10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى شينجياڭعا كومەككە كەلگەن كادر، دارىندىلاردى ايرىقشا جەلپىندىردى

ناقتى ىستەۋ، ۇلەس قوسۋ ارقىلى شينجياڭعا باعىتتامالى كومەكتەسۋدىڭ تىڭ تاراۋىن جازامىز

انار بۇلت \ شينجياڭ گازەتىنىڭ تىلشىلەرى

10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ اشىلۋى جاڭا داۋىردەگى شينجياڭعا كومەكتەسۋ قىزمەتىنىڭ جاڭا جوباسىن كەسكىندەدى، جاڭا قوزعالىس قۋات ۇستەدى. ٴماجىلىس شينجياڭعا كومەككە كەلگەن قالىڭ كادر، دارىندىلاردىڭ كۇشتى ۇندەستىگىن قوزعاپ، كوپشىلىك جابال مىنالاردى ٴبىلدىردى: ٴماجىلىس رۋحىن جەتەكشى ەتىپ، بورىش ارقالاپ، بۇقارانى كوڭىل تورىمىزگە قويىپ، ناقتى ىستەۋ جانە ۇلەس قوسۋ ارقىلى شينجياڭعا باعىتتامالى كومەكتەسۋدىڭ تىڭ تاراۋىن ۇزدىكسىز جازىپ، ۇلتتار ىنتىماعى گۇلىنىڭ تيانشان الابىندا ماڭگى قۇلپىرۋىنا مۇمكىندىك جاسايمىز.

بورىش ارقالاپ ناقتى ىستەۋ بارىسىندا جاۋاپكەرشىلىك ارقالاۋدى تۇسىندىرەمىز

”شينجياڭعا كومەكتەسۋ جاي عانا بايلىقتى جەتكىزۋ ەمەس، قايتا جاۋاپكەرشىلىك ارقالاۋ ارقىلى ەكى جەردىڭ جۇرەكتەس كوپىرىن ورناتۋ“. لياۋنيڭ ولكەسى انشان قالاسىنىڭ شينجياڭعا كومەككە كەلگەن كادرى، ساۋان قالالىق پارتكوم ۇيىمداستىرۋ ٴبولىمىنىڭ ورىنباسار باستىعى جاۋ بياۋ ەرەكشە تەبىرەنىسپەن بىلاي دەدى: ”10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى شينجياڭعا كومەكتەسۋ قىزمەتىنە جاڭا تالاپ قويدى: نىسان قۇرىلىسىندا ساپانى جوعارىلاتىپ، ونىمدىلىكتى ارتتىرۋ كەرەك، دارىندىلار قامتاماسىزدىعى دالمە ـ ٴدال، پارمەندى بولۋ كەرەك، ۇيىمداستىرۋ قىزمەتى ’كوپىرلىك، دانەكەرلىك‘ رولىن ساۋلەلەندىرۋ كەرەك“.

”ٴبىز ’انشان - ساۋان ىستەستىگىن‘ تەرەڭدەتىپ، ٴارى انشاننىڭ نەگىزگى ساتىنى باسقارۋ، دارىندىلار تاربيەلەۋ جاعىنداعى تولىسقان تاجىريبەلەرىن ’ەنگىزۋدەمىز‘، ٴارى ساۋانداعى كادر ـ بۇقارانىڭ ٴىس جۇزىندىك سۇرانىسىمەن دالمە ـ ٴدال تۇيىلىستىرۋدەمىز“. جاۋ بياۋ بىلاي دەدى: شينجياڭعا كومەكتەسۋ قىزمەت اترەتى نەگىزگى ساتى ۇيىمدىق قۇرىلىسىنا تاعى دا كۇش قوسىپ، شينجياڭعا كومەكتەسۋ جەتىستىكتەرىنىڭ شىن مانىندە نەگىزگى ساتىعا تامىر تارتۋىنا، ٴار ۇلت بۇقاراسىنا تيىمدىلىك جەتكىزۋىنە مۇمكىندىك جاسايدى.

