ٴوز ٴتىلشىمىز پاتيما، ەرىكتى ٴتىلشى دۇڭ جىجيە
الەۋمەتتىك اۋماق سان مىڭداعان وتباسىنىڭ دانەكەرى، ٴىس بىتىرۋدە از سابىلۋدى، كورشىلەر ارا كوبىرەك ارالاسۋدى، ىسكە جولىققاندا كومەكتەسەتىن ادام بولۋدى قالاي جۇزەگە اسىرۋعا بولادى؟ قورعاس قالاسى قاراسۋ ٴمالى باسقارماسى قاراسۋ الەۋمەتتىك اۋماعىنىڭ ٴادىسى شىنىمەن تياناقتى بولدى: جەلىدەگى زەردەلى باسقارۋ تۇعىرىن تياناق ەتىپ، جەلىدەن تىس كورشىلەر ارا مەيىرلى قىزمەت وتەۋدى تىڭعىلىقتى ورىستەتىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى ساتىنى باسقارۋدىڭ نازىك بۋىندارىنا ٴسىڭىرىپ، ۇلتتار ىنتىماعى قىزمەتىن، ٴتىپتى دە مەيىرگە بولەپ، ٴتىپتى دە شىنايىلىققا يە ەتتى.
سۋرەتتە: قاراسۋ الەۋمەتتىك اۋماعى وتكىزگەن ”ىلەلىكتەردىڭ ٴسۇتتى شاي كەڭەسى“ قيمىلى. سۋرەتتى دۇڭ جىجيە تۇسىرگەن
قاراسۋ ٴمالى باسقارماسى قورعاس قالاسىنىڭ ورتالىق ساۋدا وزەكتى رايونىندا، وتكەن - كەتكەن شەتەلدىكتەر، ۇساق ساۋداگەرلەر كوپ، ۇساق ىستەر دە، سۇرانىس تا كوپ. سول سەبەپتى الەۋمەتتىك اۋماق ٴبىر تۇلعالانعان زەردەلى الەۋمەتتىك اۋماق تۇعىرىنان پايدالانىپ، بۇلتتىق تەرمينال ۇلكەن ساباقحاناسىن اشىپ، ۇلت ساياساتى، زاڭ - ەرەجەلەر، حالىققا ٴتيىمدى جاردەماقى، حالىققا قولايلى قىزمەت وتەۋ سياقتى مازمۇنداردى توپتاپ جەلىگە شىعارىپ، ”جەلىدە ۇيرەنۋ + سۇراۋعا جاۋاپ بەرىپ ٴنومىر جيناۋ“ ۇلگىسىن العا قويىپ، ٴار ۇلت بۇقاراسىنىڭ ۇيرەنۋ بەلسەندىلىگىن ٴونىمدى قوزعاپ، ۇلتتار ىنتىماعى ۇستانىمىن ساۋساق ۇشى ارقىلى كوڭىل تۇكپىرىنە تىكە جەتكىزدى.
”الەۋمەتتىك اۋماعىمىز جيىنى 200 مايداننان استام ارناۋلى تاقىرىپتىق ۇگىت لەكسياسىن، حيكايا ايتۋ جينالىسىن وتكىزىپ، 20 مىڭ ادام - رەتتەن استام بۇقارانى قامتىپ، بۇقارا تۇسىنە الاتىن تىلدە پارتيانىڭ ۇلت ساياساتىنان ۇگىت لەكسيا جاسادى. سونىمەن بىرگە، ’ۇلتتار ىنتىماعى جۇلدىزىن‘، ’وركەنيەتتى وتباسىن‘ تاڭداۋ قيمىلىن ۇزدىكسىز ورىستەتىپ، 100 دەن استام ماڭايىمىزداعى تيپتىك ۇلگىنى بايقاپ جانە باۋلىپ، ۇلتتاردىڭ ارالاسۋىن، ىشتەسۋىن، توعىسۋىن ۇزدىكسىز جەبەدىك“، - دەدى قاراسۋ الەۋمەتتىك اۋماعىنىڭ بىرلىكساپ كادرى قۇرالاي ەلبوسىن.
سيفرلى باسقارۋ ۇلتتار ىنتىماعىنىڭ ”جۇرەكتەستەر كوپىرىن“ سالدى، ال مەيىرلى قىزمەت وتەۋ ۇلتتار ىنتىماعىن ٴتىپتى دە جىلۋلىققا يە ەتتى. ياجۇي، شيانتاۋ سىندى ەكى شاعىن رايوندا تور كوزدەندىرىپ باسقارۋعا جاۋاپتى رىن يۇيفاڭ ٴار ۇلت تۇرعىندارىنىڭ كوڭىل تورىندەگى ”سىرلاس اپەكەسى“. بالالارعا قارايلاسادى، ٴۇي جۇمىستارىن ۋاكىلەتتىكپەن باسقارادى، قيىن ماسەلەلەردى سايكەستىرىپ شەشەدى، تۇرعىندار ۇلكەندى - كىشىلى شارۋالارىنىڭ بارىندە ەڭ الدىمەن ونى ەسكە الادى.
”تۇرعىندار رايونىمىزدا قارتتار مەن بالالاردىڭ بارلىعى دا مەنى رىن اپەكە دەپ شاقىرادى، تۇرعىندار قيىنشىلىعى بولسا ماعان تەلەفون بەرەدى، مەن بارىندە ۇيلەرىنە بارىپ سايكەستىرىپ شەشىپ بەرەمىن، ۋاقىت وتە كەلە كوپشىلىك ٴبىر وتباسىنىڭ ادامدارىنداي بولىپ كەتتىك“، - دەدى رىن يۇيفاڭ كۇلىپ.
