شينجياڭدى مادەنيەتپەن نارلەندىرۋ، جياڭسۋ - ىلە سۇيىسپەنشىلىگى

شالعايدان بەرەكە - بىرلىكتى تاماشا بەينەلەدى

ۋاڭ جىحۋا، چىن تيانجين (ٴوز تىلشىلەرىمىز) كلارا، ٴماۋجيدان (ەرىكتى تىلشىلەر)

قۇنارلى توپىراققا تامىر تارتىپ، رۋحاني مادەنيەت باقشاسىن قۇلپىرتتى

مادەنيەتتى شىنايى مويىنداۋ ورتاق تاريحي ەستەمەلەر مەن جاندى تۇرمىس كورىنىستەرىنە تەرەڭ تامىر تارتقان. جياڭسۋدىڭ شينجياڭعا باعىتتامالى كومەكتەسۋى وسى جولدى بەرىك ۇستانىپ، مادەنيەت شەبى نەگىزىن كۇش سالا بەكەمدەدى.

7 ـ ايدىڭ 7 ـ كۇنى قورعاس اۋداندىق مۇراجايدا كورمە ورنالاستىرۋ قىزمەتى قاربالاس جۇرىلۋدە. مىڭ جىلدىق جىبەك جولى وركەنيەتى توپتالعان جانە ۇلتتار توعىسۋ بوگەنايى كورنەكتىلەنگەن وسى وسىزاماندانعان امبەباپ مۇراجاي ەسىگىن ايقارا اشۋ ساتىندە ەدى، ول سولتۇستىك شينجياڭداعى ماڭىزدى مادەنيەت كورمە تەرەزەسى جانە وتانشىلدىق تاربيە بازاسى سانالۋدا.

بۇل مۇراجايدىڭ جالپى قۇرىلىس كولەمى 5000 شارشى مەترگە تاياپ، ”تاريحتىڭ بويلىق ٴوسى + ارناۋلى تاقىرىپ مودۋلى“ سىندى جوبالاۋ، كورمەگە قويۋ ۇستانىمى قولدانىلىپ، 5 ۇلكەن نەگىزگى تاقىرىپتىق كورمە زالى تارتىمدىلىعىمەن باۋراۋدا. وزەكتى تاريحي كورمە زالىندا ”مىڭ جىلدىق بايىرعى جول، وركەنيەتتىڭ توعىسۋى“ ارقاۋ ەتىلىپ، جۇڭحۋا حالىق رەسپۋبليكاسى قۇرىلعاننان بەرگى قورعاس اۋدانى دامۋىنداعى زور وزگەرىس، شينجياڭعا باعىتتامالى كومەكتەسۋ تەرەڭ سۇيىسپەنشىلىگى ٴتۇيىندى تۇردە ايگىلەندى. بۇل نىسانعا جالپى 28 ميلليون يۋان قارجى قوسىلىپ، مۇنىڭ 25 ميلليون يۋانى شينجياڭعا باعىتتامالى كومەكتەسۋ قارجىسىنان كەلگەن ەدى.

توعىزتاراۋ  اۋدانى جيياڭ ورتا مەكتەبىندە ”انار ٴدانى كىتاپ ٴۇيىنىڭ“ ىرگە تاسى قالانىپ، جۇمىسشىلار قۇرىلىس جۇمىسىن جۇرگىزۋمەن قاربالاس ەدى. بۇل جياڭسۋدىڭ ىلەگە كومەكتەسۋ . سۋجوۋ (جاڭجياگاڭ) قىزمەت گرۋپپاسىنىڭ توعىزتاراۋ اۋدانىندا سالعان 103 رەتكى ”انار ٴدانى كىتاپ ٴۇيى“ بولاتىن. جاڭجياگاڭ قالاسىنان شينجياڭعا كومەككە كەلگەن كادر يۇي جيفىڭ بىلاي دەدى: ”توعىزتاراۋ اۋدانى جيياڭ ورتا مەكتەبىنىڭ ’انار ٴدانى كىتاپ ٴۇيى‘ كىتاپحاناسىنا 3 ميلليون يۋانعا جۋىق قارجى قوسىلدى، كولەمى 600 شارشى مەتر بولىپ، 8 ـ ايدا اشىلادى. سوڭعى جىلدارى جياڭسۋدىڭ ىلەگە كومەكتەسۋ . سۋجوۋ(جاڭجياگاڭ)قىزمەت گرۋپپاسى توعىزتاراۋ اۋدانىنا 56 مىڭ دانادان استام ادەبيەت، عىلىم جالپىلاستىرۋ، تاريح سىندى الۋان مازمۇنداعى كىتاپتى جىلۋعا اتاپ، بۇقارانىڭ ’رۋحاني ازىق قامباسىن‘ بارىنشا بايىتتى“. توعىزتاراۋ اۋداندىق كىتاپحانانىڭ باستىعى ۋاڭ داندان تەبىرەنە بىلاي دەدى: ”مەرزىم سايىن جىلۋعا اتاعان كىتاپتار ٴار ۇلت بۇقاراسىنىڭ رۋحاني تۇرمىسىن كۇن سايىن مولىقتىردى“.

