”جياڭسۋ - ىلە سۇيىسپەنشىلىگى، ارمان ساپارى“
جياڭسۋدىڭ جۇمىسقا ورنالاستىرۋ بويىنشا ىلەگە كومەك بەرۋ وڭىرلىك سەلبەستىگى اۆتونوميالى رايوندىق نەگىزگى ٴماجىلىس الاڭىنىڭ باستالۋ سالتى وتكىزىلدى
تىلشىلەرىمىز ۋاڭ جۋان، كاميلا حابارلايدى. ٴوڭىر اتتاعان ۇيلەسىمدى دارىندىلار اۋىس - كۇيىسى مەن بايلىقتان ورتاق يگىلىكتەنۋدى ىلگەرىلەتىپ، جوعارى مەكتەپ تاۋىسقان وقۋشىلار، اۋىل ـ قىستاق ەڭبەككۇشتەرى سياقتى ٴتۇيىندى قاۋىمنىڭ جۇمىستانۋىن جەبەپ، جياڭسۋ، ىلە سىندى ەكى جەردىڭ سايكەستى دامۋىنا تىڭ ومىرشەڭدىك كۇش قوسۋ ٴۇشىن، 5 - ايدىڭ 25 ـ كۇنى جياڭسۋ ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، جياڭسۋ ولكەسىنىڭ ىلەگە كومەكتەسۋ الدىڭعى شەپ قولباسشىلىق شتابى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ۇيىمداستىرعان ”جياڭسۋ - ىلە سۇيىسپەنشىلىگى، ارمان ساپارى“ اتىنداعى جياڭسۋدىڭ جۇمىسقا ورنالاستىرۋ بويىنشا ىلەگە كومەك بەرۋ وڭىرلىك سەلبەستىگى اۆتونوميالى رايوندىق نەگىزگى ٴماجىلىس الاڭىنىڭ باستالۋ سالتى قۇلجا قالاسىنداعى جياڭسۋ ولكەسىنىڭ (نانجيڭ) شينجياڭعا باعىتتامالى كومەكتەسۋ كاسىپ باقشاسىندا وتكىزىلدى.
ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلەگە كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى جاۋ چيڭحۇڭ، جياڭسۋ ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى گۋ چاۋ، اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى پارتكومىنىڭ شۋجيى ابدىراحمان ٴسۇپۇر قاتارلىلار باستالۋ سالتىنا قاتىناستى.
جاۋ چيڭحۇڭ باستالۋ سالتىندا ٴسوز سويلەدى. ول بىلاي دەدى: 11 - توپتا جياڭسۋدان ىلەگە كومەككە كەلگەن (بيڭتۋان 4 - شىسىن، 7 - شىسىن قامتيدى) ۇجىمدار شينجياڭعا كەلگەن 2 جىلدان استام ۋاقىتتان بەرى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى ارقاۋ ەتىپ، ”جياڭسۋ - ىلە سۇيىسپەنشىلىگى“ اتىنداعى كاسىپ سالاسى ارقىلى جەتەكشىلىك ەتۋ، وقۋ - اعارتۋ، دەنساۋلىق ساقتاۋ جاعىندا ساپانى جوعارىلاتۋ، كادرلاردى باۋلۋ، ۇلتتاردىڭ توعىسۋى، مادەنيەتپەن نارلەندىرۋ سىندى شينجياڭعا كومەكتەسۋ 5 ٴىرى ينجەنەرياسىن جوسپارلاپ اتقاردى، اسىرەسە، جۇمىستاندىرۋدى نىشان ەتكەن كاسىپ سالاسى ارقىلى شينجياڭعا كومەكتەسۋ قىزمەتىن كورنەكتىلەندىرىپ، كورنەكتى ونىمدىلىككە قول جەتكىزدى.
2024 - جىلى جياڭسۋ ولكەسىنىڭ ىلەگە كومەكتەسۋ الدىڭعى شەپ قولباسشىلىق شتابى كاسىپ سالاسى جاعىنان سۇيەمەلدەپ، جۇمىستاندىرۋدى جەبەۋ بويىنشا 70 شينجياڭعا باعىتتامالى كومەكتەسۋ نىسانىن اتقارىپ، شينجياڭعا باعىتتامالى كومەكتەسۋ قارجىسىنان 420 ميلليون يۋان قارجى قوستى، جياڭسۋ ولكەسىنىڭ ىلەدەگى 60 جاساۋ كاسىپورنى 9031 ادامدى جۇمىستاندىردى.
گۋ چاۋ قيمىل بارىسىندا مىنالاردى ٴبىلدىردى: جياڭسۋ ەكونوميكا جاعىنداعى ٴىرى ولكە، جۇمىسشى ىستەتۋ جاعىنداعى ٴىرى ولكە بولۋ سالاۋاتىمەن باستان - اياق كوپ جۇمىسقا ورنالاسۋ ورايىمەن قامداپ كەلەدى. سوڭعى جىلدارى جياڭسۋ مەن شينجياڭ پارتيا ورتالىق كوميتەتىنىڭ باعىتتامالى كومەكتەسۋ ستراتەگيالىق ورنالاستىرۋىن بەلسەنە تياناقتاندىرىپ، ”جۇمىسقا ورنالاستىرۋ بويىنشا شينجياڭعا كومەكتەسۋ“ قىزمەتىن كۇش سالا ىلگەرىلەتىپ، كورنەكتى ونىمدىلىككە قول جەتكىزدى. بۇل ەڭبەكشىلەر جياڭسۋدىڭ ەكونوميكاسى مەن قوعامىنىڭ دامۋىنا ۇلەس قوسىپ قانا قويماي، كوپتەگەن ادامدار جياڭسۋدا ىرگە تەۋىپ، جياڭسۋ مەن ىلەنىڭ اۋىس - كۇيىسىنىڭ، سەلبەستىگىنىڭ ماڭىزدى كوپىرىنە جانە ۇلتتاردىڭ كىرىگۋىنىڭ، توعىسۋىنىڭ ۇلگىسىنە اينالدى.
