«تيانشان توعانى» اتتى وسى زامانعى ٴان - ٴبي تەاترىن ارالاپ قويۋ سالتاناتپەن باستالدى

جياڭسۋ تەاترحاناسىنداعى العاشقى قويىلىمى الاڭدى ٴدۇر سىلكىندىردى، ”جياڭسۋ - ىلە سۇيىسپەنشىلىگى“ جۇرت كوڭىلىن جەلپىندىردى

تەاتردىڭ اياقتاۋ ساتىندە. سۋرەتتى ۋاڭ جىحۋا تۇسىرگەن

ٴتىلشىمىز ۋاڭ جىحۋا حابارلايدى. ەلەكتر نۇرى سولعىن تارتىپ، مۋزيكا ٴۇنى بىرتىندەپ كوتەرىلدى. كوك زەڭگىر اسپان مەن الىپ تيانشاندى ارتقى كورىنىس ەتكەن ايبىندى كارتينا ساحنادا باياۋ كوتەرىلدى. 10 ـ ايدىڭ 12 ـ كۇنى كەشتە جياڭسۋ تەاترحاناسىندا «تيانشان توعانى» اتتى وسى زامانعى ٴان - ٴبي تەاترى شىمىلدىعىن اشىپ، ۋاقىت پەن كەڭىستىكتەن ٴوتىپ كەلگەن ديالوگ ارقىلى تامىرلارعا تەرەڭ بويلاعان وتان جانە وتباسى سۇيىسپەنشىلىگىن قوزعادى.

جياڭسۋ ولكەسىنىڭ ىلە وبلىسىنا باعىتتامالى كومەكتەسىپ، شينجياڭدى مادەنيەتپەن نارلەندىرۋدەگىٴتۇيىندى نىسانى رەتىندە 2025 - جىلعى زىجين مادەنيەت كوركەمونەر فەستيۆالىنا ەرەكشە ۇسىنىس ەتىلگەن تەاتر «تيانشان توعانى» التىن كۇزدىڭ كەشىندە شىمىلدىعىن اشتى. كورەرمەن تەبىرەنىستى كوڭىل كۇيمەن تاماشالادى.

جاس وقۋشى لين ي وقۋ تاۋىسۋ ديسسەرتاتسياسىن جازۋ ٴۇشىن اتا مەكەنى ىلەگە قايتىپ كەلىپ، لين زىشۇيدىڭ باسقان ىزىنە ٴۇڭىلۋ بارىسىندا تاريحي تەرەڭ سۇيىسپەنشىلىكپەن قاۋىشتى − ول لين زىشۇيدىڭ ىلەدە سۋ قۇرىلىسىن سالۋداعى قايسار بەينەسىمەن تانىستى، ونىڭ ”دۇنيە جۇزىنە كوز جىبەرگەن“ كورەگەندىگى مەن مول ٴبىلىمىن سەزىندى، وتاندى ٴسۇيۋ، ۇلەس قوسۋ جانە تاڭداۋ جاساۋ جونىندەگى رۋحىمەن تىلدەستى. 60 نەشە ارتيست ٴان، ٴبي ارقىلى تاريحتىڭ سالماعى مەن جاستىق كوكتەمنىڭ مۇراتىن توعىستىرىپ، سالتاناتتى سي ۇسىندى.

”بۇل تەاتر جياڭسۋ مەن ىلە قول ۇستاسا توقىعان كوركەمونەر ٴدۇرياسى“. ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشى جاۋ چيڭحۇڭ تەرەڭ سۇيىسپەنشىلىكپەن بىلاي دەدى: ”ٴبىز مادەنيەتتى كوپىر ەتىپ، چاڭجياڭنىڭ وڭتۇستىگىندەگى سىرشىلدىق پەن شەكارا وڭىردەگى اسقاق سەزىمدى توعىستىرىپ، وتانشىلدىق سۇيىسپەنشىلىك پەن جاستاردىڭ جاۋاپكەرشىلىك ارقالاۋىن وسى ٴداۋىردىڭ ەڭ اسەرلى ۇنىنە اينالدىردىق“.

