ەركىن تۇنياز حالىق تۇرمىسىنا قاتىستى ناقتى ىستەر قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
بۇقارا ءجىتى قاداعالاپ وتىرعان ىستەردى ءبىر - بىردەن ويداعىداي ىستەۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ نا 9 - ايدىڭ 23 - كۇنى ۇرىمجىدەن حابارلايدى. 9 -ايدىڭ 21 -كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءۇرىمجى قالاسىندا اكىمشىلىك قىزمەت وتەۋ، عيمارات - ءۇيدى تاپسىرۋعا كەپىلدىك ەتۋ، بازاردى قامداۋ سياقتى حالىق تۇرمىسىنا قاتىستى ناقتى ىستەر قىزمەتىنە تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: حالىقتى وزەك ەتكەن دامۋ ۇستانىمىنا باستان - اياق تاباندى بولىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، اناعۇرلىم ءونىمدى ساياسات - شارالاردى بەلگىلەپ، اتقارىپ، بۇقارا ءجىتى قاداعالاپ وتىرعان ىستەردى ءبىر - بىردەن ويداعىداي ىستەپ، حالىق تۇرمىسى قۇت - ىرىسىن ۇزدىكسىز ارتتىرۋ كەرەك.
ءۇرىمجى قالالىق اكىمشىلىك قىزمەت وتەۋ زالىندا ەركىن تۇنياز ورتالىق زەردەلى نۇسقاۋ تۇعىرى، جىلجىمايتىن مۇلىككە جالپىلىق قىزمەت وتەۋ زالى، كاسىپورىندارعا ساياتىن قىزمەت وتەۋ زالى، 12345 اكىمشىلىك قىزمەت وتەۋ ىركىلىسسىز لەنياسى ورتالىعى سياقتىلارعا بارىپ،”ءبىر ءىستى جوعارى ونىمدىلىكپەن ءبىتىرۋ“ قىزمەت ونىمدىلىگىن ەگجەي - تەگجەيلى ۇعىسىپ، قىزمەتكەرلەرمەن، ءىس بىتىرۋگە كەلگەن بۇقارامەن بەتپە - بەت اڭگىمەلەسىپ، قىزمەت وتەۋ ىستەرىن، جۇمىس ءبىتىرۋ بارىسىن، جۇمىس بىتىرۋدە العان اسەرىن، سونداي - اق شارۋاشىلىق - ساۋدا ورتاسىن ساپالىلاندىرۋ جونىندەگى ۇسىنىس - پىكىرلەرىن ەگجەي - تەگجەيلى سۇراستىردى. ول بىلاي دەپ باسا دارىپتەدى: ”ءبىر ءىستى جوعارى ونىمدىلىكپەن ءبىتىرۋ“ رەفورماسىن ۇزدىكسىز تەرەڭدەتىپ، جەلىگە شىعارىلعان ىستەردى ۇدايىلاندىرا ىزىنە ءتۇسىپ باقىلاپ - تەكسەرىپ، يكەمدى باعالاپ، اناعۇرلىم كوپ”ءبىر ءىستى“ ويداعىداي ءبىتىرۋدى، بىتىرە الۋدى، وڭاي ءبىتىرۋدى ىلگەرىلەتىپ، كاسىپورىننىڭ، بۇقارانىڭ ءىسىن ءبىتىرۋ ونىمدىلىگى مەن رازىلىعىن جوعارىلاتۋ كەرەك. اۆتونوميالى رايوندىق پارتكوم مەن ۇكىمەت ورنالاستىرعان ”كودتى جايمالاپ كاسىپورىندارعا كىرۋ“ سياقتى رەفورما مىندەتتەرىن تياناقتاندىرۋمەن ۇشتاستىرىپ، شارۋاشىلىق - ساۋدا ورتاسىن ساپالىلاندىرۋدان قامال الۋ ارەكەتىن تىڭعىلىقتى ىلگەرىلەتىپ، كاسىپورىندارعا ءتيىمدى ساياساتتاردى ۇگىتتەۋدى، ءتۇسىندىرۋدى كۇشەيتىپ، كاسىپورىنداردىڭ شينجياڭدا قارجى قوسىپ شارۋاشىلىعىن گۇلدەندىرۋىنە تاماشا ورتا ازىرلەۋ كەرەك. اكىمشىلىك قىزمەت وتەۋدى ۇزدىكسىز ساپالىلاندىرىپ، ءىس بىتىرەتىن قىزمەتكەرلەردى كاسىپتىك شەبەرلىككە تاربيەلەۋدى كۇشەيتىپ، ساياسات پەن ءىس ءبىتىرۋ ءتارتىبىن جەتىك يگەرۋدى ورىنداپ، تۇرلىشە قاۋىمنىڭ ءىس ءبىتىرۋ قاجەتىن قاناعاتتاندىرۋ كەرەك.
