سۋرەتتە: شينجياڭعا كومەككە كەلگەن ماماندار كىشكەنە بالاعا تەگىن دياگنوز قويۋدا.   گاۋ شۋان فوتوسى

ٴتىلشىمىز ۋاڭ جۋان حابارلايدى. 5 - ايدىڭ 16 - كۇنى قۇلجا قالاسى بايانداي قالاشىعى سۋلى الماتى قىستاعىنىڭ تۇرعىندار كوميتەتىندە نانجيڭنەن قۇلجاعا كومەككە كەلگەن ەمدەۋ اترەتى ورىستەتكەن ”نانجيڭ - قۇلجا ەمدەۋ ساپارى“ اتىنداعى تەگىن دياگنوز قويۋ قيمىلى وتكىزىلدى. شينجياڭعا باعىتتامالى كومەكتەسەتىن شيپاگەرلەر كاسىپتىك ەمدەۋ قىزمەت وتەۋى، مەيىر باعىشتاۋ سىندى گۋمانيتارلىق قامقورلىق ارقىلى جەرگىلىكتى تۇرعىنداردىڭ ەمدەلۋىنە قولايلىلىق جاسادى.

وسى رەتكى اقىسىز دياگنوز قويۋعا قۇلجا قالالىق حالىق شيپاحاناسىنىڭ جۇرەك اۋرۋلار ٴبولىمى، نەرۆ ىشكى اۋرۋلار ٴبولىمى، تىنىس جولى جانە قاتەرلى، سالماقتى اۋرۋلار مەديتسينا ٴبولىمى، نەسەپ جولى سىرتقى اۋرۋلار ٴبولىمى سياقتى كوپ ٴپاندى ەمدەۋ ماماندارى جينالدى. قيمىل الاڭىندا ەمدەۋ تەكشەسىنىڭ الدىندا قىستاق تۇرعىندارى تارتىپپەن قاتارعا تۇردى، ماماندار اۋرۋ جاعدايىن سابىرلىلىقپەن سۇراپ، اۋرۋ تاريحىن مۇقيات تەكسەرىپ، دالمە ـ ٴدال دياگنوز قويدى.

”جاقىننان بەرى جاقسى ۇيىقتاي الماي ٴجۇرمىن، كوڭىل كۇيىم دە ورنىقتى ەمەس. ۇيدە جۇمىس كوپ، شيپاحانا الىس بولعاندىقتان بارا المادىم“. قىستاق تۇرعىنى گۇلجان ابدىراحمان ۇزاق ۋاقىتتان بەرى مازالاپ كەلە جاتقان دەنساۋلىق ماسەلەسىن ولارعا ايتتى. شينجياڭعا كومەككە كەلگەن ماماندار وندا وتپەلى جاس كەزەڭىندەگى كۇردەلى بەلگىلەرى بار دەپ دياگنوز قويدى، ماماندار وعان ساتىپ الۋعا ٴتيىستى دارىلەردى ەگجەي - تەگجەيلى تانىستىرۋمەن بىرگە، ازىق - تۇلىككە ٴمان بەرۋ، كوڭىل كۇيدى رەتتەۋ سياقتى كوڭىل بولۋگە ٴتيىستى ىستەردى قايتا - قايتا ۇعىندىردى.

قىستاق تۇرعىنى تۇرسىنگۇل امان دا بۇل قولايلىلىقتى شىنايى سەزىندى، شيپاگەردىڭ بەرگەن قان قىسىمىن تومەندەتۋ ٴدارىسىن العان ول تەبىرەنە بىلاي دەدى: ”ٴبىز ەسىگىمىزدىڭ الدىندا ـ اق شينجياڭعا كومەككە كەلگەن مامانداردىڭ جوعارى ساپالى ەمدەۋ قىزمەت وتەۋىنەن يگىلىكتەندىك، شىنىمەن قايىرىمدى ەكەن! “.

شوعىرلى ەمدەلۋدەن سىرت، ەمدەۋ اترەتى ٴجۇرىس ـ تۇرىسى قولايسىز ەرەكشە ناۋقاستارعا باعىتتاپ، ۇيىنە بارىپ قىزمەت وتەۋدى ورىستەتتى. سۋلى الماتى قىستاعىنىڭ 78 جاستاعى تۇرعىنى جاقسىلىق قاسىمقان ورتان جىلىگى مەرتىگىپ وپەراتسيا جاساتقاننان كەيىن دە جاقسى قالپىنا كەلە الماي، ۇزاق ۋاقىت توسەك تارتىپ جاتىپ قالعاندىقتان ناق مايدانعا بارىپ ەمدەلە المايدى. قاريانىڭ تۇراعى شەتكەرى بولعاندىقتان اۆتوكولىك بارا المايتىن - دى، شينجياڭعا كومەككە كەلگەن ماماندار جاياۋ بارىپ ەمدەۋ بەكىمىنە كەلەدى.

تار سوقپاقتى باسىپ، اعاش كوپىردەن ٴوتىپ، جاقسىلىق قارتتىڭ ۇيىنە كەلگەن شينجياڭعا باعىتتامالى كومەكتەسەتىن شيپاگەرلەر ونىڭ دەنساۋلىعىن قالپىنا كەلتىرۋ جوباسىن جاساپ، وتباسىنداعىلارعا قارتتى ەرتىپ شيپاحانانىڭ ساۋىقتىرۋ بولىمىنە بارىپ، جۇيەلى ساۋىقتىرۋ جاتتىعۋىن جاساۋدى ۇسىنىس ەتتى.

شينجياڭعا كومەككە كەلگەن شيپاگەر، قۇلجا قالالىق حالىق شيپاحاناسى نەسەپ جولى اۋرۋلار ٴبولىمىنىڭ مەڭگەرۋشىسى گى يۇيجىڭ بىلاي دەپ تانىستىردى: شينجياڭعا كومەككە كەلگەن شيپاگەرلەر ساپالى ەمدەۋ بايلىقتارىنىڭ تومەنگە جەتكىزىلۋىن مۇمكىندىكتىڭ بارىنشا جەبەپ، ٴار ۇلت بۇقاراسىنىڭ دەنساۋلىعىن جاقسارتىپ، سالاماتتىق عىلىمىن جالپىلاستىرۋدى ورىستەتتى. بۇدان سىرت، شينجياڭعا كومەككە كەلگەن شيپاگەرلەر جەرگىلىكتى شيپاگەرلەرمەن ىشكەرىلەي اۋىس ـ كۇيىس جاساپ، مىندەتتى دياگنوز قويۋ جانە نەگىزگى ساتى ەمدەۋ قۇرىلىمدارىندا ناۋقاس بولمەلەرىن تەكسەرۋ، ۇگىت ـ لەكسيا جاساۋ ارقىلى جەرگىلىكتى شيپاگەرلەردىڭ بىرگە العا باسۋىنا، كەمەلدەنۋىنە كومەكتەستى.