ىلە كونە قالا مادەنيەت - ساياحات رايونى:
مادەنيەت - ساياحات ارقىلى قۋات ۇستەۋمەن ىنتىماقتىڭ جاڭا بەينەسىن كەسكىندەدى
تىلشىلەرىمىز گۋ رۇڭ، جاڭ جينفىڭ
6 - ايدا ىلە كونە قالا مادەنيەت - ساياحات رايونىنا بارساڭىز، دامىلسىز ۇشىپ - قونعان كوگارشىنداردى، جاسىل جەلەك جامىلعان كوشەلەردەگى شاعىن اۋلالاردى كورەسىز...
كورشىلەر ارا سۇيىسپەنشىلىك، ۇلتتار ىنتىماعى، مادەنيەت پەن ساياحات جۇلگەلەنگەن كوركەم كارتينا وسى ارادا باياۋ اشىلىپ كەلەدى. وسىندا قونىستانعان ٴار ۇلت بۇقاراسى ٴبىر ـ بىرىنە سۇيەۋ بولىپ، بىرگە تۇرىپ، بىرگە ۇيرەنىپ، بىرگە قۇرىپ، بىرگە يگىلىكتەنىپ، ۇلتتار ىنتىماعىنىڭ تۇقىمىن وسى اراعا تەرەڭ تامىر تارتقىزدى.
سۋرەتتە: ساياحاتشىلار ىلە كونە قالا مادەنيەت - ساياحات رايونىندا سۋرەتكە ٴتۇستى. جاڭ جينفىڭ فوتوسى
سوڭعى جىلداردان بەرى ىلە كونە قالا مادەنيەت ـ ساياحات رايونى باستان ـ اياق جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتار ىنتىماعى، العاباسارلىعىندا وزات ورىن قۇرۋدى مادەنيەت ـ ساياحاتتى دامىتۋدىڭ، نەگىزگى ساتىنى باسقارۋدىڭ، حالىق تۇرمىسىنا قىزمەت وتەۋدىڭ تۇتاس بارىسىمەن ىشكەرىلەي ساباقتاستىردى. كورشىلەر ارا ٴوزارا كومەكتەسەتىن مەيىرگە تولى ۇساق ىستەردەن مادەنيەت پەن ساياحات توعىسقان دامۋ جالپى جاعدايىنا دەيىن، ۇدايىلانعان ىنتىماق ۇگىت ـ لەكسياسىنان ٴۇن - ٴتۇنسىز ٴنار بەرىپ، مادەنيەتپەن ارلەندىرۋگە دەيىن، كونە قالا مادەنيەت - ساياحات رايونى مەيىرگە تولى سۇيىسپەنشىلىك ارقىلى حالىق تىلەگىن ۇيىستىرىپ، ىنتىماق ارقىلى دامۋدى جەبەپ، جاڭا داۋىردەگى ۇلتتار ىنتىماعى، العاباسارلىعىنىڭ اسەرلى تاراۋىن ۇزدىكسىز جازدى.
مادەنيەت ۇندەستىگى رۋحاني مەكەندى بەكەمدەدى
كوپ ۇلت شوعىرلى قونىستانعان قالا رايونى رەتىندە، ىلە كونە قالا مادەنيەت ـ ساياحات رايونى ٴداستۇرلى مەرەكە - مەيرامدارمەن ۇشتاستىرىپ، ٴتۇرلى تاقىرىپتىق قيمىلداردى جوبالاپ، حالىقتىق سالت ـ سانا مەرەكەسى، مادەنيەت كورمەسى، ۇلتتىق ٴان ـ بيمەن قوناقتاردى قارسى الۋ سياقتى قيمىلداردى ۇدايىلاندىرىپ وتكىزىپ، حالىقتىق سالت ـ سانا مەرەكەسى سياقتى دانەكەرلەرگە سۇيەنىپ، ٴار ۇلت بۇقاراسى ٴبىر ساحنادا بىرلەسىپ كونسەرت قويىپ، مەرەكەنى بىرگە تويلاپ، دوستىق سۇيىسپەنشىلىكتى كۇشەيتتى.
