国家通用语言文字 ىلە اقپارات تورابىنا حوش كەلدىڭىزدەر!
”سەگىز 10 ميلليونداعى“ گۇلدەندىرۋ شيفرى
2026-10-01 11:24:36     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا

  □ انار بۇلت \ شينجياڭ گازەتىنىڭ ءتىلشىسى ۋاڭ يۇڭفي

التىن كۇزدە تيانشان الابىنان مول ءونىم شاتتىعى ەستى. تابىستىڭ استارىندا فينانس كاسىبىنىڭ ءۇن - ءتۇنسىز قولداۋى جاتىر.

2025 - جىلدان بەرى شينجياڭنىڭ فينانس، اۋىل شارۋاشىلىعى سياقتى تاراۋلارى اۋىل - قىستاقتاردى جاپپاي گۇلدەندىرۋگە فينانستىق قولداۋ كورسەتۋدىڭ ”سەگىز 10 ميلليوندىق“ ءتۇيىندى مىندەتىن جەتەكشى ەتىپ، اۋىل شارۋاشىلىعىنا ساياتىن سالالاردى قازىنالىق جاقتان قولداۋ تەبىنىن ۇزدىكسىز ارتتىردى.

كوپتەگەن تاراۋدىڭ بىرگە قولداۋىندا شينجياڭنىڭ اۋىل شارۋاشىلىعىنا ساياتىن قارىز اقشاسى جەدەل ارتىپ، شينجياڭنىڭ مەملەكەتتىك ساپالى ەگىن، مال شارۋاشىلىق ونىمدەرى ماڭىزدى قامداۋ بازاسىن قۇرۋىنا فينانستىق ومىرشەڭ كۇش ۇستەدى.

  كۇش سالۋ بەتالىسىن ءداپ باسىپ تاپتى

وڭتۇستىك شينجياڭدا ماقتا ىركەس - تىركەس جيناۋ مەزگىلىنە ءوتتى. وسى بىرنەشە كۇندە اقسۋ ايماعىنداعى كولەمدى ماقتا ەگەتىن ديقان جوۋ شۋيۇي ماقتاعا جاپىراق تۇسىرەتىن ءدارى بەرىپ، ماقتا تەرۋگە دايىندىق كوردى. 2024 - جىلدان باستاپ، جۇڭگو بانكەسىنىڭ قارىز اقشاسىنىڭ قولداۋىندا ونىڭ ماقتا ەككەن جەر اۋدانى 6000 نەشە مۋدان 7000 نەشە مۋعا ارتتى. ”جۇڭگو بانكەسىنىڭ ءار جىلى بەرەتىن 5 ميلليون يۋانعا جۋىق قارىز اقشاسى ماقتا ەگۋىمە قوسقان جالپى قارجىنىڭ ۇشتەن ءبىرىن يەلەپ، قارجى اۋىرتپالىعىمدى جەڭىلدەتىپ، ءار جىلى 4 − 5 ميلليون يۋان تۇراقتى پايدا تاپتىم“، - دەدى جوۋ شۋيۇي.

جوۋ شۋيۇيدىڭ قارىز اقشا قولداۋىنا يە بولۋى ونىڭ تومەنگى بۋىنداعى ءشيت ايىرۋ كاسىپورنى اقسۋ كىرۇن ساپالى ماقتا شارۋاشىلىعى شەكتى سەرىكتەستىگىنىڭ تانىستىرۋىمەن تىعىز قاتىستى. بۇل سەرىكتەستىك جۇڭگو بانكەسىنىڭ قولداۋىنداعى نەگىزگى الارمان رەتىندە، 100 ميلليون يۋانعا جۋىق سەنىمدىلىك قارىزىنا يە بولعان. وسى سەرىكتەستىكتىڭ جوعارعى، تومەنگى بۋىندارداعى سەلبەستىك قاتىناسىنا سۇيەنىپ، جۇڭگو بانكەسى تاعى جوعارى بۋىنداعى كولەمدى ماقتا ەگەتىن 60 نەشە وتباسىنا جانە تومەنگى بۋىنداعى 10 نەشە ماي تارتۋ زاۆودىنا مول سەنىمدىلىك قارىز اقشاسىن بەردى.

