كۇيتۇندەگى نىسان كاسىپورىندارى تەگىس كۇش سالىپ، جوعارى ساپالى دامۋدىڭ نەگىزىن بەكەمدەدى
تىلشىلەرىمىز لي يافىڭ، شاۋكەت، ەرىكتى تىلشىلەر چىڭ حان، جاۋ جۇڭيۋان
جۋىردا تىلشىلەرىمىز كۇيتۇن قالاسىنداعى ٴتۇيىندى كاسىپورىنداردىڭ ٴوندىرىس سەحتارىنىڭ بار كۇشپەن جۇمىس جۇرگىزىپ جاتقانىن، ٴوندىرۋ مەن ساتۋدىڭ بىردەي كۇسەت بولىپ، ٴىرى نىسان قۇرىلىستارىنىڭ جۇمىس باسىندا كراندار قاز - قاتار بوي كوتەرىپ، ماشينالار گۇرىلدەپ، بارلىق جەردە شىنايى يگەرىپ، ناقتى ىستەۋدىڭ، ەرلىكپەن العا ۇمتىلۋدىڭ جالىندى لەبى ەسكەندىگىن كوردى.
بيىل جىل باسىنان بەرى، كۇيتۇن قالاسى ”باستاما دەگەنىمىز شەشۋشى شايقاس، كىرىسۋ دەگەنىمىز ۇمتىلۋ“ دەيتىن كوتەرىڭكى بەينەمەن نىسان قۇرىلىسىن بار كۇشپەن ىلگەرىلەتىپ، كاسىپورىنداردىڭ ٴوندىرىستى ورنىقتىرۋىنا، ونىمدىلىكتى ارتتىرۋىنا دەم بەرىپ، كوكتەمگى ٴتۇرلى قىزمەتتەردى كوتەرىڭكى بەينەمەن جەدەلدەتىپ، ىلە ەكونوميكاسىنىڭ جوعارى ساپالى دامۋىنا كۇش توپتاپ، نەگىزدى بەكەمدەدى.
سۋرەتتە: شينجياڭ كۇنيۇي بولات - تەمىر شەكتى سەرىكتەستىگى بولات شىڭاۋ ٴوندىرىس ناق مايدانى. لي يافىڭ فوتوسى
ىلە وبلىسىنىڭ ونەركاسىپ ەكونوميكاسىنداعى تىرەكتى كۇش رەتىندە، كۇيتۇن قالاسىنداعى شينجياڭ كۇنيۇي بولات ـ تەمىر شەكتى سەرىكتەستىگى ”جاڭالىق اشۋ ارقىلى دەم بەرۋ، جاسىل، تومەن كومىرتەكتى، زەردەلى جاساۋ“ سىندى دامۋ ۇستانىمىنان جازباي، عىلمي زەرتتەۋ ۇسىنىلىمىن ۇزدىكسىز ارتتىرىپ، ٴوندىرۋ، وقىتۋ، زەرتتەۋ سەلبەستىگىن تەرەڭدەتىپ، كوپ ٴتۇرلى وزەكتى تەحنولوگيا جاعىندا ەل ىشىندەگى ۇزدىكتەردىڭ قاتارىنان ورىن الدى. 2025 - جىلى 6 - ايدا كاسىپورىن جاڭادان سالعان ورتا جانە كەڭ ولشەمدەگى تاسپا بولات ٴوندىرۋ جەلىسى ٴساتتى وندىرىسكە قوسىلىپ، شينجياڭداعى ساپالى تاسپا بولات بازارىنداعى اقتاڭداقتى ٴونىمدى تولىقتاپ، ٴونىم قۇرىلىمىن ۇستەمە قۇنى جوعارى سالاعا قاراي جەدەل جوعارىلاتۋدى ىلگەرىلەتىپ، وڭىرلىك كاسىپ سالاسىنىڭ تيبىن جاڭالاۋعا سەرپىندى قوزعاۋشى كۇش ۇستەپ، ىلە وبلىسى ەكونوميكاسىنىڭ 2025 - جىلعى جوعارى ساپالى دامۋى جونىنەن ۇلەس قوسۋ سيلىعىنا يە بولدى.
