ٴتىلشىمىز رىن جيالي، ەرىكتى ٴتىلشى جين لين حابارلايدى. ماقتا - كەندىر كاسىپورىندارىنىڭ ورتتەن ساقتانۋ، شۇعىل جاعدايعا توتەپ بەرۋ قابىلەتىن شىنايى جوعارىلاتىپ، ٴوندىرىس حاۋىپسىزدىگىن باسقارۋ نەگىزىن بەكەمدەۋ ٴۇشىن، 5 - ايدىڭ 12 - كۇنى ىلە وبلىستىق قامداۋ - ساتۋ كووپەراتيۆىنە توتە قاراستى كاسىپورىن − شينجياڭ ىلە وبلىستىق لۋدى ماقتا - كەندىر شەكتى جاۋاپكەرشىلىك سەرىكتەستىگىنىڭ ٴورت ٴسوندىرۋ قىزمەتكەرلەرىن نازاريا، قابىلەت جانە ونەر جاعىنان ۋنيۆەرسالدى سىناۋ، باعالاۋ قيمىلىن ورىستەتتى. بۇل رەتكى باعالاۋ قيمىلىندا ”ورتتەن ساقتانۋ قابىلەتىن كۇشەيتىپ، حاۋىپسىزدىك قورعانىس شەبىن بەكەمدەيىك“ دەگەن نەگىزگى تاقىرىپ بويىنشا سەرىكتەستىكتەگى بارشا ٴورت ٴسوندىرۋشى قىزمەتكەرلەردى سىناققا قاتىناستىردى.

سۋرەتتە: ورتتەن ساقتانۋ ونەرىن باعالاۋ ناق مايدانى. رىن جيالي فوتوسى

بۇل رەتكى باعالاۋدا كاسىپورىننىڭ ورتتەن ساقتانۋ قىزمەت ەرەكشەلىگى نەگىز ەتىلىپ، نازاردى قامبادا ساقتاۋعا قىزمەت وتەۋ، جۇك تيەۋ - ٴتۇسىرۋ سياقتى وزەكتى تيجارات بۋىندارىنداعى ورتتەن ساقتانۋ حاۋىپسىزدىك سۇرانىسىنا اۋدارىپ، ورتتەن ساقتانۋ زاڭ ٴتۇزىم بىلىمدەرى، وڭاي ورتەنەتىن زاتتاردى ورتتەن ساقتانۋ تالابىنا ساي باسقارۋ - مەڭگەرۋدەگى ماڭىزدى تۇيىندەر سياقتى نازاريا ەمتيحانىن جانە دەنە قۋات توزىمدىلىگى، ورتتەن ساقتانۋ قۇرىلعىلارىنان يكەمدى پايدالانۋ سياقتى ناقتى ساباق تۇرلەرى ورنالاستىرىلدى. مۇنىڭ ىشىندە، ٴبىر ادام ەكى سۋ قۇبىرىن جالعاۋ، اۆتوماتتى سۋ ناسوسىنان يكەمدى پايدالانۋ، توك كوزىن ٴوزى دايىنداپ ىستەتۋ سياقتى ناقتى شايقاسقا جاتاتىن ساباق تۇرلەرى وسى رەتكى باعالاۋدىڭ ماڭىزدى ٴتۇيىنى بولىپ، ٴورت ٴسوندىرۋشى قىزمەتكەرلەردىڭ نازاريالىق ساپاسىن، دەنە ساپاسىن جانە ناقتى شايقاس جۇرگىزۋ قابىلەتىن جاپپاي سىناقتان وتكىزدى.

باعالاۋ قيمىلىنىڭ ناق مايدانى ٴتارتىپتى دە قىزعىندى بولىپ، باعالاۋعا قاتىناسقاندار كوتەرىڭكى رۋحپەن، ىسىلعان شەبەرلىگىمەن، تاماشا رۋحاني بەينەسى مەن قاتاڭ قىزمەت ستيلىن ايگىلەدى. بۇل رەتكى باعالاۋ ارقىلى قاتىستى قىزمەتكەرلەردىڭ ۇيرەنۋ، جاتتىعۋ ونىمدىلىگى سىنالىپ، ٴالسىز بۋىنداردى دالمە - ٴدال تاۋىپ، كاسىپورىننىڭ ورتتەن ساقتانۋ قوسىنىنىڭ شەشۋشى ساتتە كادەگە جاراي الاتىن، اتويلاپ العا شىعا الاتىن، شايقاسسا جەڭە الاتىن رولىن ساۋلەلەندىرۋىنە كەپىلدىك ەتتى.

ىلە وبلىستىق قامداۋ - ساتۋ كووپەراتيۆى قازىنا، مال - مۇلىك باسقارماسىنىڭ ورىنباسار باستىعى شياۋ جيانرۇڭ بىلاي دەدى: بۇل رەتكى باعالاۋ قيمىلىن وراي ەتىپ، كووپەراتيۆىمىزگە قاراستى كاسىپورىنداردىڭ ورتتەن ساقتانۋ حاۋىپسىزدىك تاربيەسى قىزمەتىنە بولعان باقىلاۋ، جەتەكشىلىك ەتۋدى ۇزدىكسىز كۇشەيتىپ، كاسىپورىنداردىڭ ورتتەن ساقتانۋ حاۋىپسىزدىگى تۇلعالىق جاۋاپكەرشىلىگىن تياناقتاندىرۋىنا قاتاڭ باقىلاۋ جۇرگىزىپ، قىزمەتكەرلەردىڭ ٴوندىرىس حاۋىپسىزدىگى تانىمىن ۇزدىكسىز جوعارىلاتىپ، ٴتۇرلى ٴورت اپاتتارىنىڭ تۋىلۋىنان باتىل ساقتانىپ، كاسىپورىننىڭ حاۋىپسىز، ورنىقتى تيجاراتى مەن قامداۋ - ساتۋ ىستەرىنىڭ جوعارى ساپالى دامۋىن باتىل قورعايمىز.