بۇل − جۇڭگو بانكەسى شينجياڭ رايوندىق بولىمشە بانكەسىنىڭ ”سەگىز 10 ميلليوندىق“ ءتۇيىندى مىندەتىنىڭ جەتەكشىلىگىندە، جاڭالىق اشا شىعارعان 10 ميلليون مۋلىق ماقتانىڭ ساپاسىن جوعارىلاتۋعا دەم بەرۋ جاڭا شاراسى. مۇنداي تۇتاس كاسىپ سالاسى تىزبەگىنىڭ تۇيىق اينالىمدى فينانستىق قىزمەت وتەۋ ۇلگىسى مولىنان قاريدار كوبەيتۋدى، تەكسەرىپ بەكىتۋدى، قارىز بەرۋدى جۇزەگە اسىرا الادى. بيىل جىل باسىنان بەرى، جۇڭگو بانكەسى شينجياڭ رايوندىق بولىمشە بانكەسى 7500دەن استام ماقتا ءوندىرۋ، وڭدەۋ كاسىپورىندارىنا جانە شارۋا وتباسىلارىنا 17 ميلليارد يۋانعا جۋىق سەنىمدىلىك قارىز اقشانى تەكسەرىپ بەكىتتى.

جۇڭگو بانكەسىنىڭ شينجياڭ رايوندىق بولىمشە بانكەسى جالپىعا ءتيىمدى فينانس ىستەرى ءبولىمى اۋىل - قىستاقتى گۇلدەندىرۋ ۇجىمىنىڭ جاۋاپتىسى حۋاڭ ليلي ايتقانداي، ”سەگىز 10 ميلليون“ ءتۇيىندى مىندەتى اۋىل - قىستاقتى گۇلدەندىرۋدىڭ 5 ۇلكەن سالاسىن قامتىپ، فينانس قۇرىلىمدارىنىڭ اۋىل - قىستاقتى گۇلدەندىرۋگە قىزمەت وتەۋىنە كۇش سالۋ بەتالىسىن ءداپ باسىپ تاۋىپ بەردى.

اۋىل - قىستاقتى جاپپاي گۇلدەندىرۋدى پارمەندى، ءونىمدى ىلگەرىلەتۋ ءۇشىن، بىلتىر 4 - ايدا جۇڭگو حالىق بانكەسىنىڭ شينجياڭ بولىمشە بانكەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى سياقتى 4 تاراۋ بىرلەسىپ «اۋىل - قىستاقتى جاپپاي گۇلدەندىرۋگە فينانستىق قولداۋ كورسەتۋدەگى ”سەگىز 10 ميلليون“ ءتۇيىندى مىندەتىن ورىستەتۋ جونىندەگى حابارلاندىرۋدى» باسىپ تاراتىپ، 10 ميلليون مۋلىق استىق اتىزىنىڭ كىرىسىن ارتتىرۋ، 10 ميلليون مۋلىق ماقتانىڭ ساپاسىن جوعارىلاتۋ، 10 ميلليون باس مالدىڭ ءونىم مولشەرىن ارتتىرۋ، 10 ميلليون توننالىق جەمىس ورمانىنىڭ ءونىمىن ارتتىرۋ، 10 ميلليون گەكتار قۇمدى شولدە جاسىلدىقتى ارتتىرۋ، 10 ميلليون شارۋانى بايىتۋ، 10 ميلليون شاقىرىمدىق مەملەكەت شەكاراسىنداعى ءوڭىردى گۇلدەندىرۋ، 10 ميلليون اۋىل - قىستاقتى شەبەرلىكپەن باسقارۋ سىندى سەگىز ءتۇيىندى بەتالىستى ارقاۋ ەتىپ، فينانستىق تىرەكتى كۇشەيتۋ كەرەكتىگىن ايقىن تالاپ ەتتى.

”سەگىز 10 ميلليون“ ءتۇيىندى مىندەتى فينانس قۇرىلىمدارىنىڭ اۋىل - قىستاقتى جاپپاي گۇلدەندىرۋگە قىزمەت وتەۋىنە ايقىن جول ازىرلەپ، شينجياڭداعى فينانس قۇرىلىمدارىنىڭ اۋىل - قىستاقتى گۇلدەندىرۋ سالاسىن بايلىق جاقتان قولداۋ تەبىنىن جابال ارتتىرۋىنا جەتەكشىلىك ەتتى.