جياڭسۋدان كەلگەن ساياحاتشى جۋ جيانفىڭ بالاسىن ەرتىپ كەلىپ، كوپ ۇلتتىڭ ادەبيەت - كوركەمونەر كونسەرتىن كورگەننەن كەيىن تەرەڭ اسەر الدى: ”كوپ نەگىزدى مادەنيەتتىڭ وسى ارادا شەشەك اتقانىن كوردىم، مەيىرگە تولى اسەرلى ورتا كوڭىلدىلىك سيلادى، بالام دا ٴار ۇلتتىڭ ٴوزارا كومەكتەسۋ، ىنتىماقتى، تاتۋ - ٴتاتتى بولۋ سىندى قويۋ رايىن تىكە سەزىنىپ، ٴار ۇلتتىڭ اناردىڭ دانىندەي تىعىز ۇيىسۋىنىڭ تەرەڭ ٴمانىن شىنايى ۇعىندى“، - دەدى ول.
ىلە كونە قالا مادەنيەت ـ ساياحات رايونى تاعى دا بەيزاتتىق مادەني مۇرالارعا مۇراگەرلىك ەتۋگە تەرەڭدەي بويلاپ، جەرگىلىكتى ورىننىڭ كوپ نەگىزدى حالىقتىق سالت ـ سانا بايلىعىن جانداندىرىپ، 55 ٴتۇرلى بەيزاتتىق مادەني مۇرا بايلىعىنا ساياتىن 13 ەرەكشە مۇراگەرلىك ەتۋ بازاسىن قۇرىپ، زەرتتەۋ ـ ۇيرەنۋ، باستان كەشىرۋ قيمىلىن ۇدايىلاندىرىپ ورىستەتىپ، جۇڭحۋانىڭ تاڭداۋلى ٴداستۇرلى مادەنيەتىن اۋىس ـ كۇيىس جاساۋ، ٴوزارا ۇلگى الۋ بارىسىندا ۇرپاقتان ـ ۇرپاققا جالعاستىردى.
”بايىرعى ونەردى جاس بۋىنعا ۇيرەتكەندە عانا، بۇل ونەر شىنايى جالعاسىن تابادى“. ىلە كونە قالا مادەنيەت - ساياحات رايونى بەيزاتتىق مۇرالار شەبەرحاناسىنداعى تۇراقتى شەبەرلەردىڭ ٴبىرى بولعان بىلعارى بۇيىمدار شەبەرى ابدۇشكۇر ٴابدىقادىر بۇرىن وسى قولونەر شەبەرلىگىنىـڭ ٴۇزىلىپ قالۋىنان الاڭدايتىن. كورىنىس وڭىرىندەگى بەيزاتتىق مادەني مۇرالار شەبەرحاناسىنا كەلگەننەن كەيىن ول دەن قويا ساباق ٴوتىپ، قالتقىسىز وي ٴبولىسىپ، جاستار مەن ورەندەردى ٴداستۇرلى تەرى يلەۋ، گۇل باسۋ ونەرىن يگەرۋگە سابىرلىلىقپەن جەتەلەدى. قولما - قول ۇيرەتۋ بارىسىندا، بايىرعى قولونەر قايتالاي تۇلەجىپ، شاكىرتتەر اماليات بارىسىندا بەيزاتتىق مۇرانىڭ باۋراعىشتىعىن سەزىنىپ، ۇيرەنۋ بارىسىندا تۇسىنىگى تەرەڭدەپ، دوستىق سۇيىسپەنشىلىك ۇيىستىردى.
ىلە كونە قالا مادەنيەت - ساياحات رايونىنا ورنالاسقان انار گۇلى كورمە سارايى 2024 - جىلى 8 - ايدا رەسمي ىسكە قوسىلدى، ول كونە قالانىڭ جۇڭحۋا ۇلتى ورتاق تۇلعا تانىمىن بەكەمدەۋدەگى وزەكتى تاربيەلەۋ امالياتتىق بازاسىنا اينالدى. كورمە سارايى ”اناردىڭ ٴدانى“ مادەنيەتىن وزەك ەتىپ، 300 دەن استام باعالى مادەني ەسكەرتكىش، تاريحي ماتەريالدى كورمەگە قويىپ، ناقتى كورمە بۇيىمدارى، تاريحي بەينە - كەسكىن جۇيەسى ارقىلى ىلەنىڭ دامۋ تامىرىن تۇتاستىرىپ، ىلەدەگى ۇلتتاردىڭ ارالاسىپ، ىشتەسىپ، توعىسقان، بىرگە جاساسىپ، بىرگە گۇلدەنگەن ۇزاق تاريحىن جاندى بەينەلەپ، ۇلتتاردىڭ بەينەت پەن زەينەتتى بىرگە وتكەرەتىن، ٴبىر - بىرىنە قارايلاساتىن ىنتىماق ٴمانىن تەرەڭ ٴتۇسىندىردى.
