تىلشىلەرىمىز حۋاڭ يان، جاڭ لياڭ حابارلايدى. 10 - ايدىڭ 16 -كۇنى كەشتە ىلە تەاترحاناسىندا 2015 - جىلى ”جياڭسۋ - ىلە سۇيىسپەنشىلىگى“ اتىنداعى جياڭسۋ ولكەسى ادەبيەت - كوركەمونەرشىلەرىنىڭ ىلەدەگى ادەبيەت - كوركەمونەر ساۋىق كەشى تارتىمدى وتكىزىلدى.

شينجياڭ ۇيعۇر اۆتونوميالى رايوننىڭ 70 جىلدىق مەرەي تويى قارساڭىندا ازىرلەنگەن وسى كونسەرتتى جياڭسۋ ولكەسىنىڭ ىلەگە كومەكتەسۋ الدىڭعى شەپ قولباسشىلىق شتابى، جياڭسۋ ولكەلىك ادەبيەت - كوركەمونەرشىلەر بىرلەستىگى ۇيىمداستىرىپ، ىلە وبلىستىق جياڭسۋ - ىلە مادەنيەت اۋىس - كۇيىس ورتالىعى مىندەتىنە الىپ، مادەنيەتتى كوپىر ەتىپ، جياڭسۋ - ىلە دوستىعىن جالعاستىردى.

وسى رەتكى كونسەرت «كانال كوركەمدىگى»، «تيانشانداعى تاتۋلىق»، «ٴبىر نيەتپەن ارمانعا قانات قاعۋ» سىندى ٴۇش مازمۇننان قۇرالعان. كونسەرتتىڭ بەتاشارىندا ”كانال كارتيناسى“ اتتى ۇلاسپالى ٴان - كۇي ورىندالىپ، ارتيستەر تامىلجىعان اۋەنمەن سۋ بوياۋلى كارتينانىڭ ورامىن اشتى. ىلە وبلىستىق ادەبيەت - كوركەمونەرشىلەر بىرلەستىگى تاڭداپ ۇسىنعان « قارا جورعا» ٴبيى قىزۋ مەرەيگە شومىپ، ساحارا پەرزەنتتەرىنىڭ سەزىمىن تولىق ايگىلەدى. گۋجىڭ جەكە مۋزيكاسى «شيلياڭشايىڭ» ىلە وبلىستىق ٴان - ٴبي تەاترحاناسىنىڭ ۇلتتىق مۋزيكا ۇيىرمەسىمەن بىرگە مۋزيكانىڭ نازىكتىگى مەن ايبىنىن كەمەلدى توعىستىرىپ، ٴوڭىر اتتاعان سەلبەستىكتى كەستەلەدى. ساۋىق كەش « شام جارىعىنداعى جۇڭگو» اتتى ٴان - بيمەن سىرگەجيارىن تامامداپ، ناق مايدان دۋمانىن جوعارى ورلەۋگە كوتەردى.

وسى رەتكى كونسەرتكە نەگىزىنەن جۇڭگو تەاتر ”مەيحۋا سيلىعى“، جۇڭگو مۋزيكا ”التىن قوڭىراۋ سيلىعى“، جۇڭگو ٴان - كۇي ”مۋدان سيلىعى“ يەگەرلەرى قاتىناسقان، مۇنداعى ماقسات جۇڭحۋا مادەنيەتىنىڭ جاۋھارىن ەڭ جوعارى كوركەمونەرلىك ورەمەن ايگىلەۋ ەدى. مۇندا چاڭجياڭنىڭ وڭتۇستىگىندەگى وزىندىك ەرەكشەلىككە يە كۇنچۇي، گۋجىڭ، ٴان - كۇي، ٴان -ٴبي، سەرىك ويىنى سياقتىلار تاڭداپ سارالانىپ، ىلە حالقىنا جياڭسۋدىڭ ٴداستۇرلى كوركەمونەرىنىڭ قۇدىرەتىن كورسەتتى.

انشىلەر تۇڭ مىڭ مەن تاۋ دانلين «شام ساۋلەسىندەگى جۇڭگونى» شىرقاۋدا. جوعارىداعى سۋرەتتەردى شينحۋا اگەنتتىگىنىڭ ٴتىلشىسى حۋ حۋحۋ تۇسىرگەن.

نانجيڭ كوركومونەر شۋەيۋانىنىڭ دوتسەنتى رىن جيە (وڭدا) مەن ىلە وبلىستىق ٴان - ٴبي تەاترحاناسىنىڭ ۇلتتىق وركەسترى «شيلياڭشايىڭدى» ورىندادى.

 بەيجيڭ تەاترىنىڭ جاس ونەرپازى گاۋ في بەيجيڭ تەاترى «المۇرت گۇلىن جىرلاۋدى» ورىنداۋدا.

«مودان سيلىعىنىڭ» يەگەرى گى جۋان ۇلاسپالى ٴان - كۇي «كانال سۋرەتىن» ورىنداۋدا.

 شىياڭ اۋداندىق سەرىك ۇيىرمەسىنىڭ سەرىك ارتيسى لي يۋەحۋ، لي يۋەباۋ سەرىك ويىنىن ورىنداۋدا.

 ياڭجوۋ قالالىق ٴان - ٴبي تەاترحاناسىنىڭ جاس ٴبيشىسى گۋان حۇيياڭ (وڭدا)، لو شياۋشان قوس كىسىلىك ٴبي «گۇل اشىلعاندا» ٴبيىن بيلەۋدە.