2023 - جىلدان بەرى جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى شەبەرلىكپەن التىشۋار كوشەسى، قازانشى سياقتى ەرەكشە مادەنيەت كوشە رايوندارىن قۇرىپ، انار گۇلى كورمە سارايىنىڭ، قورعاس اۋداندىق مۇراجايدىڭ جانە تەكەس اۋداندىق مۇراجايدىڭ دارەجەسىن جوعارىلاتۋدى بار كۇشپەن قولدادى ٴارى تەكەس اۋداندىق مۇراجاي كورمەسى، ويىن ـ ساۋىق ورتالىعىن قۇرۋدى ىلگەرىلەتتى. توعىزتاراۋ اۋدانىنىڭ قالاشىق، اۋىلدارىندا اشىلعان ”انار ٴدانى كىتاپ ٴۇيى“، نىلقى اۋدانىنىڭ ”چيۋباي كىتاپ ٴۇيى“ سياقتىلارى ٴار ۇلت بۇقاراسىنىڭ كۇندەلىكتى تۇرمىستا جۇڭحۋا مادەنيەتىنىڭ ٴنارىن قابىلدايتىن شۋاقتى ورتاسىنا اينالدى.

جياڭسۋ - ىلە سيمفونياسى كوركەم  ٴداۋىر تاراۋىن ورتاق جازدى

مادەنيەتتىڭ ومىرشەڭدىك كۇشى ٴوزارا ىقپالداستىعى مەن ۇندەستىك تابۋىندا. بيىل ”جياڭسۋ  - ىلە سۇيىسپەنشىلىگى، مادەنيەتتى گۇلدەندىرۋ“ جەلىلەس قيمىلدارى توعىزتاراۋ اۋدانىندا دابىرالى وتكىزىلدى. اۋىل ـ قىستاق ادەبيەت ـ كوركەمونەر تىرەكتىلەرىن جەتىلدىرۋدەن اۋىل ـ قالاشىق ۇلكەن بازارىن ارالاپ ويىن قويۋعا ۇيىمداستىرۋعا دەيىن؛ ”جياڭسۋ - ىلە سۇيسپەنشىلىگى. جاڭجياگاڭ - توعىزتاراۋ اۋەنى“ اتىنداعى انشىلەر جارىسىنان، ”قىستاعىمىزدىڭ  ٴبيى“ سياقتى 20 نەشە رەتكى قيمىلعا دەيىن 500 نەشە ادامدى جارىسقا قاتىناسۋعا باۋراپ، ينتەرنەت جەلىسىندە، ينتەرنەت جەلىسىنەن تىس 100 مىڭ ادام ـ رەتتەن استام بۇقاراعا تيىمدىلىك باعىشتادى. بۇقارانىڭ مادەنيەت ساحناسى جاندى دا جالىندى بولىپ، قاتىناسۋ سەزىمى مەن تابىس سەزىمى كورنەكتى جوعارىلادى.