ٴتۇسىندىرۋشى نيگارا بىلاي دەپ تانىستىردى: كورمە سارايى اشىلعاننان بەرى، كورمە سارايى زەرتتەۋ ـ ۇيرەنۋ، امالياتتان وتكىزۋ، نەگىزگى تاقىرىپتىق پارتيا كۇنى سياقتى ۇگىت ـ تاربيە قيمىلدارىن ۇدايىلاندىرىپ ورىستەتىپ، ۇلتتار ىنتىماعى زەرتتەۋ ـ ۇيرەنۋ قيمىلىن 800 رەتتەن استام وتكىزدى، قيمىلعا قاتىناسقان ٴار ۇلت وقۋشىلارى 5000 ادام ـ رەتتەن اسىپ، ٴار ۇلت بۇقاراسىنان 86 مىڭنان استام ادام ـ رەت قابىلدادى. سونىمەن بىرگە، كورمە سارايى ۇلتتار ىنتىماعى جونىندەگى ۇگىت ـ لەكسيانى جۇمىسشى ـ قىزمەتكەرلەردىڭ، ٴسوز جوق، ۇيرەنەتىن مىندەتتى ساباعىنا اينالدىرىپ، ٴتۇسىندىرۋ، قىزمەت وتەۋدى ۇزدىكسىز ساپالىلاندىرىپ، ٴار ۇلت بۇقاراسىنىڭ ەتەنە بولۋ، ٴبىر ـ بىرىنە قارايلاسۋ سىندى ىلە حيكاياسىن دەن قويا باياندادى.
كاسىپ سالاسى بىرگە گۇلدەنىپ، زاتتىق نەگىزدى بەكەمدەدى
ىلە كونە قالا مادەنيەت ـ ساياحات رايونى كاسىپ سالاسىنىڭ دامۋى ارقىلى ۇلتتار ىنتىماعىنا دەم بەرۋگە تاباندى بولىپ، مادەنيەت ـ ساياحات بايلىعى باسىمدىعىنا سۇيەنىپ، ٴار ۇلت بۇقاراسىن كاسىپ سالاسىن بىرگە قۇرۋعا، پايدادان بىرگە يگىلىكتەنۋگە جەتەكتەدى، ۇزدىكسىز جەتىلدىرۋ، دامىتۋ ارقىلى كورىنىس رايونىنا قازىر 200 دەن استام ساياحات دۇكەنى ىرگە تەۋىپ، 502 ەرەكشە شاعىن، ۇساق كاسىپ كۇيىن تياناقتاندىرىپ، تۇتاس تىزبەكتى مادەنيەت ـ ساياحات كاسىبىنىڭ ەكولوگياسى كۇن سايىن كەمەلدەندى.