ەركىن تۇنياز عيمارات - ءۇيدى تاپسىرۋعا كەپىلدىك ەتۋ نىساندارى جۇمىس باسىنا بارىپ، نىسان قۇرىلىستارىنىڭ اياق الىسى، سايكەستى قۇرىلىسى سياقتى جاعدايلاردى ناقتى ورىندا تەكسەرىپ كورىپ، قۇرىلىس جۇرگىزۋشى ورىنمەن، تۇرعىن ءۇي جانە قالا، اۋىل قۇرىلىسى تاراۋلارىمەن، ءۇي ساتىپ العان تۇرعىندارمەن اڭگىمەلەسىپ، نىسان قۇرىلىسىنىڭ قارقىنى، ورىن تەپكەن قيىنشىلىقتار مەن ماسەلەلەر سياقتىلاردى ۇعىستى. ول بىلاي دەپ باسا دارىپتەدى: بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە باستان - اياق كوڭىل ءبولىپ، قاراستى جەردىڭ، كاسىپ سالاسى تاراۋلارىنىڭ جانە كاسىپورىنداردىڭ جاۋاپكەرشىلىگىن اناعۇرلىم قاتايتىپ، ناقتىلاندىرىپ، ءۇيدىڭ ساپا وتكەلىن ويداعىداي يگەرىپ، سايكەستى قۇرىلعىلاردى ۇزدىكسىز كەمەلدەندىرىپ، قوجالىق قىزمەت وتەۋ دەڭگەيىن جوعارىلاتىپ، عيمارات - ءۇيدى تاپسىرۋعا كەپىلدىك ەتۋ قىزمەتىن جوعارى ساپالى ويداعىداي يگەرىپ، بۇقاراعا ءتىپتى دە جايلى قونىس ورتاسىن ازىرلەۋ كەرەك.
ەركىن تۇنياز تاعى اۋىل شارۋاشىلىعى ونىمدەرى ساۋدا بازارىنا دەيىن بارىپ، استىق، ازىقتىق ماي، ەت، جۇمىرتقا، ءسۇت، جەمىس - جيدەك، كوكونىس سياقتى زات قاينارىمەن قامداۋ، ساتۋ باعاسى سياقتىلاردى تەكسەرىپ كوردى؛ ءىرى ساۋدا جالپىلىق تۇلعالارىنا كىرىپ، ساۋدا كۇيىن جانە تۇتىنۋدى جەبەۋ قيمىلىنىڭ ورىستەتىلۋ جاعدايىن ۇعىستى. ول بىلاي دەپ باسا دارىپتەدى: حالىق تۇرمىسىنا قاتىستى ماڭىزدى تاۋارلارمەن قامداۋدىڭ جەتكىلىكتى، باعاسىنىڭ ورنىقتى بولۋىن شىنايى قامتاماسىز ەتىپ، ازىق - تۇلىك حاۋىپسىزدىگى تومەنگى شەگىن باتىل ساقتاۋ كەرەك. جۇڭچيۋ مەرەكەسى، مەملەكەت مەرەكەسى كەزىندەگى تۇتىنۋدىڭ قاۋىرت مەزگىلىن مىقتى يگەرىپ، تۇتىنۋ كۇيىن بايىتىپ، تۇتىنۋ جاعداياتىن ساپالىلاندىرىپ، الۋان ءتۇرلى، ساپالى تۇتىنۋ قاجەتىن اناعۇرلىم ويداعىداي قاناعاتتاندىرۋ كەرەك. تاماشا مەرەكەلىك بەينە قالىپتاستىرىپ، ءوندىرىس حاۋىپسىزدىگى قىزمەتىن كۇشەيتىپ، ادامدار ءجيى شوعىرلانعان ورىنداردىڭ حاۋىپسىزدىگىن، ساقتىعىن كۇشەيتىپ، تۇرعىندار مەن ساياحاتشىلاردىڭ الاڭسىز ءجۇرىپ - تۇرۋىنا، الاڭسىز تۇتىنۋىنا، مەرەكەنى امان - ەسەن وتكىزۋىنە مۇمكىندىك جاساۋ كەرەك.