”جياڭسۋ - ىلە سۇيىسپەنشىلىگى. ارمانعا قۇلاش سەرمەۋ“ اتىنداعى توعىزتاراۋ اۋدانىنىڭ تۇڭعىش كەزەكتى مىڭ ادامدىق باتپىراۋىق ۇشىرۋ مەرەكەسىندە جاڭجياگاڭنىڭ بەيزاتتىق مادەني مۇراعاتتار گاۋھارى سانالعان شاجوۋ قاراۋىل تاقتالى باتپىراۋىعى توعىزتاراۋ اسپانىندا قالىقتادى، بۇل كورۋ تۇيسىگىنىڭ سالتاناتتى قوناعاسى عانا ەمەس، ەكى جەر مادەنيەتىنىڭ ىشكەرىلەي توعىسۋىنىڭ، مۇراتتاستىقتى كۇشەيتۋىنىڭ جاندى سيمۆولى ەدى. 2 جىلدان استام ۋاقىتتان بەرى، سۋجوۋ (جاڭجياگاڭ) قىزمەت گرۋپپاسى مادەنيەت ارقىلى شينجياڭدى نارلەندىرەتىن ”انار ٴدانى“ ماركاسىن قالىپتاستىرۋعا كۇش سالىپ، شينجياڭعا كومەكتەسۋ قارجىسىنان 130 ميلليون يۋان جۇمساپ، ”مادەنيەتپەن نارلەندىرۋ“، ”بازا فونتاميتى“ سياقتى ينجەنەريالاردى اتقارىپ، توعىزتاراۋ اۋدانىندا زاتتىق وركەنيەت پەن رۋحاني وركەنيەتتىڭ سايكەستى دامۋىنىڭ وسىزامانداندىرۋ جولىن سالدى.

بيىل 6 ـ ايدا نانجيڭدەگى فۋزى بۇتحاناسىنداعى ساياحاتشىلار قايشالىسىپ، ”جياڭسۋ - ىلە سۇيىسپەنشىلىگى. نانجيڭ مەن قۇلجا ساپارلاس“ ٴان ـ ٴبي كونسەرتى جۇرتتى تامسانتتى. قۇلجا قالاسىنان كەلگەن كوركەمونەرشىلەر جياڭسۋدىڭ ىلەگە كومەكتەسۋ. نانجيڭ قىزمەت گرۋپپاسىنىڭ دەن قويا ۇيىمداستىرۋىندا، ”قارا جورعا“، ”مۇقامنان ٴۇزىندى“ سياقتى ۇلتتىق كوركەمونەر جاۋھارلارىن جياڭنان سۋ مەكەنىنىڭ مىڭ جىلدىق مادەنيەت جۇلگەسىنە ەنگىزدى.

وسى رەتكى تارتىمدى بەيزاتتىق مادەنيەت مۇرالارى كورمەسى سانالعان ”جياڭسۋ - ىلە سۇيىسپەنشىلىگى . نانجيڭ - قۇلجا ساپارلاس − نانجيڭ - قۇلجا مادەنيەت اۋىس - كۇيىس ماۋسىمىنىڭ“ كوركەم بەتاشارى قۇلجا قالالىق مادەنيەت سارايىندا سالتاناتپەن باستالدى. جياڭسۋدىڭ ىلەگە كومەكتەسۋ . نانجيڭ قىزمەت گرۋپپاسىنىڭ ۇزدىكسىز جەبەۋىندە، ەكى جەر مادەنيەتتى بەرىك دانەكەر ەتىپ، ”نانجيڭ - قۇلجا بەرەكەلى شاڭىراعىنىڭ“ داۋىرلىك ٴمانىن ۇزدىكسىز بايىتتى. اۋىس - كۇيىس ماۋسىمى ساحنا كوركەمونەرىنەن  ٴوزارا ۇلگى الۋمەن عانا شەكتەلمەي، ونان دا ماڭىزدىسى، تەرەڭ قاتپارلى مادەنيەتتى بىرگە قۇرۋعا دەيىن كەڭەيدى، ەكى جەردەگى بۇقارانىڭ بىرگە يگىلىكتەنەتىن مادەنيەت مەكەنىنە اينالدى.

