گۇل - بايشەشەك قۇلپىرىپ، ەسىك الدىنان كورىنىس تاماشالايسىز

قۇلجا قالاسىنداعى تۇرعىندار جازعى رومانتيكانى سەزىندى

ٴتىلشىمىز چىن يىڭ حابارلايدى. جاز كىرگەننەن بەرى قۇلجا قالاسىنىڭ كوشەلەرىندە الۋان گۇلدەر جارىسا اشىلىپ، بارلىق جەر گۇل - گۇل جايناپ، كوركەم كورىنىس ادامدارعا كوڭىلدىلىك سيلادى. اسەم گۇلدى القاپ قالانى كورىكتەندىرىپ قانا قويماي، قالا تۇرعىندارىنىڭ ەسىك الدىندا جازعى باقىت سەزىمىنە كەنەلۋىنە مۇمكىندىك جاسادى.

 سۋرەتتە: قۇلجا قالاسى ”ماحاببات داڭعىلىنىڭ“ جاعاسىندا قۇلپىرا اشىلعان راۋشان گۇلى.

5 ـ ايدىڭ 7 ـ كۇنى ٴتىلشى قۇلجا قالاسى الما باقشاسىنىڭ سولتۇستىك جاعىنداعى ”ماحاببات داڭعىلىنان“ تام قابىرعاسىنا ورمەلەپ شىققان راۋشان گۇلىن كوردى، قازىر راۋشان گۇلىنىڭ ٴدال گۇل اشاتىن مەزگىلى، توزاڭى نازىك تە بالعىن، سارى تۇستىلەرى كىرشىكسىز، قىزىل تۇستىلەرى جالىندى، شوق ـ شوق بولىپ ىعى - جىعى قاباتتاسىپ، ٴوزارا شىرمالىپ، نەشە ٴجۇز مەترگە دەيىن سوزىلىپ، ادەمى گۇل داۋالىن قالىپتاستىرعان. ارى - بەرى جۇرگەن قالا تۇرعىندارى وسى كوركەم كورىنىسكە قىزىعىپ، قول تەلەفونمەن، فوتو اپپاراتپەن سۋرەتكە تارتىپ، گۇلمەن بىرگە سۋرەتكە ٴتۇسىپ، قۇلجانىڭ 5 - ايدا بولاتىن رومانتيكاسى مەن كەڭ تىنىسىن سەزىندى.

”ەكى كۇننىڭ الدىندا دوۋيىننان بۇل ارانىڭ گۇلدەرىنىڭ قۇلپىرا اشىلعانىن كوردىم، بۇگىن دوستارىممەن بىرگە ارنايى كەلىپ سەيىلدەپ، كوركەمدىگىن سەزىندىم. ٴتۇرلى تۇستەگى گۇلدەردى تاماشالاپ كوڭىلىم كوتەرىلىپ قالدى“، - دەدى قالا تۇرعىنى جازيرا سارقىتباي تىلشىلىكتى قابىلداعاندا.

قالا تۇرعىنى ما سايحۇڭ دا تەبىرەنە بىلاي دەدى: ”ٴار جىلدىڭ وسى مەزگىلى − قۇلجا قالاسىنىڭ گۇلمەن قۇلپىراتىن مەزگىلى، الما باقشاسىندا ادەمى قىزعالداق، راۋشان گۇلى اشىلىپ، ٴتۇرلى ٴتۇستى گۇلدەر ادامعا كوڭىلدىلىك سيلايدى، قۇلجا قالاسىنىڭ تۇرعىنى رەتىندە ٴوزىمدى ەرەكشە باقىتتى سەزىنەمىن“.

 سۋرەتتە: قۇلجا قالاسى ”ماحاببات داڭعىلىنىڭ“ جاعاسىندا قۇلپىرا اشىلعان راۋشان گۇلى.

قالانىڭ بارلىق جەرىندەگى گۇلدەر قۇلپىرعان كورىنىس جەرگىلىكتى ورىنداعى وزمەديا مايتالماندارىنىڭ نازارىنداعى ەڭ اسەرلى كورىنىسكە اينالدى. كوپتەگەن وزمەديا اۆتورلارى كورىنىستەن پايدالانىپ، اتا مەكەنىنىڭ جازعى كوركەم كورىنىسىن ەستەلىككە الدى. وزمەديا مايتالمانى حاي لي تىلشىگە بىلاي دەدى: ”بۇگىن مەن وسىندا كەلىپ، ’ماحاببات داڭعىلىنداعى‘ راۋشان گۇلىن ارناۋلى سۋرەتكە ٴتۇسىردىم، شىنىندا وتە كوركەم ەكەن. مەن ىلەدە تۋىپ - وسكەنمىن، وزمەديامدى قۇرعانىما كوپ بولماعانىمەن، توراپ ارقىلى ىلەنىڭ كوركەم كورىنىستەرى مەن ٴدامدى تاعامدارىن بۇكىل ەلدىڭ جەر - جەرىندەگى دوستارعا تانىستىرۋدى ويلايمىن“.

ۇعىسۋعا قاراعاندا، جالپى ۇزىندىعى 260 مەتردەن اساتىن بۇل ”ماحاببات داڭعىلى“ قۇلجا قالاسىنىڭ قالانى جاسىلداندىرۋ، كورىكتەندىرۋ ينجەنەرياسىن ۇزدىكسىز ىلگەرىلەتۋىنىڭ جاندى ىقشام كورىنىسى ەكەن. سوڭعى جىلداردان بەرى قۇلجا قالاسىنىڭ تۇرعىن ٴۇي، باۋ - باقشا تاراۋلارى ”گۇل قالا“ ورنىن تۇراقتاندىرۋدى تياناق ەتىپ، قالا رايونىنداعى نەگىزگى جول بولىكتەرى، تۇرعىندار شاعىن اۋماعى، باقشا الاڭى سياقتى وڭىرلەرگە راۋشان گۇلى، تاس الما سياقتىلاردى كەڭىنەن ەگىپ، قالانىڭ بار الابىن جاسىلداندىرىپ، كوركەم كورىنىسكە قول جەتكىزدى.

سۋرەتتە: قالا تۇرعىندارى تام قابىرعاسى الدىندا سۋرەتكە تۇسۋدە.

سۋرەتتەردى تۇسىرگەن چىن يىڭ