ەرىكتى ٴتىلشى يۇي جيفىڭ حابارلايدى. 9 - ايدىڭ 4 - كۇنى توعىزتاراۋ اۋدانى يۇنشان ورتا مەكتەبىنىڭ 9 - جىلدىق (1) كلاسى تەڭشەۋگە بولاتىن شىت جاڭا 50 ۇستەل - ورىندىققا يە بولدى. وقۋشى جاينار قۋانا بىلاي دەدى: ”جاڭا ۇستەل - ورىندىقتى بويدىڭ بيىكتىگىنە قاراي جوعارى - تومەندىگىن تەڭشەۋگە بولادى، وتىرساڭىز اناعۇرلىم جايلى، بۇل ۇيرەنۋىمىزگە ٴتىپتى دە قولايلىق جاراتتى“.

بيىل جياڭسۋ ولكەسىنىڭ ىلەگە باعىتتامالى كومەككە كەلگەن سۋجوۋ (جاڭجياگاڭ) قىزمەت گرۋپپاسى ناق مايداندا تەكسەرۋ ـ زەرتتەۋ جۇرگىزۋ بارىسىندا توعىزتاراۋ اۋدانىنداعى كوپتەگەن ورتا - باستاۋىش مەكتەپتە ۇستەل ـ ورىندىقتاردىڭ ىستەتىلگەنىنە ۇزاق ۋاقىت بولعاندىقتان، تۇرلىشە دارەجەدە بۇلىنگەنىن بايقاعان. اۋداندىق وقۋ - اعارتۋ مەكەمەسى جان - جاقتى جاعداي ۇعىسۋ ارقىلى وسى اۋدانداعى 12 مەكتەپتىڭ 4000 ۇستەل - ورىندىعىن جاڭالاۋ قاجەت ەكەنىن بىلەدى. اسىرەسە يۇنشان ورتا مەكتەبى 4 اۋىل - قالاشىق ورتا مەكتەبىنىڭ بىرىگۋىنەن قۇرىلعاندىقتان ٴبىر ٴبولىم وقۋشى ٴالى دە ارقالىعى جوق سۋلياۋ ورىندىقتى ىستەتىپ، وقۋشىلاردىڭ وتىرۋىنا جانە بوي جازۋىنا ىقپال جاساپ كەلگەن.

وسىعان بايلانىستى سۋجوۋ (جاڭجياگاڭ) قىزمەت گرۋپپاسى ٴبىر ميلليون يۋان شينجياڭعا باعىتتامالى كومەك بەرۋ قارجىسىن قوسىپ، كونە، ەسكى  ۇستەل - ورىندىقتى جاڭالاۋ نىسانىنىڭ تياناقتانۋىن بار كۇشپەن ىلگەرىلەتتى.

2023  - جىلدان بەرى سۋجوۋ (جاڭجياگاڭ) قىزمەت گرۋپپاسى جالپى 79 ميلليون يۋاننان استام شينجياڭعا باعىتتامالى كومەكتەسۋ قارجىسىن قوسىپ، توعىزتاراۋ اۋدانى جيياڭ ورتا مەكتەبىن جاڭادان سالۋ، ”انار ٴدانى“ ارمانعا قانات قاعۋ ايالداماسى قۇرىلىسى، مەكتەپ اۋلاسىنىڭ اۋىز سۋ جابدىقتارىن تولىقتاۋ، سونداي - اق ”سۋجوۋ ىلە سۇيىسپەنشىلىگى . ۇرپاقتاردى تاربيەلەۋ جاعىنان شينجياڭعا كومەكتەسۋ“ وقۋ - اعارتۋ دەڭگەيىن جوعارىلاتۋ ينجەنەرياسى سياقتى ٴبىر قىدىرۋ نىساندارعا جۇمسادى.

سۋرەتتە: وقۋشىلار جاڭا ۇستەل - ورىندىقتا وتىرىپ ۇيرەنۋ جۇرگىزۋدە.   يۇي جيفىڭ فوتوسى