بەيزاتتىق مادەنيەت مۇرالارىنىڭ شۇعىلا شاشۋىنان كىتاپ بايلىعىنان ورتاق يگىلىكتەنۋگە دەيىن؛ كوركەمونەرشىلەردىڭ ٴوزارا ساپاردا بولۋ، تۇرمىس ۇيرەنۋىنەن كورمە تەكشەسىن بىرگە قۇرىپ، ورتاق پايدالانۋىنا دەيىن؛ نانجيڭ مەن قۇلجا اراسىنداعى مادەنيەت ارقىلى شينجياڭعا كومەكتەسۋ قىزمەتى ەڭ العاشقى ”مادەنيەت جەتكىزۋدەن“ تەرەڭ قاتپارلى ”مادەنيەتتى جەتىلدىرۋگە“ جانە ”مادەنيەتتى جاراتۋ“ دەڭگەيىنە كوتەرىلدى.

”مادەنيەت ارقىلى رۋحتى سومداپ، جۇرەك قىلىن تەربەدى“. جياڭسۋ ولكەسىنىڭ قۇلجاعا كومەك بەرۋ الدىڭعى شەپ قولباسشىلىق شتابى ۇلتتار ىنتىماعى گرۋپپاسىنىڭ باستىعى، ىلە وبلىستىق ۇكىمەت كەڭسەسىنىڭ ورىنباسار مەڭگەرۋشىسى چىن فىڭحۋا بىلاي دەپ تانىستىردى: جياڭسۋدىڭ ىلەگە كومەكتەسۋىندە جياڭسۋ - ىلە سۇيىسپەنشىلىگى.  شينجياڭدى مادەنيەتپەن نارلەندىرۋ نىسانىنان 88 ىن اتقارىپ، 308 ميلليون يۋان قارجى قوسىپ، ٴان ـ ٴبي تەاترى ”تيانشان  توعانى“ ، ”ٴبارى جياڭنان“ ، ”ىلە جىرلارى“ ، ”توعىزتاراۋ قىسى“ سياقتى ادەبيەت ـ كوركەمونەر تۋىندىلارىن جاراتىپ، ٴار ۇلت بۇقاراسىنىڭ كۇشتى سەزىمدىك اڭىسىن قوزعادى؛ ىلە وبلىستىق مۇراجايدىڭ جاڭا سارايى، ”چيۋباي كىتاپ ٴۇيى“ سياقتى 34 الەۋمەتتىك مادەنيەت بازاسى قۇرىلدى جانە دارەجەسى جوعارىلاتىلدى؛ ”ادەبيەت - كوركەمونەردى الەۋمەتتىك اۋماققا، مەكتەپكە، كاسپورىنعا، اۋىل - قىستاققا، اسكەري كازارماعا جەتكىزۋدى“ جۇزەگە اسىرىپ، ىلگەرىندى - كەيىندى 600 مايدان ويىن قويۋعا ۇيىمداستىرىلىپ، حىحۋا سيلىعىن العان ٴبي تەاترى ”جۋ زىچيڭ“، ۋىنحۋا سيلىعىن العان حۋايحۋا تەاترى ”شاعىن قالاشىق“ سياقتى كوپتەگەن سارا تۋىندى كەڭىنەن قارسى الىندى؛  قياق كۇرىش مەرەكەسى ايداعار قايىق جارىسى، ۇلتتىق تۇتىكتى - ىشەكتى اسپاپتار مۋزيكا كەشى، ەرەكشە مەرەكەلىك بۇيىمدار مەرەكەسى سياقتى چاڭجياڭنىڭ وڭتۇستىگىندەگى مادەنيەت سالتاناتىن ٴساتتى ەنگىزىپ، 300 مىڭنان استام ٴار ۇلت بۇقاراسىن يگىلىككە كەنەلتىپ، جۇڭحۋا مادەنيەتىن جۇرت جۇرەگىنە ۇيالاتتى.

شۇعىلالى جۇڭحۋا وركەنيەتى ٴار ۇلتتىڭ ورتاق رۋحاني تامىرى. ”جياڭسۋ - ىلە سۇيىسپەنشىلىگى. بەيزاتتىق مادەنيەت مۇرا باۋراعىشتىعى“ اۋىس ـ كۇيىس كورمەسى سياقتى جەلىلەس قيمىلداردا ەكى جەردەگى 100 گە جۋىق بەيزاتتىق مادەنيەت مۇرالارى، 3000 نان استام سارا تۋىندىلار، تەرەڭ تامىر تارتقان مادەنيەت ۇندەستىگىن وياتتى.

