شينجياڭدى مادەنيەتپەن نارلەندىرۋگە ياڭجوۋ تاعى دا تىڭ جەر بەلگىسىن ۇستەدى

شيجۇن حانشا الاڭى سالىنىپ بولىپ، اشىق ۇستالدى

 ەرىكتى ٴتىلشى جاڭ ۋىنتيڭ، حۋاي جيچاۋ، لو حانجۇن حابارلايدى. 7 - ايدىڭ 5 - كۇنى جياڭسۋدىڭ ىلەگە كومەك بەرۋ . ياڭجوۋ قىزمەت گرۋپپاسى سالعان شيجۇن حانشا الاڭى سالىنىپ ٴبىتىپ، اشىلۋ سالتى كۇنەس اۋدانىنىڭ نارات وزەنى اڭعارىنداعى ساحارادا وتكىزىلدى.

 ۇعىسۋعا قاراعاندا، شيجۇن حانشا الاڭى نارات ساحاراسى كورىنىس رايونىنىڭ  وزەكتى وڭىرىنە ورنالاسقان، يەلەگەن جەر اۋماعى 1300 شارشى مەتر كەلەدى، بۇل ”كيىز ٴۇي + پيپا“ نەگىزىندە جوبالانعان، ديامەترى 34 مەتر كەلەتىن وسى قۇرىلىستا ياڭجوۋدىڭ جىبەك مادەنيەتى مەن ساحارانىڭ كيىز ٴۇيى ەلەمەنتى شەبەرلىكپەن توعىستىرىلعان. الاڭنىڭ ٴدال ورتاسىنداعى نەگىزگى ٴمۇسىن «شيجۇن حانشا مەن ٴۇيسۇن كۇنبيى» جانە «ادەپ - يبا»، «جەر جىرتۋ»، «فارفور جاساۋ»، «كىتاپ وقۋ» سياقتى ٴتورت مۇسىننەن قۇرام تاپقان. شيجۇن حانشانىڭ پيپاسىن قۇشاقتاپ شىعىسقا قاراپ تۇرعان بەينەسى ٴدال وزىندەي مۇسىندەلۋمەن بىرگە،  حان پاتشالىعىمەن قۇداندالىقتىڭ ۇلتتاردىڭ بارىس - كەلىسىن ىلگەرىلەتكەن تاريحي كورىنىسىن قايتالاي ەلەستەتىپ تۇرعانداي. ساياحاتشىلار ارت - ارتىنان نەگىزگى ٴمۇسىندى كورىنىس ەتىپ سۋرەتكە ٴتۇسىپ ەستەلىك قالتىردى.

جياڭسۋدىڭ ىلەگە كومەك بەرۋ . ياڭجوۋ قىزمەت گرۋپپاسىنىڭ اۋىس - كۇيىس، سەلبەستىك ورنىنىڭ باستىعى ساۋ حاۋ بىلاي دەدى: شيجۇن حانشا الاڭىنىڭ سالىنۋى ياڭجوۋ مەن كۇنەستىڭ شينجياڭعا باعىتتامالى كومەك بەرۋ قىزمەتىنىڭ ماڭىزدى جەتىستىگى. ەكى جەر سەلبەستىكتى ۇزدىكسىز تەرەڭدەتىپ، الاڭنىڭ مادەنيەت تاراتۋ رولىن تولىق ساۋلەلەندىرىپ، اناعۇرلىم باي مازمۇندى قيمىل وتكىزىپ، مادەنيەت بايلىعىن ىشكەرىلەي اشىپ، ەكى ورىننىڭ ەكونوميكاسىنىڭ دامۋى مەن مادەنيەتىنىڭ گۇلدەنۋىن ىلگەرىلەتىپ، ياڭجوۋ - كۇنەس دوستىعىنىڭ كۇنەس وزەنىندەي توقتاۋسىز جوڭكىلە بەرۋىنە مۇمكىندىك جاراتامىز. 

 7 - ايدىڭ 5 - كۇنى جياڭسۋدىڭ ىلەگە كومەك بەرۋ . ياڭجوۋ قىزمەت گرۋپپاسى سالعان شيجۇن حانشا الاڭى جاسالىپ ٴبىتىپ، شىمىلدىعىن اشتى.

 ساياحاتشىلار شيجۇن حانشا الاڭىنداعى «فارفور جاساۋ» ٴمۇسىنىنىڭ الدىندا ەستەلىك سۋرەتكە تۇسۋدە.  

سۋرەتتەردى جاڭ ۋىنتيڭ تارتقان