سەرىكتەستىكتىڭ ٴوندىرىس سەحىنا كىرسەڭىز، بولات ۇشقىندارى شاشىراپ، شويىن بولاتتار قورىتىلىپ، ماشينالاردىڭ داۋىسى قۇلاق تۇندىرادى. جۇمىسشىلار قىزمەت ورنىنان تاپجىلماي، نىسانادان كوز جازباي، تاپسىرىستى جەدەل جاساپ، جوعارى ٴونىمدى ٴوندىرىس جۇرگىزگەندىكتەن، بارلىق جەردە دۋماندى ٴوندىرىس جاعدايى جارىققا شىققان.
شينجياڭ كۇنيۇي بولات ـ تەمىر شەكتى سەرىكتەستىگى بولات شىڭاۋ زاۆودى تەحنولوگيا ٴبولىمىنىڭ ورىنباسار باستىعى شىن شياۋىر بىلاي دەپ تانىستىردى: بيىل 3 ـ ايدان بەرى سەرىكتەستىك بازار ورايىن مىقتاپ يگەرىپ، ٴوندىرىس حاۋىپسىزدىگى مەن ەكولوگيالىق ورتانى قورعاۋدىڭ تومەنگى شەگىن قاتاڭ ساقتاۋ العى شارتىندا، تەحنولوگيادا جاڭالىق اشۋدى جەدەلدەتىپ، وزىندىك قۇندى تومەندەتىپ، ونىمدىلىكتى ارتتىرۋدى مىقتاپ يگەرىپ، ٴارقايسى ٴوندىرىس جەلىلەرىنىڭ كۇندىك ٴونىمىن 3800 توننا اينالاسىندا ورنىقتىرىپ، ٴوندىرۋ مەن ساتۋدى بىردەي شالقىتۋدى جۇزەگە اسىردى.
سەرىكتەستىك جۇمىسشى ۇيىمىنىڭ ٴتوراعاسى، قازىنا ٴبولىمىنىڭ مەڭگەرۋشىسى جاڭ جىڭ بىلاي دەدى: بيىل سەرىكتەستىك ”15 - بەسجىلدىق“ جوباداعى ورنالاستىرۋعا ساي، ونىمدەردىڭ جوعارى دەڭگەيگە جەتۋىن، كاسىپ سالاسىنىڭ كولەمدەنىپ دامۋ بەتالىسىن كوزدەپ، لاس زاتتادى بارىنشا از شىعارۋدى بار كۇشپەن ىلگەرىلەتىپ، جاسىل، تومەن كومىرتەكتى دامۋ بورىشىن امالياتتا ايگىلەپ، دامۋ تىلەگىن ناقتى ارەكەتكە اينالدىرىپ، سوتسياليستىك وسىزاماندانعان شينجياڭ قۇرۋعا ”تەمىردەي“ جاۋاپكەرشىلىكپەن دەم بەرىپ، جۇڭگو ۇلگىسىندەگى وسىزامانداندىرۋ جالپى جاعدايىنا قىزمەت وتەۋ بارىسىندا بولات - تەمىر كاسىپورىندارىنىڭ تىڭ ىسكەرلىگىن ايگىلەيدى.