مادەنيەت، ساياحات ىستەرىن بىرگە جەبەپ، حالىق تۇرمىسىنا تيىمدىلىك جاساۋدىڭ جاڭا جوباسىن جاسادى

مادەنيەتتىڭ گۇلدەنۋىنىڭ ەڭ سوڭعى تابان تىرەر تياناعى − حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋ.

ىلەنىڭ دۇنيە جۇزىلىك دەڭگەيدەگى ساياحات نىسانالى جەرىن قۇرۋىن ارقاۋ ەتىپ، جياڭسۋدىڭ ىلەگە كومەكتەسۋ الدىڭعى شەپ قولباسشىلىق شتابى ”ىلە وبلىسىنىڭ دۇنيە جۇزىلىك دەڭگەيدەگى ساياحات نىسانالى جەرىنىڭ جالپى تۇلعالىق جوباسى“ سياقتى ساياحات جوباسىن جاساۋعا قولداۋ كورسەتتى. نازاردى 100 ميلليارد يۋاندىق ساياحات كاسىبى نىساناسىنا شوعىرلاندىرىپ، نارات كورىنىس رايونىنىڭ سيىمدىلىعىن ارتتىرۋ، قاراجوندا ٴوز كولىگىمەن ساياحاتتاۋ جەلىسى دەڭگەيىن جوعارىلاتۋ، ىلە بايىرعى قالاشىعى 5A كورىنىس رايونىن قۇرۋ سياقتى نىساندارعا ٴتۇيىندى تۇردە قولداۋ كورسەتىپ،ٴتورت ماۋسىم ساياحاتىن، كەشكى بازار ەكونوميكاسىن ساپالىلاندىردى.

وسى جازدا ”سۋچاۋدىڭ“ قىزۋ ورلەۋىنە ىلەسە، قۇلجا اۋدانىندا وتكىزىلگەن ”قىستاق ەرەن بىرلەسكەن فۋتبول جارىسى“ ىلە وزەنى اڭعارىندا فۋتبولدىڭ قىزۋ ورلەۋىن كوتەردى. جياڭسۋدىڭ ىلەگە كومەكتەسۋ. نانتۇڭ قىزمەت گرۋپپاسى فۋتبولدى قۇلجا اۋدانىنىڭ ەرەكشە دەنە تاربيە نىسانى مەن مادەنيەت ارقىلى شينجياڭدى نارلەندىرۋدىڭ ماڭىزدى دانەكەرى ەتىپ، جەرگىلىكتى بۇقارانىڭ كوك جاساڭدا دوپ تەبۋ ارمانىن بار كۇشپەن ورىندادى.

2023 ـ جىلى جياڭسۋدىڭ ىلەگە كومەك بەرۋ. نانتۇڭ قىزمەت گرۋپپاسى شينجياڭعا باعىتتامالى كومەكتەسۋ قارجىسىنان 6 ميلليون 250 مىڭ يۋان قارجى قوسىپ، قۇلجا اۋداندىق دەنە تاربيە ورتالىعىنىڭ فۋنكتسياسىن ساپالىلاندىرۋ، جوعارىلاتۋ نىسانىن اتقارىپ، وسى ورتالىقتىڭ توڭىرەگىندەگى مىنبە مەن الاڭداعى بارلىق قوسىمشا قۇرىلعىلاردى وزگەرتىپ، دارەجەسىن جوعارىلاتتى.

”ٴار جىلى نانتۇڭ قىزمەت گرۋپپاسى قارجى بوساتىپ، قۇلجا اۋدانىنىڭ ’قىستاق ەرەن بىرلەسكەن فۋتبول جارىسىن‘ قولدايدى. بيىل قىزمەت گرۋپپاسى تاعى 500 مىڭ يۋان قارجى قوسىپ، قۇلجا اۋدانىنىڭ ’قىستاق ەرەن بىرلەسكەن فوتبول جارىسىنا‘ اناعۇرلىم پارمەندى ومىرشەڭدىك كۇش ۇستەدى“، - دەدى جياڭسۋدىڭ ىلەگە كومەكتەسۋ . نانتۇڭ قىزمەت گرۋپپاسى ۇگىت ـ بايلانىس ٴبولىمىنىڭ باستىعى، قۇلجا اۋداندىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسىنىڭ ورىنباسار باستىعى ليۋ فيفىڭ.

