىلە وبلىسى شينفاديدىڭ قۋاتتى اينالىم تورابىنا، ارنا بايلىعىنا جانە بازارداعى ىقپال كۇشىنە سۇيەنىپ، ىلەنىڭ اۋىل شارۋاشىلىق ونىمدەرىنىڭ ”جاسىل، ورگانيكالى، حاۋىپسىز، ساپالى“ بولعان وزەكتى قۇنىن جەتكىزىپ، ماركالاردىڭ تانىمالدىلىعىن، داڭقىن جانە بازارداعى باسەكەلىك قۋاتىن ۇزدىكسىز جوعارىلاتىپ، ”ىلەنىڭ تاڭداۋلى ونىمدەرىنىڭ“ داڭقىنىڭ ٴتىپتى دە زورايۋىنا، ٴتىپتى دە الىسقا تارالۋىنا مۇمكىندىك جاساپ، ٴتىپتى دە كوپ ساپالى اۋىل شارۋاشىلىق ونىمدەرىنىڭ استاناداعى سان مىڭداعان وتباسىلارىنا جەتۋىنە، بۇكىل ەلدىڭ ٴتىپتى دە ۇلكەن بازارىنا قادام تاستاۋىنا مۇمكىندىك جاسايدى.

اۋىل شارۋاشىلىعى، اۋىل ـ قىستاق مينيسترلىگى اۋىل شارۋاشىلىق ونىمدەرى ساپا حاۋىپسىزدىگى ورتالىعىنىڭ ورىنباسار مەڭگەرۋشىسى ۋاڭ زىچياڭ بىلاي دەدى: ”سوڭعى جىلداردان بەرى ىلە وبلىسى ساپا ارقىلى اۋىل شارۋاشىلىعىن گۇلدەندىرۋدى، ايگىلى ماركا ارقىلى اۋىل شارۋاشىلىعىن كۇشەيتۋدى تىعىز ارقاۋ ەتىپ، ولشەمدەنگەن ٴوندىرىستى، جاسىل دامۋدى، ارناعا ٴتۇسىرىپ باقىلاۋ ـ باسقارۋدى كۇش سالا ىلگەرىلەتىپ، ٴبىر توپ جاسىل ازىق ـ تۇلىكتەردى، ورگانيكالى ازىق ـ تۇلىكتەردى جانە جاعراپيالىق بەلگىسى بار اۋىل شارۋاشىلىق ونىمدەرىن جەتىلدىرىپ، حاۋىپسىزدىگى قامتاماسىزداندىرىلعان، ساپاسى ەرەكشە، ماركاسى ىقپالدى ىلە اۋىل شارۋاشىلىق ونىمدەرى بازاسىن قالىپتاستىردى. شينجياڭ قوڭىر سيىرى، ىلە كۇرىشى، ىلە جەمىس - جيدەگى، كوكونىسى، ەرەكـشە استىق - ماي، جىنتىكتەي مانەرلەنگەن ونىمدەر سياقتىلاردىڭ ساپاسى توتەنشە جاقسى، ٴدامى وزگەشە، استانا بازارىنىڭ جاسىل، ساپالى، حاۋىپسىز اۋىل شارۋاشىلىق ونىمدەرىن تۇتىنۋ قاجەتىنە بۇكىلدەي ۇيلەسەدى“.

ۇعىسۋعا قاراعاندا، جاقىنعى جىلداردان بەرى ىلە وبلىسى جاسىل ٴتۇستى اۋىل شارۋاشىلىعىن گۇلدەندىرۋگە، ساپا ارقىلى اۋىل شارۋاشىلىعىن گۇلدەندىرۋگە، ماركا ارقىلى اۋىل شارۋاشىلىعىن كۇشەيتۋگە تاباندى بولىپ، ”ىلە كۇرىشى، شينجياڭ قوڭىر سيىرى، ىلە الماسى، ىلە بالى، ىلە جۇپار ٴشوبى، نىلقى سالمون بالىعى“ سياقتى جەلىلەس ساپالى، ەرەكشە اۋىل شارۋاشىلىق ونىمدەرىن جەتىلدىرگەن. قازىر 185 جاسىل ازىق - تۇلىك، 63 ورگانيكالى ازىق - تۇلىك، تىزىمدەتىپ قورعاۋعا الىنعان 20 اۋىل شارۋاشىلىق ونىمدەرى جاعراپيالىق بەلگى ٴونىمى، مەملەكەت بويىنشا ايگىلى، ەرەكشە، ساپالى، جاڭا اۋىل شارۋاشىلىق ونىمدەرىنەن 52 سى، مەملەكەت بويىنشا جاسىل ازىق - تۇلـىك شيكـىزاتىن ولشەمدەنـدىرىپ ٴوندىرۋ بازاسىنان 4 ميلليون 720 مىڭ مۋى بار. ”ىلە ٴدامى“ حاۋىپسىز، ساپالى، قورەكتى، ٴدامدى بولۋداي ايقىن ەرەكشەلىگىمەن بۇكىل ەلدەگى سان مىڭداعان وتباسىنا جەتكەن.

تانىستىرۋ ماجىلىسىندە ىلە وبلىستىق اۋىل شارۋاشىلىعىن كاسىپ سالالاندىرۋداعى باستاماشى كاسىپورىندار قوعامىنا مۇشە كاسىپورىندار تانىستىرىلدى؛ ىلە وبلىستىق اۋىل شارۋاشىلىعىن كاسىپ سالالاندىرۋداعى باستاماشى كاسىپورىندار قوعامى مەن بەيجيڭ شينفادي اۋىل شارۋاشىلىق ونىمدەرىن تولايىم ساتۋ بازارى «ىلە ەرەكشە اۋىل شارۋاشىلىق ونىمدەرىن بەيجيڭ شينفادي اۋىل شارۋاشىلىق ونىمدەرىن تولايىم ساتۋ بازارىنا ەنگىزۋ ستراتەگيالىق جۇلگەلىك كەلىسىمىنە» جانە «ستراتەگيالىق سەلبەستىك كەلىسىمىنە» قول قويدى؛ ىلە وبلىسىنىڭ اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردىڭ ۋاكىلدەرى بەيجيڭدەگى ساتىپ الۋشى ساۋداگەرلەرمەن كەلىسىم جاساستى.