سونىمەن قاتار ناقتى ىستەۋ بارىسىندا بەتالىستى كوزدەگەندەردەن تاعى فۋجيان ولكەسى سانميڭ قالاسىنان 9 ـ توپتا شينجياڭعا كومەككە كەلگەن كادر، دارىندىلار بار. ماناس اۋدانىنا جەتكەننەن كەيىن، ولار جەرگىلىكتى ورىننىڭ اۋىل شارۋاشىلىعى بايلىق ارتىقشىلىعىن تياناق ەتىپ، ”ٴبىر بەلدەۋ، التى بازا“ كاسىپ سالاسى ارقىلى شينجياڭعا كومەكتەسۋ ۇلگىسىن جاسامپازدىقپەن تۇلعالاپ، ەرەكشە اۋىل شارۋاشىلىعىن بۇقارانى كىرىستەرىن ارتتىرۋعا جەتەكتەيتىن ”التىن كىلتكە“ اينالدىردى. سانميڭ قالاسىنان شينجياڭعا كومەككە كەلگەن كادر، دارىندىلار مىنالاردى ٴبىلدىردى: ٴماجىلىس رۋحىنان ٴبىز كاسىپ سالاسى ارقىلى شينجياڭعا كومەكتەسۋدىڭ جەرگىلىكتى ورىننىڭ دامۋ ىشكى قوزعاۋشى كۇشىن قاۋلاتاتىن تەتىك ەكەندىگىن اناعۇرلىم ايقىن تانىپ جەتتىك.

”ەمدەۋ، وقۋ ـ اعارتۋ، مادەنيەت، كاسىپ سالاسى، ٴاربىر سالانىڭ سەلبەستىگى تۇگەلدەي ولقىلىقتى تولىقتايتىن، ٴالسىز تۇستاردى كۇشەيتەتىن شەشۋشى تۇتقا“. فۋجياننىڭ شينجياڭعا كومەكتەسۋ پۋتيان بولىمشە قولباسشىلىق شتابى كاسىپ سالاسى نىسان گرۋپپاسىنىڭ باستىعى حۋ جيانچيڭنىڭ سوزدەرىنەن تاباندىلىعى اڭعارىلادى، ”ٴماجىلىس رۋحىنىڭ وزەگى دالمە ـ دالدىكتە جانە ناقتى ونىمدىلىكتە، پۋتيان، ماناس ەكى جەر كوپ سالاداعى اۋىس ـ كۇيىستى ونان ارى تەرەڭدەتىپ، اقىل ـ پاراسات جاعىنان شينجياڭعا كومەكتەسۋ، دارىندىلار جاعىنان شينجياڭعا كومەكتەسۋ ارقىلى ’قان جاساۋ‘ يقۋاتىن كۇشەيتىپ، باعىتتامالى كومەكتەسۋ جەتىستىگىن كورە الۋعا، سەزىنە الۋعا، ساقتاپ قالۋعا مۇمكىندىك جاسايدى“.

شەكاراعا سۇيىسپەنشىلىك ورناتىپ، ۇلەس قوسۋ بارىسىندا دامۋعا دەم بەردى

7 ـ ايدىڭ 10 ـ كۇنى تاڭەرتەڭ فۋكاڭ قالالىق ەمدەۋ بىرىككەن تۇلعاسى باس شيپاحاناسى قالالىق حالىق شيپاحاناسىنىڭ كوز، قۇلاق، مۇرىن، كەڭىردەك ٴبولىمى امبولاتورياسىندا سانشي ولكەسىنەن شينجياڭعا كومەككە كەلگەن ەمدەۋ مامانى، ٴبولىم مەڭگەرۋشىسى ياڭ شياڭرۋ ناۋقاستىڭ كوزىن تەكسەرىپ جاتىر. 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلعاننان كەيىن، ول ”بورىش“ ٴسوزىنىڭ ماعىناسىن ٴتىپتى دە تەرەڭدەي ٴتۇسىندى.

”ٴماجىلىس نازاردى جاڭا داۋىردەگى شينجياڭعا كومەكتەسۋ قىزمەتىنىڭ جاڭا مىندەتىنە شوعىرلاندىرىپ، ەمدەۋ ارقىلى شينجياڭعا كومەكتەسۋدىڭ تەك ’اۋرۋ ەمدەۋ‘ بولىپ قانا قويماي، ونان دا ماڭىزدىسى، ’نەگىزگى ساتىنى كۇشەيتۋ‘ ەكەندىگىن ايقىندادى“. ياڭ شياڭرۋ بىلاي دەدى: فۋكاڭ وڭىرىندە قۇلاق، مۇرىن، كەڭىردەك اۋرۋلارى كوپ تۋىلادى، مەن جانە ۇجىمىمداعىلاردىڭ ۇنەمى كەزدەسەتىن اۋرۋلارعا، كوپ تۋىلاتىن اۋرۋلارعا باعىتتالعان دياگنوز قويۋ ـ ەمدەۋ جوباسىن ساپالىلاندىرىپ، بۇقارانىڭ ەسىك الدىندا ـ اق ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسادىق، ”ونان دا ماڭىزدىسى، ’ۇيرەتۋ، كومەكتەسۋ، جەتەكتەۋ‘، قولما ـ قول جەتەكتەۋ، ۇيرەتۋ، تەحنولوگيالىق تاربيە ورىستەتۋ ارقىلى جەرگىلىكتى ورىنعا ’اكەتە المايتىن‘ ەمدەۋ قوسىنىن“ باۋليمىز.

