سۋرەتتە: جۇرەك، وكپە قىزمەتىن قالپىنا كەلتىرۋ جونىندە ناقتى جاتتىعۋ جاساۋدىڭ ناق مايدانى.   سۋرەتتى ليۋ يۇيلۇڭ تۇسىرگەن

ەرىكتى ٴتىلشى ليۋ يۇيلۇڭ حابارلايدى. 9 - ايدىڭ 10 - كۇنى ليانيۇنگاڭنىڭ شينجياڭعا باعىتتامالى كومەكتەسۋ ەمدەۋ اترەتى قورعاس قالالىق كاسىپتىك ورتا مەكتەپتە سالاماتتىق عىلىمىن جالپىلاستىرۋ بىلىمدەرى لەكسياسىن ورىستەتىپ، جاستار مەن ورەندەردىڭ اقاۋسىز ەسەيىپ ـ ەرجەتۋىنە دەم بەردى.

شينجياڭعا كومەكتەسۋ ەمدەۋ ماماندارى نازاريالىق ٴتۇسىندىرۋ، ۇلگى كورسەتۋ، ناقتى پىسىقتاۋ سياقتى تاسىلدەر ارقىلى شۇعىل قۇتقارۋداعى شەشۋشى تۇيىندەر مەن كوڭىل بولەتىن ىستەردى تانىستىرىپ، جۇرەك، وكپە قىزمەتىن قالپىنا كەلتىرۋدىڭ باسقىشىن كورسەتتى ٴارى ەلىكتەمەلى ارەكەتتەر جاساپ، قولما ـ قول وقىتۋ جۇرگىزىپ، قاتىناسۋشىلاردىڭ كوكىرەك سىرتىن جۇيەلى باسۋ جانە جاساندى تىنىس الدىرۋ شەبەرلىگىن يگەرۋىنە كەپىلدىك ەتىپ، شۇعىل قۇتقارۋ جونىندەگى ناقتى جاتتىعۋ شەبەرلىگىن شىنايى جوعارىلاتتى.

وسى مەكتەپتىڭ شەكارا اتتاعان ەلەكتروندى ساۋدا كاسىبىنىڭ وقۋشىسى ايقىز ەركىن بىلاي دەدى: ”بۇگىنگى ۇيرەنۋ ارقىلى مەن شۇعىل قۇتقارۋ بىلىمدەرىن يگەردىم، ومىرگە قۇرمەتىم ارتتى، مۇنداي جاۋاپكەرشىلىك سەزىم مەنى ابىرجىتتى ٴارى ماقتانىش سەزىمىنە بولەدى“.

شينجياڭعا كومەككە كەلگەن ەمدەۋ ماماندارى تاعى جاستىق شاق كەزەڭى بىلىمدەرىن جالپىلاستىرۋدى ورىستەتىپ، جاستىق شاق كەزەڭىندەگى فيزيولوگيالىق وزگەرىس، پسيحيكالىق سايكەستىك، جىنىس اقاۋسىزدىعى سياقتى جاقتاردى قامتىپ، وقۋشىلاردىڭ دەنە جانە پسيحيكالىق وزگەرىستەرىن دۇرىس تانۋىنا، عىلمي سالاماتتىق بىلىمدەرىن يگەرۋىنە كومەكتەستى.

قورعاس قالالىق حالىق شيپاحاناسىنىڭ باستىعى جاڭ باۋميڭ بىلاي دەدى: ”وسى رەتكى قيمىلدىڭ ماقساتى ــ جاستىق شاق كەزەڭىنە قاتىستى اقاۋسىزدىق بىلىمدەرىن جالپىلاستىرىپ، وقۋشىلاردىڭ دەنساۋلىق تانىمىن كۇشەيتىپ، جاستىق شاق كەزەڭىندەگى ماسەلەلەرگە عىلمي توتەپ بەرۋ. ٴبىز سالاماتتىق عىلىمىن جالپىلاستىرۋدى مەكتەپ اۋلاسىنا ەنگىزۋ قيمىلىن ۇزدىكسىز ورىستەتىپ، جاستار مەن ورەندەردىڭ قاجەتىنە قاراي اناعۇرلىم كوپ سالاماتتىق لەكسيالارىن ازىرلەپ، وقۋشىلارعا اقاۋسىز ەسەيىپ ـ ەرجەتۋ ورتاسىن ازىرلەيمىز“.