نىسان قۇرىلىسى − ەكونوميكالىق دامۋدىڭ ”قۋاتتى قوزعالتقىشى“. قازىر ٴدال قۇرىلىس جۇرگىزۋدىڭ تاماشا مەزگىلى، كۇيتۇن قالاسى باتىس رايونى جەر بەتى سۋ زاۆودى قۇرىلىس نىسانى جۇمىسىندا اشىق اۋا رايىن مىقتى يگەرىپ، ينجەنەريا قۇرىلىسىن جەدەل ىلگەرىلەتتى. بۇل نىسانعا جالپى 280 ميلليون يۋان قارجى قوسىلعان، شامامەن 83 مۋ جەر يەلەگەن، كۇنىنە 100 مىڭ تەكشە مەتر جەر بەتى سۋىن ٴبىر جاقتى ەتۋ زاۆودىن جاڭادان سالادى، بۇل جەكە 14 قۇرىلىس (قۇرىلىم) تۇلعاسىن ٴوز ىشىنە الۋمەن بىرگە، كەڭەيتىپ سالۋ كەڭىستىگى دە قالدىرىلعان. نىسان سالىنىپ ىسكە قوسىلعاننان كەيىن، جەر استى سۋىن شەكتەن تىس اشۋ ماسەلەسىن ٴونىمدى تۇردە جاقسارتىپ، كۇيتۇن قالاسىنىڭ تۇرمىسقا جانە قالا ىستەرىنە پايدالانىلاتىن سۋ قاجەتىن شىنايى قامتاماسىزداندىرىپ، قالانى سۋمەن قامداۋدى قامتاماسىزداندىرۋ قۋاتىن جاپپاي جوعارىلاتىپ، قالانىڭ ۇزاق بولاشاقتىق دامۋ نەگىزىن بەكەمدەيدى.
وسى نىساننىڭ جاۋاپتىسى جاڭ شينچياڭ تىلشىگە بىلاي دەدى: قازىر قىزمەت عيماراتى، جاتاق عيماراتى سياقتى سايكەستى قۇرىلىستاردىڭ %90 ى ورىندالىپ بولدى، سۋبيەكتتىك كۋالاندىرۋدا جاقىن ارادا ورىندالىپ بولادى، بيىل بارلىق جەكە قۇرىلىس جۇرگىزۋدى، جابدىقتاردى قۇراستىرۋدى جانە رەتتەۋدى تياناقتاندىرىپ، ەرتەرەك سالىپ پايدالانۋعا بەرۋگە، حالىق تۇرمىسىنا تيىمدىلىك جاساۋعا كۇش سالامىز.
ٴتىلشىنىڭ ۇعىسۋىنشا، ٴبىرىنشى توقساندا كۇيتۇن قالاسىنىڭ تۇراقتى مۇلىككە قوسقان قارجىسى 330 ميلليون يۋان بولىپ، ارتۋ قارقىنى %20.7 كە جەتكەن. 2 ـ توقسانعا قادام تاستاعاندا، كۇيتۇن قالاسىنداعى كاسىپورىندار بار كۇشىن سالىپ، ٴونىمدى ورنىقتىرىپ، ساپانى جوعارىلاتقان، نىسانداردىڭ جۇمىس ورىندارى قۇرىلىس مەرزىمىن مىقتى جانە قارقىندى مىقتى يگەرىپ، ۇكىمەت پەن كاسىپورىن ٴبىر نيەت، ٴبىر تىلەكتە بولىپ، بىرگە كۇش سالىپ، ناقتى ىستەر ىستەپ، ەكونوميكالىق اينالىمنىڭ ۇزدىكسىز جاقسارۋىن ىلگەرىلەتتى.
ٴبىر توپ ٴتۇيىندى كاسىپ سالاسى نىساندارىنىڭ، حالىق تۇرمىسى ينجەنەرياسىنىڭ جەدەل ىلگەرىلەۋىنە بايلانىستى، كۇيتۇن قالاسىنىڭ جوعارى ساپالى دامۋ قوزعاۋشى كۇشى اناعۇرلىم ارتىپ، اياق الىسى اناعۇرلىم بەكەمدەلىپ، كاسىپ سالاسى گۇلدەنىپ ـ كوركەيگەن، حالىق تۇرمىسى جاقسارعان، ەكولوگياسى جاقسارعان جاڭا كارتينا بىرتىندەپ قالىپتاسىپ كەلەدى.