وقۋ ـ اعارتۋ — كەدەيلىكتىڭ ۇرپاقتان ـ ۇرپاققا جالعاسۋىن تەجەيتىن تۇبىرىنەن وڭاۋ شاراسى. ونان دا ماڭىزدىسى، شينجياڭعا كومەككە كەلگەن كادر، دارىندىلاردىڭ قان ـ تەرى سىڭگەن ”ٴۇمىت ينجەنەرياسى“. ”بالالاردىڭ قاراپايىمدىلىعى، ۇيرەنۋگە ىنتالىلىعى، مۇعالىمداردىڭ تالپىنىسى، ٴوزىن ارناۋى ماعان جاۋاپكەرشىلىگىمنىڭ اسا اۋىر ەكەنىن تەرەڭ سەزىندىردى“. لياۋنيڭ ولكەسىنىڭ جينجوۋ قالاسىنان شينجياڭعا كومەككە كەلگەن كادر، شاعانتوعاي اۋداندىق 1 ـ ورتا مەكتەپتىڭ باستىعى ما جيشيڭ بىلاي دەدى: 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى وقۋ ـ اعارتۋ جاعىنان شينجياڭعا كومەكتەسۋ ماقساتىن اناعۇرلىم ايقىندادى، ياعني ”بالىقتى دا بەرۋىمىز“، ونان دا ماڭىزدىسى، ”بالىق اۋلاۋدى دا ۇيرەتۋىمىز“ كەرەك.

”كەلەسى قادامدا جينجوۋ قالاسىنىڭ شينجياڭعا كومەككە كەلگەن وقىتۋشىلار قوسىنى ’چيڭلان ينجەنەرياسىن‘ ىشكەرىلەي اتقارىپ، جاس وقىتۋشىلاردى باۋلۋدى ماڭىزدى ٴتۇيىن ەتىپ، كوللەكتيۆ ساباق دايىنداۋ، ايگىلى وقىتۋشىلار ۇلگى كورسەتۋ ساباعى سىندى تاسىلدەر ارقىلى وزىق وقىتۋ ۇستانىمى مەن ٴادىسىن شاعانتوعايعا قالدىرادى. ٴار رەتكى ساباقتىڭ بارلىعى ٴۇمىت تۇقىمىن سەبۋ بارىسى، ٴبىز ٴبىلىمنىڭ شۇلەن شۇعىلاسىمەن بالالاردىڭ بولاشاعىن نۇرلاندىرۋىمىز كەرەك“، ـ دەگەن ما جيشيڭنىڭ سوزىنەن ونىڭ شەكارا ٴوڭىر وقۋ ـ اعارتۋىنا بولعان ىقىلاسى مەن مۇندالاپ تۇر.

نيەتتەس، ساپارلاس بولىپ، توعىسۋ بارىسىندا كۇش ـ قۋات توپتادى

”ماجىلىستە بىلاي دەپ اتاپ كورسەتىلدى: ٴار ۇلتتىڭ ارالاسۋىن، ىشتەسۋىن، توعىسۋىن جەبەۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرۋ كەرەك، مىنە بۇل ٴدال قىزمەتىمىزدىڭ شىعار ٴتۇيىنى مەن تابان تىرەر تياناعى“. جىجياڭ ولكەسىنىڭ حۋجوۋ قالاسىنان شينجياڭعا كومەككە كەلگەن كادر ۋاڭ شيڭيۇي كەلپىن اۋدانىندا تالاي جىل قىزمەت ىستەگەن، ”ۇلتتار ىنتىماعى — ٴار ۇلت حالقىنىڭ جان تامىرى“ جونىندە تەرەڭ سەزىنۋى بار. ول: ۇلتتار ىنتىماعى ابستراكت ۇعىم ەمەس، قايتا بىرگە تۇرۋ، بىرگە ۇيرەنۋ، بىرگە جۇمىس ىستەۋ، بىرگە شاتتانۋ سىندى كۇندەلىكتى تۇرمىستا بەينەلەنەدى، ەكى جەردەگى بۇقارانىڭ كوڭىلدەرىنىڭ جاقىنداسۋىنان بەينەلەنەدى، ـ دەدى.

