ەرىكتى ٴتىلشى جاڭ كاڭ حابارلايدى. 9 - ايدىڭ 9 - كۇنى نانجيڭ قالاسى شۋان - ۋ رايوندىق مۇگەدەكتەر بىرلەستىگىنىڭ قاتىستى جاۋاپتىلارى مەن قاراستى رايوندارىنداعى مەيىر باعىشتاۋ كاسىپورىنشىلاردىڭ ۋاكىلدەرى قۇلجا قالاسىنا كەلىپ، مۇگەدەكتەر قىزمەتىن توڭىرەكتەپ تەكسەرۋ - زەرتتەۋ جۇرگىزدى ٴارى قۇلجا قالالىق مۇگەدەكتەر بىرلەستىگىنە قارجى جانە زات تارتۋ ەتتى.

اڭگىمە ماجىلىستە ەكى جەردەگى مۇگەدەكتەر بىرلەستىگىنىڭ قىزمەتكەرلەرى مۇگەدەكتەر قىزمەتىندەگى تاجىريبەلەر، ادىستەر، ٴدوپ كەلگەن قيىن ماسەلەلەر جونىندە ىشكەرىلەي تالقى ورىستەتتى.  شۋان - ۋ رايوندىق مۇگەدەكتەر بىرلەستىگىنىڭ قىزمەتكەرلەرى قىزمەت امالياتىمەن ۇشتاستىرىپ، مۇگەدەكتەرگە دالمە - ٴدال كومەكتەسۋ، ساۋىقتىرۋعا قىزمەت وتەۋ جۇيەسى قۇرىلىسى سياقتى جاقتارداعى  پىسىپ - جەتىلگەن تاجىريبەلەرىمەن ورتاقتاسىپ، قۇلجا قالالىق مۇگەدەكتەر بىرلەستىگىن ۇلگى الۋعا بولاتىن پايدالانۋ وي جەلىسىمەن قامدادى.

قۇلجا قالالىق مۇگەدەكتەر بىرلەستىگىنىڭ قاتىستى جاۋاپتىسى بىلاي دەدى: وسى رەتكى شۋان ـ ۋ رايوندىق مۇگەدەكتەر بىرلەستىگى مەن مەيىر باعىشتايتىن كاسىپورىندار زاتتىق جانە قارجىلاي قولداۋ كورسەتۋمەن بىرگە، ٴوڭىر اتتاعان قامقورلىعى مەن مەيىرىن دە الا كەلدى. قۇلجا قالالىق مۇگەدەكتەر بىرلەستىگى وسى توپتاعى كومەكتەسۋ - سۇيەمەلدەۋ زاتتارىنان تولىق پايدالانىپ، جەرگىلىكتى ورىنداعى مۇگەدەكتەرگە قىزمەت وتەۋ ورەسىن اناعۇرلىم جوعارىلاتىپ، قامقورلىقتى مۇگەدەكتەردىڭ تۇرمىسىن جاقسارتۋدىڭ ٴىس جۇزىندىك ونىمدىلىگىنە اينالدىرادى.