انار بۇلت \ شينجياڭ گازەتىنىڭ ءتىلشىسى فان چيۇڭيان 10 - ايدىڭ 7 - كۇنى ۇرىمجىدەن حابارلايدى. شينجياڭ پوچتا باسقارۋ مەكەمەسىنەن ۇعىسۋىمىزشا، الدىڭعى 8 ايدا شينجياڭنىڭ جەدەل جەتكىزۋ كاسىبىنىڭ مولشەرى جيىنى 422 ميلليون 383 مىڭ بولىپ، سايكەس مەزگىلدەگىدەن %5. 20 ارتقان؛ جەدەل جەتكىزۋ كاسىبىنىڭ كىرىسى 5 ميلليارد 690 ميلليون يۋان بولىپ، سايكەس مەزگىلدەگىدەن %7. 11 ارتىپ، جەدەل جەتكىزۋ كاسىبى پوچتا سالاسىنىڭ ارتۋىن جەبەيتىن نەگىزگى كۇشكە اينالعان.
دەرەكتەرگە نەگىزدەلگەندە، الدىڭعى 8 ايدا پوچتا سالاسىنىڭ جولداما جونەلتۋ - جەتكىزۋ كاسىبىنىڭ مولشەرى جيىنى 752 ميلليون 254 مىڭ بولىپ، سايكەس مەزگىلدەگىدەن %7. 10 ارتقان؛ پوچتا سالاسىنىڭ كاسىپ كىرىسى (پوچتا امانات بانكەسىنىڭ تىكە ساۋدا كىرىسىن قامتىمايدى) جيىنى 7 ميلليارد 810 ميلليون يۋان بولىپ، سايكەس مەزگىلدەگىدەن %2. 8 ارتقان. مۇنىڭ ىشىندە جەدەل جەتكىزۋ كاسىبىنىڭ ارتۋ قارقىنى وسى سالانىڭ ورتاشا دەڭگەيىنەن كورنەكتى جوعارى بولعان.
كاسىپ قۇرىلىمىنان قاراعاندا، باسقا جەرگە جەدەل جەتكىزۋ ءالى دە ارتۋدى جەبەيتىن وزەكتى بولىك بولعان. الدىڭعى 8 ايدا باسقا جەرگە جەدەل جەتكىزۋ كاسىبىنىڭ مولشەرى 357 ميلليون 646 مىڭ بولىپ، سايكەس مەزگىلدەگىدەن %2. 25 ارتىپ، جالپى جەدەل جەتكىزۋ كاسىبى مولشەرىنىڭ %7. 84ىن ۇستاعان، سالىستىرماسى بىلتىرعى سول تۇستاعىدان 2. 3 پايىز ارتىپ، شينجياڭنىڭ ءوڭىر اتتاعان ساۋدا بارىس - كەلىسىنىڭ ءۇرتىس كۇشەيىپ، شينجياڭنىڭ ءىشى - سىرتىنداعى تاۋارلاردىڭ قوس باعىتتاعى اينالىمىنىڭ بارعان سايىن جاندانعاندىعىن ايگىلەدى.
ۇعىسۋعا قاراعاندا، اۋدان، اۋىل، قىستاق سىندى ءۇش دارەجەلى جولداۋ - جەتكىزۋ زات اينالىمى جۇيەسىن ۇزدىكسىز كەمەلدەندىرۋدىڭ ارقاسىندا، اۋىل شارۋاشىلىعىنا قۋات ۇستەيتىن ”شينجياڭ ونىمدەرىن جاس كۇيىندە جەتكىزۋدىڭ“ ماركا اسەرى ۇزدىكسىز كۇشەيىپ، تۇرپاننىڭ قاۋىنى، بۇگۇردىڭ اق ورىگى، ءپايزاۋاتتىڭ شينمەيى قاتارلى ەرەكشەلىككە يە اۋىل شارۋاشىلىق ونىمدەرى جەدەل جەتكىزۋدىڭ تەز ارناسىنا ءتۇسىپ، سۋىق تىزبەك، اۆياتسيا ارقىلى ەلىمىزدىڭ جەر - جەرىنە جەتكىزىلىپ، ەگىنشى - مالشىلاردىڭ كىرىسىنىڭ ارتۋىن جانە ەلەكتروندى ساۋدا كاسىپ سالاسىنىڭ دامۋىن ءونىمدى جەبەدى. سونىمەن بىرگە بۇكىل ەلدەگى تۇتىنۋ بۇيىمدارى دا جەدەل جەتكىزۋ تورابى ارقىلى اۋىل - قالاشىق، قىستارعا دەيىن جەتكىزىلىپ، ءار ۇلت بۇقاراسىنىڭ زاتتىق تۇرمىسىن بايىتتى.
8 - ايدىڭ وزىندە شينجياڭنىڭ جەدەل جەتكىزۋ كاسىبىنىڭ مولشەرى 58 ميلليون 993 مىڭ بولىپ، سايكەس مەزگىلدەگىدەن %19 ارتقان؛ جەدەل جەتكىزۋ كاسىبىنىڭ كىرىسى 780 ميلليون يۋان بولىپ، سايكەس مەزگىلدەگىدەن %7. 12 ارتىپ، بيىل جىل باسىنان بەرگى ەكى ورىندى ساندى ارتۋ اۋقىمىن جالعاستىرىپ، كاسىپ پەن تابىس كولەمى تەڭ كەڭەيگەن.
”قوس 11“، ”قوس 12“ سياقتى ەلەكتروندى ساۋدا ارقىلى تۇتىنۋدى جەبەيتىن كۇسەت ماۋسىمنىڭ جاقىنداۋىنا ىلەسە، شينجياڭنىڭ جەدەل جەتكىزۋ كاسىبى مولشەرىنىڭ ءبىرشاما تەز ارتۋدى ساقتاپ، تۇتاس جىلداعى جەدەل جەتكىزۋ كاسىپ مولشەرىنىڭ تاعى دا تىڭ دەڭگەيدى جاراتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك بولۋىنان ءۇمىت بار.