سۋرەتتە: قيمىل مايدانى.   ياڭ جيڭ - ي فوتوسى.

ٴتىلشىمىز ياڭ جيڭ - ي حابارلايدى. 10 - ايدىڭ 30 - كۇنى ”جياڭسۋ - ىلە سۇيىسپەنشىلىگى. نانجيڭ مەن قۇلجا ساپارلاس“ اتىنداعى 2025 - جىلعى شينجياڭ نانجيڭ اسەمونەر اۋىس - كۇيىس كورمەسى قۇلجا قالاسىنداعى الەكساندىر گارمون مۇراجايىندا رەسمي باستالدى. وسى رەتكى كورمە اسەمونەردى دانەكەر ەتىپ، ەكى جەردىڭ مادەنيەت اۋىس - كۇيىس كوپىرىن سالىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىنا مادەنيەت كوركىن قوستى. 

ۇعىسۋعا قاراعاندا، بۇل رەتكى قيمىلدى نانجيڭ قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق قىزمەت گرۋپپاسى قولداعان، جۇڭگو كوممۋنيستىك پارتياسى قۇلجا قالالىق كوميتەتىنىڭ ۇگىت ٴبولىمى، نانجيڭ قالالىق مادەنيەت جانە ساياحات مەكەمەسى، نانجيڭ قالالىق ادەبيەت - كوركەمونەرشىلەر بىرلەستىگى، شينجياڭ اسەمونەرشىلەر قوعامى بىرلەسىپ ۇيىمداستىرعان، قۇلجا قالالىق ادەبيەت - كوركەمونەرشىلەر بىرلەستىگى، قۇلجا قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى، نانجيڭ حاتكەرلىك - سۋرەت اكادەمياسى (جينليڭ اسەمونەر سارايى) مىندەتىنە العان.

 بۇل رەتكى كورمە شينجياڭدى مادەنيەتپەن نارلەندىرۋدىڭ ناقتى امالياتى ٴارى جۇڭحۋا ۇلتى ورتاق تۇلعا تانىمىن جۇرت جۇرەگىنە تەرەڭ ۇيالاتۋدىڭ جاندى دانەكەرى. بيىل شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى، كورمە اسەمونەر تۋىندىلارى ارقىلى شينجياڭداعى ٴار ۇلت حالقىنىڭ پارتيا مەن مەملەكەتكە دەگەن العىس سەزىمىن، سونداي - اق تاماشا تۇرمىسقا دەگەن ماداعىن جەتكىزدى.

 ماي بوياۋلى سۋرەت تۋىندىلارى الدىندا كورەرمەندەر بىردە ٴسال ايالداپ، جاسامپازدىق جاراتۋ ٴتاسىلى مەن سۋرەت كورىنىسى تۋراسىندا باسەڭ داۋىسپەن پىكىر اۋىستىرسا؛ بىردە قول تەلەفوندارىنا سۋرەتتەگى كەڭ بايتاق ساحارا مەن تابيعاتتىڭ كوركەمدىگىن ٴتۇسىرىپ جاتتى. كوپتەگەن كورەرمەن بىلاي دەدى: تۋىندىلاردان شينجياڭنىڭ تابيعاتى مەن گۋمانيتارلىق كوركەمدىگىن كورىپ قانا قويماي، ٴار ۇلت بۇقاراسىنىڭ ىنتىماقتاسا العا باسقان رۋحاني بەت - بەينەسىندە سەزىندىك.

 ايتا كەتۋگە تاتيتىنى، بيىل 4 - ايدا ”وسى جەردىڭ كورىنىسى. شينجياڭ جاقسى جەر“ اتىنداعى شينجياڭ اسەمونەر ايگىلى تۋىندىلارى كورمەسى نانجيڭ قالاسىنداعى جينليڭ اسەمونەر سارايىندا اشىلدى، مۇندا  اسەمونەر جاسامپازدىعى تۋراسىندا اۋىس - ٴتۇيىس جاساۋ، زەرتتەۋ - تالقى جۇرگىزۋ، سالت - سانا جاسامپازدىعى سياقتى جەلىلەس قيمىلدار قاتار ورىستەتىلىپ، ەكى جاق بىرلەسىپ وتكىزەتىن كورمەگە نەگىز قالادى. وسى رەت كورمەگە قويىلعان تۋىندىلاردىڭ دەنى سۋرەتشىلەردىڭ تۇرمىسقا تامىر تارتىپ، بۇقارامەن ەتەنە بولۋداي جاسامپازدىق جەتىستىگى سانالادى. سۋرەتشىلەر قىراعىلىقپەن شينجياڭنىڭ ەكونوميكالىق قۇرىلىسىنا، قوعامدىق دامۋ شۇعىلالى ساتتەرىنە ٴۇڭىلىپ، شينجياڭنىڭ جاراتىلىستىق كورىنىسىن، گۋمانيتارلىق سالت - ساناسىن جاندى تۇردە ايگىلەپ، شينجياڭنىڭ ەكونوميكا، قوعام، ۇلتتار ىنتىماعى سياقتى سالالارداعى شۇعىلالى تابىستارىنا كۋا بولدى. ”مادەنيەتتىڭ توعىسۋى مەن اۋىس - ٴتۇيىس جاساۋى توتەنشە ماڭىزدى“. ىلە وبلىستىق اسەمونەرشىلەر قوعامىنىڭ ٴتوراعاسى جاۋ حۇڭلين تىلشىلىكتى قابىلداعاندا بىلاي دەدى: 4 - ايدا نانجيڭدەگى كورمە كەزىندە، جەرگىلىكتى كوركەمونەرشىلەر شينجياڭ تۋىندىلارىنا جاقسى باعاسىن ايتىپ، شىنايى ۇسىنىسىن بەردى. بۇگىنگى تاڭدا كورمە شينجياڭعا قايتىپ، ىلەگە ىرگە تەپتى، جياڭسۋدىڭ تاڭداۋلى تۋىندىلارى شينجياڭنىڭ جەرگىلىكتى جاسامپازدىعىمەن تىلدەسىپ، مادەنيەت ارقىلى شينجياڭدى نارلەندىرۋىن پارمەندى ىلگەرىلەتتى. كورمەگە قويىلعان ٴار ۇلت كوركەمونەرشىلەرىنىڭ تۋىندىلارى تۇگەلدەي ”ومىرگە ىشكەرىلەي ارالاسىپ، حالىققا تامىر تارتۋدى“ وزەك ەتىپ، جاڭا داۋىردەگى شينجياڭنىڭ دامۋىن ايگىلەدى، مىنە بۇل كوركەمونەر جاسامپازدىعىنىڭ ٴمانى.