تانىستىرۋعا قاراعاندا، جياڭسۋدىڭ ىلەگە كومەككە كەلگەن 11 ـ توپتاعى ۇيىرمەسى 2023 ـ جىلى 4 ـ ايدا شينجياڭعا كەلگەننەن بەرى شينجياڭدى مادەنيەتپەن نارلەندىرۋ نىسانىنان 88 ىن اتقارىپ، شينجياڭعا باعىتتامالى كومەكتەسۋگە 308 ميلليون يۋان قارجى قوسىپ، ”جياڭسۋ - ىلە سۇيىسپەنشىلىگىنىڭ“ شىت جاڭا تاراۋىن ۇزدىكسىز جازعان.

«جياڭسۋدىڭ تاريحى ۇزاق، مايەگى قالىڭ، مادەنيەت جەلىسى ۇزاق، مادەنيەتتە قۋاتتى ولكە. ۇگىت، مادەنيەت جۇيەسىنىڭ شينجياڭعا كومەكتەسۋشى كادرى رەتىندە ٴبىز مادەنيەتتىڭ تۇقىمى بولۋدى، جۇڭحۋانىڭ تاڭداۋلى ٴداستۇرلى مادەنيەتىنىڭ شەكارا وڭىردە تامىر تارتىپ، شەشەك اتۋىنا مۇمكىندىك جاساۋدى قالايمىز“، - دەدى شينجياڭعا كومەككە كەلگەن كادر، ىلە وبلىستىق پارتكوم ۇگىت ٴبولىمىنىڭ ورىنباسار باستىعى لي شياڭياڭ كونسەرتتى كورگەننەن كەيىن اسەرلەنىپ، ول بىلاي دەدى: حۋايجۇي تەاترى «اق تەرەك» پەن شينجياڭعا باعىتتامالى كومەكتەسۋ ٴانى «جياڭسۋ - ىلە سۇيىسپەنشىلىگىنىڭ جاراسىمدى ۇندەستىگى» ارت - ارتىنان جارىققا شىعىپ، ٴتىپتى دە كوپ جياڭسۋ پەرزەنتتەرىن شينجياڭعا كەلىپ، وسى وڭىردەگى جالىندى ومىرشەڭدىك كۇشكە كۋا بولۋعا شاقىردى.

 وسى تەاتردىڭ رەجيسسەرى، جياڭسۋ ۇلكەن تەاترحاناسى ٴبي ۇيىرمەسىنىڭ باستىعى ۋ جيان جاسامپازدىق اسەرىنە توقتالعاندا بىلاي دەدى: ”وسى رەتكى جاسامپازدىق ساپارى سايىس پەن تابىسقا تولى بولدى، اسىرەسە، كوپتەگەن از ۇلت ارتيستەرىمەن تۇڭعىش رەت ىشكەرىلەي سەلبەستىك، ولاردىڭ ٴان ايتىپ، ٴبي بيلەگەن ويىندارىن ٴبىز جياڭسۋ مادەنيەتىنىڭ كەلىستى، سىرشىلدىعىمەن شەبەرلىكپەن توعىستىرىپ، تەاتردى ٴتىپتى دە تولىستىردىق. ارتيستەردىڭ تارتىمدى بەينەلەۋى، شەبەرلىك باۋرامدىلىعى، ونىڭ ۇستىنە وسى زامانعى عىلىم - تەحنولوگيالىق تاسىلدەردىڭ توعىسۋى كورەرمەنگە ەكى جەر مادەنيەتىنىڭ توعىسۋىنان تۋىنداعان شۇعىلالى ۇشقىنداردى شىنايى سەزىنەتىندىگىنە سەنەمىن“.

