ٴتىلشىمىز جاڭ جينفىڭ حابارلايدى. 8 ـ ايدىڭ 13 ـ كۇنى ”بىرلىكتە ٴبىر ستاكان جۇڭحۋا شايىن ىشەيىك، نيەتتەس بولىپ جۇڭگو ارمانىن بىرگە سومدايىق“ اتىنداعى سۋجوۋ يىڭچيان اۋىل شارۋاشىلىعىن دامىتۋ عىلىم ـ تەحنولوگيا شەكتى سەرىكتەستىگىنىڭ ىلە وبلىسىنىڭ ۇلتتار ىنتىماعى، العاباسارلىعى قىزمەتىنە دەم بەرۋ شاي تارتۋ ەتۋ سالتى بيڭتۋان 4 ـ شى كوكدالا قالاسى 66 ـ تۋان سورتتى تۇقىم جەتىلدىرۋ ليانى زات اينالىمى قامباسىندا وتكىزىلدى، سالتتا قۇنى ٴبىر ميلليون يۋاندىق 25 مىڭ قۇمىرا شاي تارتۋ ەتىلدى.

بۇل قيمىل جياڭسۋدىڭ ىلەگە كومەك بەرۋ قىزمەتىندەگى ٴبىر رەتكى مەيىر جەتكىزۋ امالياتى، ونان دا ماڭىزدىسى، شايدى دانەكەر ەتىپ، ەكى جەردىڭ مادەنيەت توعىسۋىن تەرەڭدەتىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ جاندى شاراسى.

قيمىل ناق مايدانىندا ساندىق - ساندىق شايلار رەتتى قويىلدى. تاراتۋ سالتىندا ٴارقايسى اۋدان، قالانىڭ قاتىستى تاراۋلارىنىڭ جاۋاپتىلارى ساحناعا شىعىپ تارتۋ ەتۋ بەلگىسىن الدى، ماشينالار قاتارعا تۇرىپ شاي تيەدى، قىزمەتكەرلەر ساناپ اداقتاۋمەن، تىزىمدەۋمەن قاربالاس بولدى.

 توعىزتاراۋ اۋداندىق پارتكوم بىرلىكساپ ٴبولىمىنىڭ ورىنباسار باستىعى مـا لـۇڭ بىلاي دەدى: ”بـۇل سانـدىـق - ساندىق شايلاردا كاسىپورىننىڭ قوعامدىق جاۋاپكەرشىلىگى مەن ارقالاعان جاۋاپكەرلىگى ايگىلەنىپ، ’جۇڭحۋا ۇلتى ٴبىر وتباسىنىڭ ادامدارى‘ سىندى قويۋ مەيىردىڭ ٴمانى جەتكىزىلدى، ٴبىزدى ۇلتتاردىڭ ارالاسۋىن، ىشتەسۋىن، توعىسۋىن جەبەپ، تاماشا تۇرمىسقا دەگەن تالپىنىس جولىندا تاباندىلىقپەن العا باسۋعا ونان ارى جىگەرلەندىردى. ەندى ٴبىز وسى شايدى قاجەتكە قاراي ٴار ۇلت بۇقاراسىنىڭ قولىنا تاراتىپ، كوپشىلىككە حوش ٴيىستى شايدەن ٴدام تاتقىزۋمەن بىرگە، وسى مىڭ شاقىرىمدىق تەرەڭ سۇيىسپەنشىلىكتى ٴتىپتى دە سەزىندىرىپ، ’بەستى شىنايى مويىنداۋدى‘ ونان ارى كۇشەيتىپ، كورىكتى مەكەندى بىرگە قۇرۋدىڭ قۇدىرەتتى بىرىككەن كۇشىن ۇيىستىرامىز“.

سۋجوۋ يىڭچيان اۋىل شارۋاشىلىعىن دامىتۋ عىلىم - تەحنولوگيا شەكتى سەرىكتەستىگىنىڭ باس ديرەكتورى چۇي شياۋلۋ بىلاي دەدى: ”شاي − جۇڭحۋا ۇلتىنىڭ مادەنيەتى مەن كوركەمونەرىنىڭ جاۋھارى ٴارى ۇلتتار اراسىنداعى دانەكەر. بۇل جولى ٴبىز شامامىزدىڭ جەتىسىنشە قۇلشىنىپ، گۇيجوۋدىڭ فانجيڭشان بازاسىنان ٴبىر توپ تاۋلى جەردەگى شاي جاپىراعىن ٴۇزىپ، ىلەدەگى ٴار ۇلت بۇقاراسىنا تارتۋ ەتىپ، بىرلىكتە ٴبىر ستاكان جۇڭحۋا شايىن ٴىشىپ، نيەتتەس بولا وتىرىپ جۇڭگو ارمانىن بىرگە ورىنداۋعا دانەكەر بولعانىمىزدى داڭق سانايمىن“.

جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى، جياڭسۋ كاسىپورىندارىنىڭ ۋاكىلى، ىلە وبلىستىق ۇلت ىستەرى كوميتەتىنىڭ قاتىستى جاۋاپتىلارى، جياڭسۋدىڭ ىلە وبلىسىنا كومەك بەرۋ سۋجوۋ قىزمەت گرۋپپاسى، اۋدان، قالالاردىڭ قاتىستى تاراۋلارىنىڭ جاۋاپتىلارى تارتۋ ەتۋ سالتىنا قاتىناستى.