ىلە كونە قالا مادەنيەت ـ ساياحات رايونىنىڭ وزگەشە كوشە ـ كوشەلەرىنىڭ كەلبەتى مەن حالىقتىق سالت ـ سانا بايلىعىنا سۇيەنىپ، حالىقتىق سالت ـ سانانى وتباسىنا بارىپ كورۋ كاسىپ كۇيىن كۇش سالا جەتىلدىرىپ، تۇرعىنداردىڭ اۋلا شارۋاشىلىعىن جانداندىرۋىنا، سول جەردىڭ وزىندە شارۋاشىلىق قۇرۋىنا، جاقىن ماڭدا كىرىستى ارتتىرۋىنا بەلسەنە جەتەكشىلىك ەتتى. كورىنىس رايونىنىڭ ساياساتتىق سۇيەمەلدەۋى مەن تەحنيكالىق شەبەرلىككە باۋلۋىنىڭ جەبەۋىندە، ٴار ۇلت بۇقاراسى مادەنيەت ساياحاتىنىڭ دامۋ تولقىنىمەن ىرىقتىلىقپـەن تـوعىسىپ، سىرتتاي كورۋشىدەن قاتىناسۋشىعا، يگىلىكتەنۋشىگە بۇرىلىس جاساۋدى ٴساتتى جۇزەگە اسىردى. قازىر كورىنىس ٴوڭىرى ەرەكشە حالىقتىق سالت ـ سانانى وتباسىنا بارىپ كورۋ تۇيىنىنەن 88 ىن جەتىلدىرىپ، جەرگىلىكتى ورىنداعى 3000 نان استام ٴار ۇلت بۇقاراسىنىڭ جاقىن ماڭدا جۇمىستانىپ كىرىستەرىن ورنىقتى ارتتىرۋىنا جەتەكشىلىك ەتتى.
تۇرعىن ماھىرا ٴسالاي ىلە كونە قالا مادەنيەت ـ ساياحات رايونىنداعى تۇرعىنداردىڭ ۇيلەرىن ارالاپ كورۋ تۇيىنىندەگى جەتىلدىرۋ جوسپارىنان يگىلىكتەنۋشىلەردىڭ ٴبىرى. كـورىنىس ٴوڭىرىن جاڭالاۋ، دارەجەسىن جوعارىلاتۋ نىسانىنا كىرگەننەن كەيىن، ول اۋلاسىن جوندەپ، كورىكتەندىرىپ، ەرەكشە حالىقتىق سالت ـ سانانى سەزىنۋ ٴتۇيىنى ەتىپ قـۇرىپ، ساياحـاتشىلارعا حالىقتىق سالت ـ سانانى تەرەڭ سـەزىندىرىپ، شىنايى قىزمەت كورسەتۋ ارقىلى ساياحاتشى قاينارىن ورنىقتىردى. ”كونە اۋلامىز كىرىستى ارتتىراتىن شاعىن اۋلاعا اينالدى، ەسىك الدىمىزدا اقشا تابامىز، تۇرمىسىمىز بارعان سايىن جاقسارىپ كەلەدى“، ـ دەدى ماھىرا ٴسالاي.
حالىقتىق سالت - سانانى وتباسىنا بارىپ كورۋ ٴتۇيىنىن دامىتۋدان سىرت، كوشە، اۋماقتاردىڭ دارەجەسىن ٴوسىرىپ، جاڭالاۋ كەزىندە، ىلەنىڭ كونە قالا مادەنيەت - ساياحات رايونى تۇرعىنداردىڭ تىلەگىنە تولىق قۇرمەت ەتىپ، كونە قالانىڭ بۇرىنعى تۇرعىن ٴۇي كەلبەتىن ساقتاپ قالىپ، جەرگىلىكتى جاعدايعا قاراي ىستەۋ وي جەلىسى بويىنشا، ”ٴبىر وتباسىندا ٴبىر كاسىپ كۇيى، ٴبىر وتباسىندا ٴبىر ەرەكشەلىك بولۋ“ سىندى جەتىلدىرۋ جوباسىن تياناقتاندىرىپ، كوشە - كوشەلەردىڭ تيجارات ٴتۇرىن ۇزدىكسىز بايىتتى.
قاراستى رايوننىڭ تۇرعىنى شامشىنۇر اۋباكىر دامۋ ورايىن ٴداپ باسىپ تانىپ، اۋلاسىندا بوس تۇرعان كەبەجەلى ٴۇيدى كونە بۇيىمدار كورمە سارايىنا وزگەرتىپ، ىشىنە بۇرىننان ساقتاپ كەلگەن باعالى كونە بۇيىمداردى قويىپ، ىلەنىڭ كونە قالا مادەنيەت ـ ساياحات رايونىنىڭ ٴار داۋىردەگى وزگەرىسى مەن ۇلتتاردىڭ ارالاسۋى، ىشتەسۋى، توعىسۋى جونىندەگى حيكايانى جاندى اڭگىمەلەدى. ول كورمە سارايىنا سۇيەنىپ ساياحاتشى قابىلداپ، ايىنا 4000 يۋاننان استام تۇراقتى كىرىس كىرگىزدى. ”بوس تۇرعان ٴۇي كىرىستى ارتتىـراتىن شاعىـن دۇكەنگە اينالىـپ، وتبـاسىما قوسىمشا كىرىس كىرگىزۋمەن بىرگە، ىنتىماق، مادەنيەت حيكاياسىن تاراتامىن، بۇعان ىشتەي ەرەكشە رازىمىن“، - دەدى شامشىنۇر اۋباكىر.
