تىلشىلەرىمىز جاۋ شياۋفاڭ، لادينا، ەرىكتى تىلشىلەر جاڭ باينيان، لي يىڭ حابارلايدى. 6 - ايدىڭ 12 -، 13 - كۇندەرى بەيجيڭ حان حۇڭ مەيىر باعـىشتاۋ قايىرىمدىلىق قورى قوعامى ۇيـىمـداسـتىرعان ”2025 - جـىلـعى حان حۇڭ مەيىر باعىشتاۋ قورى . ٴجۇز ادام شينجياڭعا كومەكتەسۋ“ اتىنداعى ەمدەۋ جاعىنان كومەك بەرۋ الەۋمەتتىك يگىلىك ۇجىمىنداعىلار ىلگەرىندى - كەيىندى كۇيتۇن قالاسىنا، قورعاس اۋدانىنا كەلىپ، ٴار ۇلت ناۋقاستارىنا بەتپە - بەت تەگىن ەمدەۋ قىزمەتىن ورىستەتتى.

وسى رەتكى الەۋمەتتىك يگىلىك قيمىلىندا ەل ىشىندەگى كوپتەگەن 3A دارەجەلى ايگىلى شيپاحانالارداعى 20 نەشە ٴبولىمنىڭ 115 ۇزدىك ەمدەۋ مامانى جينالىپ، ”كوشپەلى 3A دارەجەلى شيپاحانا“ ۇيىمداستىرىپ، جەرگىلىكتى ورىنداعى بۇقارانى تەگىن ەمدەۋ، جەرگىلىكتى ورىنداعى قيىن، كۇردەلى اۋرۋلاردى جاپپاي تەكسەرۋ، تەگىن ٴدارى - دارمەك بەرۋ سياقتى قيمىلدار وتكىزىپ، ناۋقاستاردىڭ اۋرۋ ازابىن جەڭىلدەتتى.

6 - ايدىڭ 13 - كۇنى ”حان حۇڭ مەيىر باعىشتاۋ قورى . فۋميڭ ورتالىعى“ قورعاس اۋداندىق 1 - حالىق شيپاحاناسىندا ماڭدايشالىق اشتى، وسى ورتالىق وپەراتسيا جابدىقتارىن تارتۋ ەتۋ، كوزگە شەل ٴتۇسۋ اۋرۋىنا شالدىققاندارعا ەمدەۋ اقىسى جاعىنان كومەك بەرۋ، ەمدەۋ قىزمەتكەرلەرىن باۋلۋ سياقتى تاسىلدەر ارقىلى اۋدان دارەجەلى كوز اۋرۋلارى ٴبولىمىنىڭ دامۋىن جەبەپ، كوزىنە شەل تۇسكەن ٴتىپتى دە كوپ ناۋقاستىڭ جارىق دۇنيەنى قايتا كورۋىنە مۇمكىندىك جاسادى.

بـۇل −”حان حۇڭ مەيىر باعىشتاۋ قورى . ٴجـۇز ادام شينـجياڭـعا كـومەكتـەسـۋ“ قيمىلى ورىستەتىلگەننەن بەرى حان حۇڭ قايىرىمدىلىق قورى قوعامىنىڭ 5 - رەت شينجياڭنىڭ نەگىزگى ساتىلارىنا ەمدەۋ جاعىنان كومەك كورسەتۋى. وسى رەتكى قيمىلدا قور قوعامىنىڭ قۇرۋشىسى حان حۇڭ ۇيىرمە باستاپ كەلگەن. قوعامنىڭ ٴار سالاسىنداعى مەيىر باعىشتاۋشىلاردىڭ قولداۋىندا، جىلۋعا بەرىلگەن نىساننىڭ جالپى قۇنى 40 ميلليون يۋان، قيمىل ۋاقىتى 6 - ايدىڭ 12 - كۇنىنەن 21 - كۇنىنە دەيىن بولعان، كومەك بەرۋ ۇجىمىنداعىلار 2 مىڭ 300 كيلومەترگە جۋىق جول باسىپ، ىلگەرىندى - كەيىندى كۇيتۇن، قورعاس، جىڭ، تولى، ٴدوربىلجىن، قوبىقسارى موڭعۇل اۆتونوميالى اۋدانى، جەمەنەي، قابا، بۋىرشىن سياقتى 9 اۋدان، قالاعا بارىپ تەگىن ەمدەۋ قىزمەتىن ورىستەتىپ، جەرگىلىكتى ورىنداعى قيىن، كۇردەلى اۋرۋلاردى جاپپاي تەكسەرىپ، تەگىن ٴدارى - دارمەك تاراتۋمەن بىرگە، تەگىن ەمدەۋ بارىسىندا تەكسەرىپ - انىقتالعان سالماقتى، قيىنشىلىعى بار ناۋقاستارعا ەمدەۋ - قۇتقارۋ جاعىنان كومەك كورسەتكەن.

سۋرەتتە: كۇيتۇندەگى تەگىن ەمدەۋ قىزمەت وتەۋ قيمىلى.      لي يىڭ فوتوسى