شينجياڭ گازەتىنىڭ حابارى (ٴتىلشى ٴپاريزات ابدۇل).  8 ـ ايدىڭ 11 ـ كۇنى اۆتونوميالى رايوندىق پارتكوم ۇگىت ٴبولىمى ۇيىمداستىرىپ ورىستەتكەن ”شينجياڭعا باعىتتامالى كومەكتەسۋ تيانشاندا ورىستەتىلدى“ نەگىزگى تاقىرىپتىق تىلشىلىك قيمىلى باستالدى. انار بۇلت / شينجياڭ گازەتى جالپىلىق مەديا حابارلاۋ ۇيىرمەسى 3 گرۋپپاعا ٴبولىنىپ، ورتالىقتاعى مەديالارمەن، شينجياڭعا باعىتتامالى كومەكتەسەتىن ولكە، قالالارداعى مەديالارمەن جانە اۆتونوميالى رايونداعى مەديالارمەن بىرگە وسى رەتكى نەگىزگى تاقىرىپتىق تىلشىلىك قيمىلىن باستادى.

بيىل شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى، وسى رەتكى جالپىلىق مەديا تىلشىلىك قيمىلىنىڭ ماقساتى − باس شۋجي شي جينپيڭنىڭ شينجياڭعا قامقورلىعىن، تەرەڭ سۇيىسپەنشىلىگىن ۇگىتتەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ امالياتتىق ۇلى كۇشىن ايگىلەپ، 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ قاتىستى تالاپتارى مەن ورنالاستىرۋلارىن دايەكتىلەندىرىپ، تياناقتاندىرىپ، ”14 ـ بەسجىلدىق“ مەزگىلىندە شينجياڭعا باعىتتامالى كومەكتەسۋ قىزمەتىنىڭ شينجياڭ قىزمەتى باس نىساناسىنا قىزمەت وتەۋدە ساۋلەلەندىرگەن ماڭىزدى رولىن جان ـ جاقتى بەينەلەپ، شينجياڭعا باعىتتامالى كومەكتەسۋ قىزمەتىندە قول جەتكىزگەن كورنەكتى ناتيجەلەردى جاندى ايگىلەۋ.

بۇگىننەن باستاپ جالپىلىق مەديا حابارلاۋ ۇيىرمەسى جەكە ـ جەكە قاشقار ايماعىنا، قىزىلسۋ قىرعىز اۆتونوميالى وبلىسىنا، اقسۋ ايماعىنا، حوتان ايماعىنا، سانجى حۇيزۋ اۆتونوميالى وبلىسىنا، بۇراتالا موڭعۇل اۆتونوميالى وبلىسىنا، ىلە قازاق اۆتونوميالى وبلىسىنا اتتانىپ، شينجياڭعا باعىتتامالى كومەكتەسەتىن ولكە، قالالاردىڭ ۇلتتاردىڭ ارالاسۋىن، ىشتەسۋىن، توعىسۋىن جەبەۋ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەۋ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋ قاتارلى جاقتارداعى جاڭا شارالارىن، جاڭا جەتىستىكتەرىن جاندى بەينەلەپ، شينجياڭعا باعىتتامالى كومەكتەسكەن قالىڭ كادر ـ دارىندىلاردىڭ تيانشان الابىندا شىرقاعان ٴوزىن ارناۋ اۋەنىن حابارلايدى.

شينجياڭ گازەتى مەكەمەسى (توبى) ٴداستۇرلى مەديا مەن جاڭا مەديانى ٴبىر تۇتاس جوسپارلاپ، حابار، ادەبي حابار، شولۋ، سۋرەت، قىسقا بەينەجازبا، Vlog، جارياناما، H5 قاتارلى توعىسپالى مەديا فورمالارىنان تولىق پايدالانىپ، الۋان فورمالى، باي مازمۇندى جالپىلىق مەديا سارا تۋىندىلارىن ۇسىنادى.