− جۇڭگو بانكەسىنىڭ شينجياڭ رايوندىق بولىمشە بانكەسى ەكونوميكالىق كاپيتالدى ورنالاستىرۋ، ىشكى قارجىنى اۋىستىرىپ باعا بەلگىلەۋ، قاراجاتتى ورنالاستىرۋ جاعىندا اۋىل شارۋاشىلىعىنا ساياتىن سالالارعا جاپپاي بەيىمدەلدى.

− جۇڭگو ونەركاسىپ - ساۋدا بانكەسىنىڭ شينجياڭ بولىمشە بانكەسى ايلىق ۇسىنىلىمدى اينالمالى مەجەلەۋ، ماۋسىمدىق قارقىندى قايتا قورىتىندىلاۋ مەحانيزمىن ورناتىپ، اۋىل شارۋاشىلىعىنا ساياتىن، جالپىعا ءتيىمدى اۋىل شارۋاشىلىعىنا ساياتىن ارناۋلى امانات - قارىز سوماسىن بولەك ورنالاستىردى.

− جۇڭگو اۋىل شارۋاشىلىق بانكەسىنىڭ شينجياڭ بولىمشە بانكەسى اۋىل شارۋاشىلىعىنا ساياتىن امانات - قارىز جوسپارىن اي سايىن بولەك دايىنداپ، اۋىل شارۋاشىلىعىنا ساياتىن امانات - قارىزدى تەكسەرىپ بەكىتۋ جاسىل ارناسىن ورناتتى.

امانات - قارىز قارجىسى اۋىل - قىستاقتىڭ قۇنارلى توپىراعىنا قاراي تۇس - تۇستان اعىلدى. جۇڭگو حالىق بانكەسىنىڭ دەرەگىندە كورسەتىلۋىنشە، 2026 - جىلى 7 - ايدىڭ سوڭىنا دەيىن شينجياڭنىڭ اۋىل شارۋاشىلىعىنا ساياتىن قارىز اقشا قالدىق سوماسى ءبىر تريلليون 310 ميلليارد يۋان بولىپ، سايكەس مەزگىلدەگىدەن %8 ارتقان.

  فينانستىق قىزمەت وتەۋدى تومەنگە ءتۇسىردى

ما چيڭگۇي ءبىر مەزگىل ناق اقشا اينالىمىنىڭ جەتىسپەۋىنەن قاتتى الاڭداعان ەدى.

ول قارامايلى قالاسىنىڭ قالا ماڭى رايونىنا قارجى قوسىپ، كولەمى 100 مۋدان اساتىن باعىمشىلىق الاڭىن قۇردى. ”ءبىر جاعىنان، سيىر باعۋ پەريودى 2 جىلعا سوزىلىپ، ءار كۇنى وزىندىك قۇن ۇسىنىلىمى قوسىلىپ وتىردى. ەندى ءبىر جاعىنان، نەشە ءجۇز سويىس سيىر كوز الدىمدا جۇرسە دە قارجى قۇراۋعا امالسىز قالىپ، ىشتەي قاتتى ابىرجىدىم“! - دەدى ول.

ءتىرى مالدىڭ ۇقىعىن تۇراقتاندىرۋ قيىن بولۋ، قۇنىن مەجەلەۋ قيىن بولۋ، قارجى قۇراۋ قيىن بولۋ ماسەلەسىنە مەڭزەس، جۇڭگو ونەركاسىپ - ساۋدا بانكەسىنىڭ شينجياڭ بولىمشە بانكەسى 2024 - جىلى ينتەرنەت جەلىسىندە سيفرلانعان ”باعىمشىلىق e قارىز اقشاسى“ ءونىمىن شىعارعان، تەك وڭىرلىك باعىمداعى مالدىڭ ءتۇرى، وزىندىك قۇنى، باعاسى سياقتى ينفورماتسيالاردى كىرگىزسە عانا بولعانى، تۇعىر سەنىمدىلىك قارىز اقشا مولشەرىن اۆتوماتتى ەسەپتەپ بەرە الادى.