گۇلدەنىپ ـ كوركەيگەن مادەنيەت ـ ساياحات كاسىپ كۇيى، تاتۋ ـ ٴتاتتى كورشىلىك قاتىناس تا كوپتەگەن سىرت جەرلەردەن كەلگەن ساياحاتشىلاردى باۋراپ، ولاردىڭ ساياحاتشىدان شارۋاشىلىق قۇرۋشىعا اينالۋىنا جەبەۋشى بولدى. بەيجيڭنەن كەلگەن ساياحاتشى دۇڭ شياڭحۇي ىلە كونە قالا مادەنيەت - ساياحات رايونىن ساياحاتتاعاندا، وسى ارانىڭ بەرەكەلى قويۋ اۋانىنان تەرەڭ اسەرلەندى. 2019 ـ جىلى ول قارجى قوسىپ، فانجيڭ حالىقتىق تۇسەلحاناسىن اشۋدى تاڭدادى. حالىقتىق تۇسەلحاناعا الدىمەن وسى اراداعى جەرگىلىكتى بۇقارانى جۇمىسقا قابىلدادى، دۇكەندەگى قىزمەتكەرلەردىڭ %90 ى ىلە كونە قالا مادەنيەت - ساياحات رايونىنىڭ تۇرعىنى بولىپ، ٴار ۇلت قىزمەتكەرلەرى قول ۇستاسا بىرگە جۇمىس ىستەپ، ٴوزارا كومەكتەسىپ، شاعىن حالىقتىق تۇسەلحانانى ۇلتتار ىنتىماعى حيكاياسىن تاراتاتىن تەرەزەلىككە اينالدىردى.
دۇڭ شياڭحۇي تەبىرەنە بىلاي دەدى: ”بۇل ارادا ٴبىز ۇلتقا بولىنبەيمىز، تەك قۇلشىنا ۇمتىلىپ، ٴبىر جاعادان باس، ٴبىر جەڭنەن قول شىعارا وتىرىپ قىزمەت وتەۋدى، شارۋاشىلىقتى تىڭعىلىقتى ويداعىداي ىستەۋدى عانا ايتامىز. مىنە بۇل ۇلتتار ىنتىماعىن شىنايى امالياتتا ايگىلەۋىمىز“.
كەڭىستىكتە ٴوزارا كىرىگىپ، ىشتەسۋدى، توعىسۋدى جەبەدى
تۇرعىن ٴۇي ورتاسىنىڭ ساپاسىن جوعارىلاتۋ، جاڭالاۋ − ٴار ۇلت بۇقاراسىنىڭ كۇندەلىكتى ىقپالداستىعىن ىلگەرىلەتۋدىڭ، كەڭىستىكتىكتە ٴوزارا كىرىگۋىن جۇزەگە اسىرۋدىڭ ماڭىزدى تۇتقاسى. ىلە كونە قالا مـادەنيەت - سـاياحات رايونى كەڭىستىكتى قايتا تۇلعالاۋ ارقىلى ارالاسۋعا، توعىسۋعا جەتەكشىلىك ەتۋگە تاباندى بولىپ، كونە كوشەلەردى جاڭالاۋ، تۇرعىن ٴۇي ورتاسىنىڭ دارەجەسىن جوعارىلاتۋ، الەۋمەتتىك قىزمەت وتەۋدى ساپالىلاندىرۋ ارقىلى وڭىرلىك بوگەتتەردى بۇزىپ، ىقپالداستىق ارناسىن ىركىلىسسىزدەندىرىپ، ٴار ۇلت بۇقاراسىنىڭ بىرگە تۇرۋىنا، بىرگە شاتتانۋىنا تاماشا تۇعىر ورناتىپ، ۇلتتار ىنتىماعىن كوشە ـ كوشەلەردىڭ بارلىق جەرىندە ايگىلەپ، كۇندەلىكتى تۇرمىسقا ٴسىڭىردى.