ۇعىسۋعا قاراعاندا، وسى رەتكى قيمىلدى وراي ەتىپ، جياڭسۋ ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇڭجى، بايدى، سۋ يىڭ سياقتى جياڭسۋ ولكەسىنىڭ ادام كۇشى بايلىعى جاعىنداعى تىرەكتى كاسىپورىندارىمەن بىرلەسىپ، جۇمىسشى ىستەتەتىن 50 ورىندى ىلەگە كەلىپ ارناۋلى قىزمەتكەر قابىلداۋ ٴماجىلىسىن اشۋعا ۇيىمداستىرعان، بۇل زەردەلى جاساۋ، عىلىم ـ تەحنولوگيالىق قىزمەت وتەۋ، مادەنيەت، ساياحات سياقتى كوپتەگەن سالانى قامتىعان، مۇنىڭ ىشىندە ليانفا توقىماشىلىعى سياقتى ٴداستۇرلى حالىق تۇرمىسى كاسىپورىندارى، چاڭگۋاڭحۋاشين سياقتى ارنايىلانعان، كەمەلدەنگەن، ەرەكشەلەنگەن، جاڭاشالانعان كاسىپورىندار از ەمەس، سونداي - اق جياڭسۋ جىلجىمالى حابارلاسۋ، جۇڭتيان بولات - تەمىر سياقتى كاسىپ سالالارىنداعى كوشباسشى كاسىپورىندار جەلىدە جانە جەلىدەن تىس 2000 ساپالى قىزمەت ورنىن ازىرلەگەن، ورتاشا ايلىق ەڭبەكاقىسى 5000 يۋان، ەڭ جوعارى بولعاندا 20 مىڭ يۋانعا جەتكەن. سونىمەن بىرگە تاعى كوپتەگەن الدىڭعى شەپتەگى جاي جۇمىسكەر، ساتۋشى، اس - سۋ قىزمەت وتەۋى، مۇگەدەكتەرگە مەيىر جەتكىزۋ جۇمىس ورنى سياقتى نەگىزدىك سيپاتتى جۇمىس ورىندارىمەن قامداعان.
قيمىل بارىسىندا ىلەدەگى 60 جەرگىلىكتى كاسىپورىن بار ىنتا - ىقىلاسىمەن وداقتاسىپ، دارىندىلارمەن قامداۋ ـ قاجەتسىنۋدى ۇشتاستىرۋ تەكشەسىن قۇرۋ ارقىلى ىلەدەگى ەڭبەكشىلەرگە اناعۇرلىم كەڭ جۇمىستانۋ كەڭىستىگىن ازىرلەدى، سونداي - اق ەكى جەردىڭ وڭىرلىك سايكەستى دامۋىنا جاڭا وراي سيلادى.
سول كۇنى قيمىل الاڭىندا جياڭسۋ شاگاڭ شەكتى سەرىكتەستىگى كادرلار ٴبولىمىنىڭ قىزمەتكەرلەرى كوپتەگەن قىزمەت قاراستىرۋ قىسقاشا تانىستىرۋىن تاپسىرىپ الدى. وسى سەرىكتەستىكتىڭ كادرلار ٴبولىمىنىڭ قىزمەتكەر قابىلداۋعا جاۋاپتى ديرەكتورى يان جىيۇڭ بىلاي دەدى: سەرىكتەستىگىمىز بۇل جولى نەگىزىنەن مەتاللۋرگيا ماتەريالدارى، ەلەكتر جابدىقتارى مەحانيكاسى سياقتى جاقتاردان جۇمىس ورىندارىن ازىرلەدى، قاتىستى ماماندىق وقۋشىلارىنان 15 ادام قابىلداپ، جۇمىستانۋشىلاردىڭ جەتىلۋىنە كەڭ تۇعىر ازىرلەۋدى جوسپارلاپ وتىرمىز.
ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىسقا ورنالاستىرۋعا قىزمەت وتەۋدى باسقارۋ مەكەمەسىنىڭ ورىنباسار باستىعى اسحات ٴماتسۇپ بىلاي دەپ تانىستىردى: وسى رەتكى قيمىلدا ٴبىز الدىن الا ٴتۇيىلىستىرىپ، كاسىپورىنداردى دەن قويا سارالاپ، جۇمىس ورىندارىن جيناقتاپ، ٴار ۇلت بۇقاراسىنىڭ ”جۇمىسقا ورنالاسۋدا ارنا بولۋ، كىرىستى ارتتىرۋدا قامتاماسىزدىق بولۋ“ سىندى تاماشا ارمانىن جۇزەگە اسىرۋعا قۇلشىندىق.
سول كۇنى ىلە تەحنيك تاربيەلەۋ شۋەيۋانىندا جياڭسۋ - ىلە الەۋمەتتىك قىزمەت قاراستىرۋ، قىزمەتكەر قابىلداۋ ساندى مالىمەتىنەن ورتاق يگىلىكتەنۋ تەكشەسىن اشۋ سالتى وتكىزىلدى، ىلە شىفان داشۋەسى، شينجياڭ قولدانىلمالى كاسىپتىك تەحنيكا شۋەيۋانى ٴبىر ۋاقىتتا بولىمشە ٴماجىلىس الاڭى قيمىلىن وتكىزدى.