وسى ءتاسىل ارقىلى ما چيڭگۇي بىلتىر 8 - ايدا جۇڭگو ونەركاسىپ - ساۋدا بانكەسىنىڭ شينجياڭ بولىمشە بانكەسىنەن 2 ميلليون يۋان قارىز اقشا العان، سويىس سيىر باعىمشىلىعىنىڭ كولەمى قازىر 1000 باستان استى، ”بۇل مەنىڭ اۋىرتپالىعىمدى جەڭىلدەتتى، بيىل 11 - ايدا ءىشىنارا سويىس سيىردى بازارعا سالۋعا بولادى“.

بيىل 8 - ايدىڭ سوڭىنا دەيىن جۇڭگو ونەركاسىپ - ساۋدا بانكەسىنىڭ شينجياڭ بولىمشە بانكەسى وسىنداي ”باعىمشىلىق e قارىز اقشاسى“ ءونىمى بويىنشا جالپى 100 ميلليون يۋاننان استام قارىز اقشا بەرىپ، 126 باعىمشىلىق وتباسىن يگىلىككە كەنەلتتى.

اۋىل شارۋاشىلىعىنا ساياتىن سالالاردا كەپىلگە قوياتىن زاتتىڭ جەتىسپەۋى كوبىندە شارۋاشىلىق تۇلعالارىنىڭ قارجى  قۇراۋىنا  تۇساۋ بولادى.  وسى  قولامتالى  تۇيىنگە  مەڭزەس،  ءارقايسى  ءىرى  بانكەلەر  ”سەگىز 10 ميلليون“ ءتۇيىندى مىندەتىنىڭ جەتەكشىلىگىندە، قارجى قۇراۋ ۇلگىسىندە ىلگەرىندى - كەيىندى جاڭالىق اشتى.

ءبىلىم مەنشىك ۇقىعىن كەپىلگە قويۋ، وسىمدىكتەردىڭ جاڭا سورتى ۇقىعىن كەپىلگە قويۋ سياقتى تاسىلدەردەن پايدالانىپ، ”عىلىم - تەحنولوگيانى كادەگە جاراتۋ قارىز اقشاسى“ سياقتى تۇقىم عىلىم - تەحنولوگياسىن زەرتتەۋ - اشۋ بويىنشا ورتا، ۇزاق مەرزىمدىك قارىز اقشا ونىمدەرىن شىعاردى؛ اۋىل - قىستاق كوللەكتيۆىنىڭ قارجى، مال - مۇلىك، بايلىق تۇعىرىنىڭ دەرەكتەرىنەن پايدالانىپ، سەنىمدىلىكتى ارتتىرىپ، قارجى قۇراۋدى جەبەۋ سىندى جاڭا ۇلگىنى قالىپتاستىردى؛ جەر مال - مۇلىك ۇقىعى ساۋدا ورتالىعى شىعارعان جەردىڭ شارۋاشىلىق جۇرگىزۋ ۇقىعىن اينالىمعا سالۋ ساۋداسى بويىنشا ىسپاتتان وتكىزۋ دەرەكتەرىنەن پايدالانىپ، ”ىسپات e قارىز اقشاسىن“ زەرتتەپ اشتى... شىت جاڭا قارجى قۇراۋ كورىنىستەرى جاڭبىردان كەيىنگى جاۋقازىنداي قاۋلاپ، كاسىپورىنداردىڭ قارجى قۇراۋ ارناسىن بارىنشا كەڭەيتىپ، قارىز اقشانىڭ قولجەتىمدىلىگى مەن ۇيلەسىمدىلىگىن جوعارىلاتتى.

قارجى قۇراۋ ۇلگىسىندە جاڭالىق اشۋمەن بىرگە، ءارقايسى بانكەلەر اۋىل - قىستاق قىزمەت وتەۋى تورىن ورنالاستىرۋدى ساپالىلاندىردى.

