ٴتىلشىمىز ياڭ جيڭ ـ ي، پراكتيكانت ٴتىلشى مارحابا حابارلايدى. 8 - ايدىڭ 11 - كۇنى جياڭسۋ ولكەلىك جۇڭي شيپاحاناسى مەملەكەتتىك جۇڭي شيپاگەرلىگى ەمدەۋ اترەتىنىڭ 2025 ـ جىلعى ارالاپ ەمدەۋ قيمىلىنىڭ باستالۋ سالتى ىلە وبلىستىق جۇڭي شيپاحاناسىندا وتكىزىلدى. جياڭسۋ ولكەلىك جۇڭي شيپاحاناسى پارتكومىنىڭ مۇشەسى، ورىنباسار شيپاحانا باستىعى لۇي دۇڭليڭ باستاعان ماماندار قوسىنى ىلە وبلىستىق دەنساۋلىق ساقتاۋ، سالاماتتىق كوميتەتىنىڭ، وبلىستىق جۇڭي شيپاحاناسىنىڭ قاتىستى جاۋاپتىلارىمەن، سونداي - اق ەمدەۋ، كۇتىمدەۋ ۋاكىلدەرىمەن بىرگە ارالاپ ەمدەۋ قىزمەتىن باستادى.

1997 - جىلى باعىتتامالى كومەكتەسۋ قاتىناسىن ورناتقاننان بەرى، جياڭسۋ ولكەلىك جۇڭي شيپاحاناسى 11 توپتا 33 ماماندى ىلەگە جىبەرىپ، ەمدەۋ جاعىنان كومەكتەستى. ىلە وبلىستىق جۇڭي شيپاحاناسى پارتكومىنىڭ ورىنباسار شۋجيى، شيپاحانا باستىعى مي يۇڭ بىلاي دەپ تانىستىردى: وسى رەتكى ەمدەۋ اترەتى كوكباۋىر ـ اسقازان اۋرۋلارى ٴبولىمى، نەسەپ جولى سىرتقى اۋرۋلار ٴبولىمى، كۇتىمدەۋ سياقتى سالالارداعى مامانداردى قامتىپ، امبۋلاتوريادا وتىرىپ دياگنوز قويۋ، وقىتۋ بويىنشا ناۋقاس بولمەلەرىن تەكسەرۋ، تەحنيكالىق باۋلۋ سياقتى فورمالار ارقىلى جەرگىلىكتى ورىننىڭ جۇڭي شيپاگەرلىگى بويىنشا دياگنوز قويۋ، ەمدەۋ ورەسىن جوعارىلاتادى. ونىمدىلىكتى قامتاماسىز ەتۋ ٴۇشىن، شيپاحانا ارناۋلى قىزمەت گرۋپپاسىن قۇرىپ، ۇنەمى كەزدەسەتىن اۋرۋلار جاعىنداعى ەمدەۋ قاجەتىن سارالاپ، تىرەكتى شيپاگەرلەردى بىرگە ۇيرەنۋگە ۇيىمداستىرىپ، جەتىستىكتەردى كادەگە جاراتۋدى ىلگەرىلەتەمىز.

لۇي دۇڭليڭ بىلاي دەدى: ەمدەۋ اترەتى كوپ جىلدان بەرگى شينجياڭعا باعىتتامالى كومەكتەسۋ تاجىريبەسى نەگىزىندە قۇرىلدى، مۇشەلەرىمىز ساياسيدا ىسىلعان، تەحنيكاسى مىعىم. ۇيىرمەمىز مىناداي 4 ٴتۇرلى قىزمەتتى ٴتۇيىندى تۇردە ورىستەتەدى: جوعارى قان قىسىم، رەۆماتيزم سياقتى جەرگىلىكتى ورىندا كوپ تۋىلاتىن اۋرۋلارعا مەڭزەس دالمە - ٴدال دياگنوز قويىپ، ەمدەۋ جۇرگىزۋ؛ ارناۋلى تاربيەلەۋ ارقىلى جۇڭي شيپاگەرلىگىنىڭ ۇيلەسىمدى تەحنولوگياسىن جالپىلاستىرۋ؛ الىس ارالىقتى ەمدەۋ سەلبەستىك تورى مەن ارناۋلى بولىمدەر بىرلەستىگىن بىرگە قۇرىپ، ونىمدىلىكتى بەكەمدەۋ؛ جۇڭي شيپاگەرلىگى جانە ٴدارى - دارمەك مادەنيەتىن جالپىلاستىرۋدى ورىستەتىپ، جەرگىلىكتىڭ ۇلتتىق شيپاگەرلىك، ٴدارى ـ دارمەگىمەن توعىسۋدى جەبەۋ.

باستالۋ سالتىنان كەيىن ماماندار قوسىنى باعىتتامالى ٴبولىم، كەڭسەلەرگە بارىپ، جۇرەك - قان تامىر ىشكى اۋرۋلار ٴبولىمى، كوكباۋىر - اسقازان اۋرۋلار ٴبولىمى سياقتى دياگنوز قويۋ بولمەلەرىندە وتىرىپ وقىتۋعا جەتەكشىلىك ەتىپ، وقىتۋعا ىشكەرىلەي ارالاسىپ، ناۋقاس بولمەلەرىن تەكسەرىپ ٴارى اقىسىز دياگنوز قويىپ، ناقتى ارەكەت ارقىلى ارالاپ ەمدەۋ جۇرگىزدى. ەكى جاق تاعى اكىمشىلىك اڭگىمە ٴماجىلىسىن اشىپ، مامانداردى امبۋلاتوريادا كەزەكشىلىككە ورنالاستىرۋ، ٴتۇيىندى پاندەر بويىنشا جۇپ قۇراۋ، الىس ارالىقتان بىرلەسىپ دياگنوز قويۋ ٴتارتىبى سياقتىلاردى ارقاۋ ەتىپ، ورتاق تانىمعا كەلىپ، كەيىنگى قىزمەت جولىن ايقىندادى.

ۇعىسۋعا قاراعاندا، وسى رەتكى ارالاپ ەمدەۋ قيمىلى جىل سوڭىنا دەيىن جالعاسادى ەكەن، ەمدەۋ اترەتى ىلە وبلىسىنا توتە قاراستى اۋدان، قالالاردىڭ نەگىزگى ساتىلارىنا بارىپ، ەمدەۋ قىزمەت وتەۋىمەن قامدايدى ٴارى وبلىستىق جۇڭي شيپاحاناسىنىڭ جۇرەك اۋرۋلارى ٴبولىمى، كوكباۋىر ـ اسقازان اۋرۋلارى ٴبولىمى، بۇيرەك اۋرۋلارى ٴبولىمى سياقتى پاندەر قۇرىلىسىنا ٴتۇيىندى تۇردە كومەكتەسەدى ەكەن.

سۋرەتتە: ماماندار ناۋقاس بولمەسىن ارالاپ تەكسەرۋدە.                 ياڭ جيڭ - ي فوتوسى