ىلە كونە قالا مادەنيەت ـ ساياحات رايونى كوشە ـ كوشەلەردىڭ تۇرعىن ٴۇي ورتاسىنىڭ ساپاسىن جوعارىلاتىپ، جاڭالاۋدى ۇزدىكسىز ىلگەرىلەتىپ، جول، جاسىلداندىرۋ، قۇبىر تورابى سياقتى نەگىزدىك قۇرىلعىلاردى كەمەلدەندىرىپ، ىلە كونە قالاسىنىڭ بۇرىنعى بەت ـ بەينەسى مەن اۋىل ساعىنىشى ەستەمەلەرىن مۇمكىندىكتىڭ بارىنشا ساقتاپ، كوشە ـ كوشەلەردىڭ تـۇتاس تۇلعالىق قونىستانۋ دارەجەسىن، اشىق ۇستاۋ دارەجەسىن بارىنشا جوعارىلاتتى. ىركىلىسسىز، رەتتى كوشە ورتاسى ٴار ۇلت بۇقاراسىنىڭ كۇندەلىكتى تۇرمىسىنا قولايلىلىق تۋدىرىپ قالماستان، سۇيىسپەنشىلىگىن ٴتىپتى دە كۇشەيتتى.
قۇلجا قالاسى جاڭا جول كوشەسىندە تۇراتىن قۇربانجان مامۇت ىلەنىڭ كونە قالا مادەنيەت - ساياحات رايونىنىڭ وزگەرىستەرىنە كۋا بولدى. قازىر ەسىك الدىنداعى جولدار تەگىس، ىركىلىسسىز، ورتاسى تازا، كوركەم. قورشاعان ورتانىڭ ساپاسىن جوعارىلاتۋ ورايىندا، ول ٴوز اۋلاسىن وزگەرتىپ، ەرەكشەلىككە يە سەزىنۋ سارايىن اشىپ، كورىنىس رايونىنىڭ جولاۋشى اعىنىنا سۇيەنىپ، كىرىستى ورنىقتى ارتتىردى. ”كوشە ـ كوشەنىڭ ورتاسى بارعان سايىن جاقساردى، كورشىلەر ۇنەمى بارىس ـ كەلىس جاساسىپ تۇرامىز، ساياحاتشىلار ۇنەمى كەلىپ ارالايدى، كوپشىلىك تاتۋ ـ ٴتاتتى ٴوتىپ، ٴوزارا كومەكتەسىپ، ٴوزارا قارايلاسىپ، تۇرمىستارىمىز بارعان سايىن جايلى بولا ٴتۇستى“، ـ دەدى قۇربانجان مامۇت قۋانا.
ىلە كونە قالا مادەنيەت ـ ساياحات رايونى الەۋمەتتىك قىزمەت وتەۋ جۇيەسىن ۇزدىكسىز كەمەلدەندىرىپ، نەگىزگى ساتىنى ەگجەي - تەگجەيلى باسقارۋدى تەرەڭدەتىپ، ٴمالى اۋماقتارىنداعى حالىققا قولايلى قىزمەت وتەۋ پۋنكتىنە، جاڭا ٴداۋىر وركەنيەتىن امالياتتا ايگىلەۋ تۇيىنىنە سۇيەنىپ، ەرىكتى قىزمەت وتەۋ، وركەنيەت جاعىنان جەتەكشىلىك ەتۋ، حالىققا قولايلى كومەكتەسۋ ـ سۇيەمەلدەۋ سياقتى قىزمەت وتەۋدى ۇدايىلاندىرىپ ورىستەتىپ، مەيىرلى قىزمەت وتەۋمەن جۇرت تىلەگىن ۇيىستىرىپ، توعىسۋدى جەبەدى. اشىق ۇستاپ، بىرگە يگىلىكتەنەتىن الەۋمەتتىك كەڭىستىك، جان ـ جاقتى حالىققا قولايلى قىزمەت كورسەتۋ ٴار ۇلت بۇقاراسىنىڭ، وسىندا ات باسىن بۇرعان ساياحاتشىلاردىڭ تۇسىنىگىن ارتتىرۋىنا، سۇيىسپەنشىلىكتى تەرەڭدەتۋىنە مۇمكىندىك جاسادى.
