انار ٴدانى كىتاپ ٴۇيى كىتاپ وقۋ مەرەيىنە شومىپ، زەردەلى كىتاپحانانىڭ ىرگەسى كەڭەيە ٴتۇستى

كىتاپ وقۋ توعىزتاراۋداعى ٴار ۇلت بۇقاراسىنىڭ كوڭىلىنە ٴنار بەردى

حابارىن جازىپ، سۋرەتىن تۇسىرگەن ەرىكتى ٴتىلشى الماس

سۋرەتتە: وقۋشىلار ”انار ٴدانى كتاپ ۇيىندە“ كىتاپ وقۋدا.

سوڭعى جىلدارى جياڭسۋدىڭ ىلەگە كومەكتەسۋ سۋجوۋ (جاڭجياگاڭ) قىزمەت گرۋپپاسى ”كىتاپ وقۋ مەرەيىنە شومعان قالا“ قۇرىلىسىن ماڭىزدى تۇتقا ەتىپ، مادەنيەت ارقىلى حالىققا تيىمدىلىك جاساۋ ينجەنەرياسىن تەرەڭدەتىپ، توعىزتاراۋ اۋدانىنىڭ شينجياڭدى مادەنيەتپەن نارلەندىرۋدىڭ جاڭا كارتيناسىن سالۋىنا دەم بەردى. بۇكىل ەل بويىنشا تۇڭعىش رەت قۇرىلعان ”انار ٴدانى كىتاپ ٴۇيى“، تۇتاس ٴوڭىردى قامتىعان كىتاپ وقۋعا قىزمەت وتەۋ جۇيەسى، زەردەلى كىتاپحانا سياقتى ٴبىر توپ جاڭالىق اشۋ نىساندارى وسىندا تامىر تارتىپ، گۇل اشىپ، جەمىس بەرىپ، توعىزتاراۋ وڭىرىندەگى كوزدىڭ جاۋىن الاتىن مادەنيەتتىڭ جاڭا بەلگىسىنە اينالىپ قالماستان، ونان دا ماڭىزدىسى، ٴار ۇلت بۇقاراسىنىڭ كوڭىلىنە ٴنار بەردى.

توعىزتاراۋ اۋدانىنداعى ”انار ٴدانى كتاپ ٴۇيى“ بۇقارانىڭ بوس ۋاقىتىندا ٴبىلىم تولىقتاۋداعى تالعامىنا اينالدى. كوبەلەك كولى باقشاسى كورىنىس وڭىرىندە مەملەكەت بويىنشا تۇڭعىش رەت ۇلتتار ىنتىماعىن نەگىزگى تاقىرىپ ەتكەن 24 ساعاتتىق ”انار ٴدانى كىتاپ ۇيىندە“ كوپتەگەن تۇرعىندار قولدارىنا كىتاپ الىپ ٴۇنسىز وقىپ وتىردى. كىتاپ ٴۇيىنىڭ قۇرىلعىلارى وزىق بولىپ قالماستان، مەرزىم بويىنشا كىتاپ وقۋدان وي ٴبولىسۋ جينالىسى، مادەنيەت ساباقحاناسى سياقتى قيمىلداردى ورىستەتىپ، كىتاپ وقۋ، اۋىس - كۇيىس جاساۋ، ۇيرەنۋ ٴبىر تۇلعالانعان جالپىلىق مادەنيەت كەڭىستىگىنە اينالعان - دى.

جاقىنعى جىلدارى جياڭسۋدىڭ ىلەگە كومەكتەسۋ سۋجوۋ (جاڭجياگاڭ) قىزمەت گرۋپپاسى نازاردى مادەنيەت ارقىلى حالىققا تيىمدىلىك جاساۋ اۋەلگى ماقساتىنا شوعىرلاندىرىپ، ”انار ٴدانى كىتاپ ٴۇيىنىڭ“ قامتۋ كولەمىن ۇزدىكسىز كەڭەيتىپ، كىتاپ وقۋ شەبىن قىستاقتارعا (الەۋمەتتىك اۋماق)، مەكتەپتەرگە، ورىندارعا، كورىنىس رايوندارىنا دەيىن كەڭەيتتى، سونىمەن بىرگە كىتاپ وقۋدى جالپىلاستىرۋ قيمىلىن ورىستەتۋ ارقىلى تۇتاس اۋداندا ”كىتاپ وقۋعا قۇمار، جاقسى كىتاپ وقيتىن، كىتاپ وقۋعا شەبەر“ قويۋ راي قالىپتاستىردى.

توعىزتاراۋ اۋداندىق كىتاپحانانىڭ باستىعى ۋاڭ داندان بىلاي دەدى: ”2020 ـ جىلى شينجياڭعا باعىتتامالى كومەكتەسۋ قىزمەت گرۋپپاسى كوبەلەك كولى باقشاسىندا بۇكىل ەل بويىنشا تۇڭعىش رەت جارىققا شىققان، شينجياڭدا ۇلگى كورسەتەتىن جاڭاشا كىتاپ وقۋ كەڭىستىگى ـــ ’انار ٴدانى كىتاپ ٴۇيىن‘ قۇردى. 2021 ـ جىلدان باستاپ ٴبىز تاعى دا مەكتەپ، قىستاق (الەۋمەتتىك اۋماق )، ورگان ـ ورىن سياقتى جەرلەردە ’انار ٴدانى كىتاپ ٴۇيى‘ قۇرىلىسىن ىركەس ـ تىركەس ىلگەرىلەتتىك، قازىر اۋدان بويىنشا 104 ’انار ٴدانى كىتاپ ٴۇيى‘ سالىندى. بۇدان بىلاي ٴبىز جۇڭگو كىتاپحاناسىنىڭ، شينجياڭ كىتاپحاناسىنىڭ، ىلە وبلىستىق كىتاپحانانىڭ سيفرلى بايلىعىن ’انار ٴدانى كىتاپ ۇيىنە‘ جەتكىزەمىز، سونىمەن بىرگە كىتاپ ۇيىنە سۇيەنىپ جالپى حالىقتىق كىتاپ وقۋ قيمىلىن ورىستەتىپ، مادەنيەت ارقىلى شينجياڭدى نارلەندىرۋ قىزمەتىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتۋگە جاڭا قوزعاۋشى قۋات ۇستەيمىز“.