تىلشىلەرىمىز كاميلا، لۋ جۇڭ، ياڭ جيڭ - ي، اراي، جاۋ شياۋفاڭ، ٴلادينا حابارلايدى. 1 - ايدىڭ 11 - كۇنى تۇستەن كەيىن ساياسي كەڭەس ىلە وبلىستىق 14 - كەزەكتى كوميتەتى 4 - ٴماجىلىسىنىڭ گرۋپپالار تالقىسىندا ساياسي كەڭەس مۇشەلەرى ىلە وبلىستىق ساياسي كەڭەس تۇراقتى كوميتەتىنىڭ قىزمەت بايانداماسى مەن ساياسي كەڭەس وبلىستىق 14 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتى توڭىرەگىندە قىزۋ تالقى ورىستەتتى. ناتيجەنى، دامۋدى، بولاشاقتى تىلگە تيەك ەتىپ، سەنىمدى كۇشەيتتى... مۇشەلەر ٴوز كوزقاراستارىن ٴبىلدىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا كورىكتى ىلە قۇرۋعا بىرگە اقىل - كەڭەس بەردى.

ساياسي كەڭەس مۇشەلەرى ٴبىر اۋىزدان بىلاي دەپ قارادى: ەكى بايانداما ساياسي كەڭەس وبلىستىق 14 - كەزەكتى كوميتەتىنىڭ 3 - ماجىلىسىنەن بەرگى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، كەڭەس بەرۋ سياقتى جاقتاردا قول جەتكىزگەن قىزمەت تابىستارى جان - جاقتى ايگىلەنگەن. كوپشىلىك جابال مىنانى ٴبىلدىردى: مىندەت اتقارىپ، حالىق ٴۇشىن قىزمەت ىستەۋ اۋەلگى ماقساتىن قاي ـ قاشان دا ۇمىتپاي، نازاردى دامۋ ۇلى جوسپارىنا شوعىرلاندىرىپ، ساياسي كەڭەس قىزمەتىنىڭ داۋىرمەن بىرگە العا باسۋىن ىلگەرىلەتىپ، ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىنا ساياسي كەڭەس مۇشەلەرىنىڭ ٴتيىستى ۇلەسىن قوسامىز.

وبلىستىق ساياسي كەڭەستىڭ مۇشەسى، قورعاس امبەباپ قورعامالى باجى رايونى كەڭسەسىنىڭ ورىنباسار مەڭگەرۋشىسى گى چۋانحۇي بىلاي دەدى: ”بايانداما اسا جوعارى كورەگەندىك جانە جەتەكشىلىك سيپاتقا يە. ساياسي كەڭەس مۇشەسى رەتىندە مەن سىرتقى ساۋدا كاسىپورىندارى، كاسىپتىك قوعامدار، كەدەن سياقتى تاراۋلارعا بارىپ تەكسەرۋ ـ زەرتتەۋ جۇرگىزىپ، سىرتقى ساۋدا ەكونوميكاسىنىڭ قازىرگى جاعدايىن، دامۋ بەتالىسىن، سونداي ـ اق ٴدوپ كەلگەن سىن ـ سايىستاردى ۇعىسىپ، ٴبىرىنشى قول ماتەريالداردى يگەرىپ، عىلمي، ۇيلەسىمدى ساياساتتىق ۇسىنىستاردى بەلگىلەۋگە پارمەندى تىرەك ازىرلەپ، ۇكىمەتتىڭ ەكونوميكالىق شەشىم جاساۋىنا پارمەندى پايدالانۋ ماتەريالىن ازىرلەدىم. مەن ٴوزىمنىڭ ۇيرەنۋىمدى ۇزدىكسىز كۇشەيتىپ، سىرتقى ساۋداعا قاتىستى بىلىمدەر مەن ساياساتتاردى ٴتۇسىنۋ قابىلەتىمدى جوعارىلاتىپ، قىزمەت جاۋاپكەرشىلىگىمدى اناعۇرلىم ويداعىداي اتقارامىن“.

”مەنىڭ ەڭ ۇلكەن اسەرىم باياندامانىڭ توتەنشە ناقتى بولعاندىعى، قورىتىندىلاعان قىزمەت ناتيجەسى − ساياسي كەڭەس مۇشەلەرىنىڭ ناقتى ىستەۋ ستيلىنىڭ شىنايى بەينەسى“. وبلىستىق ساياسي كەڭەستىڭ مۇشەسى، تارباعاتاي ايماقتىق دەنساۋلىق ساقتاۋ، سالاماتتىق كوميتەتىنىڭ پارتيا باسشىلىق گرۋپپاسى مۇشەسى، ورىنباسار مەڭگەرۋشىسى باعدات نۇرمۇقاش ۇلى باياندامامەن ۇشتاستىرىپ بىلاي دەدى: ”ٴماجىلىس رۋحىن مۇقيات ۇيرەنىپ، دايەكتىلەندىرىپ، نازاردى دەنساۋلىق ساقتاۋ، سالاماتتىق قىزمەتى سالاسىنا شوعىرلاندىرىپ، الەۋمەتتىك دەنساۋلىق ساقتاۋدى جاقسارتىپ، ٴتۇيىندى جۇقپالى اۋرۋلاردان ساقتانۋ ـ تىزگىندەۋ قىزمەتىن كۇشەيتىپ، بۇقارانىڭ ٴومىرىنىڭ حاۋىپسىزدىگى مەن دەنساۋلىعىن قامتاماسىز ەتۋگە ۇلەس قوسامىز“.

وبلىستىق ساياسي كەڭەستىڭ مۇشەسى، موڭعۇلكۇرە اۋدانى اقدالا قالاشىعىنىڭ ورىنباسار باستىعى ليۋ زىحاۋ «موڭعۇلكۇرە اۋدانىنىڭ كۇتىنۋ كاسىپ سالاسىن زور كۇشپەن دامىتۋ جونىندەگى» ۇسىنىس جوبانى الا كەلدى. باياندامادا العا قويىلعان ”جۇمىستاندىرۋ، وقۋ - اعارتۋ، ەمدەۋ، تۇرعىن ٴۇي، اماناتتاپ قاراۋ، بالاباقشا، زەينەتكەرلىك سياقتى بۇقارانىڭ كوكەيىندەگى حالىق تۇرمىسىنا قاتىستى ٴىرى ىستەر مەن ٴار كۇنى جولىعىپ تۇراتىن شەشۋشى ۇساق ىستەردى تىڭعىلىقتى ورىنداۋ“ وعان تەرەڭ شابىت بەرگەن. ول زەينەتكەرلىككە قىزمەت وتەۋ قۇرىلعىلارىنان ٴبىر توبىن جاڭادان قۇرىپ، وزگەرتىپ، وزىق ەمدەۋ جابدىقتارىن ەنگىزىپ، جەرگىلىكتى كۇتىمدەۋ قىزمەتكەرلەرىن جەتىلدىرىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋدى ۇسىنىس ەتتى.

سۋرەتتە: گرۋپپالار تالقىسىنان كورىنىس.

سۇن ي - نان فوتوسى