اقسۋداعى ەگىنشىلىك ءىرى وتباسى ءۇمىت تۇرعۇن وسىنىڭ يگىلىگىن كورۋشىلەردىڭ ءبىرى. بىلتىر 3 - ايدا جۇڭگو اۋىل شارۋاشىلىق بانكەسىنىڭ شينجياڭ بولىمشە بانكەسى ونسۋ اۋدانى تيانتاي اۋىل شارۋاشىلىق ونىمدەرى ساۋداسى شارۋالار كاسىپتىك سەلبەستىك كووپەراتيۆىندە اۋىل - قىستاقتى گۇلدەندىرۋگە فينانستىق قىزمەت وتەۋ پۋنكتىن قۇرىپ، جەرگىلىكتى ورىننىڭ فينانس كاسىبىن بىتىرۋىنە جانە اۋىل شارۋاشىلىعىنا ساياتىن قىزمەت وتەۋىنە قولايلىلىق جاسادى.

وسى ارادا بىتىرىلگەن 200 مىڭ يۋان قارىز اقشادان پايدالانىپ، ءۇمىت 20 مۋ جاڭعاق اتىزىن كوتەرمەگە الدى. ”قاي كەزدە ءدارى شاشامىز؟ قاي كەزدە تىڭايتقىش بەرەمىز؟ جۇمسالۋ مولشەرى قانشالىق؟ قامداۋ - ساۋدا كووپەراتيۆى ماعان دەر كەزىندە تەحنولوگيالىق جاقتان جەتەكشىلىك ەتەدى، سونداي - اق جاڭعاقتى ءبىر تۇتاس ساتىپ الادى“. ءۇمىت: ”مەن كوتەرمەگە العان جاڭعاق اتىزىنىڭ شەكتى مەرزىمى 5 جىل، ءبىر جىلدا 60 − 70 مىڭ يۋان كىرىس كىرگىزەمىن“، - دەدى قۋانا.

سوڭعى جىلدارى شينجياڭداعى ءارقايسى بانكە قۇرىلىمدارى اۋدان وڭىرىندەگى نەگىزگى ساتىعا تەرەڭ تامىر تارتىپ، اۋىل - قىستاقتاعى نەگىزگى ساتىدا قىزمەت وتەۋ تور تۇيىندەرىن قۇرۋ، اۋدان وڭىرىندەگى زەردەلى جابدىقتاردىڭ ۇسىنىلىمىن ارتتىرۋ سياقتى تاسىلدەر ارقىلى فينانستىق قىزمەت وتەۋدى قالا تەكشەسىنەن اتىز باسىنا، اۋىل - قىستاق بازارىنا، كاسىپ سالاسى سەحىنا دەيىن كەڭەيتتى. قازىر بۇكىل شينجياڭدا فينانس قۇرىلىمدارى اۋىل شارۋاشىلىعىنا كومەكتەسۋ بويىنشا اقشا الۋ تۇيىنىنەن 13 مىڭى قۇرىلىپ، اكىمشىلىك قىستاقتاردا اقشا تولەۋ قىزمەت وتەۋىمەن جاپپاي قامتۋ جۇزەگە اسىرىلدى.

كەمەلدى نەگىزدىك فينانستىق قىزمەت وتەۋ قۇرىلعىلارى ”سەگىز 10 ميلليون“ ءتۇيىندى مىندەتىنىڭ تياناقتانۋىنا پارمەندى تىرەك ازىرلەدى.

  جاراسىمدى دا كورىكتى اۋىل - قىستاقتى بىرگە قۇردى

قامبادا ساقتالعان استىقتى قارجى قۇراپ سەنىمدىلىكتى ارتتىرۋداعى ”تۇرلاۋلى اقشاعا“ اينالدىرىپ، استىق جيناۋ، ساقتاۋ كاسىپورىندارىنىڭ قارجى قۇراۋداعى قيىنشىلىعىن شەشۋمەن بىرگە، جوعارعى بۋىنداعى ەگىنشىلەردىڭ استىق ەگۋ بەلسەندىلىگىن دە جەبەدى.