ىلە كونە قالا مادەنيەت ـ ساياحات رايونى ٴمالى رايونىندا كوپتەگەن ٴار ۇلت ەرىكتىلەرى بار، ولار مادەنيەت ـ ساياحات قىزمەت وتەۋىنىڭ ٴبىرىنشى شەبىندە تاپجىلماي، ساياحاتشىلارعا جول نۇسقاپ، كونە قالا مادەنيەت - ساياحات رايونىنىڭ ۇلتتار ىنتىماعى حيكاياسىن ٴتۇسىندىرىپ، وركەنيەت جاعىنان جەتەكشىلىك ەتىپ، حالىققا قولايلى قىزمەت وتەۋدى سابىرلىلىقپەن جاقسى ىستەدى. ۇساق ـ تۇيەك قىزمەت وتەۋ ارقىلى مەيىر جەتكىزىپ، توعىسۋدى جەبـەۋ، ٴوزارا كـومەكتـەسۋ، ٴوزارا سيلاستىق، تاتۋ ـ ٴتاتتى بولۋ ىلە كونە قالا مادەنيەت - ساياحات رايونىنىڭ ەڭ ايقىن بەلگىسىنە اينالدى.
ٴبىر قالانىڭ قايناعان تىرلىگىنەن ٴبىر نيەت، ٴبىر تىلـەكتە بولىـپ، ۇساق - تـۇيەك ىستەردە دە بەرەكە - بىرلىكتە بولعاندىعىن ايقىن اڭعارۋعا بولادى. كوشەلەرگە تامىر تارتقان جاندى اڭگىمەلەر كونە قالاداعى ٴار ۇلت بۇقاراسىنـىڭ ٴوزارا توعىسىپ، ٴومىر سۇرگەن تۇرمىسىنا كۋا بولدى. قۇلجا قالاسى قازانشى حالىقتىق سالت ـ سانا ساياحاتىن اشۋ شەكتى جاۋاپكەرشىلىك سەرىكتەستىگىنىڭ باس ديرەكتورى ما لييىڭ بىلاي دەدى: ”ىلە كونە قالا مادەنيەت ـ ساياحات رايونى جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋدى ۇزدىكسىز كوزدەپ، كوشە ـ اۋماقتا بىرگە تۇراتىن، بىرگە جۇمىس ىستەيتىن، كاسىپ سالاسىن بىرگە قۇراتىن، مادەنيەتتى بىرگە توعىستىراتىن جاندى ماتەريالدى ىشكەرىلەي اشىپ، كورمە سارايى، كوشە ـ كوشەلەردەگى زەرتتەۋ ـ ۇيرەنۋ، حالىقتىق سالت ـ سانا قيمىلى سياقتى ٴتۇرلى تۇعىرلارعا سۇيەنىپ، جەرگىلىكتى جاعدايعا ۇيلەسەتىن ۇلتتار ىنتىماعى حيكايالارىن ۇزدىكسىز ىشكەرىلەي بايانداپ، جانداندىرىپ، مادەنيەت پەن ساياحاتتى توعىستىرۋدى تۇتقا ەتىپ، ٴار ۇلت بۇقاراسىنىڭ ارالاسۋ، ىشتەسۋ، توعىسۋ ارناسىن ۇزدىكسىز كەڭەيتىپ، اناردىڭ دانىندەي تىعىز ۇيىسۋ ۇستانىمىنىڭ كوشە ـ كوشەلەرگە، كۇندەلىكتى تۇرمىسقا تامىر تارتۋىنا مۇمكىندىك جاساپ، ۇلتتار ىنتىماعى، العاباسارلىعى قىزمەتىنىڭ باياندى تياناقتانۋىن، تەرەڭدەۋىن، ناقتىلانۋىن ىلگەرىلەتەمىز“.