شينجياڭعا باعىتتامالى كومەكتەسۋ قارجىسىنا سۇيەنىپ، ىلە وبلىسى باسقا دا كوپ ٴتۇرلى دەنە تاربيە جارىس قيمىلدارىن وتكىزىپ، مادەنيەت، ساياحات كاسىبىنىڭ دامۋىنا ومىرشەڭدىك كۇش ۇستەدى. 2 ميلليون 40 مىڭ يۋان قارجى قوسىپ وتكىزگەن ”ىلە وزەنى“ مارافون جارىسى قاتارلى ٴتۇرلى جارىستارمەن ٴار ۇلت بۇقاراسىنىڭ دەنە تاربيە ىنتاسىن قوزعادى ٴارى جەرگىلىكتى ورىننىڭ ساياحاتى مەن ەكونوميكاسىنىڭ دامۋىن بارىنشا جەبەدى. 2024 ـ جىلى ىلە وبلىسىنا توتە قاراستى ورىندار قابىلداعان ساياحاتشى 84 ميلليون ادام ـ رەتتەن اسىپ، ساياحات كىرىسى 70 ميلليارد يۋاننان اسىپ، كورنەكتى ارتتى.

تەاترحانالاردان كوتەرىلگەن شاتىرلاعان شاپالاق ۇنىنەن مۇراجايلاردىڭ ٴۇنسىز سىر اعىتۋىنا دەيىن؛ بەيزاتتىق مۇرا شەبەرلەرىنىڭ شەبەر ساۋساعىنان  فۋتبولشى ورەندەرىنىڭ الا دوپ الاڭىنداعى ارىندى باسەكەسىنە دەيىن؛ چينحۋايحى وزەنىنىڭ جاعاسىنان ىلە اڭعارىنا دەيىن، مادەنيەتتىڭ كۇش - قۋاتى كوكتەمگى سەبەزگى جاڭبىرداي جايما - شۋاق ٴنارىن سيلادى. جياڭسۋ ولكەسىنىڭ شينجياڭعا كومەكتەسۋى مادەنيەتتى ارقاۋ ەتىپ، شينجياڭنىڭ بايتاق دالاسىنا تەرەڭ تامىر تارتىپ، شىنايى مويىنداۋدىڭ تۇقىمىن سەۋىپ، ىنتىماقتىڭ گۇلىن سۋارىپ، جۇڭحۋا ۇلتى ورتاق تۇلعا تانىمىنىڭ تيانشاننىڭ تۇستىگى مەن تەرىستىگىندە تامىر تارتىپ، وركەن جايۋىنا مۇمكىندىك جاساپ، ”اركىم ٴوزىنىڭ كوركەمدىگىن، كوركەمدىگى مەن ورتاقتىعىن“ نۇرلاندىردى. وسى شينجياڭدى مادەنيەتپەن نارلەندىرۋ جولى − جۇرەك تۇكپىرىنەن تەرەڭ ورىن الاتىن، ۇلتتىق رۋحتى سومدايتىن جۇرەكتەس جولى، ٴۇمىت جولى. 

سۋرەتتە: ”چاڭجياڭنىڭ وڭتۇستىگى“ ىلە تەاترحاناسىندا قويىلۋدا.

سۋرەتتە: ”جۋ زىچيڭ“ درامماسى ىلە تەاترحاناسىندا قويىلۋدا.

سۋرەتتە: جاڭا جىل مۋزيكا كەشىنىڭ ويىن قويۋ الاڭى.

سۋرەتتە: ىلە وزەنىندە وتكىزىلگەن قياق كۇرىش مەرەكەسى ايداعار قايىق جارىسىنىڭ ناق مايدانى.  سۋرەتتەر ماتەريالدان الىندى