ءبىر ۇلگىدە جاڭالىق اشىپ، كاسىپ سالاسى تىزبەگىن جانداندىردى. جۇڭگو اۋىل شارۋاشىلىق بانكەسى شينجياڭ بولىمشە بانكەسى ”شينلياڭتۇڭ“ قارىز اقشاسى وسىنداي رول اتقاردى. بايىنعولين وبلىسى ميڭيوۋ ازىق - تۇلىك شەكتى سەرىكتەستىگىنىڭ جاۋاپتىسى ۋاڭ يوۋجياڭ مۇنان تەرەڭ اسەر الدى: ”’شينلياڭتۇڭ‘ بولعاندىقتان قامباداعى ءبيداي قولىمىزداعى ناق اقشاعا اينالدى، استىق الاتىن قارجى ەشقاشان ءۇزىلىپ قالمادى“.

بۇرىنعى جىلدارى ۋاڭ يوۋجياڭ مۇنداي جەڭىلدەپ كورمەگەن ەدى. جازعى استىق ساتىپ الۋ اقشا شۇعىل جۇمسالاتىن، مولشەرى كوپ، ۋاقىتى شوعىرلى بولاتىن وتكەل. ءار جىلى 6 - ايدان 7 - ايعا دەيىن كاسىپورىن قارجىسى ەڭ قىسىلتاياڭ كەز. ەڭ جوعارى شەككە جەتكەندە، كۇندىك ساتىپ الۋ مولشەرى 4000 تونناعا جەتىپ، كۇندىك ەسەپ ايىرۋ سوماسى 10 ميلليون يۋاننان اساتىن. ”ءار كۇنگى ساتىپ الۋ مولشەرى توتەنشە كوپ، استىقتى جيناعاندا ەسەبىن ۇستىندە جاسايمىز، قارجى تىزبەگى وتە قىسىلتاياڭ“، - دەدى ۋاڭ يوۋجياڭ ساتىپ الۋ - ساقتاۋدىڭ قاۋىرت كەزىندەگى جالپى بەتتىك قيىن ماسەلەنى ورتاعا قويىپ.

جۇڭگو اۋىل شارۋاشىلىق بانكەسىنىڭ بايىنعولين بولىمشە بانكەسى ”شينلياڭتۇڭ“ امانات - قارىز ونىمدەرىن دالمە - ءدال سايكەستىردى، سونداي - اق 86 ميلليون 500 مىڭ يۋان سەنىمدىلىك قارىز اقشاسىن تەكسەرىپ بەكىتتى. قارىز اقشا استىق ساتىپ الۋدىڭ قاۋىرت مەزگىلىنەن بۇرىن تۇگەلدەي تاراتىلىپ بەرىلەدى، بيىل جيناپ الۋعا ءتيىستى 45 مىڭ توننا ءبيدايدى تۇگەل جيناپ الۋ قامتاماسىز ەتىلىپ، استىق ەگەتىن شارۋا وتباسىلارى مەن سەلبەستىك كووپەراتيۆىنەن 3000 − 4000ىن قامتىدى.

وسى ۇلگىدەن پايدالانىپ، جۇڭگو اۋىل شارۋاشىلىق بانكەسى شينجياڭ بولىمشە بانكەسى استىقتى جيناۋ، ساقتاۋ، وڭدەۋ كاسىپورىندارىنان جالپى 90نان استامىنا قولداۋ كورسەتىپ، جالپى 10 ميلليارد يۋاننان استام قارىز اقشا تاراتتى، بۇل بۇكىل شينجياڭ بويىنشا استىقتا ءوندىرىس قۋاتىن ءتۇيىندى جوعارىلاتقان 30عا جۋىق اۋداندى قامتىپ، استىقتى ساتىپ الۋ، وڭدەۋ، قامبادا ساقتاۋ بۋىندارىنىڭ قارجى اينالىمىن ءونىمدى ىركىلىسسىزدەندىردى.

”سەگىز 10 ميلليون“ ءتۇيىندى مىندەتى فينانس قۇرىلىمدارىنىڭ فينانستا جاڭالىق اشۋىن جەدەلدەتۋىنە دەم بەرىپ، استىق، مال شارۋاشىلىعى، جەمىس - جيدەك، كوكونىس سياقتى كاسىپ سالاسى تىزبەگىنىڭ سايكەسە دامۋىن جەبەپ، كاسىپ سالاسى تىزبەگىنىڭ سەرپىمدىلىگىن كۇشەيتىپ، شارۋا وتباسىلارىنىڭ كىرىسىن ارتتىرۋدى جەبەدى.