درامادا باس كەيىپكەر لين يدىڭ دوسى الىم رولىن سومداعان ارتيست پارۇق ٴازىمات كونسەرتتەن كەيىن ىستىق ىقىلاسپەن بىلاي دەدى: ”مەنىڭ ساحناداعى رولىم ەرەكشە ويناقى دا جاندى بولىپ، كوپشىلىككە قۋانىش سيلادى. وسى رولدا مەن كوپتەگەن ’جەرگىلىكتى ەرەكشەلىككە يە اكسەنتتەردى‘ قوستىم. شينجياڭدا كىشكەنتايىمىزدان ٴار ۇلت دوستارمەن بىرگە تۇرمىس كەشىرىپ، بىرنەشە ٴتۇرلى ٴتىلدى تابيعي تۇردە بىرگە ارالاستىرىپ سويلەيمىز. كوپشىلىك ٴبىر ٴۇيلى جانداي بەرەكە - بىرلىكتە بولىپ، ٴبىر - ٴبىرىنىڭ عۇرىپ - ادەتىن ٴتۇسىنىپ، ٴبىرىن - ٴبىرى قۇرمەتتەيدى“.  تۇرمىس تىنىسىنا باي اعىتىلعان سىرلار تيانشان تاۋى مەن نانجيڭنىڭ اراسىن جاقىنداتتى.

نانجيڭدەگى ستۋدەنت پىڭ بوحاۋ تەبىرەنە بىلاي دەدى: ”قوناقتى قارسى الۋ جونىندەگى بيدەن ٴۇزىندى مەنى بەينە ىلەگە اپارعانداي بولدى. بۇل مەنىڭ نازارىمداعى مەيىرىمگە تولى ىلە، بۇل تەاتر مەنىڭ ويىمداعىداي بولدى، ىلە ەرەكشەلىگىن شىنايى بەينەلەپتى، ەرەكشە ۇناتتىم“.

كورەرمەن نانجيڭ قالاسىنىڭ تۇرعىنى ۋاڭ تيڭ «قارا جورعا» بيىنەن تەرەڭ اسەر الىپ بىلاي دەدى: ”ٴبيدىڭ ٴاربىر ارەكەتى شەكسىز كۇش - قۋات سيلادى. بۇل تەاتر ماعان ەرەكشە اسەر ەتتى، ماعان وزگەشە مادەنيەت پەن اتا مەكەنىمنىڭ سۇيىسپەنشىلىگىن سەزىندىردى“.

ۇعىسۋعا قاراعاندا، بىلتىردان باستاپ «تيانشان توعانى» شينجياڭدا 10 نەشە رەت قويىلدى. وسى رەت جياڭسۋعا قايتا ورالۋ ٴارى بەيجيڭدى ارالاپ ويىن قويۋى − شينجياڭعا باعىتتامالى كومەكتەسۋگە دەگەن تەرەڭ قۇرمەت، سونداي ـ اق الىس جەرلەرگە جازىلعان ۇسىنىس حاتى. ”ٴبىز وسى تەاتر ارقىلى ٴتىپتى دە كوپ ادامنىڭ ىلەنى تانۋىنا، ىلەگە كەلۋىنە مۇمكىندىك جاساۋدى ويلادىق“. ىلە وبلىستىق ٴان - ٴبي تەاترحاناسى پارتكومىنىڭ شۋجيى لي شياۋمەي بىلاي دەدى: ”ٴبىز مادەنيەت بايلىعىن ۇزدىكسىز اشىپ جانە اۋىس - كۇيىس جاساپ، ىلە حيكاياسىن ويداعىداي بايانداپ، جياڭسۋ ٴۇنىن ويداعىداي تاراتىپ، ەكى جەردەگى حالىقتىڭ ٴوزارا ارقا سۇيەپ، بىرگە العا باسۋىن ىلگەرىلەتەمىز“.