بيىل جىل باسىنان بەرى، جىجياڭ ولكەسى حۋجوۋ قالاسىنىڭ شينجياڭعا كومەكتەسۋ قولباسشىلىق شتابى ”تۋىستاردى ارالاپ كوڭىل توعىستىرۋ“ ينجەنەرياسىن اتقارىپ، ەكى جەردىڭ ۇيىم، بىرلىكساپ سياقتى تاراۋلارىن اڭگىمەلەسىپ پىكىر اۋىستىرۋعا، مادەنيەت جاعىندا ٴوزارا ساپاردا بولۋعا ۇيىمداستىرىپ، جىجياڭنىڭ يۋەجۇي تەاترى مەن كەلپىن ٴماشىرابىن ٴبىر ساحنادا ورىنداپ، جياڭنان شايىنىڭ حوش ٴيىسى مەن شەكارا وڭىردەگى جەمىستىڭ جۇپار ٴيىسىن توعىستىردى، ۇندەستىردى. ”كەلەسى قادامدا ٴبىز حۋجوۋدىڭ شينجياڭعا كومەكتەسۋ بويىنشا ارالاسۋ، ىشتەسۋ، توعىسۋ قىزمەتىندە ’ون، ٴجۇز، مىڭ‘ ينجەنەريانى اتقارىپ، حۋجوۋ - كەلپىن ەكى جەردەگى كادر، بۇقارانىڭ تۋىستارىن ارالاپ اۋىس ـ كۇيىس جاساۋىن جيىلەتىپ، حۋجوۋ - كەلپىن ەكى جەردىڭ دوستىق سۇيىسپەنشىلىگىن ۇزىننان ـ ۇزاققا اققان تارىم وزەنىندەي جالعاستىرامىز“. ۋاڭ شيڭيۇي بىلاي دەدى: شىنايى سۇيىسپەنشىلىك، ادال نيەتپەن ۇلتتار ىنتىماعى گۇلىن سۋارامىز.

حوتان ايماعىندا ”بەيجيڭ - حوتان بەرەكەلى شاڭىراق“ ماركاسى الدەقاشان جۇرت جۇرەگىنە تەرەڭ ۇيالادى. بەيجيڭنىڭ شينجياڭعا كومەكتەسۋ قولباسشىلىق شتابى ۇلكەن زالدى ۇلتتار ىنتىماعى، العاباسارلىعى امالياتتىق بازاسى ەتىپ تۇلعالاۋمەن قاتار، ”نارلەندىرۋ ينجەنەرياسىن“ جاڭالىق اشا اتقارىپ، حوتانداعى جاستار مەن ورەندەردى بەيجيڭدەگى مۇراجايعا، مادەنيەت سارايىنا بارۋعا ۇيىمداستىرىپ، زەرتتەۋ ـ ۇيرەنۋ بارىسىندا جۇڭحۋانىڭ تاڭداۋلى ٴداستۇرلى مادەنيەتىنىڭ باۋرامدىلىعىن سەزىندىردى.

”ٴماجىلىس ٴبىزدى بارىنشا ىنتالاندىردى، سونداي ـ اق بەتالىسىمىزدى اناعۇرلىم ايقىندادى“. بەيجيڭ قالاسىنان شينجياڭعا كومەككە كەلگەن كادر ما جۋان بىلاي دەدى: ۇلتتاردىڭ ارالاسۋىن، ىشتەسۋىن، توعىسۋىن جەبەۋ ”كوڭىلدەن“ باستاۋ الۋى كەرەك. الدا ”بەيجيڭ - حوتان بەرەكەلى شاڭىراق“ جەلىلەس قيمىلىن ۇزدىكسىز تەرەڭدەتىپ، ەكى جەردەگى بۇقارانى وقۋ ـ اعارتۋدا بىرگە قۇرۋ، مادەنيەتكە قاتىستى ويىنداردى بىرگە قويۋ، كاسىپ سالاسىندا بىرگە گۇلدەنۋ بارىسىندا بىرتە ـ بىرتە جاقىنداستىرامىز، بىرتە ـ بىرتە ەتەنە ەتەمىز. ”شينجياڭعا كومەككە كەلگەن توپ ـ توپ كادر، دارىندىلاردىڭ تىنباي قۇلشىنۋى ارقىلى ەتەنە، ٴبىر ـ بىرىنە قارايلاساتىن تەرەڭ سۇيىسپەنشىلىك، بەرىك دوستىقتىڭ شينجياڭنىڭ دامۋىن، العا باسۋىن ىلگەرىلەتەتىن پارمەندى كۇشكە اينالاتىندىعىنا سەنەمىز“.

(ٴتىلشى ٴرايدا، ەرىكتى تىلشىلەر ليۋ يۋان، شيڭ جىنجياڭ، گۇلزىبا احمەت، لي جياڭجياڭ)