بۇل عانا ەمەس، ”سەگىز 10 ميلليون“ ءتۇيىندى مىندەتى اۋىل - قىستاقتى شەبەرلىكپەن باسقارۋ مەن نەگىزگى ساتى رۋحاني وركەنيەتىنىڭ العا باسۋىن جەبەدى.

ىلە قازاق اۆتونوميالى وبلىسى قورعاس اۋدانى لاڭگار قالاشىعى راۋشانباق قىستاعىندا قىستاق تۇرعىنى ابدۇللا مامەتالي جايشىلىقتا قاتىناسقان الەۋمەتتىك يگىلىك قيمىلدارى، ءۇيدىڭ الدى - ارتىن تازالاۋ سياقتى ”ەلەۋسىز ىستەردەن“ جينالعان ”تاماشا ءمورال جيىنتىق ءنومىرىنىڭ“ ونىڭ قارىز اقشا سوماسىن 200 مىڭ يۋاننان 260 مىڭ يۋانعا جوعارىلاتاتىندىعىن مۇلدە ويلاماعان ەدى.

ابدۇللا 30 نەشە باس مال ءوسىرىپ، اسحانا، دارەتحانا بۇيىمدارى دۇكەنىن اشىپ جاتىر، سونداي - اق 300 مۋدان استام جەرگە ەگىن ەكتى. ”بۇرىن قارىز اقشا سومام نەبارى 200 مىڭ يۋان عانا بولاتىن، ’تاماشا ءمورال جيىنتىق ءنومىرى‘ مەنىڭ قارىز اقشا الۋ مولشەرىمدى تۇپ - تۋرا 60 مىڭ يۋان جوعارىلاتىپ بەردى“، - دەدى ول تەبىرەنە.

ونى يگىلىككە كەنەلدىرگەن قورعاس اۋدانى جاڭالىق اشا شىعارعان ”پارتيا قۇرىلىسى ارقىلى جەتەكشىلىك ەتۋ + تۇتاس قىستاق بويىنشا سەنىمدىلىك بەرۋ + تاماشا ءمورال جيىنتىق ءنومىرىن“ توعىستىرۋدى تۇيىندە سىناق ەتۋ مەحانيزمى ەدى. بيىل 3 - ايدا ىلە وبلىسىنىڭ تۇڭعىش توعىستىرۋدى تۇيىندە سىناق ەتۋ مەحانيزمى راۋشانباق قىستاعىندا تياناقتاندى. قىستاق تۇرعىندارىنىڭ تارتىپكە، زاڭعا بويسۇنۋ، قارتتارعا وپالى بولۋ، تۋىس - تۋعاندارىن ايالاۋ، كورشىلەر بەرەكەلى بولۋ، ورتا تازالىعى سياقتى جاقتارداعى تاماشا بەينەسى ارقىلى ءنومىر بولىپ جيناقتالىپ، شينجياڭ اۋىل - قىستاق ساۋدا بانكەسى جارنا شەكتى سەرىكتەستىگى قورعاس اۋداندىق تارماق بانكەسىنىڭ سەنىمدىلىك دارەجەسىمەن، قارىز اقشا مولشەرىمەن جانە وسىمدە جەڭىلدىك جاساۋىمەن تىكەلەي بايلانىستىرىلىپ، ”تاماشا ءمورال جيىنتىق ءنومىرى“ ناعىز ”بايۋ نومىرىنە“ اينالدىرىلدى.

بۇل عانا ەمەس، ”سەگىز 10 ميلليون“ ءتۇيىندى مىندەتى، ءتىپتى، قۇمدى شولدە جاسىلدىقتى ارتتىرۋعا، مەملەكەت شەكاراسىنداعى وڭىرلەردى گۇلدەندىرۋگە قۋاتتى ەنەرگيا ۇستەدى.

”سەگىز 10 ميلليون“ ءتۇيىندى مىندەتىن تىرەك ەتكەن فينانستا جاڭالىق اشۋ اۋىل - قىستاقتى جاپپاي گۇلدەندىرۋگە توقتاۋسىز ءۇمىت سيلاۋدا.