国家通用语言文字 ىلە اقپارات تورابىنا حوش كەلدىڭىزدەر!
ما جيڭيۋە التىن مەدال الدى
2026-10-04 10:07:02     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا

  شينجياڭنىڭ تايچۋانداۋ تۇرىندە ازيا سپورت جارىسىنداعى تاريحي تىڭ ناتيجەگە قول جەتكىزىلدى

10 - ايدىڭ 2 - كۇنى ما جيڭيۋە (وڭدا) جارىستا.□ سۋرەتتى شينحۋا اگەنتتىگىنىڭ ءتىلشىسى ۋاڭ في تۇسىرگەن

انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ 10 - ايدىڭ 2 - كۇنى ۇرىمجىدەن حابارلايدى. 10 - ايدىڭ 2 - كۇنى 2026 - جىلعى ايچي − ناگويا ازيا سپورت جارىسىنىڭ تايچۋانداۋ ايەلدەر 49 كيلوگرامدىق سالماقتاعىلار جارىسىندا شينجياڭنان شىققان جۇڭگو شەبەرى ما جيڭيۋە فيليپپين شەبەرىن جەڭىپ التىن مەدال الىپ، شينجياڭنىڭ تايچۋانداۋ تۇرىندە تاريح جاراتتى.

”بۇگىن ول ءوز دەڭگەيىندە ونەر كورسەتىپ جارىستا جەڭىپ شىقتى، بۇعان جەتۋ وڭاي بولمادى، مەن ونى ماقتانىش ەتەمىن“، - دەدى ما جيڭيۋەنىڭ باپكەرى تيان جيان.

2014 - جىلى جۇڭگو شينجياڭ سپورتشىسى لي جاۋ - ي ينچحون ازيا سپورت جارىسىندا ايەلدەر تايچۋانداۋ جارىسىنىڭ 49 كيلوگرامدىق سالماقتاعىلار تۇرىندە كۇمىس مەدال الدى. ارادا 12 جىل وتكەننەن كەيىن، شينجياڭ تاربيەلەگەن ما جيڭيۋە ونان ارى ىلگەرىلەي ءتۇسىپ التىن مەدال الىپ، شينجياڭنىڭ تايچۋانداۋ تۇرىندە ازيا سپورت جارىسى تاريحىنداعى تىڭ ناتيجەگە قول جەتكىزدى.

سول كۇنگى ءبىرىنشى كەزەكتى جارىستا ما جيڭيۋە 0گە قارسى 2 ۇپايمەن وپ - وڭاي جەڭىسكە جەتتى، ونىڭ قارسىلاسى ازيا بوسقىندار ۋاكىلدەر قۇراماسىنىڭ ساڭلاعى الحاسان الحينيد بولدى. 18 جاستاعى الحاسان سيريادان كەلگەن، قازىر يوردانيادا ءومىر ءسۇرىپ جاتىر، ول جانە ءبىر ەر مۇشە بوسقىندار ۋاكىلدەر كومانداسى بولىپ قۇرالىپ، بىردەي تايچۋانداۋ جارىسىنا قاتىناستى.

ەكىنشى كەزەكتى جارىستا ما جيڭيۋە كورەيا شەبەرى لي يۇيمينمەن كەزدەستى. ما جيڭيۋە سۇراپىل شابۋىل جاساپ، ءونىمدى سوققى بەرىپ، ىركەس - تىركەس ۇپاي الدى، ءسويتىپ، وسى رەتتە دە 0گە قارسى 2 ۇپايمەن جەڭىسكە جەتتى. جارتىلاي شەشۋشى جارىستا ما جيڭيۋە تايلاندتىڭ ايگىلى ساڭلاعى پۋكەلدپەن كەزدەستى. ما جيڭيۋە قىسىمعا توتەپ بەرىپ، تاكتيكاسىن تولىق قولدانىپ، تاعى دا 0گە قارسى 2 ۇپايمەن قارسىلاسىن جەڭىپ، جارتىلاي شەشۋشى جارىستىڭ جەڭىسىنە قول جەتكىزدى.

التىن مەدال ايقاسىندا ما جيڭيۋە فيليپپين شەبەرى مانكينمەن بەلدەستى، ەكى جاقتىڭ كۇشى قارايلاس بولىپ ۇپاي الا المادى، شابۋىلداۋ مەن قورعانۋ الما - كەزەك ءجۇرىلدى، ەڭ سوڭىندا تورەشى ما جيڭيۋەنىڭ شابۋىلداۋ مەن قورعانۋدا تىپتەن بەلسەندى دە ىرىقتى بولعاندىعىن، جارىستىڭ جەڭىسىنە قول جەتكىزگەندىگىن ايتىپ، كەسىم جاسادى.

ما جيڭيۋە سانجى قالاسى ىرليۋگۇڭ قالاشىعىندا دۇنيەگە كەلگەن، بويىنىڭ بيىكتىگى 76. 1 مەتر كەلەتىن ونىڭ دەنە سالماعى 49 كيلوگرام عانا، ونىڭ بوي بيىكتىگى جاعىندا كورنەكتى ارتىقشىلىعى بار، ورتا ارالىقتا مەڭگەرۋ قابىلەتى كۇشتى، اياق الىسى يكەمدى، جارىستاعى كوڭىل كۇيى ورنىقتى.

2015 - جىلى ما جيڭيۋە سانجى قالالىق 7 - ورتا مەكتەپتەن شينجياڭ دەنە تاربيە كاسىپتىك - تەحنولوگيالىق شۋەيۋانىنا جىبەرىلدى، كەيىن ۇزدىك بەينە تانىتقاندىقتان، شينجياڭ تايچۋانداۋ كومانداسىنا ءتۇيىندى تۇردە تاربيەلەنۋگە تاڭدالدى، 2024 - جىلى 11 - ايدا مەملەكەتتىك تايچۋانداۋ كومانداسىنا تاڭدالدى.

2026 - جىلعى جارىس ماۋسىمىندا ما جيڭيۋەنىڭ جاعدايى ورنىقتى بولىپ، ىلگەرىندى - كەيىندى نيدەرلاند اشىق جارىسىنىڭ ايەلدەر 49 كيلوگرامدىق سالماقتاعىلار جارىسىنىڭ كىشى جۇلدەگەرلىگىن، بەلگيا اشىق جارىسى ايەلدەر 49 كيلوگرامدىق سالماقتاعىلار جارىسىنىڭ اعا جۇلدەگەرلىگىن جەڭىپ الدى، 8 - ايدا حۋنان ولكەسىنىڭ چاڭشا قالاسىندا جۇڭگو تايچۋانداۋ اشىق جارىسى 49 كيلوگرامدىق سالماقتاعىلار جارىسىنىڭ اعا جۇلدەگەرلىگىن جەڭىپ الدى، سونداي - اق كورەيا تايچۋانداۋ جارىسىنىڭ كىشى جۇلدەگەرلىگىنە قول جەتكىزدى.