2015 - جىلى ٴماۋجۇدام ابىلاجان وتباسى ياجۇي تۇرعىندار رايونىنا كوشىپ كەلىپ قونىستانادى، رىن يۇيفاڭ وتباسىلارىن ارالاپ جاعداي ۇعىسۋ بارىسىندا ونىڭ قىزىنىڭ مۇگەدەك ەكەنىن، تۇرمىستارىندا قيىنشىلىق بارلىعىن بىلەدى دە، وسى وتباسىنىڭ قيىنشىلىعىن كوڭىل تۇكپىرىنە ساقتايدى.
وسىدان باستان رىن يۇيفاڭ ٴماۋجۇدام وتباسىنا كومەكتەسۋ جاۋاپكەرشىلىگىن ىرىقتىلىقپەن ٴوز ۇستىنە الادى، جىل ارتىنان جىل وتەدى: ۇدايى وتباسىنا بارىپ حال سۇراپ، كومەكتەستى، ٴوز قالتاسىنان اقشا شىعارىپ تۇرمىستىق زاتتىق بۇيىمدار جەتكىزىپ بەردى، بالاعا كوڭىل كۇي جاعىنان جەتەكشىلىك ەتتى؛ مۇگەدەكتەردى ساۋىقتىرۋ، حالىق تۇرمىسى قۇتقارۋ كومەگى سياقتى حالىققا تيىمدىلىك جاساۋ ساياساتتارىن دالمە - ٴدال ٴتۇيىلىستىرىپ، ٴتۇرلى رەسمياتتاردى ۋاكىلاتان جانە كومەكتەسىپ ٴبىتىرىپ بەرىپ، جالپى بارىستا سوڭىنا ٴتۇسىپ، ساياساتتاردى تياناقتاندىردى.
رىن يۇيفاڭنىڭ كومەكتەسىپ سۇيەمەلدەۋىندە، وتباسىنداعىلاردىڭ قارايلاسۋى جانە شيپاحانانىڭ كاسىپتىك ساۋىقتىرىپ ەمدەۋىندە ٴماۋجۇدامنىڭ قىزى بىرتىندەپ اياعىن تىك باسىپ، ٴوزى جۇرە الاتىن بولدى. رىن يۇيفاڭ قۋانا بىلاي دەدى: ”بۇل بالا قازىر ورنىنان تۇرا الاتىن بولدى، وسىعان قاباعات قۋاندىم“.
”مەن بۇل اراعا كەلىپ العاش تانىسقان ادامىم رىن اپەكە بولدى. وتباسىمىزدىڭ ۇلكەندى - كىشىلى ىستەرى، بالامنىڭ دەنە جانە پسيحيكا جاعىنداعى سالاماتتىعى بولسىن، بارلىعىن دا ول كوڭىل تورىنە قويدى ٴارى بىزگە شىنايى كومەكتەستى، ٴبىز جونىنەن العاندا، ول جاقىن جاناشىرىمىز“، - دەدى ٴماۋجۇدام اعىنان اقتارىلىپ.
تيپتىك ۇلگىلەردىڭ جەتەكشىلىگىندە ٴارقايسى الەۋمەتتىك اۋماق قۋاتتى ەرىكتىلەر كۇشىن ۇيىستىرىپ، ”مانتيانشيڭ“ ەرىكتى قىزمەت وتەۋ پۋنكتىن قۇرىپ، ”انار گۇلى“، ”شۋاقتى كۇن“ سياقتى 14 ٴار ۇلت ەرىكتىلەر قىزمەت وتەۋ قوسىنىن جەتىلدىردى، تىزىمدىكتەگى ەرىكتىلەر 1100 ادامنان استى. ٴارقايسى ەرىكتىلەر قىزمەت وتەۋ قوسىنى ساياساتتان ۇگىت لەكسيا جاساۋ، السىزدەردى سۇيەمەلدەپ، قيىنشىلىعى بارلارعا كومەكتەسۋ، قارتتاردى قۇرمەتتەۋ، قارتتاردى ايالاۋ، ورتانى وڭاۋ، قايشىلىقتاردى سايكەستىرىپ شەشۋ سياقتى 500 رەتتەن استام ەرىكتى قىزمەت وتەۋدى ۇدايىلاندىرىپ ورىستەتتى، ٴار ۇلت بۇقاراسى ۇلتقا بولىنبەي، ٴوزارا كومەكتەستى، ىنتىماقتى، جاراسىمدى ستيل الەۋمەتتىك اۋماقتىڭ بارلىق جەرىن نارلەندىردى.
”الەۋمەتتىك اۋماعىمىز باستان - اياق جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ’انار دانىندەي ۇيىسقان تىلەكتەستىك . مەملەكەت قاقپاسىنداعى ٴبىر ٴۇيلى جانداي سۇيىسپەنشىلىك‘ قىزمەت ماركاسىن قالىپتاستىرىپ، ٴداستۇرلى باسقارۋدى زەردەلى باسقارۋعا وزگەرتىپ، سان - سيفرعا كوبىرەك سۇيەنىپ، بۇقارانىڭ سابىلۋىن ازايتتىق. جەلىدەگى ۇيرەنۋ ارقىلى باسقارۋعا قۋات ۇستەپ، جەلىدەن تىس مەيىرلى قىزمەت وتەۋدى تىڭعىلىقتى ىستەپ، ٴار ۇلت بۇقاراسىنىڭ تىلەكتەستىك كۇشىن ۇيىستىردىق“، - دەدى قاراسۋ الەۋمەتتىك اۋماعى پارتيا باس ياچەيكاسىنىڭ شۋجيى، تۇرعىندار كوميتەتىنىڭ مەڭگەرۋشىسى گاۋ فەي.